• search

‘ಲಿಂಗಾಯತ ಹಿಂದೂ ಧರ್ಮದ ಅಂಗವಲ್ಲ’

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಬೆಂಗಳೂರು : ಲಿಂಗಾಯತ ಧರ್ಮ ಸ್ವತಂತ್ರ ಧರ್ಮವಾಗಿದ್ದು, ಅದು ಹಿಂದೂ ಧರ್ಮದ ಅಂಗವಲ್ಲ ಎಂಬ ನಿರ್ಣಯವನ್ನು ಬೆಂಗಳೂರಿನಲ್ಲಿ ಭಾನುವಾರ ನಡೆದ ಲಿಂಗಾಯತ ಧರ್ಮೀಯರ ಸಮಾವೇಶ ಕೈಗೊಂಡಿದೆ.

    ಲಿಂಗಾಯತ ಧರ್ಮ ಸ್ವತಂತ್ರ ಧರ್ಮವೆಂಬ ಕೂಡಲ ಸಂಗಮದ ಬಸವ ಪೀಠಾಧ್ಯಕ್ಷೆ ಮಾತೆ ಮಹಾದೇವಿ ಅವರ ಪ್ರತಿಪಾದನೆಗೆ ಬೆಂಬಲ ವ್ಯಕ್ತಪಡಿಸಿರುವ ಲಿಂಗಾಯುತ ಸಮುದಾಯದ ಗಣ್ಯರು, ಮುಂಬರುವ ಜನಗಣತಿ ಸಂದರ್ಭದಲ್ಲಿ ಜಾತಿ ಹಾಗೂ ಧರ್ಮಗಳನ್ನು ಲಿಂಗಾಯತ ಎಂದು ಬರೆಸುವ ನಿರ್ಧಾರ ಕೈಗೊಂಡಿದ್ದಾರೆ.

    ವೀರಶೈವ ಧರ್ಮದ ನಂತರ ಬಂದ ಅನೇಕ ಧರ್ಮಗಳು ಸ್ವತಂತ್ರ ಧರ್ಮಗಳೆಂದು ಗುರುತಿಸಿಕೊಂಡರೂ 850 ವರ್ಷ ಇತಿಹಾಸವುಳ್ಳ ಬಸವ ತತ್ವಗಳನ್ನು ಆಚರಿಸುವ ನೆಪದಲ್ಲಿ ಕೆಲವರು ತದ್ವಿರುದ್ಧವಾಗಿ ಕೆಲಸ ಮಾಡಿದರೆಂದು ಮಹಾದೇವಿ ಟೀಕಿಸಿದ್ದಾರೆ.

    ಸಂವಿಧಾನಿಕ ಮನ್ನಣೆ : ಹಿಂದೂ ಧರ್ಮದ ಆಸರೆ ಲಿಂಗಾಯತ ಧರ್ಮಕ್ಕೆ ಬೇಕೇಬೇಕು, ಅದು ಸ್ವತಂತ್ರ ಧರ್ಮವಾಗಿ ಬೆಳೆಯಲು ಸಾಧ್ಯವಿಲ್ಲ ಎಂಬ ಅಭಿಪ್ರಾಯಗಳೂ ಇರುವುದರಿಂದ ಈ ಹಿನ್ನೆಲೆಯಲ್ಲಿ ಹಿಂದೂ ಧರ್ಮದ ಬಂಧನದಿಂದ ಲಿಂಗಾಯತ ಧರ್ಮ ಬೇರೆಯಾಗುವ ನಿಟ್ಟಿನಲ್ಲಿ ಮಠಾಧೀಶರು ಯೋಚಿಸಬೇಕು.

    ಲಿಂಗಾಯತ ಧರ್ಮೀಯರನ್ನು ರಾಷ್ಟ್ರೀಯ ಧಾರ್ಮಿಕ ಅಲ್ಪಸಂಖ್ಯಾತರು ಎಂದು ಗುರುತಿಸಬೇಕು, ಸಿಖ್‌, ಜೈನ, ಬೌದ್ಧ ಧರ್ಮಗಳಿಗಿರುವಂತೆ ಪ್ರತ್ಯೇಕ ಧರ್ಮದ ಸಂವಿಧಾನಾತ್ಮಕ ಮನ್ನಣೆ ನೀಡಬೇಕು ಎಂದು ಮಾಹಾದೇವಿ ಹೇಳಿದ್ದಾರೆ.

    ಸನ್ಮಾನ : ಇದೇ ಸಂದರ್ಭದಲ್ಲಿ ಬೆಂಗಳೂರು ಗ್ರಾಮೀಣ ಜಿಲ್ಲಾಪಂಚಾಯತ್‌ ಅಧ್ಯಕ್ಷ ಎಚ್‌. ಎಸ್‌. ಬಸವರಾಜ್‌, ರಾಷ್ಟ್ರಪ್ರಶಸ್ತಿ ವಿಜೇತ ಶಿಕ್ಷಕ ಕೊಂಡಾ ಬಸವರಾಜ್‌, ಕ್ರೀಡಾ ತರಬೇತಿದಾರ ಪಿ. ಎಸ್‌. ವಿಶ್ವನಾಥ್‌ ಮಾತೆ ಮಹಾದೇವಿ ಸನ್ಮಾನಿಸಿದರು.

    ಮೈಸೂರು ಚಾಮುಂಡೇಶ್ವರಿ ಕ್ಷೇತ್ರದ ಶಾಸಕ ವಿ. ಎಸ್‌. ಗುರುಸ್ವಾಮಿ ಅವರು ಮಠಗಳ ನಡುವಿನ ಆಂತರಿಕ ಕಲಹದಿಂದ ಲಿಂಗಾಯತ ಸಮಾಜ ಕೊರಗುತ್ತಿದೆ ಎಂದು ಅಭಿಪ್ರಾಯಪಟ್ಟರು. ಸಮಾವೇಶದಲ್ಲಿ ಅಕ್ಕ ಮಹಾದೇವಿ ಪೀಠದ ಮಾತೆ ಗಂಗಾದೇವಿ ಧ್ವಜಾರೋಹಣ ಮಾಡಿದರು. ಚಟ್ಣಹಳ್ಳಿಯ ಸಿದ್ದೇಶ್ವರಾನಂದ ಸ್ವಾಮಿಗಳು, ಗೋಕಾಕ್‌ ಬಸವಕುಮಾರಸ್ವಾಮಿಗಳು. ಸೇರಿದಂತೆ ಅನೇಕ ಗಣ್ಯರು ಭಾಗವಹಿಸಿದ್ದರು. ಬಸವ ಮಂಟಪದ ಸದ್ಗುರು ಅಲ್ಲಮಪ್ರಭುಸ್ವಾಮಿಗಳು ಅಧ್ಯಕ್ಷತೆ ವಹಿಸಿದ್ದರು. ಕೇಂದ್ರ ಸಮಿತಿ ಅಧ್ಯಕ್ಷ ಎನ್‌. ಪುಟ್ಟರುದ್ರ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಇದೇ ಸಂದರ್ಭದಲ್ಲಿ ವಧುವರರ ಅನ್ವೇಷಣೆ ನಡೆಯಿತು.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more