ಹ್ಯೂಸ್ಟನ್‌ : ಅ. 2 ಶಾಂತಿದೂತ ಮಹಾತ್ಮ ಗಾಂಧಿ ಪ್ರತಿಮೆ ಅನಾವರಣ

ಹ್ಯೂಸ್ಟನ್‌ : ಅ. 2 ಶಾಂತಿದೂತ ಮಹಾತ್ಮ ಗಾಂಧಿ ಪ್ರತಿಮೆ ಅನಾವರಣ
135ನೇ ವರ್ಷದ ಗಾಂಧಿ ಜಯಂತಿ ಸಂಭ್ರಮಕ್ಕೆ ಹತ್ತಾರು ಕಾರ್ಯಕ್ರಮಗಳು

ಶಾಂತಿಯ ಮಹತ್ವವನ್ನು ಜಗತ್ತಿಗೆ ಸಾರಿದ ಗಾಂಧೀಜಿಯ 135ನೇ ಜಯಂತಿ ಹಿನ್ನೆಲೆಯಲ್ಲಿ ಶನಿವಾರ(ಅಕ್ಟೋಬರ್‌ 2)ರಂದು ಹ್ಯೂಸ್ಟನ್‌ನಲ್ಲಿ ಕಂಚಿನ ಗಾಂಧಿ ಪ್ರತಿಮೆಯನ್ನು ಸ್ಥಾಪಿಸಲು ಸಿದ್ದತೆಗಳು ನಡೆದಿವೆ.

ಕಲಾವಿದ ರಾಮ್‌ ಸುತಾರ್‌ ತಯಾರಿಸಿರುವ ಈ ಕಂಚಿನ ಪ್ರತಿಮೆಯನ್ನು ಭಾರತ ಸರಕಾರವು ಹ್ಯೂಸ್ಟನ್‌ ಪೌರರಿಗೆ ಸ್ನೇಹದ ಸಂಕೇತವಾಗಿ ನೀಡಿತ್ತು. ಸುಮಾರು 6 ಆಡಿ ಎತ್ತರದ ಈ ಪ್ರತಿಮೆಯನ್ನು ನಗರದ ಹರ್ಮನ್‌ ಉದ್ಯಾನದಲ್ಲಿ ಅಕ್ಟೋಬರ್‌ 2ರಂದು ಅನಾವರಣಗೊಳಿಸಲಾಗುತ್ತಿದೆ. ಪ್ರತಿವರ್ಷ ಮಿಲಿಯನ್‌ಗಟ್ಟಲೇ ಪ್ರವಾಸಿಗರು ಭೇಟಿ ನೀಡು ವ ಈ ಉದ್ಯಾನದಲ್ಲಿ ಗಾಂಧಿ ಪ್ರತಿಮೆಗೆ ಸ್ಥಾನ ಕಲ್ಪಿಸಲಾಗಿದೆ.

ಹ್ಯೂಸ್ಟನ್‌ನ ಮೇಯರ್‌ ಬಿಲ್‌ ವೈಟ್‌ವಿಲ್‌, ಭಾರತದ ರಾಯಭಾರಿಯವರಿಂದ ಪ್ರತಿಮೆಯನ್ನು ಸಾಂಕೇತಿಕವಾಗಿ ಸ್ವೀಕರಿಸಿದ್ದರು. ನಗರದಲ್ಲಿನ ಭಾರತೀಯ ಸಮುದಾಯವು ಸೆ.27ರಿಂದ ಅಕ್ಟೋಬರ್‌ 3 ರವರೆಗೆ ಸತತವಾಗಿ ಗಾಂಧಿ ಸಪ್ತಾಹವನ್ನು ಆಚರಿಸಲು ನಿರ್ಧರಿಸಿದೆ. ಗಾಂಧಿ ಬಗೆಗೆ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ.

(ಪಿಟಿಐ)

ಮುಖಪುಟ / ವಾರ್ತೆಗಳು

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !