ಗೌರಿ ಹಬ್ಬಕ್ಕೆ ಹೋದುದು

ಗೌರೀ ಹಬ್ಬಕ್ಕೆ ಅವರೆಲ್ಲ ಬಂದವರೇ ಮಾ ಶಿವನ ನನ್ನ ಕಳುಹೆಂದು । ಗೌರಮ್ಮ ಶಿವನಿಗೆ ಶೋಕ ಕೊಡುತಾಳೆ ।। ಹಿಪ್ಪೆ ಹೂವಿನ್ಹಂಗೆ ಕೆನ್ನೇಗೆ ನೆರಿಬಂದೊ ಮತ್ಯಾಕೆ ಗೌರಿ ತವರಾಸೆ । ಅಣ್ಣೀ ಹೂವಿನ್ಹಂಗೆ ಕೆನ್ನೇಗೆ ನೆರಿಬಂದೋ ಇನ್ಯಾಕೆ ಗೌರಿ ತವರಾಸೆ ।। ಹಾಲು ಕಾಸೋರಿಲ್ಲ ಬಾಲನ ತಡೆಯೋರಿಲ್ಲ ನೂರೊಂದು ಜಡೆಯ ಜಪಿಸ್ಯಾರು । ಮಂಗ್ಳಾರ್ತಿಯ ನಾರಿ ನನಗ್ಯಾರೇ ಬೆಳಗೋರು ।। ಹಾಲನು ಕಾಸೋಳು ಗಂಗೆ ಬಾಲನ ತಡೆಯೋಳು ಗಂಗೆ ನೂರೊಂದು ಜಡೆಯ ಜಪಿಸ್ಯಾರು। ಮಂಗ್ಳಾರ್ತಿಯ ನಾರಿ ಗಂಗ್ಯವಳೇ ಬೆಳಗೋಕೆ ।। ಹಾಲ ಕಾಸೊ ಹೊತ್ತಿಗೆ ಬ್ಯಾಳೆ ಮೂಗೋಳು ಮೆದ್ದ ಕಾರೆಳ್ಳು ಮೆದ್ದ ಐಗಳವ । ಗೌರಿ ನಿನ್ನ ಬಾಲಯ್ಯಾನ್ಯಾರೇ ತಡೆಯೋರು ।। ತುಪ್ಪ ಕಾಸೋ ಹೊತ್ತಿಗೆ ಸಕ್ಕರೆ ಮೂಗೋಳು ಮೆದ್ದ ಅಚ್ಚೇಳ್ಳ ಮೆದ್ದ ಒಗಳವ । ಗೌರೀ ನಿನ್ನ ಪುತ್ರಯ್ಯನ್ಯಾರೇ ತಡೆಯೋರು ।। ಆನೆ ಮೇಲೆ ಬರುವೋರು ನಾನಕ್ಕೈಯ್ಯಾಡ್ಡೋರು ಎಂಥಾ ಜೀನಗರೇ ತೌರೋರು । ಶ್ರೀ ಗೌರಿ ಏನ್ಹೊದಿಯೇಳೆ ತೌರೀಗೆ ।। ತುಪ್ಪ ಬಾನುಣ್ಣೋದ ಉಪ್ಪು ಬಾನುಂಡೇನು ಬಟ್ಟೆ ಉಡುವೋದ ಹರಿದುಡುವೆ । ಮಾ ಶಿವನೆ ಒಪ್ಪತ್ತು ಇದ್ದು ಬರುತೀನಿ।। ಹಾಲು ಬಾನುಣ್ಣೋದ ನೀರು ಬಾನುಂಡೇನು ಶಾಲೆ ಉಡುವೋದ ಕರಿದಿಡುವೇ । ಮಾ ಶಿವನೇ ಅರಗಳಿಗೆ ಇದ್ದು ಬರುತೀನಿ ।। ಗೌರಮ್‌ ಬರುತ್ತಾಳೆಂದು । ಗರಡೀ ಸಾಲಾಗಿದ್ದು ಗಂಧ ಚಂದಿರವ ಹಿಡಿದಿದ್ಲು । ತಂಗ್ಯವ್ವ ಮುತ್ತೆೈದೆ ಬಳೆಯ ತೊಡುತಿದ್ದು ।। ಮುತ್ತೆೈದೆ ನಿನಕೈಲಿ ಮೂರು ಚಂದದ ಬಳೇ ಅಚ್ಚ ಮುತ್ತೆೈದೆ ತಂಗ್ಯವ್ವ । ನಿನ ಕೈಲಿ ನಿಚ್ಚ ಗೌರವ ಹೊಸಬಳೇ ।। ಅಚ್ಚ ನೀಲದ ಬಳೆಯ ಹೆಚ್ಚಾಗ್‌ ತಂಗ್ಯವ್‌ ತೊಟ್ಲೂ ನಿಮ್ಹೆತವ್ವಾಗ್ಹೋಗಿ । ತಂಗ್ಯವ್ವ ನಿನ ಮುತ್ತೆೈದೆ ಸ್ನಾನ ಘನವಾಗ್ಲಿ ।। (ಎಸ್‌.ಕೆ.ಕರೀಂಖಾನರ ಕನ್ನಡ ಜಾನಪದ ಗೀತೆಗಳು ಪುಸ್ತಕದಿಂದ ಆಯ್ದ ಗೀತೆ)