Coconut Water: ಎಳನೀರು ಕುಡಿಯುವುದು ಅಪಾಯ ಯಾಕೆ ಗೊತ್ತಾ?

ಯಾವುದಾದರೂ ಹೊಟ್ಟೆಯ ಸಮಸ್ಯೆ ಅಂದರೆ ಸಾಕು ಮೊದಲು ಶಿಫಾರಸು ಮಾಡುವುದು ಎಳನೀರು ಅನ್ನು. ಹೊಟ್ಟೆಯಲ್ಲಿ ಜಾದು ಮಾಡುವ ಈ ಎಳನೀರಿನ್ನು ಅಮೃತಕ್ಕೆ ಹೋಲಿಸಲಾಗುತ್ತದೆ. ಶತಮಾನಗಳಿಂದ ತೆಂಗಿನ ನೀರು ಅದರ ರುಚಿ ಮತ್ತು ಅದರಲ್ಲಿರುವ ಪೋಷಕಾಂಶಗಳಿಗಾಗಿ ಎಲ್ಲರಿಗೂ ಇಷ್ಟವಾಗಿದೆ. ಆದರೆ ಈ ಅತ್ಯಂತ ಶಕ್ತಿಶಾಲಿ ಗಿಡಮೂಲಿಕೆ ನೀರು ಎಲ್ಲರಿಗೂ ಒಳಿತಲ್ಲ.

ಏಕೆಂದರೆ ಕೆಲವು ಜನರಿಗೆ ಎಳನೀರು ಒಳ್ಳೆಯದಕ್ಕಿಂತ ಹೆಚ್ಚು ಹಾನಿಯನ್ನುಂಟುಮಾಡುತ್ತದೆ. ಕೆಲವರು ಈ ಎಳನೀರನ್ನು ಕುಡಿಯದೇ ಇರುವುದು ಒಳ್ಳೆಯದು. ಹಾಗಾದರೆ ಯಾರೆಲ್ಲಾ ಎಳನೀರನ್ನು ಕುಡಿಯಬಾರದು? ಎನ್ನುವುದರ ಕುರಿತು ಈಗ ತಿಳಿಯೋಣ.

ಹೆಚ್ಚು ಪೊಟ್ಯಾಸಿಯಮ್

ಎಳನೀರಿನಲ್ಲಿ ಪೊಟ್ಯಾಸಿಯಮ್ ಸಮೃದ್ಧವಾಗಿದೆ. ಇದನ್ನು ಸಾಮಾನ್ಯವಾಗಿ ಆರೋಗ್ಯಕರ ಪೋಷಕಾಂಶವೆಂದು ಪರಿಗಣಿಸಲಾಗುತ್ತದೆ. ಆದರೆ ಹೆಚ್ಚು ಪೊಟ್ಯಾಸಿಯಮ್ ಮೂತ್ರಪಿಂಡದ ಸಮಸ್ಯೆಗಳಿರುವ ಜನರಲ್ಲಿ ಅಥವಾ ಕೆಲವು ಔಷಧಿಗಳನ್ನು ತೆಗೆದುಕೊಳ್ಳುವವರಲ್ಲಿ ಹೈಪರ್‌ಕಲೇಮಿಯಾ ಎಂಬ ಸ್ಥಿತಿಯನ್ನು ಉಂಟುಮಾಡಬಹುದು. ಇದು ಅನಿಯಮಿತ ಹೃದಯ ಬಡಿತ ಸೇರಿದಂತೆ ಗಂಭೀರ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು.

ಹೆಚ್ಚಿನ ಕ್ಯಾಲೋರಿಗಳು

ಕಡಿಮೆ ಕ್ಯಾಲೊರಿಗಳನ್ನು ಸೇವಿಸಲು ಬಯಸುವವರಿಗೆ ಅಥವಾ ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಇದು ತೂಕ ಹೆಚ್ಚಾಗಲು ಕಾರಣವಾಗಬಹುದು.

ನೈಸರ್ಗಿಕ ಸಕ್ಕರೆ ಅಂಶ

ಎಳನೀರು ನೈಸರ್ಗಿಕವಾಗಿ ಸಕ್ಕರೆ ಅಂಶ ಹೊಂದಿರುತ್ತದೆ. ಇದು ಮಧುಮೇಹ ಅಥವಾ ರಕ್ತದಲ್ಲಿನ ಸಕ್ಕರೆ ನಿರ್ವಹಣೆ ಸಮಸ್ಯೆಗಳಿರುವ ಜನರಿಗೆ ಅಪಾಯವನ್ನುಂಟುಮಾಡುತ್ತದೆ. ಈ ಸಕ್ಕರೆ ಅಂಶ ಸಂಸ್ಕರಿಸಿದ ಸಕ್ಕರೆಗಿಂತ ಉತ್ತಮವಾಗಿದ್ದರೂ, ಅವು ರಕ್ತದಲ್ಲಿನ ಗ್ಲೂಕೋಸ್ ಮಟ್ಟಗಳ ಮೇಲೆ ಗಮನಾರ್ಹ ಪರಿಣಾಮ ಬೀರುತ್ತದೆ.

ಅಲರ್ಜಿಗಳು

ಅಲರ್ಜಿ ಬಹಳ ಅಪರೂಪವಾದರೂ ಕೆಲವರಿಗೆ ತೆಂಗಿನ ನೀರು ಅಲರ್ಜಿ ಉಂಟುಮಾಡಬಹುದು. ಇದರಿಂದ ಉಂಟಾಗುವ ಅಲರ್ಜಿಯ ಲಕ್ಷಣಗಳಲ್ಲಿ ಚರ್ಮದ ತುರಿಕೆ, ಜಠರಗರುಳಿನ ಸಮಸ್ಯೆಗಳು ಅಥವಾ ಉಸಿರಾಟದ ತೊಂದರೆಗಳು ಸೇರಿವೆ. ನಿಮಗೆ ತೆಂಗಿನನೀರಿನ ಅಲರ್ಜಿ ಇದ್ದರೆ ಅದನ್ನು ಸಂಪೂರ್ಣವಾಗಿ ತ್ಯಜಿಸುವುದು ಉತ್ತಮ.

ವ್ಯಾಯಾಮಕ್ಕೆ ಸೂಕ್ತವಲ್ಲ

ಎಳನೀರಿನಲ್ಲಿ ಎಲೆಕ್ಟ್ರೋಲೈಟ್‌ಗಳು ಇದ್ದರೂ, ತೀವ್ರವಾದ ವ್ಯಾಯಾಮ ಅಥವಾ ದೀರ್ಘಕಾಲದ ದೈಹಿಕ ಚಟುವಟಿಕೆ ಬಳಿಕ ಇದನ್ನು ಕುಡಿಯುವುದು ಸೂಕ್ತವಲ್ಲ. ಕ್ರೀಡಾಪಟುಗಳಿಗಾಗಿ ವಿನ್ಯಾಸಗೊಳಿಸಲಾದ ಕ್ರೀಡಾ ಪಾನೀಯಗಳು ಸೋಡಿಯಂನಂತಹ ಹೆಚ್ಚಿನ ಎಲೆಕ್ಟ್ರೋಲೈಟ್‌ಗಳನ್ನು ಹೊಂದಿರುತ್ತವೆ. ಇದು ತೀವ್ರವಾದ ವ್ಯಾಯಾಮದ ನಂತರ ಕುಡಿಯಬಹುದು. ಆದರೆ ಜಿಮ್ ಸ್ನೇಹಿ ಪಾನೀಯಗಳಲ್ಲಿ ಎಳನೀರು ದೂರ ಇಡುವುದು ಉತ್ತಮ.

ಜೀರ್ಣಕಾರಿ ಸಮಸ್ಯೆಗಳು

ಎಳನೀರು ಉಬ್ಬುವುದು ಅಥವಾ ಅತಿಸಾರ ಸೇರಿದಂತೆ ಜೀರ್ಣಕಾರಿ ಅಸ್ವಸ್ಥತೆಗಳಿಗೆ ಕಾರಣವಾಗಬಹುದು. ಕಾರಣ ಇದರಲ್ಲಿರುವ ಫೈಬರ್ ಅಥವಾ ನೈಸರ್ಗಿಕ ಸಕ್ಕರೆ ಅಂಶ ಆಗಿರಬಹುದು. ನಿಮಗೆ ಸೂಕ್ಷ್ಮ ಹೊಟ್ಟೆ ಇದ್ದರೆ, ಕಡಿಮೆ ಎಳನೀರು ಕುಡಿಯುವುದು ಅಥವಾ ಸಂಪೂರ್ಣವಾಗಿ ಎಳನೀರು ಕುಡಿಯುವುದನ್ನು ತಪ್ಪಿಸುವುದು ಉತ್ತಮ.

(ಗಮನಿಸಿ: ಮೇಲೆ ನೀಡಲಾದ ಮಾಹಿತಿ ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಏಕೈಕ ಉದ್ದೇಶವಾಗಿದೆ. ಯಾವುದೇ ಮಾಹಿತಿ ಅನುಷ್ಠಾನಕ್ಕೆ ತರುವ ಮುನ್ನ ಸಂಬಂಧಪಟ್ಟ ವೃತ್ತಿಪರರನ್ನು ಸಂಪರ್ಕಿಸಿ)

English summary

problems with drinking coconut water: who should not drink coconut water?