ಇಡ್ಲಿ ಪ್ರಿಯರಿಗೆ ಶಾಕಿಂಗ್‌ ಸುದ್ದಿ: ಓದಲೇಬೇಕಾದ ಇಂಟ್ರಸ್ಟಿಂಗ್‌ ಸುದ್ದಿ ಇಲ್ಲಿದೆ.

ಬೆಂಗಳೂರು, ಫೆಬ್ರವರಿ 27: ದಕ್ಷಿಣ ಭಾರತದ ಜನಪ್ರಿಯ ತಿಂಡಿಗಳಲ್ಲಿ ಇಡ್ಲಿ, ದೋಸೆ ಅಗ್ರಸ್ಥಾನಗಳಲ್ಲಿ ನಿಲ್ಲುತ್ತವೆ. ಬೆಳಗಿನ ಉಪಹಾರ ಒಂದು ರುಚಿಕರವಾಗಿದ್ದರೆ ಆ ದಿನದ ಉತ್ತಮವಾಗಿ ಆರಂಭವಾದಂತೆ. ಹೀಗಾಗಿ ದಕ್ಷಿಣ ಭಾರತದಲ್ಲಿ ಅತಿ ಹೆಚ್ಚು ಜನರು ದೋಸೆ, ಇಡ್ಲಿ ಪ್ರಿಯರಾಗಿದ್ದು, ಬೆಳಗ್ಗೆ ತಿಂಡಿ, ಮಧ್ಯಾಹ್ನ ಊಟ ಮಾತ್ರವಲ್ಲ ರಾತ್ರಿ ಊಟಕ್ಕೂ ಇಡ್ಲಿ ಕೊಟ್ಟರೂ ತಿಂದೇ ತಿನ್ನುತ್ತಾರೆ. ಇಂತಹ ಇಡ್ಲಿ ಪ್ರಿಯರಿಗೆ ಶಾಕ್‌ ಆಗುವ ಸಂಗತಿಯೊಂದು ಹೊರಬಿದ್ದಿದೆ.

ಜೀವವೈವಿಧ್ಯಕ್ಕೆ ಹಾನಿ ಮೇಲೆ ಕೆಟ್ಟ ಪರಿಣಾಮ ಬೀರುವ ಆಹಾರಗಳ ಬಗ್ಗೆ ಸಿಂಗಾಪುರ ನ್ಯಾಷನಲ್ ಯುನಿವರ್ಸಿಟಿ ಅಧ್ಯಯನ ಮಾಡಿದ್ದು, ಈ ಪಟ್ಟಿಯಲ್ಲಿ ಇಡ್ಲಿ ಆರನೇ ಸ್ಥಾನದಲ್ಲಿದೆ. ಪ್ರಪಂಚದಾದ್ಯಂತ 151 ಜನಪ್ರಿಯ ಆಹಾರಗಳ‌ ಮೇಲೆ ಸಿಂಗಾಪುರ ನ್ಯಾಷನಲ್ ಯುನಿವರ್ಸಿಟಿ ಅಧ್ಯಯನ ಮಾಡಿದ್ದು, ದಕ್ಷಿಣ ಭಾರತದ ಜನಪ್ರಿಯ ತಿನಿಸಾಗಿರುವ ಇಡ್ಲಿಯಿಂದಲೂ ಜೀವ ವೈವಿಧ್ಯತೆ ಮೇಲೆ ಕೆಟ್ಟ ಪರಿಣಾಮ ಉಂಟಾಗಲಿದೆ ಎಂದು ತಿಳಿಸಲಾಗಿದೆ.

ಪ್ರಪಂಚದಾದ್ಯಂತ 151 ಜನಪ್ರಿಯ ಭಕ್ಷ್ಯಗಳು ಪರಿಸರ ವ್ಯವಸ್ಥೆಯ ಮೇಲೆ ಹೇಗೆ ಪರಿಣಾಮ ಬೀರುತ್ತವೆ? ಎಂಬುದನ್ನು ನಿರ್ಣಯಿಸಲು ಅಧ್ಯಯನವನ್ನು ನಡೆಸಲಾಯಿತು. ಸಿಂಗಾಪುರದ ನ್ಯಾಷನಲ್ ಯೂನಿವರ್ಸಿಟಿಯ ಲೂಯಿಸ್ ರೋಮನ್ ಕರಾಸ್ಕೊ ನೇತೃತ್ವದ ಅಧ್ಯಯನದ ಪ್ರಕಾರ 25 ಆಹಾರಗಳ ಪಟ್ಟಿಯಲ್ಲಿ ಇಡ್ಲಿ ಆರನೇ ಸ್ಥಾನದಲ್ಲಿದೆ ಮತ್ತು ರಾಜ್ಮಾ ಏಳನೇ ಸ್ಥಾನದಲ್ಲಿದೆ ಮತ್ತು ದೋಸೆಗೆ 103ನೇ ಸ್ಥಾನದಲ್ಲಿದೆ.

ಇತರ ಭಕ್ಷ್ಯಗಳು ಚನಾ ಮಸಾಲಾ ಮತ್ತು ಚಿಕನ್ ಜಲ್ಫ್ರೇಜಿಯನ್ನು ಒಳಗೊಂಡಿವೆ. ಸಂಶೋಧಕರ ಪ್ರಕಾರ, ಪ್ರಾಥಮಿಕವಾಗಿ ದ್ವಿದಳ ಧಾನ್ಯಗಳು, ಮಾಂಸ ಮತ್ತು ಅಕ್ಕಿಯನ್ನು ಒಳಗೊಂಡಿರುವ ಭಕ್ಷ್ಯಗಳು ಜೀವವೈವಿಧ್ಯತೆಯ ಮೇಲೆ ನೇರ ಪರಿಣಾಮವನ್ನು ಬೀರುತ್ತವೆ ಎನ್ನಲಾಗಿದೆ.

ಆಲೂಗೆಡ್ಡೆ ಮತ್ತು ಗೋಧಿಯಿಂದ ಮಾಡಿದ ಭಕ್ಷ್ಯಗಳು ಜೀವವೈವಿಧ್ಯದ ಮೇಲೆ ಕಡಿಮೆ ಪರಿಣಾಮ ಬೀರುತ್ತವೆ ಎಂದು ಸಂಶೋಧಕರು ತಿಳಿಸಿದ್ದು, ಮಾಂಸವನ್ನು ಹೊಂದಿರುವ ಭಕ್ಷ್ಯಗಳಿಗೆ ಹೋಲಿಸಿದರೆ ಸಸ್ಯಾಹಾರಿ ಮತ್ತು ಸಸ್ಯಾಹಾರಿ ಭಕ್ಷ್ಯಗಳು ಸ್ಥಿರವಾಗಿ ಕಡಿಮೆ ಜೀವವೈವಿಧ್ಯದ ಮೇಲೆ ಪರಿಣಾಮ ಬೀರುತ್ತವೆ ಎಂದು ಸಂಶೋಧಕರು ಹೇಳಿದ್ದಾರೆ.

English summary

Study Reveals 25 Dishes Including Rajma, Idli Are Causing Damage To Biodiversity. Know More