ಐದ-ನೇ ಸಂಧಾನಕ್ಕೆ ಕಾಡಿಗೆ ತೆರಳಿದ ಗೋಪಾಲ್‌ಅ-ಕ್ಟೋ-ಬ-ರ್‌.11ಕ್ಕೆ ಮುಂಚೆ ಸಂಧಾ-ನ ಮುಗಿ-ಯು-ವ ಲ-ಕ್ಷ-ಣ-ಗ-ಳಿ-ಲ್ಲ

ಬೆಂಗಳೂರು:ರಾಜ್‌ ಹಾಗೂ ಇತರ ಇಬ್ಬರು ಸಹಚರರ ಬಿಡುಗಡೆಗೆ ಸಂಬಂಧಿಸಿ ಕರ್ನಾಟಕ ಹಾಗೂ ತಮಿಳುನಾಡು ಸರಕಾರಗಳ ನಿರ್ಧಾರದಂತೆ ನಕ್ಕಿರನ್‌ ಸಂಪಾದಕ ಆರ್‌. ಆರ್‌. ಗೋಪಾಲ್‌ ಅವರು ಐದನೇ ಬಾರಿಗೆ ಕಾಡಿ-ಗೆ ತೆರಳಿದ್ದಾರೆ.

ಈ ವಿಷಯವನ್ನು ಖಚಿತಪಡಿಸಿರುವ ನಕ್ಕೀರನ್‌ ಪತ್ರಿಕೆ ಮೂಲಗಳು , ವೀರಪ್ಪನ್‌ನಿಂದ ಮುಂದಿನ ಸಂದೇಶ ಬರುವವರೆಗೆ ಸತ್ಯಮಂಗಳಮ್‌ ಅರಣ್ಯದಲ್ಲಿ ಗೋಪಾಲ್‌ ಕಾಯುತ್ತಾರೆ ಎಂದು ತಿಳಿಸಿವೆ.

ಸೆ. 28ರಂದು ವೀರಪ್ಪನ್‌ ಜೊತೆ ನಾಲ್ಕನೇ ಬಾರಿಗೆ ಸಂಧಾನ ನಡೆಸುತ್ತಿದ್ದಾಗ ಅಪಹೃತರಲ್ಲೊಬ್ಬರಾದ ನಾಗಪ್ಪ ತಪ್ಪಿಸಿಕೊಂಡಿದ್ದರಿಂದ ಸಂಧಾನ ವಿಫಲವಾಯಿತು ಎಂದು ಗೋಪಾಲ್‌ ಈ ಮುಂಚೆ ಹೇಳಿದ್ದರು. ಅಕ್ಟೋಬರ್‌ 11ರಂದು ಸುಪ್ರೀಂಕೋರ್ಟ್‌ನಲ್ಲಿ ಟಾಡಾ ಬಂಧಿಗಳ ಬಿಡುಗಡೆ ಕುರಿತು ವಿಚಾರಣೆ ಇರುವುದರಿಂದ ಐದನೇ ಸಂಧಾನ ಅಕ್ಟೋಬರ್‌ 11ಕ್ಕೆ ಮುಂಚೆ ಮುಗಿಯುವ ಲಕ್ಷಣಗಳಿಲ್ಲ ಎಂದು ಹೇಳಲಾಗಿದೆ.

ವಿಚಾರಣೆ: ಅಕ್ಟೋಬರ್‌ 11ರಂದು ಸುಪ್ರೀಂಕೋರ್ಟ್‌ನಲ್ಲಿ ವಿಚಾರಣೆ ಇರುವ ಹಿನ್ನಲೆಯಲ್ಲಿ ಅಡ್ವೋಕೇಟ್‌ ಜನರಲ್‌ ಎನ್‌. ಜಯರಾಮ್‌ ಅವರು ಶನಿವಾರ ದೆಹಲಿಗೆ ತೆರಳಿದ್ದಾರೆ. ಟಾಡಾ ಕೈದಿಗಳ ಬಿಡುಗಡೆಗೆ ಜಿಲ್ಲಾ ನ್ಯಾಯಾಲಯ ಜಾಮೀನು ನೀಡಲು ಒಪ್ಪಿರುವುದನ್ನು ತಡೆಹಿಡಿದಿರುವ ಸುಪ್ರೀಂಕೋರ್ಟ್‌ಗೆ ತಮಿಳುನಾಡು ಹಾಗೂ ಕರ್ನಾಟಕ ಸರಕಾರಗಳು ಈಗಾಗಲೇ ಪ್ಲೀಡಿಂಗ್ಸ್‌ ಸಲ್ಲಿಸಿವೆ. ರಾಜ್ಯದ ಪಬ್ಲಿಕ್‌ ಪ್ರಾಸಿಕ್ಯೂಟರ್‌ ಮೋಹನ ಶಾಂತನಗೌಡರ್‌ ಮತ್ತು ಮೈಸೂರು ನ್ಯಾಯಾಲಯದಲ್ಲಿ ಸರಕಾರದ ಪರವಾಗಿ ವಾದಿಸುತ್ತಿರುವ ಅಶ್ವಿನ್‌ಕುಮಾರ್‌ ಸೋಮವಾರ ರಾತ್ರಿ ದೆಹಲಿಗೆ ತೆರಳುವ ನಿರೀಕ್ಷೆ ಇದೆ.

ಮುಖ್ಯಮಂತ್ರಿ ವಿಶ್ವಾಸ (ಮೈಸೂ-ರು ವರ-ದಿ) : ಸರಕಾರಗಳ ದೂತ ಗೋಪಾಲ್‌ ಅವರ ಸಂಧಾನಗಳು ವಿಫಲವಾಗಿವೆ ಎಂಬುದನ್ನು ನಿರಾಕರಿಸಿರುವ ಮುಖ್ಯಮಂತ್ರಿ ಕೃಷ್ಣ ಅವರು, ರಾಜ್‌ ಅವರ ಸುರಕ್ಷಿತ ಬಿಡುಗಡೆ ಬಗ್ಗೆ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಕೆ.ಆರ್‌.ಎಸ್‌ನಲ್ಲಿ ಕಾವೇರಿ ಮಾತೆಗೆ ಪೂಜೆ ಸಲ್ಲಿಸಿದ ನಂತರ ಕೃಷ್ಣ ಅವರು ಸುದ್ದಿಗಾರರೊಂದಿಗೆ ಮಾತನಾಡುತ್ತಿದ್ದರು.

(ಇನ್ಫೋ ವರ-ದಿ)