ಪೆಜತ್ತಾಯ ಎಂಬ ಸಾಹಿತ್ಯ ಕೃಷಿಕ!

ಬರಹಗಾರರ ಬೆನ್ನು ತಟ್ಟುತ್ತಾ ಫಲಭರಿತ ಸಾಹಿತ್ಯ ಕೃಷಿಗೆ ನೆರವಾಗುತ್ತಿರುವ, ದಟ್ಸ್‌ ಕನ್ನಡ ಬರಹಗಾರರ ಆಪ್ತಮಿತ್ರ ಪೆಜತ್ತಾಯ ಅಂದ್ರೆ ಯಾರಿಗೆ ಗೊತ್ತಿಲ್ಲ. ಸೋಮವಾರ(ಫೆ.20) ಪೆಜತ್ತಾಯ ದಂಪತಿಗಳ 35ನೇ ವಿವಾಹ ವಾರ್ಷಿಕೋತ್ಸವ. ಜೊತೆಗೆ ಪೆಜತ್ತಾಯ ಅವರಿಗಿಂದು ಅರವತ್ತರ ಸಂಭ್ರಮ. ಈ ಸಂದರ್ಭದಲ್ಲಿ ಹೀಗೊಂದು ಉಡುಗೊರೆ.

• ತಳಕು ಶ್ರೀನಿವಾಸ್‌, ಮುಂಬಯಿ.
  [email protected]

ಅರವತ್ತು ವಸಂತಗಳ ಕಂಡ ತುಂಬು ಜೀವ

ಎಂದಿಗೂ ಕಾಣುತಿರುವೆ ಇವರಲಿ ಪರಿಪಕ್ವ ಭಾವ

ಎಲ್ಲರನೂ ತನ್ನವರೆಂದು ಕಾಣುವ ಸ್ವಭಾವ

ಮೊದಲ ಪತ್ರದಲೇ ಬೀರಿದರು ನನ್ನ ಮೇಲೆ ಪ್ರಭಾವ

ಮೂವತ್ತೈದು ವರುಷಗಳ ಸುಖ ದು:ಖಗಳ ಒಡನಾಟ
ಕಲಿಯುವವರಿಗೆ ಕನ್ನಡಿ ಹಿಡಿದಿಹ ಹೆದ್ದಾರಿ ಓಟ
ಪತಿಯ ಹಾದಿಯಲಿ ಗುಲಾಬಿಯ ಹಾಸನು ಒಡ್ಡಿದವರು
ತೇಜೋಪುಂಜವಾಗಿ ನಳನಳಿಸುವ ಸರೋಜಮ್ಮನವರು

ಮಕ್ಕಳೊಡನೆ ಮಕ್ಕಳಂತೆ ಬೆರೆತು ಆಡುವರು ಆಟ
ಮಗುವಿನಂತೆ ಕಾಪಾಡುತಿಹರು ಸುಳಿಮನೆಯ ತೋಟ
ಇವರೀರ್ವರ ಜೀವವಡಗಿರುವುದು ಅದಲು ಬದಲು ದೇಹದಲಿ
ಸರ್ವ ಶಕ್ತನ ಕರುಣೆ ಎಂದಿಗೂ ಇವರೀರ್ವರ ಮೇಲಿರಲಿ

ಅದುವೇ ಕನ್ನಡದಲಿ ಇವರ ಕಾಲ್ಚೆಂಡಿನಾಟ
ಪ್ರಪಂಚದ ಕನ್ನಡಿಗರಿಗೆಲ್ಲಾ ಬೇಕಾದ ಸಾಮ್ರಾಟ
ಕನ್ನಡನಾಡಿನ ಕಾನನದಲಿ ಘರ್ಜಿಸುತಿಹ ಕೇಸರಿ
ನನಗಂತೂ ಇವರು ಮಾಡುವುದೆಲ್ಲವೂ ಎಂದಿಗೂ ಸರಿ

ಪೆಜತ್ತಾಯ ಅವರಿಗೆ ಶುಭ ಕೋರಿರಿ

ಮುಖಪುಟ / ಸಾಹಿತ್ಯ-ಸಂಸ್ಕೃತಿ