Work From Home ಇಲ್ಲ: ಭಾರತದ ಟ್ವಿಟರ್ ಉದ್ಯೋಗಿಗಳಿಗೆ ಏನೆಲ್ಲಾ ಸವಾಲು?
ನವದೆಹಲಿ, ಡಿಸೆಂಬರ್ 16: ಟ್ವಿಟರ್ನಲ್ಲಿ ಭಾರೀ ಸಂಖ್ಯೆಯ ಉದ್ಯೋಗ ಕಡಿತದ ನಂತರದಲ್ಲಿ ಭಾರತದಲ್ಲಿರುವ ಕಂಪನಿಯಲ್ಲಿ ಕೇವಲ 80 ಉದ್ಯೋಗಿಗಳು ಉಳಿದುಕೊಂಡಿದ್ದಾರೆ ಎಂದು ವರದಿಯಾಗಿದೆ. ಮೈಕ್ರೋ-ಬ್ಲಾಗಿಂಗ್ ಸೈಟ್ನ ನಿರ್ವಹಣೆಯನ್ನು ಎಲೋನ್ ಮಸ್ಕ್ ವಹಿಸಿಕೊಂಡಾಗಿನಿಂದ ಉದ್ಯೋಗಿಗಳು ಕೆಲಸದ ವೈಖರಿ ಮತ್ತು ರೀತಿಯಲ್ಲಿ ಹಲವು ಬದಲಾವಣೆಗಳನ್ನು ತರಲಾಗಿದೆ.
ಕಳೆದ ಅಕ್ಟೋಬರ್ನಲ್ಲಿ ಮಸ್ಕ್, ಭಾರತದ ದೆಹಲಿ, ಮುಂಬೈ ಮತ್ತು ಬೆಂಗಳೂರಿನಿಂದ ಹೊರಗಿರುವ ಕಚೇರಿಗಳಿಂದ ಕೆಲಸ ಮಾಡುವ ಅನೇಕರು ಸೇರಿದಂತೆ ಸುಮಾರು ಅರ್ಧದಷ್ಟು ಉದ್ಯೋಗಿಗಳನ್ನು ವಜಾಗೊಳಿಸಿದ್ದರು. ಈ ವರದಿಗಳ ಪ್ರಕಾರ, ಅಕ್ಟೋಬರ್ ತಿಂಗಳಲ್ಲಿ 250 ಉದ್ಯೋಗಿಗಳಲ್ಲಿ 170 ಮಂದಿಯನ್ನು ವಜಾಗೊಳಿಸಲಾಗಿದೆ. ಉಳಿದ 80 ಉದ್ಯೋಗಿಗಳು ಎಲೋನ್ ಮಸ್ಕ್ ನೇತೃತ್ವದಲ್ಲಿ ತಮ್ಮ ಕೆಲಸವನ್ನು ನಿರ್ವಹಿಸುವುದು ಕಷ್ಟಕರವಾಗಿದೆ.
ಎಲೋನ್ ಮಸ್ಕ್ ಟ್ವಿಟರ್ನ ಉದ್ಯೋಗಿಗಳಿಗಾಗಿ ಹೊಸ ನಿಯಮಗಳು ಮತ್ತು ನೀತಿಗಳನ್ನು ತಂದಿದ್ದಾರೆ. ಇದರಲ್ಲಿ ದೀರ್ಘಾವಧಿಯ ಕೆಲಸದ ಸಮಯ ಮತ್ತು ಮನೆಯಿಂದ ಕೆಲಸವನ್ನು ಹಿಂತೆಗೆದುಕೊಳ್ಳುವ ಆಯ್ಕೆಗಳು ಒಳಗೊಂಡಿವೆ. ಭಾರತದ ಕಚೇರಿಯ ನಿಯಮವು ಯುಎಸ್ ಕಚೇರಿಗಳೊಂದಿಗೆ ಸಿಂಕ್ ಆಗಿದೆ. ಆದಾಗ್ಯೂ, ಸ್ಯಾನ್ ಫ್ರಾನ್ಸಿಸ್ಕೋ ಕಚೇರಿಯಲ್ಲಿರುವಂತೆ ಭಾರತದಲ್ಲಿನ ಪರಿಸ್ಥಿತಿಯು ಕೆಟ್ಟದ್ದಿಲ್ಲ ಎಂದು ವರದಿಯಾಗಿದೆ.
ಭಾರತದ ಟ್ವಿಟರ್ ಉದ್ಯೋಗಿಗಳಿಗೆ ಸವಾಲುಗಳೇನು?
* ಎಲ್ಲಾ ಭಾರತೀಯ ಉದ್ಯೋಗಿಗಳಿಗೆ ಮತ್ತು ಇತರ ಮಾರುಕಟ್ಟೆಗಳಲ್ಲಿನ ಸಿಬ್ಬಂದಿಗಳಿಗೆ, ಮಸ್ಕ್ ಅವರು ವಿಶ್ರಾಂತಿ ದಿನಗಳನ್ನು ತೆಗೆದುಹಾಕಿದ್ದಾರೆ. ಪ್ರತಿ ತಿಂಗಳ ಒಂದು ಸೋಮವಾರವೊಂದೇ ರಜಾ ದಿನವಾಗಿದೆ.
* ಉಚಿತ ತಿಂಡಿಗಳನ್ನು ನೀಡುವ ಪ್ಯಾಂಟ್ರಿ ಸೇವೆಗಳನ್ನು ಸ್ಥಗಿತಗೊಳಿಸುವುದು. ಆದ್ದರಿಂದ, ಟ್ವಿಟರ್ ಇಂಡಿಯಾ ಉದ್ಯೋಗಿಗಳಿಗೆ ಇನ್ನು ಮುಂದೆ ಯಾವುದೇ ಉಚಿತ ತಿಂಡಿ ಇರುವುದಿಲ್ಲ.
* ಹೊಸ ಟ್ವಿಟರ್ ಮುಖ್ಯಸ್ಥರು ಭಾರತದ ಎಲ್ಲಾ ಉದ್ಯೋಗಿಗಳನ್ನು ಕಚೇರಿಗೆ ಹಿಂತಿರುಗುವಂತೆ ಕೇಳಿಕೊಂಡಿದ್ದಾರೆ.
* ಕೆಲಸದ ಸಂಸ್ಕೃತಿಯಲ್ಲಿ ಮಸ್ಕ್ ತಂದ ಮತ್ತೊಂದು ಬದಲಾವಣೆಯೆಂದರೆ ದೈನಂದಿನ ಕೆಲಸದ ಸಮಯವನ್ನು ಹೊಂದಿಸುವುದು. ಈಗ, ಉದ್ಯೋಗಿಗಳನ್ನು ದೀರ್ಘಾವಧಿವರೆಗೂ ಇರುವಂತೆ ಕೇಳಲಾಗುತ್ತದೆ.
* ಒಂದು ಮೂಲಗಳ ಪ್ರಕಾರ, ಭಾರತದ ಕಚೇರಿಗಳಿಂದ ಕೆಲಸ ಮಾಡುವ ಎಂಜಿನಿಯರ್ಗಳು ಕಠಿಣ ಸಮಯವನ್ನು ಹೊಂದಿದ್ದಾರೆ, ಮಸ್ಕ್ ಬೇಡಿಕೆಯಿರುವ ವಾರಾಂತ್ಯದಲ್ಲಿ ಕೆಲಸ ಮಾಡುವಂತೆ ಆಗಿದೆ.
* ಭಾರತದಿಂದ ಕೆಲಸ ಮಾಡುವ ಹೆಚ್ಚಿನ ಎಂಜಿನಿಯರ್ಗಳು ವೈಶಿಷ್ಟ್ಯಗಳಿಗೆ ವೇಗವಾಗಿ ಹೊಂದಿಕೊಳ್ಳುವ ಅಗತ್ಯವಿದೆ.
* ಭಾರತದಲ್ಲಿ ವಜಾಗೊಳಿಸಿದ ಎಲ್ಲಾ ಟ್ವಿಟರ್ ಉದ್ಯೋಗಿಗಳು ಸಮಯಕ್ಕೆ ಸರಿಯಾಗಿ ಸಂಬಳ ಪಡೆಯುತ್ತಿದ್ದಾರೆ, ಆದರೆ ಕಂಪನಿಯು ಬೇರ್ಪಡಿಕೆ ವೇತನಕ್ಕೆ ಸಂಬಂಧಿಸಿದ ಯಾವುದೇ ಅಧಿಕೃತ ವಿವರಗಳನ್ನು ಇನ್ನೂ ಬಹಿರಂಗಪಡಿಸಿಲ್ಲ.
Click it and Unblock the Notifications
Sign in with Google