ದೇಶೀಯ ವೈದ್ಯ ಪದ್ಧತಿಗೆ ಉತ್ತೇಜನ, ಕೃಷಿ - ಆರ್ಥಿಕ ವಲಯಕ್ಕೆ ಒತ್ತು

ನವದೆಹಲಿ : ಕೇಂದ್ರ ಅರ್ಥ ಸಚಿವ ಯಶವಂತಸಿನ್ಹ ಅವರು ಗುರುವಾರ ಮಂಡಿಸಿದ 2002-03 ಕೇಂದ್ರ ಆಯವ್ಯಯ ಸಾಮಾನ್ಯನಿಗೆ ಹೊರೆಯಾದ ಬಜೆಟ್‌ ಎಂದು ಪ್ರತಿಪಕ್ಷಗಳು ಬಣ್ಣಿಸಿದ್ದರೆ, ಇದೊಂದು ಶ್ರೀಸಾಮಾನ್ಯನಿಗೆ ಹೊರೆಯಾಗದ ಅಭಿವೃದ್ಧಿ ಬಜೆಟ್‌ ಎಂದು ಸ್ವತಃ ಸಿನ್ಹ ಅವರೇ ಘೋಷಿಸಿದ್ದಾರೆ.

ಈ ಬಾರಿಯ ಬಜೆಟ್‌ನಲ್ಲಿ ಕೃಷಿ ಹಾಗೂ ಆರ್ಥಿಕ ವಲಯಕ್ಕೆ ಆದ್ಯತೆ ನೀಡಿರುವುದು ಮೇಲ್ನೋಟಕ್ಕೆ ಕಾಣುತ್ತಿದೆ. ದೇಶೀಯ ವೈದ್ಯ ಪದ್ಧತಿಗೆ ಉತ್ತೇಜನ ನೀಡಲಾಗಿದೆ. ಬಜೆಟ್‌ ಮುಖ್ಯಾಂಶಗಳು :

• ಸಾಂಸ್ಥಿಕ ಆದಾಯ ತೆರಿಗೆಯಲ್ಲೂ ಬದಲಾವಣೆ ಇಲ್ಲ
• ಅನಿವಾಸಿ ಭಾರತೀಯರಿಗೆ ವಿದೇಶೀ ಕರೆನ್ಸಿ ರೂಪದಲ್ಲೇ ಹಣವನ್ನು ಸ್ವದೇಶಕ್ಕೆ ಕಳುಹಿಸಲು ಅವಕಾಶ.
• ಅನಿವಾಸಿ ಭಾರತೀಯರ ಠೇವಣಿ ಯೋಜನೆಗಳಿಗೆ ಸಂಪೂರ್ಣ ಪರಿವರ್ತನೆಯ ಅವಕಾಶ.
• ಮ್ಯುಚುಯಲ್‌ ಫಂಡ್‌ಗಳಿಗೆ ನೀಡುತ್ತಿರುವ ತೆರಿಗೆ ವಿನಾಯಿತಿ ಮುಂದುವರಿಕೆ
• ದೇಶೀಯ ವೈದ್ಯ ಪದ್ಧತಿಗೆ ಉತ್ತೇಜನ
• ಕೃಷಿ ಸಂಶೋಧನೆಗೆ ಹೆಚ್ಚಿನ ಅನುದಾನ
• ಕಿಸಾನ್‌ಕಾರ್ಡ್‌ ಯೋಜನೆಗೆ ಮತ್ತುಷ್ಟು ಪ್ರೋತ್ಸಾಹ
• ರಸ್ತೆ, ರೈಲು, ವಿದ್ಯುತ್‌ ಅಭಿವೃದ್ಧಿ ಯೋಜನೆ ಗಾತ್ರ 37919 ಕೋಟಿ ರುಪಾಯಿ
• ಶ್ರೀಸಾಮಾನ್ಯನ ಪಾಲಿಗೆ ಹೊರೆಯಾದ ಬಜೆಟ್‌ - ಪ್ರತಿಪಕ್ಷಗಳ ಟೀಕೆ
• ಕೃಷಿ ಹಾಗೂ ಹಣಕಾಸು ವಲಯಕ್ಕೆ ಹೆಚ್ಚಿನ ಒತ್ತು
• ಜನಸಾಮಾನ್ಯರಿಗೆ ಹೊರೆಯಾಗದ ಅಭಿವೃದ್ಧಿ ಪರ ಬಜೆಟ್‌ - ಸಿನ್ಹ ಘೋಷಣೆ
• ಸಾರ್ವತ್ರಿಕ ಪ್ರಾಥಮಿಕ ಶಿಕ್ಷಣಕ್ಕೆ 1650 ಕೋಟಿ ರುಪಾಯಿ
• ಯಂತ್ರೋಪಕರಣಗಳ ಮೇಲಿನ ಅಬ್ಕಾರಿ ಸುಂಕ ಇಳಿಕೆ
• ಮುಂದಿನ ಆರ್ಥಿಕ ವರ್ಷದಲ್ಲಿ ಬಂಡವಾಳ ವಾಪಸಾತಿ ಗುರಿ - 12 ಸಾವಿರ ಕೋಟಿ ರುಪಾಯಿ
• ಪಡಿತರ ಸಕ್ಕರೆ ಬೆಲೆ 13.50 ರು.
• ಆರು ಪ್ರವಾಸೋದ್ಯಮ ನಿಗಮಗಳ ಆರಂಭ
• ಬಂಡವಾಳ ಹೂಡಿಕೆದಾರರ ರಕ್ಷಣೆಗೆ ಕ್ರಮ
• ಯುಟಿಐ ಕಾಯಿದೆಯಲ್ಲಿ ಶಾಸನಾತ್ಮಕ ಬದಲಾವಣೆ
• ರಾಷ್ಟ್ರೀಯ ಹೆದ್ದಾರಿ ಅಭಿವೃದ್ಧಿಗೆ ಚತುರ್ಭುಜ ಯೋಜನೆ
• ಸೇವಾ ತೆರಿಗೆ ವ್ಯಾಪ್ತಿಗೆ ಕೇಬಲ್‌ ಆಪರೇಟರ್‌ಗಳು
• ಭೂಕಂಪದ ಶೇ.2ರಷ್ಟು ಉಪಕರ ರದ್ದು
• ಜೀವವಿಮಾ ಕಂಪನಿಗಳು ಸೇವಾ ತೆರಿಗೆ ಪಾವತಿಸಬೇಕು
• ನೇರ ತೆರಿಗೆಯ ಗುರಿ 91,585 ಕೋಟಿ ರುಪಾಯಿ
• ಐದು ಲಕ್ಷ ರುಪಾಯಿ ಮೇಲ್ಪಟ್ಟ ಆದಾಯದ ಮೇಲೆ ಯಾವುದೇ ತೆರಿಗೆ ರಿಯಾಯಿತಿ ಇಲ್ಲ
• ತೆರಿಗೆ ವಲಯದಿಂದ ಒಟ್ಟು 172,965 ಕೋಟಿ ರುಪಾಯಿ ಆದಾಯ ನಿರೀಕ್ಷೆ

(ಇನ್‌ಫೋವಾರ್ತೆ)