ಡಿಸೆಂಬರ್ 15ರಿಂದ ರೈಲ್ವೆ ನೇಮಕಾತಿ; ಅಭ್ಯರ್ಥಿಗಳಿಗೆ ಸೂಚನೆ
ಹುಬ್ಬಳ್ಳಿ, ಡಿಸೆಂಬರ್ 02: ಭಾರತೀಯ ರೈಲ್ವೆ 1.4 ಲಕ್ಷ ಹುದ್ದೆಗಳ ಭರ್ತಿಗೆ ಡಿಸೆಂಬರ್ 15ರಿಂದ ಪರೀಕ್ಷೆಗಳನ್ನು ಆರಂಭಿಸಲಿದೆ. ರೈಲ್ವೆಯಲ್ಲಿ ಉದ್ಯೋಗ ಕೊಡಿಸುವುದಾಗಿ ವಂಚಿಸುವವರಿಂದ ಎಚ್ಚರವಾಗಿರಿ ಎಂದು ಅಭ್ಯರ್ಥಿಗಳಿಗೆ ಮನವಿ ಮಾಡಲಾಗಿದೆ.
ರೈಲ್ವೆ ಇಲಾಖೆ ನೇಮಕಾತಿ ಸಂಪೂರ್ಣ ಕಂಪ್ಯೂಟರೀಕೃತವಾಗಿದೆ. ರೈಲ್ವೆಯಲ್ಲಿ ಕೆಲಸ ಕೊಡಿಸುವುದಾಗಿ ಜನರು ಅಭ್ಯರ್ಥಿಗಳಿಂದ ಹಣ ಪಡೆದು ವಂಚನೆ ಮಾಡುವ ಸಾಧ್ಯತೆ ಇದೆ ಎಂದು ನೈಋತ್ಯ ರೈಲ್ವೆ ಹೇಳಿದೆ.
ಹಣ ನೀಡಿ, ಪ್ರಭಾವ ಬೀರಿ, ಸುಳ್ಳು ಆಮಿಷಗಳನ್ನು ವೊಡ್ಡಿ ಕೆಲಸ ಕೊಡಿಸುವ ಬಗ್ಗೆ ಅಭ್ಯರ್ಥಿಗಳನ್ನು ವಂಚಿಸಬಹುದು. ಕೆಲಸ ಪಡೆಯಲು ನಿಯಮ ಬಾಹಿರ ಕೃತ್ಯಗಳಲ್ಲಿ ತೊಡಗುವ ಅಭ್ಯರ್ಥಿಗಳನ್ನು ಆಯ್ಕೆ ಪ್ರಕ್ರಿಯೆಯಿಂದ ಅನರ್ಹಗೊಳಿಸಲಾಗುತ್ತದೆ ಎಂದು ಎಚ್ಚರಿಕೆ ನೀಡಲಾಗಿದೆ.
ಯಾರಾದರೂ ಕೆಲಸ ಕೊಡಿಸುವ ಆಮಿಷ ವೊಡ್ಡಿದರೆ ಹತ್ತಿರದ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿ. ಯಾವುದೇ ಸಮಯದಲ್ಲಿ ಗೊಂದಲಗಳು ಉಂಟಾದರೆ 080-233300378 ಸಂಖ್ಯೆಗೆ ಕರೆ ಮಾಡಿ ಎಂದು ನೈಋತ್ಯ ರೈಲ್ವೆ ಮನವಿ ಮಾಡಿದೆ.
2019ರ ಫೆಬ್ರವರಿಯಲ್ಲಿ ಭಾರತೀಯ ರೈಲ್ವೆ ಮೂರು ವಿಧದ ಹುದ್ದೆಗಳನ್ನು ಭರ್ತಿ ಮಾಡಲು ನೇಮಕಾತಿ ಆದೇಶವನ್ನು ಹೊರಡಿಸಿತ್ತು. ತಾಂತ್ರಿಕೇತರ ಹುದ್ದೆಗಳು 35,208. 1,663 ಐಸೋಲೇಟೆಡ್ & ಮಿನಿಸ್ಟ್ರಿಯಲ್ ವಿಭಾಗ. 1,03,769 ಲೆವೆಲ್ 1ರ ಹುದ್ದೆಗಳ ನೇಮಕಾತಿ ಆದೇಶ ಪ್ರಕಟಿಸಿತ್ತು.
ಡಿಸೆಂಬರ್ 15ರಿಂದ ಈ ಹುದ್ದೆಗಳ ನೇಮಕಾತಿಯ ಲಿಖಿತ ಪರೀಕ್ಷೆಗಳು ಆರಂಭವಾಗಲಿದೆ. ಸಂಪೂರ್ಣ ಕಂಪ್ಯೂಟರೀಕೃತವಾಗಿ, ಪಾರದರ್ಶಕವಾಗಿ ನೇಮಕಾತಿ ನಡೆಯಲಿದೆ. ಅಭ್ಯರ್ಥಿಗಳು ಆಮಿಷಗಳಿಗೆ ಬಲಿಯಾಗಬಾರದು ಎ ಎಂದು ಮನವಿ ಮಾಡಲಾಗಿದೆ.
Click it and Unblock the Notifications
Sign in with Google