ಕೆಂಗೇರಿ ಟು ವೈಟ್‌ಫೀಲ್ಡ್‌ : ಶೀಘ್ರ ಬೆಂಗಳೂರು ನಗರ ರೈಲು

ಕೆಂಗೇರಿ ಟು ವೈಟ್‌ಫೀಲ್ಡ್‌ : ಶೀಘ್ರ ಬೆಂಗಳೂರು ನಗರ ರೈಲು
ಮಹಾನಗರದ ಸಂಚಾರ ದಟ್ಟಣೆ ಪರಿಹಾರಕ್ಕೊಂದು ಉಪಾಯ...

ನಗರದ ಕೆಂಗೇರಿ ಹಾಗೂ ವೈಟ್‌ಫೀಲ್ಡ್‌ ನಡುವೆ ರೈಲು ಸಂಚಾರವನ್ನು ಆರಂಭಿಸಲು ಭಾರತೀಯ ರೈಲ್ವೆ ಇಲಾಖೆ ಸಮರೋಪಾದಿ ಸಿದ್ಧತೆಗಳನ್ನು ನಡೆಸಿದೆ.

ಕೆಂಗೇರಿ ಹಾಗೂ ವೈಟ್‌ಫೀಲ್ಡ್‌ ನಡುವಿನ ರೈಲುಮಾರ್ಗದಲ್ಲಿ ಹೆಚ್ಚುವರಿ ಹಳಿ ಜೋಡಣೆ ಕಾರ್ಯ ಪ್ರಗತಿಯಲ್ಲಿದ್ದು , ಡಿಸೆಂಬರ್‌ ವೇಳೆಗೆ ಈ ಕಾಮಗಾರಿ ಕೊನೆಗೊಳ್ಳುವ ನಿರೀಕ್ಷೆಯಿದೆ. ನಗರದ ಸಂಚಾರ ಅವ್ಯವಸ್ಥೆಗೆ ಈ ರೈಲು ಪರಿಹಾರ ಒದಗಿಸುತ್ತದೆಂದು ನಂಬಲಾಗಿದೆ.

ಬೆಂಗಳೂರಿನ ನಗರ ರೈಲು ಎರಡು ಮಾರ್ಗಗಳಲ್ಲಿ ಸಂಚರಿಸಲಿದೆ. ವೈಟ್‌ಫೀಲ್ಡ್‌ , ಬೈಯ್ಯಪ್ಪನಹಳ್ಳಿ, ಬೆಂಗಳೂರು ಕಂಟೋನ್ಮೆಂಟ್‌ ಮಾರ್ಗವಾಗಿ ಸಂಚರಿಸುವ ರೈಲು ಕೆಂಗೇರಿಯನ್ನು ತಲುಪಲಿದೆ. ಈ ಮಾರ್ಗ ಯಶವಂತಪುರವನ್ನೂ ಒಳಗೊಳ್ಳಲಿದೆ. 6 ಲಕ್ಷ ಪ್ರಯಾಣಿಕರು ಈ ರೈಲ್ವೆ ಮಾರ್ಗದ ಸವಲತ್ತು ಹೊಂದುವ ನಿರೀಕ್ಷೆಯಿದೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು