ಮಲ್ಲಿಗೆ ಕವಿ ನರಸಿಂಹಸ್ವಾಮಿ ತೊಡೆಗೆ ಪೆಟ್ಟು , ಆಸ್ಪತ್ರೆಗೆ ದಾಖಲು

ಮಲ್ಲಿಗೆ ಕವಿ ನರಸಿಂಹಸ್ವಾಮಿ ತೊಡೆಗೆ ಪೆಟ್ಟು , ಆಸ್ಪತ್ರೆಗೆ ದಾಖಲು
ಕನ್ನಡದ ಹಿರಿಯ ಲೇಖಕರಿಗಿದು ಅನಾರೋಗ್ಯದ ಕಾಲ

ಮಂಚದ ಮೇಲಿನಿಂದ ಬಿದ್ದು ತೊಡೆಗೆ ಪೆಟ್ಟು ಮಾಡಿಕೊಂಡಿರುವ ಮೈಸೂರು ಮಲ್ಲಿಗೆ ಕವಿ ಡಾ.ಕೆ.ಎಸ್‌.ನರಸಿಂಹಸ್ವಾಮಿ ಅಸ್ವಸ್ಥರಾಗಿದ್ದು , ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಮಂಚದ ಮೇಲೆ ಕುಳಿತುಕೊಳ್ಳಲು ಹೋಗಿ ಆಯತಪ್ಪಿ ಕೆಳಗೆ ಬಿದ್ದಿರುವ ನರಸಿಂಹಸ್ವಾಮಿ ಅವರ ತೊಡೆಯ ಮೂಳೆಗೆ ಪೆಟ್ಟಾಗಿದೆ. 88 ರ ವಯಸ್ಸಿನ ನರಸಿಂಹಸ್ವಾಮಿ ಅವರಿಗೆ ದೃಷ್ಟಿ ಮಂಜಾಗಿದ್ದು , ನಿಶ್ಶಕ್ತಿಯಿಂದ ಬಳಲುತ್ತಿದ್ದಾರೆ.

ಕೆಲವು ದಿನಗಳ ಹಿಂದೆ ಪಂಪ ಪ್ರಶಸ್ತಿ ವಿಜೇತ ಸಾಹಿತಿ ಹಾಗೂ ಶತಾಯುಷಿ ಎ.ಎನ್‌.ಮೂರ್ತಿರಾವ್‌ ಅವರು ಕೂಡ ಮೂಳೆಗೆ ಪೆಟ್ಟು ಮಾಡಿಕೊಂಡು ಗಾಯಗೊಂಡಿದ್ದರು. ಪ್ರಸ್ತುತ ಮೂರ್ತಿರಾವ್‌ ಚೇತರಿಸಿಕೊಂಡು ಆರೋಗ್ಯವಾಗಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು