• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

‘ಮ್ಯಾಚ್‌ಫಿಕ್ಸರ್‌’ಗಳಿಗೆ ಶಿಕ್ಷೆ : ಬಿಸಿಸಿಐ ಸದಸ್ಯರಲ್ಲಿ ಭಿನ್ನಾಭಿಪ್ರಾಯ

By Super
|

ಕಲ್ಕತ್ತ : ಬಿಸಿಸಿಐ ವಿಶೇಷ ಆಯುಕ್ತ ಮಾಧವನ್‌ ವರದಿ ಸಿದ್ಧವಾಗಿ ವಾರವಾಗುತ್ತಾ ಬಂತು. ಇಷ್ಟಾದರೂ ಮ್ಯಾಚ್‌ಫಿಕ್ಸಿಂಗ್‌ನಲ್ಲಿ ಭಾಗಿಯಾಗಿದ್ದಾರೆ ಎನ್ನಲಾಗಿರುವ ಐವರು ಕ್ರಿಕೆಟಿಗರಿಗೆ ಯಾವ ಶಿಕ್ಷೆ ಕೊಡಬೇಕೆಂಬುದನ್ನು ಬಿಸಿಸಿಐ ಇನ್ನೂ ನಿರ್ಧರಿಸಿಲ್ಲ.

ದೆಹಲಿಯಲ್ಲೊಂದು, ಕಲ್ಕತ್ತಾದಲ್ಲೊಂದು ಸಭೆ ನಡೆಸಿರುವ ಬಿಸಿಸಿಐ ಮತ್ತೆ ಚೆನ್ನೈನಲ್ಲಿ ಇನ್ನೊಂದು ಸಭೆ ನಡೆಸಲಿದ್ದು, ತಪ್ಪಿತಸ್ಥರೆನ್ನಲಾಗಿರುವ ಕ್ರಿಕೆಟಿಗರ ವಿರುದ್ಧ ಯಾವ ಕ್ರಮ ಕೈಗೊಳ್ಳಬೇಕು ಎಂಬುದನ್ನು ಮಂಗಳವಾರ ನಿರ್ಧರಿಸುವ ಸಂಭವವಿದೆ.

ಬುಧವಾರ ಕಲ್ಕತ್ತಾದಲ್ಲಿ ನಡೆದ ಸಭೆಯ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಬಿಸಿಸಿಐ ಅಧ್ಯಕ್ಷ ಎ.ಸಿ.ಮುತ್ತಯ್ಯ, ಆರೋಪಿಗಳಿಗೆ ಯಾವ ಶಿಕ್ಷೆ ಕೊಡಬೇಕೆಂಬುದರ ಬಗೆಗೆ ಚರ್ಚಿಸಿದ್ದೇವೆ. ಅಂತಿಮ ನಿರ್ಣಯವನ್ನು ನಾನೂ ಸೇರಿದಂತೆ ಬಿಸಿಸಿಐನ ಮೂವರು ಸದಸ್ಯರ ಶಿಸ್ತು ಸಮಿತಿ ಕೈಗೊಳ್ಳಲಿದೆ ಎಂದರು.

ಶಿಸ್ತು ಸಮಿತಿಯಲ್ಲಿರುವ ಉಳಿದಿಬ್ಬರು ಸದಸ್ಯರು ಕಮಲ್‌ ಮೊರಾರ್ಕ ಹಾಗೂ ರಾಮ್‌ ಪ್ರಸಾದ್‌. ನಾವು ಕ್ರಿಕೆಟಿಗರು ಮಾಡಿರುವ ತಪ್ಪನ್ನಷ್ಟೇ ಲೆಕ್ಕಕ್ಕಿಟ್ಟುಕೊಳ್ಳದೆ ಕ್ರಿಕೆಟ್‌ಗೆ ಅವರು ಕೊಟ್ಟಿರುವ ಕಾಣಿಕೆಯನ್ನೂ ಗಮನದಲ್ಲಿಟ್ಟುಕೊಂಡು ಶಿಕ್ಷೆ ವಿಧಿಸಬೇಕಾಗುತ್ತದೆ. ಈ ನಿಟ್ಟಿನಲ್ಲಿ ತೀರಾ ನಿರ್ದಾಕ್ಷಿಣ್ಯವಾಗಿ ವರ್ತಿಸುವುದು ತರವಲ್ಲ ಎಂಬ ತೀರ್ಮಾನಕ್ಕೆ ನಾವು ಬಂದಿದ್ದೇವೆ ಎಂದು ಅವರು ಹೇಳಿದರು.

ಬುಧವಾರದ ಸಭೆಯಲ್ಲಿ ಐಸಿಸಿಯ ಮಾಜಿ ಅಧ್ಯಕ್ಷ ಜಗನ್ಮೋಹನ್‌ ದಾಲ್ಮಿಯಾ, ಬಿಸಿಸಿಐ ವಿಶೇಷ ಆಯುಕ್ತ ಕೆ. ಮಾಧವನ್‌, ಬಿಸಿಸಿಐ ಮಾಜಿ ಅಧ್ಯಕ್ಷ ರಾಜ್‌ಸಿಂಗ್‌ ಡುಂಗಾರ್‌ಪುರ್‌ ಸೇರಿದಂತೆ ಅನೇಕ ಸದಸ್ಯರು ಭಾಗವಹಿಸಿದ್ದರು. ಸಭೆ ಸುಮಾರು 5 ಗಂಟೆಗಳ ಕಾಲ ನಡೆಯಿತು. ಶಿಕ್ಷೆ ನೀಡುವ ವಿಷಯವಾಗಿ ಬಿಸಿಸಿಐ ಸದಸ್ಯರಲ್ಲಿ ಭಿನ್ನಾಭಿಪ್ರಾಯಗಳು ಕೇಳಿ ಬಂದವು. ಅಸಮಾಧಾನಿತರಾಗೋ ಏನೋ ಮಾಧವನ್‌ ಸಭೆಯ ನಡುವೆಯೇ ಹೊರ ನಡೆದರು.

ಈಗ ಅಜರ್‌ ವಿರುದ್ಧ ಬಲವಾದ ಸೊಲ್ಲುಗಳು ಕೇಳಿಬರುತ್ತಿವೆ. ಆದರೂ ಅಜರ್‌ ವಿರುದ್ಧ ಭಾರತೀಯ ದಂಡ ಸಂಹಿತೆಯಡಿಯಲ್ಲಿ ಕಾನೂನು ಕ್ರಮ ಜರುಗಿಸುವಂಥ ಪುರಾವೆಗಳನ್ನು ಸಿಬಿಐ ಕೂಡ ಒದಗಿಸಿಲ್ಲ. ಈ ನಿಟ್ಟಿನಲ್ಲಿ ಬಿಸಿಸಿಐ ಮ್ಯಾಚ್‌ಫಿಕ್ಸರ್‌ಗಳಿಗೆ ಯಾವ ಶಿಕ್ಷೆ ಕೊಡಬೇಕೆಂಬುದನ್ನು ಪಕ್ಕಾ ನಿರ್ಧರಿಸಲು ವಿಳಂಬವಾಗುತ್ತಿದೆ.(ಇನ್ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Cricket board defers punishment for infamous five
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more