Masika Durgashtami 2024: 2024ರ ಮೊದಲ ದುರ್ಗಾಷ್ಟಮಿ ದಿನಾಂಕ, ಮಂಗಳಕರ ಸಮಯ, ಮಹತ್ವ ತಿಳಿಯಿರಿ
ಭಗವತಿ ದೇವಿಗೆ ಅರ್ಪಿತವಾದ ದುರ್ಗಾಷ್ಟಮಿ ಉಪವಾಸವನ್ನು ಪ್ರತಿ ತಿಂಗಳ ಶುಕ್ಲ ಪಕ್ಷದ ಅಷ್ಟಮಿ ದಿನಾಂಕದಂದು ಆಚರಿಸಲಾಗುತ್ತದೆ. ಈ ದಿನ ದೇವಿ ದುರ್ಗೆಯನ್ನು ಪೂಜಿಸಲಾಗುತ್ತದೆ ಮತ್ತು ಉಪವಾಸವನ್ನು ಮಾಡಲಾಗುತ್ತದೆ. ಈ ಬಾರಿ ಪುಷ್ಯ ಮಾಸದಲ್ಲಿ ಮಾಸಿಕ ದುರ್ಗಾಷ್ಟಮಿ ಜನವರಿ 18 ರಂದು ಬರುತ್ತದೆ. ಈ ವಿಶೇಷ ದಿನದಂದು ಅನೇಕ ಮಂಗಳಕರ ಯೋಗಗಳು ರೂಪುಗೊಳ್ಳುತ್ತಿವೆ. ಈ ಸಮಯದಲ್ಲಿ ಮಾಡುವ ಪೂಜೆ ಮತ್ತು ಪ್ರಾರ್ಥನೆ ವಿಶೇಷ ಪ್ರಯೋಜನಗಳನ್ನು ನೀಡುತ್ತದೆ.
ಧಾರ್ಮಿಕ ನಂಬಿಕೆಗಳ ಪ್ರಕಾರ, ಈ ವಿಶೇಷ ದಿನದಂದು ದುರ್ಗಾ ದೇವಿಯನ್ನು ಪೂಜಿಸುವುದರಿಂದ ಸಂತೋಷ ಮತ್ತು ಸಮೃದ್ಧಿ ಪ್ರಾಪ್ತಿಯಾಗುತ್ತದೆ. ಜೀವನದಲ್ಲಿ ಎಲ್ಲಾ ರೀತಿಯ ದುಃಖಗಳು ಮತ್ತು ತೊಂದರೆಗಳು ದೂರವಾಗುತ್ತವೆ. ಹಾಗಾದರೆ ಮಾಸಿಕ ದುರ್ಗಾಷ್ಟಮಿಯ ದಿನಾಂಕ, ಶುಭ ಸಮಯ ಮತ್ತು ಪೂಜೆಯ ವಿಧಾನದ ಬಗ್ಗೆ ತಿಳಿಯೋಣ.
ಮಾಸಿಕ ದುರ್ಗಾಷ್ಟಮಿ ಶುಭ ಸಮಯ
ಪುಷ್ಯ ಮಾಸದ ಶುಕ್ಲ ಅಷ್ಟಮಿ ತಿಥಿ ಜನವರಿ 18 ರಂದು ದುರ್ಗಾಷ್ಟಮಿ ಆಚರಿಸಲಾಗುತ್ತದೆ. ಪಂಚಾಂಗದ ಪ್ರಕಾರ ಮಾಸಿಕ ದುರ್ಗಾಷ್ಟಮಿ ತಿಥಿಯು ಬುಧವಾರ ಜನವರಿ 17, 2024 ರಂದು ರಾತ್ರಿ 10:06 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಮರುದಿನ ಅಂದರೆ ಜನವರಿ 18 ರಂದು ರಾತ್ರಿ 8:44 ಕ್ಕೆ ಕೊನೆಗೊಳ್ಳುತ್ತದೆ.
ಸಿದ್ಧ ಯೋಗ ಮತ್ತು ಸಾಧ್ಯ ಯೋಗ
ವೈದಿಕ ಕ್ಯಾಲೆಂಡರ್ ಪ್ರಕಾರ, ಮಾಸಿಕ ದುರ್ಗಾಷ್ಟಮಿ ಉಪವಾಸದ ದಿನದಂದು ಸಿದ್ಧ ಯೋಗ ಮತ್ತು ಸಾಧ್ಯ ಯೋಗವನ್ನು ರೂಪಗೊಳ್ಳುತ್ತವೆ. ಸಿದ್ಧಯೋಗವು ಮಧ್ಯಾಹ್ನ 02:48 ರವರೆಗೆ ಇರುತ್ತದೆ ಮತ್ತು ನಂತರ ಸಾಧ್ಯ ಯೋಗವು ಪ್ರಾರಂಭವಾಗುವುದು. ಜೊತೆಗೆ ಈ ದಿನ ಸರ್ವಾರ್ಥ ಸಿದ್ಧಿ ಯೋಗ ಮತ್ತು ರವಿ ಯೋಗದ ಸಂಯೋಜನೆಯೂ ಇದೆ.
ಮಾಸಿಕ ದುರ್ಗಾಷ್ಟಮಿಯ ದಿನದಂದು ಪೂಜಾ ವಿಧಾನ:-
*ಮಾಸಿಕ ದುರ್ಗಾಷ್ಟಮಿಯ ದಿನದಂದು ಬ್ರಹ್ಮ ಮುಹೂರ್ತದಲ್ಲಿ ಎದ್ದು ಸ್ನಾನ ಮಾಡಿ ಶುಭ್ರವಾದ ಬಟ್ಟೆಯನ್ನು ಧರಿಸಿ ಮಾತೃದೇವತೆಯನ್ನು ಧ್ಯಾನಿಸಿ.
*ನೀವು ಪೂಜೆ ಮಾಡುವ ಸ್ಥಳವನ್ನು ಸ್ವಚ್ಛಗೊಳಿಸಿ ಮತ್ತು ಗಂಗಾಜಲವನ್ನು ಸಿಂಪಡಿಸಿ.
* ಒಂದು ಮಣೆಯ ಮೇಲೆ ಕೆಂಪು ಬಟ್ಟೆಯನ್ನು ಹರಡಿ ಮತ್ತು ದೇವಿ ದುರ್ಗೆಯ ಮೂರ್ತಿಯನ್ನು ಇಡಿ. ತಾಯಿಗೆ ನೀರು, ಕೆಂಪು ಚುನರಿ, ಅಕ್ಷತೆ ಮತ್ತು ಹೂವಿನ ಹಾರವನ್ನು ಅರ್ಪಿಸಿ.
*ನಂತರ ವಿಧಿವಿಧಾನಗಳ ಪ್ರಕಾರ ಮಾತೆ ದುರ್ಗೆಯನ್ನು ಪೂಜಿಸಿ. ದೇವಿ ದುರ್ಗೆಗೆ ವೀಳ್ಯದೆಲೆಯಲ್ಲಿ ಏಲಕ್ಕಿ, ಅಡಿಕೆ ಮತ್ತು ಲವಂಗವನ್ನು ಅರ್ಪಿಸಿ. ಇದರ ನಂತರ ದೇವಿ ದುರ್ಗೆಯ ಆರತಿ ಮಾಡಿ ದುರ್ಗಾ ಚಾಲೀಸಾವನ್ನು ಪಠಿಸಿ. ಬಳಿಕ ಕೊನೆಗೆ ಪ್ರಸಾದ ವಿತರಿಸಿ.
ಮಾಸಿಕ ದುರ್ಗಾಷ್ಟಮಿಯ ಮಹತ್ವ
ಮಾಸಿಕ ದುರ್ಗಾಷ್ಟಮಿ ಉಪವಾಸವನ್ನು ಆಧ್ಯಾತ್ಮಿಕ ದೃಷ್ಟಿಕೋನದಿಂದ ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಮಾಸಿಕ ದುರ್ಗಾಷ್ಟಮಿಯನ್ನು ದುರ್ಗಾ ಅಷ್ಟಮಿ ಎಂದೂ ಕರೆಯುತ್ತಾರೆ. ಈ ದಿನ ದುರ್ಗೆಯ ಕೆಲವು ಮಂತ್ರಗಳನ್ನು ಪಠಿಸಲಾಗುತ್ತದೆ. ಈ ದಿನ ದೇವಿ ದುರ್ಗೆಯ ಮಂತ್ರಗಳನ್ನು ಪಠಿಸುವ ಜನರು ಮನಸ್ಸಿನ ಶಾಂತಿಯನ್ನು ಪಡೆಯುತ್ತಾರೆ ಮತ್ತು ಅವರ ಬುದ್ಧಿವಂತಿಕೆಯನ್ನು ಅಭಿವೃದ್ಧಿಪಡಿಸುತ್ತಾರೆ ಎಂದು ನಂಬಲಾಗಿದೆ. ಜೊತೆಗೆ ತಾಯಿಯಿಂದ ಆಶೀರ್ವಾದ ಪಡೆಯುತ್ತಾರೆ ಎನ್ನಲಾಗುತ್ತದೆ.
Click it and Unblock the Notifications
Sign in with Google