ಲೋಕಸಭೆ ಚುನಾವಣೆಯಲ್ಲಿ ಎನ್‌ಡಿಎ ಪ್ರಚಂಡಜಯ-ಸಮೀಕ್ಷೆ

ಲೋಕಸಭೆ ಚುನಾವಣೆಯಲ್ಲಿ ಎನ್‌ಡಿಎ ಪ್ರಚಂಡಜಯ-ಸಮೀಕ್ಷೆ
ಇಂಡಿಯಾ ಟುಡೆ ನಡೆಸಿದ ಸಮೀಕ್ಷೆಯಲ್ಲಿ ಎನ್‌ಡಿಎಗೆ ಮತದಾರರ ಒಲವು

ಮುಂಬರುವ ಲೋಕಸಭಾ ಚುನಾವಣೆಗಳಲ್ಲಿ ಬಿಜೆಪಿ ನೇತೃತ್ವದ ರಾಷ್ಟ್ರೀಯ ಪ್ರಜಾ ಸತ್ತಾತ್ಮಕ ಒಕ್ಕೂಟ ಭಾರೀ ಬಹುಮತ ಪಡೆಯುವುದೆಂದು ಇಂಡಿಯಾ ಟುಡೆ ಸಮೀಕ್ಷೆ ತಿಳಿಸಿದೆ.

‘ಮೂಡ್‌ ಆಫ್‌ ದಿ ನೇಷನ್‌’ ಎನ್ನುವ ಹೆಸರಿನಲ್ಲಿ ORG-MARG ಸಂಸ್ಥೆಯ ನೆರವಿನೊಂದಿಗೆ ಇಂಡಿಯಾ ಟುಡೆ ನಡೆಸಿದ ಸಮೀಕ್ಷೆ ಪ್ರಕಟವಾಗಿದ್ದು - 545 ಸಂಖ್ಯೆಯ ಲೋಕಸಭೆಯಲ್ಲಿ ಎನ್‌ಡಿಎ 330ರಿಂದ 340 ಸ್ಥಾನ ಪಡೆಯಲಿದೆ ಎಂದು ಸಮೀಕ್ಷೆ ಭವಿಷ್ಯ ನುಡಿದಿದೆ.

ಸಮೀಕ್ಷೆಯ ಎರಡು ಪ್ರಮುಖ ಅಂಶಗಳು :

• ಎನ್‌ಡಿಎ ಕಳೆದ ಬಾರಿಗಿಂತ ಸುಮಾರು 30 ಸ್ಥಾನಗಳನ್ನು ಹೆಚ್ಚಾಗಿ ಪಡೆಯಲಿದೆ. 1999 ರ ಚುನಾವಣೆಯಲ್ಲಿ ಎನ್‌ಡಿಎ 304 ಸ್ಥಾನ ಪಡೆದಿತ್ತು .
• ಕಾಂಗ್ರೆಸ್‌ ಹಾಗೂ ಮಿತ್ರಪಕ್ಷಗಳು 30 ಸ್ಥಾನಗಳನ್ನು ಕಳೆದುಕೊಳ್ಳಲಿದ್ದು , ಈ ಒಕ್ಕೂಟ 105 ರಿಂದ 115 ಸ್ಥಾನ ಪಡೆಯುವ ನಿರೀಕ್ಷೆಯಿದೆ.

90 ಲೋಕಸಭಾ ಕ್ಷೇತ್ರಗಳ 17,649 ಮತದಾರರನ್ನು ಸಂದರ್ಶಿಸುವ ಮೂಲಕ ಇಂಡಿಯಾಟುಡೆ-ಮಾರ್ಗ್‌ ಸಮೀಕ್ಷೆ ತನ್ನ ಮುನ್ಸೂಚನೆಗಳನ್ನು ಪ್ರಕಟಿಸಿದೆ. ಸಮೀಕ್ಷೆಯಲ್ಲಿ ಗ್ರಾಮೀಣ ಹಾಗೂ ನಗರ ಪ್ರದೇಶದ, ಎಲ್ಲ ವಯೋಮಾನದ ಸ್ತ್ರೀ-ಪುರುಷ ಮತದಾರರ ಅಭಿಪ್ರಾಯ ಸಂಗ್ರಹಿಸಲಾಗಿದೆ.

2004ನೇ ಇಸವಿಯ ಜನವರಿ 9ರಿಂದ 17ರವರೆಗೆ ಈ ಸಮೀಕ್ಷೆ ನಡೆಸಲಾಗಿದೆ. ಈ ಸಮೀಕ್ಷೆ ನಡೆಸುವ ಕಾಲಕ್ಕೆ ಎನ್‌ಡಿಎ ಹಾಗೂ ತಮಿುನಾಡಿನ ಅಣ್ಣಾಡಿಎಂಕೆ ನಡುವಿನ ಒಪ್ಪಂದ ಏರ್ಪಟ್ಟಿರಲಿಲ್ಲ .

(ಏಜನ್ಸೀಸ್‌)

ಮುಖಪುಟ / ವಾರ್ತೆಗಳು