• search

‘ಹತ್ತಿರದ ಕವಿ’ ನಿಸಾರರ ‘ಸ-ರಸೋಕ್ತಿಗಳ ಸಂಗಾತಿ’ ಪುಸ್ತಕ ಅನಾವರಣ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ‘ಹತ್ತಿರದ ಕವಿ’ ನಿಸಾರರ ‘ಸ-ರಸೋಕ್ತಿಗಳ ಸಂಗಾತಿ’ ಪುಸ್ತಕ ಅನಾವರಣ
    ಸಮೂಹ ಮಾಧ್ಯಮಗಳ ದಾಳಿಯಿಂದ ಕನ್ನಡ ತತ್ತರ -ನಿಸಾರ್‌ ವ್ಯಥೆ

    ಬೆಂಗಳೂರು: ನಾನು ಎತ್ತರದ ಕವಿಯಲ್ಲ ಹತ್ತಿರದ ಕವಿ. ಬದುಕಿನಲ್ಲಿ ಕಂಡ ರಸಮಯ ಕ್ಷಣಗಳನ್ನು, ಪಟ್ಟ ಕಷ್ಟಗಳನ್ನು, ಸ್ನೇಹಿತರ ಒಡನಾಟ ಹಾಗೂ ನನ್ನ ಸುತ್ತಲಿನ ಸೂಕ್ಷ್ಮತೆಗಳನ್ನು ಸ-ರಸೋಕ್ತಿಗಳ ಸಂಗಾತಿ ಪುಸ್ತಕದಲ್ಲಿ ಮೆಲುಕು ಹಾಕಿರುವುದಾಗಿ ಕವಿ ಕೆ.ಎಸ್‌. ನಿಸಾರ್‌ ಅಹಮದ್‌ ಹೇಳಿದರು.

    ನಿವೃತ್ತ ಕನ್ನಡ ಪ್ರಾಧ್ಯಾಪಕರಾದ ಪ್ರೊ.ಎಚ್‌.ಪಿ.ರಾಜಶೇಖರ ಶೆಟ್ಟಿಯವರ ನಿವಾಸದಲ್ಲಿ ಭಾನುವಾರ ತಮ್ಮ, ಸಮಗ್ರ ಕೃತಿಗಳಿಂದ ಹಾಗೂ ಅಪ್ರಕಟಿತ ಬರಹಗಳಿಂದ ಸಂಗ್ರಹಿಸಿದ ಚಿಂತನ ಪರ ನುಡಿಗಳ ‘ಸ-ರಸೋಕ್ತಿಗಳ ಸಂಗಾತಿ’ ಕೃತಿಯ ಬಿಡುಗಡೆ ಸಮಾರಂಭದಲ್ಲಿ ನಿಸಾರ್‌ ಅಹಮದ್‌ ಮಾತನಾಡಿದರು.

    ಸಮೂಹ ಮಾಧ್ಯಮಗಳ ದಾಳಿಯಿಂದ ಕನ್ನಡ ಸಾಹಿತ್ಯ ಸೊರಗುತ್ತಿದೆ. ಕನ್ನಡವನ್ನು ಆಡಳಿತ ಭಾಷೆಯನ್ನಾಗಿಸುವ ತನಕ ಕನ್ನಡಕ್ಕೆ ಉಳಿಗಾಲವಿಲ್ಲ ಎಂದು ನಿಸಾರ್‌ ಹೇಳಿದರು.

    ಪುಸ್ತಕ ಹೊರತಂದ ಸಪ್ನ ಬುಕ್‌ ಹೌಸ್‌ನ ನಿತಿನ್‌ ಶಾ ಮಾತನಾಡಿ, ನಾನು ಗುಜರಾತಿಗೆ ಸೇರಿದ್ದರೂ ಉತ್ತಮ ಕನ್ನಡ ಸಾಹಿತ್ಯವನ್ನು ಕನ್ನಡಿಗರಿಗೆ ತಲುಪಿಸುತ್ತಿದ್ದೇನೆ ಎಂದರು.

    ಪುಸ್ತಕ ಬಿಡುಗಡೆ ಮಾಡಿದ ನಿಸಾರರ ಒಡನಾಡಿ ಪ್ರೊ. ಎಂ.ಎಚ್‌.ಕೃಷ್ಣಯ್ಯ ಮಾತನಾಡಿ, ಇದು 18 ವರ್ಣನೆಯ ಪದ್ಯಗಳ ಸಂಗ್ರಹ. ಟಿ.ವಿ.ವೆಂಕಟಾಚಲ ಶಾಸ್ತ್ರಿಗಳ ಚೆನ್ನುಡಿ ಹಾಗೂ ದೇಜಗೌ ಆವರ ಕುವೆಂಪು ಸೂಕ್ತಿ ಸುಧಾಗಳ ಪರಂಪರೆಗೆ ಈ ಪುಸ್ತಕ ನೂತನ ಸೇರ್ಪಡೆ ಎಂದರು.

    ವಿಮರ್ಶಕ ಪ್ರೊ.ವಿವೇಕ್‌ ರೈ, ಸ್ವಾತಂತ್ರ್ಯಹೋರಾಟಗಾರ ಎಚ್‌.ಎಸ್‌.ದೊರೆಸ್ವಾಮಿ ಮತ್ತಿತರರು ಸಮಾರಂಭದಲ್ಲಿ ಪಾಲ್ಗೊಂಡಿದ್ದರು.

    (ಇನ್ಫೋ ವಾರ್ತೆ)


    ಮುಖಪುಟ / ವಾರ್ತೆಗಳು

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more