ಬಸವನಬಾಗೇವಾಡಿಯಲ್ಲಿ ಚಾಲುಕ್ಯರ ಶಿಲಾಶಾಸನ ಪತ್ತೆ

ಶಿರಸಿ : ಬಿಜಾಪುರ ಜಿಲ್ಲೆಯ ಬಸವನಬಾಗೇವಾಡಿ ತಾಲ್ಲೂಕಿನ ಚಬನೂರ್‌ನಲ್ಲಿ 11ನೇ ಶತಮಾನದ ಚಾಲುಕ್ಯರ ಕಾಲದ ಶಿಲಾಶಾಸನ ದೊರೆತಿದೆ ಎಂದು ಸಂಶೋದಕ ಡಾ. ಶುಭಾಷ್‌ ಚಿಂಚೋಳಿ ತಿಳಿಸಿದ್ದಾರೆ.

ಕಲ್ಲಿನ ಎರಡು ತುಂಡುಗಳಲ್ಲಿರುವ ಶಾಸನವನ್ನು ಚಬನೂರಿನ ಪಿಲಿಕವ್ವಾ ದೇವಸ್ಥಾನದ ಮೇಲ್ಚಾವಣಿಗೆ ಜೋಡಿಸಲಾಗಿದೆ. ಕರ್ನಾಟಕ ವಿಶ್ವವಿದ್ಯಾಲಯ ಹಮ್ಮಿಕೊಂಡಿದ್ದ ಸರ್ವೇಕ್ಷಣೆ ಸಮಯದಲ್ಲಿ ಈ ಶಿಲಾಶಾಸನ ಕಂಡುಬಂದಿದೆ. ಕ್ರಿ.ಶ. 960ರಲ್ಲಿ ಬಹುಧಾನ್ಯ ಸಂವತ್ಸರದ ಕಾರ್ತೀಕ ತ್ರಯೋದಶಿ, ಗುರುವಾರದಂದು ಸುಬ್ರಮಣ್ಯದ ತಮ್ಮಲ್ಕೇವಡದ ಹತ್ತಿರದ ಫಲವತ್ತಾದ ಭೂಮಿಯನ್ನು ಮನೋವಲ್ಲಬಭಾಯಿ ಅವರು ನೀಡಿದ್ದಾರೆಂದು ಈ ಶಾಸನ ತಿಳಿಸುತ್ತದೆ. ಆದರೆ ಈ ಭೂಮಿಯನ್ನು ಯಾರಿಗೆ ಏತಕ್ಕಾಗಿ ದಾನವಾಗಿ ನೀಡಲಾಗಿದೆ ಎಂಬ ಬಗ್ಗೆ ಯಾವುದೇ ಉಲ್ಲೇಖ ಇಲ್ಲ ಎಂದು ಅವರು ಹೇಳಿದ್ದಾರೆ.

27 ಸಾಲುಗಳಲ್ಲಿರುವ ಶಾಸನವನ್ನು ಒಂದೂವರೆ ಮೀಟರ್‌ ಎತ್ತರ ಹಾಗೂ 50 ಸೆಂಟೀಮೀಟರ್‌ ಅಗಲವಿರುವ ಕಲ್ಲಿನಲ್ಲಿ ಕೆತ್ತಲಾಗಿದೆ.