Google Doodle: 25ನೇ ವರ್ಷದ ಜನ್ಮದಿನದ ಶುಭಾಶಯಗಳು ಗೂಗಲ್!

ಯಾವುದಾದರು ವಿಷಯದ ಬಗ್ಗೆ ಅರ್ಥವಾಗಿಲ್ಲ, ಅದರ ಬಗ್ಗೆ ಮಾಹಿತಿ ಬೇಕು ಅಂತಾದರೆ ನಾವೆಲ್ಲಾ ಮೊದಲು ಮಾಡೋದು ಗೂಗಲ್ ಅನ್ನು. ಗೂಗಲ್ ಅದೆಷ್ಟು ನಮ್ಮ ಜೀವನದಲ್ಲಿ ಅವಶ್ಯಕವಾಗಿದೆ ಅಂದರೆ ಸಣ್ಣ ಪುಟ್ಟ ಮಾಹಿತಿಗಳಿಗೂ ಗೂಗಲ್ ಇದೆ ಅನ್ನುವಷ್ಟು. ಗೂಗಲ್ ಇದ್ದು ಬಿಟ್ಟರೆ ಪ್ರಪಂಚದಲ್ಲಿನ ಎಲ್ಲಾ ಮಾಹಿತಿಯನ್ನು ಜೊತೆಗೆ ಇಟ್ಟುಕೊಂಡಷ್ಟು ಆತ್ಮವಿಶ್ವಾಸ ಬಂದುಬಿಡುತ್ತದೆ. ಹೀಗೆ ನಮ್ಮೆಲ್ಲರಿಗೂ ಸುಲಭವಾಗಿ ಮಾಹಿತಿ ಪಡೆಯಲು ಸಹಾಯಕವಾಗಿರುವ ಗೂಗಲ್‌ಗೆ ಇಂದು 25 ನೇ ವರ್ಷದ ಹುಟ್ಟುಹಬ್ಬ.

ಹೌದು.. ಇಂದು (ಸೆಪ್ಟೆಂಬರ್ 27) ಗೂಗಲ್ ವಿಶೇಷ ಡೂಡಲ್‌ನೊಂದಿಗೆ ತನ್ನ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದೆ. ''ವಾಕ್ ಡೌನ್ ಮೆಮೊರಿ ಲೇನ್'' ಮೂಲಕ ಕಂಪನಿಯು ತನ್ನ ಜನ್ಮದಿನದಂದು ವಿಭಿನ್ನ ಡೂಡಲ್‌ಗಳನ್ನು ಪ್ರದರ್ಶಿಸಿತು. ಇಂದು ಗೂಗಲ್ ತನ್ನ ಮುಖಪುಟದಲ್ಲಿ ತನ್ನ ಹೆಸರನ್ನು G25gle ಎಂದು ಬರೆದಿದೆ.

ಅಮೆರಿಕದ ಪ್ರತಿಷ್ಠಿತ ಸ್ಟಾನ್‌ಫೋರ್ಡ್ ಯುನಿವರ್ಸಿಟಿಯ ವಿದ್ಯಾರ್ಥಿಗಳಾಗಿದ್ದ ಲ್ಯಾರಿ ಪೇಜ್ ಹಾಗೂ ಸೆರ್ಗೆ ಬ್ರಿನ್ ಸೆಪ್ಟೆಂಬರ್ 27, 1998ರಂದು ಗೂಗಲ್‌ನ್ನು ಹುಟ್ಟು ಹಾಕಿದರು. ಇಟರ್ನೆಟ್‌ ಮಾಹಿತಿಯನ್ನು ಸುಲಭವಾಗಿ ವರ್ಗೀಕರಿಸಿಕೊಳ್ಳಲು ಸೌಲಭ್ಯ ನಿರ್ಮಿಸುವ ಹಂಬಲದೊಂದಿಗೆ ಗೂಗಲ್‌ ಜನ್ಮ ತಾಳಿತು.

Celebrating our 25th birthday and fondly reminiscing twenty five years of our journey together with this #GoogleDoodle 🥹💕 pic.twitter.com/AqG7W0A4Su

— Google India (@GoogleIndia) September 26, 2023

ಸೆರ್ಗೆ ಬ್ರಿನ್ ಮತ್ತು ಲ್ಯಾರಿ ಪೇಜ್ 1990 ರ ದಶಕದ ಉತ್ತರಾರ್ಧದಲ್ಲಿ ಕಂಪ್ಯೂಟರ್ ವಿಜ್ಞಾನವನ್ನು ಅಧ್ಯಯನ ಮಾಡುತ್ತಿದ್ದರು. ತಮ್ಮ ಹಾಸ್ಟೆಲ್ ಕೊಠಡಿಗಳಿಂದ ಕೆಲಸ ಮಾಡುವ ಮೂಲಕ, ಇಬ್ಬರೂ ವರ್ಲ್ಡ್ ವೈಡ್ ವೆಬ್‌ನಲ್ಲಿ ಲಿಂಕ್‌ಗಳನ್ನು ಬಳಸುವ ಹುಡುಕಾಟ ಎಂಜಿನ್ ಅನ್ನು ರಚಿಸಿದರು. ಅವರು ಅದನ್ನು ಬ್ಯಾಕ್‌ರಬ್ ಎಂದು ಕರೆದರು. ನಂತರ ಅದರ ಹೆಸರನ್ನು ಗೂಗಲ್ ಎಂದು ಬದಲಾಯಿಸಲಾಯಿತು.

ಗೂಗಲ್ ಹೆಸರು ಬರಲು ಕಾರಣವೇನು?

ಬ್ರಿನ್ ಮತ್ತು ಪೇಜ್ ಅವರು 'ಜಗತ್ತಿನ ಮಾಹಿತಿಯನ್ನು ಸಂಘಟಿಸಲು ಮತ್ತು ಅದನ್ನು ಸಾರ್ವತ್ರಿಕವಾಗಿ ಪ್ರವೇಶಿಸಲು ಮತ್ತು ಉಪಯುಕ್ತವಾಗಿಸಲು' ಬಯಸಿದ್ದರು. ಶೀಘ್ರದಲ್ಲೇ ಅವರು Google ನ ಮೊದಲ ಕಚೇರಿಗೆ ಸ್ಥಳಾಂತರಗೊಂಡರು. ಅದು ಬಾಡಿಗೆ ಗ್ಯಾರೇಜ್ ಆಗಿತ್ತು.

25 years ago, Google Search launched from a garage in a California suburb. Today, we have offices and data centers on six continents, in over 200 cities. In honor of our 25th birthday tomorrow, take a world tour with us #Google25 ↓ https://t.co/lRCaDCJvg0

— Google (@Google) September 26, 2023

ಗೂಗಲ್ ಯಾವಾಗ ಹುಟ್ಟಿತು?

Google Inc ಅಧಿಕೃತವಾಗಿ ಸೆಪ್ಟೆಂಬರ್ 27, 1998 ರಂದು ಜನಿಸಿತು. 1998 ರಿಂದ ಬಹಳಷ್ಟು ಬದಲಾಗಿದೆ. ಪ್ರಪಂಚದ ಮಾಹಿತಿಯನ್ನು ಸಂಘಟಿಸುವುದು ಮತ್ತು ಅದನ್ನು ಸಾರ್ವತ್ರಿಕವಾಗಿ ಪ್ರವೇಶಿಸಬಹುದಾದ ಮತ್ತು ಉಪಯುಕ್ತವಾಗಿಸುವುದು ಗೂಗಲ್‌ನ ಕೆಲಸ. ಪ್ರಪಂಚದಾದ್ಯಂತದ ಶತಕೋಟಿ ಜನರು ಹುಡುಕಲು, ಸಂಪರ್ಕಿಸಲು, ಕೆಲಸ ಮಾಡಲು, ಆಟವಾಡಲು ಮತ್ತು ಹೆಚ್ಚಿನ ಮಾಹಿತಿಯನ್ನು ಪಡೆಯಲು Google ಅನ್ನು ಬಳಸುತ್ತಾರೆ.

ಗೂಗಲ್ ತನ್ನ 25 ನೇ ವಾರ್ಷಿಕೋತ್ಸವದ ಡೂಡಲ್ ಬಗ್ಗೆ ಹೇಳಿದೆ- "ಕಳೆದ 25 ವರ್ಷಗಳಿಂದ ಬೆಳೆಸುತ್ತಿರುವ ಬಳಕೆದಾರರಿಗೆ ಧನ್ಯವಾದ'' ಎಂದು ಹೇಳುತ್ತದೆ.

ಹಲವು ಬಾರಿ ಬದಲಾದ Google ನ ಜನ್ಮ ದಿನಾಂಕ

ಗೂಗಲ್‌ನ ಹುಟ್ಟುಹಬ್ಬವನ್ನು ಈ ಹಿಂದೆ ಬೇರೆ ಬೇರೆ ದಿನಾಂಕಗಳಲ್ಲಿ ಆಚರಿಸಲಾಗುತ್ತಿತ್ತು. ಮೊದಲಿಗೆ ಸೆಪ್ಟೆಂಬರ್ 7 ರಂದು ಹುಟ್ಟುಹಬ್ಬವನ್ನು ಆಚರಿಸಲಾಯಿತು. ನಂತರ 8 ರಂದು ಗೂಗಲ್ ಹುಟ್ಟುಹಬ್ಬವನ್ನು ಆಚರಿಸಲಾಯಿತು ಮತ್ತು ನಂತರ ಸೆಪ್ಟೆಂಬರ್ 26 ರಂದು ಆಚರಿಸಲಾಯಿತು. ನಂತರ ಕಂಪನಿಯು ಸೆಪ್ಟೆಂಬರ್ 27 ರಂದು ಅಧಿಕೃತವಾಗಿ ಗೂಗಲ್ ಹುಟ್ಟುಹಬ್ಬವನ್ನು ಆಚರಿಸಲು ಘೋಷಿಸಿತು. ಏಕೆಂದರೆ ಈ ದಿನ ಗೂಗಲ್ ತನ್ನ ಸರ್ಚ್ ಇಂಜಿನ್‌ನಲ್ಲಿ ಪುಟ ಹುಡುಕಾಟ ಸಂಖ್ಯೆಯ ಹೊಸ ದಾಖಲೆಯನ್ನು ಸ್ಥಾಪಿಸಿದೆ. ಅಂದರೆ ನಾವು ಗೂಗಲ್ ಪುಟದ ಕೆಳಭಾಗದಲ್ಲಿ ಕಾಣುವ 1,2,3,4 ಇತ್ಯಾದಿ.

ಕ್ಯಾಲಿಫೋರ್ನಿಯಾದ ಮೌಂಟೇನ್ ವ್ಯೂನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಗೂಗಲ್ ಈಗ ಕೃತಕ ಬುದ್ಧಿಮತ್ತೆ, ಆನ್‌ಲೈನ್ ಜಾಹೀರಾತು, ಸರ್ಚ್ ಎಂಜಿನ್ ತಂತ್ರಜ್ಞಾನ, ಕ್ಲೌಡ್ ಕಂಪ್ಯೂಟಿಂಗ್, ಸಾಫ್ಟ್‌ವೇರ್ ಮತ್ತು ಹೆಚ್ಚಿನವುಗಳ ಮೇಲೆ ಕೇಂದ್ರೀಕರಿಸಿದೆ. ಭಾರತ ಮೂಲದ ಸುಂದರ್ ಪಿಚೈ ಅವರು ಕಂಪನಿ ಮತ್ತು ಅದರ ಮೂಲ ಕಂಪನಿ ಆಲ್ಫಾಬೆಟ್‌ನ ಸಿಇಒ ಆಗಿದ್ದಾರೆ.

ಜನ್ಮದಿನದ ಶುಭಾಶಯಗಳು Google!

English summary

Google celebrates its 25th birthday today. Happy Birthday Google!