• search

ರೊಕ್ಕ ಬ್ಯಾಡ್ರೋಯಪ್ಪ, ಸೂರು ಕಟ್ಟಿಸಿಕೊಡ್ರಿ!

Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Tinthini villagers on the street
    ಸದ್ಯದ ಹದಗೆಟ್ಟ ರಾಜಕೀಯ ಸ್ಥಿತಿಯಿಂದಾಗಿ ಉತ್ತರ ಕರ್ನಾಟಕದ ನೆರೆ ಪರಿಹಾರ ಕಾರ್ಯ ಪ್ರವಾಹದಂತೆ ನಿಂತ ನೀರಂತಾಗಿರುವುದು ನಿಜಕ್ಕೂ ವಿಪರ್ಯಾಸ. ಸರಕಾರದ ಹಣ ನಂಬಿ ಕೂತಿರುವ ಮಂದಿಗೆ ಬೆರಣೆ ತಟ್ಟುವುದಕ್ಕೂ ಗೋಡೆ ಇಲ್ಲದಂತಾಗಿದೆ. ಅನೇಕ ಸಂಘಸಂಸ್ಥೆ, ಯುವಕರು ನೆರವಿಗೆ ಧಾವಿಸುತ್ತಿದ್ದರೂ ಅವರಿಗೆ ಅಗತ್ಯವಾಗಿ ಬೇಕಾಗಿರುವುದು ತಲೆಮೇಲೊಂದು ಸೂರು. ಗುಲಬರ್ಗಾ ಜಿಲ್ಲೆಯ ತಿಂಥಿಣಿ ಗ್ರಾಮದ ನೆರೆ ಸಂತ್ರಸ್ತರ ಗೋಳನ್ನು ಕಣ್ಣಾರೆ ಕಂಡು, ಅನುಭವಿಸಿ ಬಂದಿರುವ ಸಿಸ್ಕೋ ಕಂಪನಿಯ ಯುವಕರು ಅಲ್ಲಿನ ವಸ್ತುಸ್ಥಿತಿಯನ್ನು ಕಣ್ಣಿಗೆ ಕಟ್ಟಿದಂತೆ ವಿವರಿಸಿದ್ದಾರೆ. ಇಲ್ಲಿ ನೀಡಿರುವ ವಿವರಗಳು ಸಹಾಯಕ್ಕೆ ಧಾವಿಸಬಯಸುವ ಇತರೆ ತಂಡಗಳಿಗೂ ಅನುಕೂಲವಾಗಬಹುದು.

    * ಗೋವರ್ಧನ, ಬೆಂಗಳೂರು

    "ನಿಮ್ ರೊಕ್ಕ ನಮಗೆ ಬ್ಯಾಡ್ರೋಯಪ್ಪ, ನಮ್ ತಲಿ ಮ್ಯಾಗ ಒಂದು ಸೂರು ಕಟ್ಟಿಸ್ಕೊಡ್ರಿ. ನಮ್ ಜೀವನಕ್ಕೆ ನಾವು ದುಡ್ಕೊಂಡು ತಿಂತೀವಿ" ಇದು ಅಸಹಾಯಕತೆ, ಸ್ವಾಭಿಮಾನ, ತನ್ನವರ ಕಳೆದುಕೊಂಡ ನೋವು ತುಂಬಿದ, ತಿಂಥಿಣಿ ಗ್ರಾಮದಲ್ಲಿನ ಒಬ್ಬ ಮಹಿಳೆಯ ಕೂಗು.

    ಗುಲಬರ್ಗಾ ಜಿಲ್ಲೆಯ ಸುರಪುರ ತಾಲೂಕಿನಲ್ಲಿ ಅಂದಾಜು 180 ಹಳ್ಳಿಗಳಿದ್ದು, ಇದರಲ್ಲಿ ಸುಮಾರು 6,000 ಮನೆಗಳು ಪ್ರವಾಹಕ್ಕೆ ತುತ್ತಾಗಿದ್ದು 30,000 ಜನ ನಿರಾಶ್ರಿತರಾಗಿದ್ದಾರೆ. ಈ ತಾಲೂಕಿನ ಕೃಷ್ಣೆಯ ದಂಡೆಯಲ್ಲೇ ಇರುವ ತಿಂಥಿಣಿ, ಹಿಂದೂ-ಮುಸ್ಲಿಂ ಸಮಾಗಮಕ್ಕೆ ಹೆಸರಾದ ಹಳ್ಳಿ. ಇಲ್ಲಿನ ಮೌನೇಶ್ವರ ದೇವಸ್ಥಾನ ಇದಕ್ಕೆ ಸಾಕ್ಷಿಯಾಗಿದೆ. ನಾವು (ಗೋವರ್ಧನ, ಅನೂಪ್, ಮಂಜು, ಗುರು) ಸುರಪುರದಲ್ಲಿ ಸ್ವಯಂ ಸೇವಾ ಕಾರ್ಯಕರ್ತರಾದ ವೆಂಕಟೇಶ್ ಅವರ ಸಹಕಾರದೊಂದಿಗೆ ಈ ಗ್ರಾಮಕ್ಕೆ ಭೇಟಿ ನೀಡಿ ಅಲ್ಲಿ ಪ್ರವಾಹಕ್ಕೆ ತುತ್ತಾದ ಮನೆಗಳನ್ನು ಪರಿಶೀಲಿಸಿದೆವು. ವನವಾಸಿ ಕಲ್ಯಾಣ ಸಂಘದಿಂದ ವೆಂಕಟೇಶ್ ರವರ ಪರಿಚಯ ನಮಗೆ ಸಿಕ್ಕಿತು. ಇವರು ಈ ಸುರಪುರದವರೇ ಆಗಿದ್ದು, ಸುತ್ತ ಮುತ್ತಲಿನ ನೆರೆ ಪೀಡಿತ ಪ್ರದೇಶಗಳ ಬಗ್ಗೆ ಪರಿಶೀಲಿಸಿ ನಿಜವಾಗಿಯೂ ಪ್ರವಾಹಕ್ಕೆ ತುತ್ತಾದ ಮನೆಗಳ ಪಟ್ಟಿ ತಯಾರು ಮಾಡಿದ್ದಾರೆ. ಇದರ ಸಹಾಯದಿಂದಲೇ ನಾವು ತಿಂಥಿಣಿ ಗ್ರಾಮದ ಅವಲೋಕನ ಮಾಡಲು ಸಹಾಯವಾಯ್ತು.

    ಕಳೆದ ಸೆಪ್ಟೆಂಬರ್ ನಲ್ಲಿ ಬಂದ ಮಳೆ, ಪ್ರಶಾಂತವಾಗಿ ಹರಿಯುವ ಕೃಷ್ಣೆಯನ್ನು ಉಕ್ಕಿ ಹರಿವಂತೆ ಮಾಡಿ ಇಲ್ಲಿನ ಗ್ರಾಮಗಳಿಗೆ ಮೇಲೆ ನುಗ್ಗಿ ಬಂತು. ಈ ಅವಘಡದಲ್ಲಿ ನೂರಾರು ಹಳ್ಳಿಗಳಲ್ಲಿನ ಸಾವಿರಾರು ಜನ ತಮ್ಮ ಮನೆ, ಕೆಲಸ, ಬೆಳೆದ ಬೆಳೆ ಕಳೆದುಕೊಂಡರು. ನಮ್ಮ ಕೈಲಾದಷ್ಟು ಸಹಾಯ ಮಾಡುವ ಉದ್ದೇಶದಿಂದ ನಾವು ನಾಲ್ಕು ಜನ ಈ ಗ್ರಾಮಕ್ಕೆ ಬಂದೆವು. ಆದರೆ, ಅವರ ಮಾತುಗಳನ್ನು ಕೇಳಿದ ಮೇಲೆ, ಏನು ಮಾಡಬೇಕೆಂದು ತೋಚದೆ ನಾವೇ ಅಸಹಾಯಕರಾಗಿ ನಿಂತೆವು!

    ನಮ್ಮಂತೆ ಇವರ ನೆರವಿಗೆ ಬರುವವರಿಗೆ ಸಹಾಯವಾಗಬಹುದೆಂಬ ಉದ್ದೇಶದಿಂದ ಈ ಸಣ್ಣ ಲೇಖನ ಬರೆಯುತ್ತಿದ್ದೇವೆ.

    ಮುಂದೆ ಓದಿ : ಪ್ರವಾಹದ ಪರಿಣಾಮ ಮತ್ತು ಪರಿಹಾರ ಕಾರ್ಯ »

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more