ಹೃದಯ ಶ್ರೀಮಂತಿಕೆಯ ಭಾರತೀಯನದು ಅತಿ ದುರ್ಬಲ ಹೃದಯ!
ಹೃದಯ
ಶ್ರೀಮಂತಿಕೆಯ
ಭಾರತೀಯನದು
ಅತಿ
ದುರ್ಬಲ
ಹೃದಯ!
ಡಿಸೆಂಬರ್
2ರಿಂದ
ಬೆಂಗಳೂರಲ್ಲಿ
ಸಿಎಸ್ಐನ
56ನೇ
ವಾರ್ಷಿಕ
ಸಮಾವೇಶ
ಯುರೋಪ್ ಮತ್ತು ಅಮೆರಿಕಕ್ಕಿಂಥ ನಾಲ್ಕು ಪಟ್ಟು ಹೆಚ್ಚು , ಚೀನಾಕ್ಕಿಂಥ ಆರುಪಟ್ಟು ಹೆಚ್ಚು ಹಾಗೂ ಜಪಾನ್ಗಿಂಥ ಹತ್ತು ಪಟ್ಟು ಹೆಚ್ಚು ಹೃದಯಾಘಾತಗಳು ಭಾರತದಲ್ಲಿ ಸಂಭವಿಸುತ್ತವೆ ಎಂದು ಹೃದಯ ತಜ್ಞ ಡಾ.ಸಿ.ಎನ್.ಮಂಜುನಾಥ್ ತಿಳಿಸಿದ್ದಾರೆ.
ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಡಿಸೆಂಬರ್ 2ರಿಂದ 5ರವರೆಗೆ ಸಿಎಸ್ಐನ 56ನೇ ವಾರ್ಷಿಕ ಸಮಾವೇಶ ನಡೆಯುತ್ತಿದ್ದು , ಈ ಸಮಾವೇಶದಲ್ಲಿ ಸುಮಾರು 120 ದೇಶಗಳ 350 ಹೃದಯ ತಜ್ಞರು ಭಾಗವಹಿಸುತ್ತಿದ್ದಾರೆ. ಈ ಬೃಹತ್ ಸಮ್ಮೇಳನದ ವಿವರಗಳನ್ನು ಸುದ್ದಿಗಾರರಿಗೆ ನೀಡಿದ ಸಂದರ್ಭದಲ್ಲಿ ಡಾ. ಮಂಜುನಾಥ್ ಭಾರತೀಯರ ದುರ್ಬಲ ಹೃದಯದ ಕುರಿತು ಆತಂಕ ವ್ಯಕ್ತಪಡಿಸಿದರು.
ಅರವತ್ತರ ದಶಕದಲ್ಲಿ ದೇಶದ ಜನಸಂಖ್ಯೆಯಲ್ಲಿ ಶೇ.3ರಷ್ಟು ಮಾತ್ರ ಹೃದಯಾಘಾತಗಳು ಮಾತ್ರ ಸಂಭವಿಸುತ್ತಿದ್ದವು. ಆದರಿಂದು ಈ ಪ್ರಮಾಣ ಶೇ.10-12ಕ್ಕೆ ತಲುಪಿದೆ. ಹೃದಯಾಘಾತಕ್ಕೆ ಒಳಗಾಗುವ ಪ್ರತಿ ಮೂವರಲ್ಲೊಬ್ಬರು 40 ಕ್ಕಿಂಥ ಕಡಿಮೆ ವಯಸ್ಸಿನವರು ಎಂದು ಖೇದ ವ್ಯಕ್ತಪಡಿಸಿದ ಡಾ.ಮಂಜುನಾಥ್- 2020ರ ವೇಳೆಗೆ ಭಾರತ ಹೃದ್ರೋಗಿಗಳ ರಾಜಧಾನಿ ಆಗುವ ಸಾಧ್ಯತೆಯಿದೆ ಎಂದರು.
ಹೃದಯ ಶಸ್ತ್ರಚಿಕಿತ್ಸೆ , ಚಿಕಿತ್ಸೆಯ ಸಂಕಷ್ಟಗಳು, ಚಿಕಿತ್ಸೆಯ ವಾತಾವರಣ ಇತ್ಯಾದಿ ವಿಷಯಗಳ ಕುರಿತು ಸಮ್ಮೇಳನದಲ್ಲಿ ಚರ್ಚಿಸಲಾಗುವುದು ಎಂದು ಸಮ್ಮೇಳನದ ಸಂಚಾಲಕರೂ ಆದ ಡಾ.ಮಂಜುನಾಥ್ ಹೇಳಿದರು.
(ಇನ್ಫೋ ವಾರ್ತೆ)
ಮುಖಪುಟ / ವಾರ್ತೆಗಳು