ಸೋಮವಾರದಿಂದ 2 ದಿನಗಳ ಕನಕ ಜಯಂತಿ

ಉಡುಪಿ : ಕೇಂದ್ರ ಗೃಹ ಸಚಿವ ಎಲ್‌.ಕೆ. ಅದ್ವಾನಿ, ಇಲ್ಲಿ ನಡೆಯುವ ಎರಡು ದಿನಗಳ ಕನಕ ಜಯಂತಿ ಉತ್ಸವದಲ್ಲಿ ಭಾಗವಹಿಸಲು ಸೋಮವಾರ (ನ.13) ಆಗಮಿಸಿ, ಶ್ರೀಕೃಷ್ಣನಿಗೆ ಪೂಜೆ ಸಲ್ಲಿಸುವರು.

ಇದೇ ಸಂದರ್ಭದಲ್ಲಿ ಕನಕ ಸಂಸ್ಕೃತಿ ಸಭಾಂಗಣದ ಶಿಲಾನ್ಯಾಸವನ್ನು ಅದ್ವಾನಿ ನೆರವೇರಿಸುವರು. 13 ರಿಂದ ಪ್ರಾರಂಭವಾಗುವ ಉತ್ಸವಕ್ಕೆ ಮುಖ್ಯಮಂತ್ರಿ ಎಸ್‌.ಎಂ. ಕೃಷ್ಣ ಚಾಲನೆ ನೀಡುವರು. ನ.14 ರ ಸಮಾರೋಪ ಸಮಾರಂಭದಲ್ಲಿ ವಿ.ಎಸ್‌.ರಮಾದೇವಿ ಭಾಗವಹಿಸುವರು ಎಂದು ದೇವಸ್ಥಾನದ ಪ್ರಕಟಣೆ ತಿಳಿಸಿದೆ.

(ಯುಎನ್‌ಐ)