ಬಿಪಿಎಲ್‌ ದ್ವಿತೀಯ ತ್ರೆೃಮಾಸಿಕ ಲಾಭದಲ್ಲಿ 12 ಕೋಟಿ ರೂ. ಇಳಿಕೆ

ಬೆಂಗಳೂರು : ಇಲ್ಲಿನ ಬಿಪಿಎಲ್‌ ಕಂಪೆನಿ ಲಿಮಿಟೆಡ್‌ನ ದ್ವಿತೀಯ ತ್ರೆೃಮಾಸಿಕದ ನಿವ್ವಳ ಲಾಭವು 10.34 ಕೋಟಿ ರೂಪಾಯಿಗಿಳಿದಿದ್ದು, ಕಳೆದ ವರ್ಷ ಇದೇ ಅವಧಿಯಲ್ಲಿ 22.26 ಕೋಟಿ ರೂಪಾಯಿ ನಿವ್ವಳ ಲಾಭ ಬಂದಿತ್ತು ಎಂದು ಕಂಪೆನಿಯ ಪ್ರಕಟಣೆ ತಿಳಿಸಿದೆ.

ದ್ವಿತೀಯ ತ್ರೆೃಮಾಸಿಕದಲ್ಲಿ ಕಂಪೆನಿಯ ಒಟ್ಟು 341.37 ಕೋಟಿ ರೂಪಾಯಿ ವಹಿವಾಟು ನಡೆಸಿದೆ. ಕಳೆದ ವಿತ್ತ ವರ್ಷದ ಇದೇ ಅವಧಿಯಲ್ಲಿ ವಹಿವಾಟು 459.16 ಕೋಟಿ ರೂಪಾಯಿಯಾಗಿತ್ತು. ಒಟ್ಟಾರೆ ಮಾರ್ಕೆಟ್‌ ಷೇರ್‌ನಲ್ಲಿ ಮೊದಲನೇ ತ್ರೆೃಮಾಸಿಕ ಅವಧಿಗಿಂತ ಶೇ 9ರಷ್ಟು ಅಭಿವೃದ್ಧಿ ಕಂಡು ಬಂದಿದೆ. ಕಲರ್‌ ಟಿವಿ ಮಾರಾಟ ವಲಯದಲ್ಲಿ ಕಂಪೆನಿ ತನ್ನ ನಂಬರ್‌1 ಸ್ಥಾನವನ್ನು ಉಳಿಸಿಕೊಂಡಿದೆ.

ಕಳೆದೆರಡು ವರ್ಷಗಳಿಂದ ಸೋಲುಂಡಿದ್ದ ಕಲರ್‌ ಟೀವಿ ಮಾರ್ಕೆಟ್‌, ಈ ವರ್ಷದ ಅಕ್ಟೋಬರ್‌ - ನವೆಂಬರ್‌ ಅವಧಿಯಲ್ಲಿ ಚೇತರಿಕೆ ಕಂಡಿದೆ. ಈ ಅವಧಿಯಲ್ಲಿ ಸುಮಾರು 2.15 ಲಕ್ಷ ಕಲರ್‌ ಟೀವಿ ಮಾರಾಟವಾಗಿದೆ . ಮುಂದಿನ ವರ್ಷದ ಮೊದಲ ಅವಧಿಯಲ್ಲಿ ಆಡಿಯೋ ಮತ್ತು ಗೃಹಬಳಕೆಯ ವಸ್ತುಗಳ ಮಾರಾಟ ಕ್ಷೇತ್ರಕ್ಕೆ ಹೆಚ್ಚಿನ ಗಮನ ಕೊಡಲಾಗುವುದು. ಇದರಿಂದ ಬರುವ ದಿನಗಳಲ್ಲಿ ಹೆಚ್ಚಿನ ಲಾಭ ನಿರೀಕ್ಷಿಸಲಾಗಿದೆ ಎಂದು ಸಂಸ್ಥೆಯ ಪ್ರಕಟಣೆ ಹೇಳಿದೆ.

(ಪಿಟಿಐ)

ಮುಖಪುಟ / ಇವತ್ತು... ಈ ಹೊತ್ತು...