ಬೆಂಗಳೂರಿನಲ್ಲಿ ನಾಲ್ವರು ತಮಿಳು ಉಗ್ರಗಾಮಿಗಳ ಬಂಧನ

ಬೆಂಗಳೂರು : ವರನಟ ರಾಜ್‌ಕುಮಾರ್‌ ಅಪಹರಣದಲ್ಲಿ ಪ್ರಮುಖ ಪಾತ್ರ ವಹಿಸಿದೆ ಎನ್ನಲಾದ ತಮಿಳುನಾಡು ರಿಟ್ರೀವಲ್‌ ಟ್ರೂಪ್ಸ್‌ (ಟಿಎನ್‌ಆರ್‌ಟಿ) ಎನ್ನುವ ನಿಷೇಧಿತ ಸಂಘಟನೆಯ ಸದಸ್ಯನೊಬ್ಬ ಸೇರಿದಂತೆ ನಾಲ್ವರು ತಮಿಳು ಉಗ್ರರನ್ನು ನಗರದಲ್ಲಿ ಬಂಧಿಸಲಾಗಿದೆ.

ಇಂದಿರಾನಗರದ ಮನೆಯಾಂದರಲ್ಲಿ ಅಡಗಿಕೊಂಡಿದ್ದ ಟಿಎನ್‌ಆರ್‌ಟಿಯ ಕಣ್ಣನ್‌(40) ಹಾಗೂ ಇತರ ಮೂವರನ್ನು ನಗರ ಪೊಲೀಸರ ನೆರವಿನೊಂದಿಗೆ ತಮಿಳುನಾಡು ಪೊಲೀಸರು ಗುರುವಾರ ಬಂಧಿಸಿದ್ದಾರೆ. ಬಂಧಿತ ಉಗ್ರರನ್ನು ತಕ್ಷಣವೇ ಚೆನ್ನೈಗೆ ಕರೆದೊಯ್ಯಲಾಗಿದೆ.

ತಮಿಳುನಾಡು ಪೊಲೀಸರಿಂದ ಕಣ್ತಪ್ಪಿಸಿಕೊಳ್ಳಲು ಉಗ್ರರು ಬೆಂಗಳೂರಿಗೆ ಬಂದು ತಲೆ ಮರೆಸಿಕೊಂಡಿದ್ದರು ಎನ್ನಲಾಗಿದೆ. ಟಿಎನ್‌ಆರ್‌ಟಿ ಸಂಘಟನೆಯನ್ನು ಉಗ್ರಗಾಮಿ ಸಂಘಟನೆ ಎಂದು ಘೋಷಿಸಲಾಗಿದ್ದು , ಈ ಸಂಘಟನೆ ನರಹಂತಕ ವೀರಪ್ಪನ್‌ನೊಂದಿಗೆ ಸಂಪರ್ಕ ಹೊಂದಿದೆ ಎಂದು ನಂಬಲಾಗಿದೆ.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...