ನ್ಯಾಮತಿಯಲ್ಲಿ ಡೆಂಗ್ಯುಜ್ವರ ; ಆರೋಗ್ಯ ಇಲಾಖೆಯಲ್ಲಿ ಮಾಹಿತಿ ಬರ

ನ್ಯಾಮತಿಯಲ್ಲಿ ಡೆಂಗ್ಯುಜ್ವರ ; ಆರೋಗ್ಯ ಇಲಾಖೆಯಲ್ಲಿ ಮಾಹಿತಿ ಬರ
ನಾಲ್ವರು ರೋಗಿಗಳು ಹೆಚ್ಚಿನ ಚಿಕಿತ್ಸೆಗಾಗಿ ಮಣಿಪಾಲ್‌ಗೆ ರವಾನೆ

ಪಟ್ಟಣ ಹಾಗೂ ಆಸುಪಾಸಿನ ಪ್ರದೇಶಗಳಲ್ಲಿ ಮಾರಣಾಂತಿಕ ಡೆಂಗ್ಯು ಜ್ವರ ಕಾಣಿಸಿಕೊಂಡಿದೆ ಎಂದು ಶಂಕಿಸಲಾಗಿದ್ದು ನಾಗರಿಕರು ಆತಂಕ ಗೊಂಡಿದ್ದಾರೆ.

ನ್ಯಾಮತಿಯ ಖಾಸಗಿ ಆಸ್ಪತ್ರೆಯಲ್ಲಿ ಪರೀಕ್ಷೆಗೊಳಗಾದ ನಾಲ್ವರು ಡೆಂಗ್ಯು ಸೋಂಕು ಹೊಂದಿದ್ದಾರೆಂದು ವೈದ್ಯರು ಅಂದಾಜು ಮಾಡಿದ್ದು , ಈ ರೋಗಿಗಳನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಮಣಿಪಾಲ್‌ಗೆ ಕಳುಹಿಸಲಾಗಿದೆ. ಈ ಪ್ರದೇಶದಲ್ಲಿ ತಪಾಸಣೆಗೆ ಒಳಪಡದ ಡೆಂಗ್ಯು ಪೀಡಿತರು ಹೆಚ್ಚಿನ ಸಂಖ್ಯೆಯಲ್ಲಿರಬಹುದೆಂದು ಡಾ. ಎಚ್‌.ಎಂ.ನಾಗರಾಜ್‌ ಅನುಮಾನ ವ್ಯಕ್ತಪಡಿಸಿದ್ದಾರೆ.

ನ್ಯಾಮತಿ ಪ್ರದೇಶದಲ್ಲಿ ಡೆಂಗ್ಯು ಪೀಡಿತರ ನಿಖರ ಸಂಖ್ಯೆಯ ಬಗ್ಗೆ ತಾಲ್ಲೂಕು ಆರೋಗ್ಯ ಇಲಾಖೆಯಲ್ಲಿ ಯಾವುದೇ ಮಾಹಿತಿಯಿಲ್ಲ . ತಾಲ್ಲೂಕು ಆರೋಗ್ಯಾಧಿಕಾರಿ ಡಾ.ಕೆಂಚಪ್ಪ ಡೆಂಗ್ಯು ಪ್ರಕರಣಗಳು ವ್ಯಾಪಕವಾಗಿವೆ ಎನ್ನುವುದನ್ನು ನಿರಾಕರಿಸಿದ್ದಾರೆ. ಕೇವಲ ಇಬ್ಬರಿಗೆ ಡೆಂಗ್ಯು ಇರಬಹುದೆಂದು ಶಂಕಿಸಲಾಗಿದೆ. ಶಂಕಿತ ರೋಗಿಗಳ ಸೀರಂನ್ನು ಬೆಂಗಳೂರಿನ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ ಎಂದು ಡಾ.ಕೆಂಚಪ್ಪ ತಿಳಿಸಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು