Haircut: ಕೂದಲು ಕತ್ತರಿಸಲು 20,000 ಖರ್ಚು ಮಾಡಿದ ವ್ಯಕ್ತಿ!

ನಾವು ಸಾಮಾನ್ಯವಾಗಿ ತಿಂಗಳಿಗೊಮ್ಮೆ ಅಥವಾ ಎರಡು ತಿಂಗಳಿಗೊಮ್ಮೆ ಕೂದಲು ಕತ್ತಿರಿಸುತ್ತೇವೆ. ಇದಕ್ಕಾಗಿ 100 ರೂಪಾಯಿಯಿಂದ 1000 ರೂಪಾಯಿವರೆಗೆ ಖರ್ಚು ಮಾಡುತ್ತೇವೆ. ಆದರೆ ಇತ್ತೀಚಿನ ದಿನಗಳಲ್ಲಿ ಜನರು ತಮ್ಮ ಕೂದಲನ್ನು ಕತ್ತರಿಸಲು ಪ್ರತಿ ಬಾರಿಯೂ ಊಹಿಸಲಾಗದಷ್ಟು ಹಣವನ್ನು ಖರ್ಚು ಮಾಡುತ್ತಿರುವುದು ಅಚ್ಚರಿ ಮೂಡಿಸಿದೆ. ಇದಕ್ಕಿಂತ ಹೆಚ್ಚಾಗಿ ಇಲ್ಲೊಬ್ಬ ವ್ಯಕ್ತಿ ತನ್ನ ಕೂದಲು ಕತ್ತರಿಸಲು 20,000 ಖರ್ಚು ಮಾಡುತ್ತಾನೆ ಅಂದರೆ ನೀವು ನಂಬಲೇ ಬೇಕು.

ಈತ ಬೇರೆ ಯಾರೂ ಅಲ್ಲ ಬ್ರೂನಿ ಸುಲ್ತಾನ ಹಸನಲ್ ಬೊಲ್ಕಿಯಾ. ಲಂಡನ್‌ನ ಕ್ಷೌರಿಕನೊಬ್ಬ ಬ್ರೂನಿ ಸುಲ್ತಾನನ ಕೂದಲನ್ನು ಕತ್ತರಿಸಲು 20,000 ರೂಪಾಯಿಯನ್ನು ಪಡೆಯುತ್ತಾನೆ. ಮೇಫೇರ್‌ನಲ್ಲಿರುವ ಡಾರ್ಚೆಸ್ಟರ್ ಹೋಟೆಲ್‌ನಲ್ಲಿ ಕ್ಷೌರಿಕನ ಅಂಗಡಿಯನ್ನು ಹೊಂದಿರುವ ಕೆನ್ ಮೊಡೆಸ್ಟೌ ಅವರು ಬ್ರೂನಿ ಸುಲ್ತಾನನ ಕೂದಲನ್ನು ಮೂರು ಅಥವಾ ನಾಲ್ಕು ದಿನಗಳಿಗೊಂದು ಬಾರಿ ಕತ್ತರಿಸುತ್ತಾರೆ.

ಇದಕ್ಕಾಗಿ ಅವರು ಹಣವನ್ನು ಮಾತ್ರವಲ್ಲದೆ ಹೆಚ್ಚಿನ ಸೌಲಭ್ಯಗಳನ್ನು ಪಡೆಯುತ್ತಾರೆ. ಇದಕ್ಕಾಗಿ ಕೆನ್ ಮೊಡೆಸ್ಟೌ ಅವರು ಸಿಂಗಾಪುರ್ ಏರ್‌ಲೈನ್ಸ್ ವಿಮಾನದಲ್ಲಿ ಪ್ರತಿ ಬಾರಿ ಹಾರಾಟ ನಡೆಸುತ್ತಾರೆ. ವಿಮಾನದಲ್ಲಿ ಹಾರಾಟ ಮಾಡುವಾಗ ರಾಜಮನೆತನದಿಂದ ಬೆಂಗಾವಲು ಪಡೆಯೂ ಅವರೊಂದಿಗಿರುತ್ತದೆ.

ಅವರು ಒಮ್ಮೆ ಸುಲ್ತಾನನಿಗೆ ಕೂದಲು ಕತ್ತರಿಸಲು ನಿರ್ಧರಿಸಿದರೆ ಅದಕ್ಕಾಗಿ ಅವರು 7,000 ಮೈಲುಗಳಷ್ಟು ಪ್ರಯಾಣಿಸುತ್ತಾರೆ. ಮಾತ್ರವಲ್ಲದೆ ಅವರಿಂದು ಸುಲ್ತಾನನಿಗೆ ಯಾವುದೇ ಸೋಂಕು ಹರಡುವುದನ್ನು ತಪ್ಪಿಸಲು ಅವರನ್ನು ಪ್ರಥಮ ದರ್ಜೆಯ ಚಿಕಿತ್ಸೆಗೂ ಒಳಗಾಗುತ್ತಾರೆ.

ಕೆನ್ ಅವರು ಕ್ಷೌರಕ್ಕಾಗಿ ಸುಲ್ತಾನ್ ಅವರನ್ನು ಭೇಟಿಯಾದಾಗಲೆಲ್ಲಾ ಅವರ ಐಷಾರಾಮಿ ಪ್ರಯಾಣ, ವಸತಿ ಮತ್ತು ಊಟ ಎಲ್ಲವೂ ಸುಲ್ತಾನನ ಖರ್ಚಿನಲ್ಲಿಯೇ ಆಗುತ್ತದೆ. 17 ಶತಕೋಟಿಗೂ ಹೆಚ್ಚು ಆಸ್ತಿ ಹೊಂದಿರುವ ಸುಲ್ತಾನ್‌ಗೆ ಇದು ದೊಡ್ಡ ವೆಚ್ಚವೇನಲ್ಲ. ಕೆನ್ ಮೊಡೆಸ್ಟೌ ಅವರೊಂದಿಗೆ ಕೆಲಸ ಮಾಡುವ ಜಾರ್ಜ್ ಗ್ಯಾಡಿ ಪ್ರಕಾರ, ಮೊಡೆಸ್ಟೊ ಅವರು ರಾಜಮನೆತನಕ್ಕೆ ತನ್ನ ಸೇವೆಗಳನ್ನು ನೀಡಿದಾಗ ಪ್ರತಿ ಬಾರಿಯೂ ಹಲವಾರು ಸಾವಿರ ಡಾಲರ್‌ಗಳನ್ನು ನಗದು ರೂಪದಲ್ಲಿ ಪಡೆಯುತ್ತಾರೆ, ಜೊತೆಗೆ ಮೂರು ನಾಲ್ಕು ರಾತ್ರಿಗಳವರೆಗೆ ವಿಮಾನ ದರ ಮತ್ತು ಹೋಟೆಲ್ ಸೌಕರ್ಯಗಳೆಲ್ಲವೂ ಅವರಿಗೆ ಉಚಿತವಾಗಿರುತ್ತವೆಯಂತೆ.

ಅಂದಹಾಗೆ ಲಂಡನ್‌ನಲ್ಲಿ ಕೆನ್ ಕ್ಷೌರಕ್ಕೆ ಕೇವಲ £30 ಶುಲ್ಕ ವಿಧಿಸುತ್ತಾರೆ. ಜನಪ್ರಿಯ ದಿನಪತ್ರಿಕೆಯ ಪ್ರಕಾರ, ಮೊಡೆಸ್ಟೌ 16 ವರ್ಷಗಳಿಂದ ಸುಲ್ತಾನನ ಕೂದಲನ್ನು ಕತ್ತರಿಸುತ್ತಿದ್ದಾನೆ. ಕೆಲವೊಮ್ಮೆ ಪ್ರತಿ ಮೂರು ಅಥವಾ ನಾಲ್ಕು ವಾರಗಳಿಗೊಮ್ಮೆ ಹೋಗುತ್ತಾನೆ. ಅವರು ಪಡೆಯುವ ಹಣ ಸುಲ್ತಾನನ ಐಷಾರಾಮಿ ಜೀವನದಲ್ಲಿ ಒಂದು ಹನಿ ಇದ್ದಂತೆ.

ಸುಲ್ತಾನನ ಅರಮನೆ

ಸುಲ್ತಾನ ಇರುವ ಅರಮನೆಯನ್ನು 1984 ರಲ್ಲಿ ಬ್ರಿಟಿಷ್ ಆಳ್ವಿಕೆಯಿಂದ ದೇಶವು ಸ್ವಾತಂತ್ರ್ಯ ಪಡೆದ ನೆನಪಿಗಾಗಿ ನಿರ್ಮಿಸಲಾಯಿತು. 2 ಮಿಲಿಯನ್ ಚದರ ಅಡಿ ವಿಸ್ತೀರ್ಣವನ್ನು ಹೊಂದಿರುವ ಇದು ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್‌ನಲ್ಲಿ ವಿಶ್ವದ ಅತಿದೊಡ್ಡ ಅರಮನೆ ಎಂದು ಪಟ್ಟಿಮಾಡಲಾಗಿದೆ. ಈ ಅರಮನೆಯ ಗುಮ್ಮಟವನ್ನು 22 ಕ್ಯಾರೆಟ್ ಚಿನ್ನದಿಂದ ಅಲಂಕರಿಸಲಾಗಿದೆ.

ಹಸನಲ್ ಬೊಲ್ಕಿಯಾ ಅವರ ಇಸ್ತಾನಾ ನೂರುಲ್ ಇಮಾನ್ ಅರಮನೆಯು 2550 ಕೋಟಿ ರೂ.ಗಿಂತ ಹೆಚ್ಚು ಮೌಲ್ಯದ್ದಾಗಿದೆ ಎಂದು ಅಂದಾಜಿಸಲಾಗಿದೆ. ಅರಮನೆಯು ಐದು ಈಜುಕೊಳಗಳು, 257 ಸ್ನಾನಗೃಹಗಳು ಮತ್ತು 1700 ಕ್ಕೂ ಹೆಚ್ಚು ಕೊಠಡಿಗಳನ್ನು ಹೊಂದಿದೆ. 110 ಗ್ಯಾರೇಜ್‌ಗಳ ಜೊತೆಗೆ 200 ಕುದುರೆ ಶೆಡ್‌ಗಳು ಹವಾನಿಯಂತ್ರಿತವಾಗಿವೆ.

ಗೋಲ್ಡ್ ವಿಮಾನ

ಹಸನಲ್ ಬೊಲ್ಕಿಯಾ ಅವರು ತನ್ನ ಸ್ವಂತ ಬಳಕೆಗಾಗಿ ಬೋಯಿಂಗ್ 747 ವಿಮಾನವನ್ನು ಸುಮಾರು 3,000 ಕೋಟಿ ರೂಪಾಯಿಗಳನ್ನು ($400 ಮಿಲಿಯನ್) ಖರ್ಚು ಮಾಡಿದ್ದಾರೆ ಎನ್ನಲಾಗುತ್ತದೆ.

ಗೋಲ್ಡ್ ರೋಲ್ಸ್ ರಾಯ್ಸ್

ಬ್ರೂನಿ ಸುಲ್ತಾನ್ ವಿಶ್ವದ ಅತಿ ದೊಡ್ಡ ಅಪರೂಪದ ವಾಹನಗಳ ಸಂಗ್ರಹವನ್ನು ಹೊಂದಿದ್ದಾರೆ. ಅವುಗಳಿಗೆ ಚಿನ್ನ ಲೇಪಿತವಾಗಿದೆ. ವರದಿಗಳ ಪ್ರಕಾರ, 29ನೇ ಸುಲ್ತಾನ್ ಸುಮಾರು 7,000 ವಾಹನಗಳನ್ನು ಹೊಂದಿದ್ದರು ಎಂದು ಹೇಳಲಾಗುತ್ತದೆ. ಹಸನಲ್ ಬೊಲ್ಕಿಯಾ ಅವರು 500 ರೋಲ್ಸ್ ರಾಯ್ಸ್‌ಗಳನ್ನು ಹೊಂದಿದ್ದಾರೆ. ಬ್ರೂನಿ ಸುಲ್ತಾನ್ ಖರೀದಿಸಿದ ರೋಲ್ಸ್ ರಾಯ್ಸ್ ವಿಶೇಷವಾಗಿ ವಾಹನದ ಮೇಲೆ ಕುಳಿತುಕೊಳ್ಳುವ ಛತ್ರಿಯನ್ನು ಅಳವಡಿಸಲು ತೆರೆದ ಛಾವಣಿಯೊಂದಿಗೆ ತಯಾರಿಸಲ್ಪಟ್ಟಿದೆ.

English summary

How much do you know about the Sultan who spends 20,000 on a golden car, golden plane, haircut? Read more.