Fact check: ನರ್ಮದಾ ನದಿ ನೀರಿನ ಮೇಲೆ ನಡೆದಾಡಿದ ಯೇಸು ಕ್ರಿಸ್ತ? ವಿಡಿಯೋ ಹಿಂದಿರುವ ಅಸಲಿಯತ್ತೇನು?

ಅಂತರ್ಜಾಲದಲ್ಲಿ ವಿಚಿತ್ರ ವಿಡಿಯೋವೊಂದು ವೈರಲ್ ಆಗಿದೆ. ಈ ವಿಡಿಯೋವನ್ನು ಕಂಡು ಜನ ಅಕ್ಷರಶ: ಬೆಚ್ಚಿಬಿದ್ದಿದ್ದಾರೆ. ವೈರಲ್ ವಿಡಿಯೋದಲ್ಲಿ ನೀರಿನ ಮೇಲೆ ವಿಚಿತ್ರ ವ್ಯಕ್ತಿಯೊಬ್ಬ ನಡೆದಾಡಿರುವುದು ಕಂಡು ಬಂದಿದೆ. ಈ ವಿಡಿಯೋ ಅಂತರ್‌ಜಾಲದಲ್ಲಿ ಭಾರೀ ವೈರಲ್ ಆಗಿದೆ.

ವಿಡಿಯೋದಲ್ಲಿ ಕಂಡು ಬಂದಿದ್ದು ಯೇಸು ಕ್ರಿಸ್ತ ಎಂದು ಹಲವರು ಹೇಳುತ್ತಿದ್ದಾರೆ. ಯೇಸು ಕ್ರಿಸ್ತ ನೀರಿನ ಮೇಲೆ ನಡೆದಾಡಿದ ಎಂಬುದು ಬೈಬಲ್ನ 14 ಅಧ್ಯಾಯ, 25 ವಚನದಲ್ಲಿದೆ. ಇದರ ಆಧಾರವಾಗಿಟ್ಟುಕೊಂಡು ಹಲವರು ವಿಡಿಯೋದಲ್ಲಿ ಕಂಡು ಬಂದಿದ್ದು ಯೇಸು ಕ್ರಿಸ್ತ ಎಂದು ಹೇಳಿದ್ದಾರೆ. ಆದರೆ ಇನ್ನೂ ಕೆಲವರು ಇದೊಂದು ನರ್ಮದಾ ನದಿಯ ದೇವತೆಯ ಅವತಾರ ಎಂದು ಹೇಳಿದ್ದಾರೆ. ಮತ್ತೆ ಕೆಲವರು ಇದೊಂದು ಪ್ರೇತಾತ್ಮ ಎಂದು ಹೇಲಿಕೊಂಡಿದ್ದಾರೆ. ವೈರಲ್ ವಿಡಿಯೋದ ಆಧಾರದ ಮೇಲೆ ಪೊಲೀಸರು ಸತ್ಯಾಸತ್ಯತೆಯನ್ನು ಪರಿಶೀಲನೆ ಮಾಡಿದ್ದಾರೆ.

ಪೊಲೀಸ್ ತನಿಖೆಯಿಂದ ನೀರಿನಲ್ಲಿ ನಡೆದಾಡಿದ ಮಹಿಳೆ ಪತ್ತೆಯಾಗಿದ್ದಾಳೆ. ಆಕೆಯ ಹೆಸರು ಜ್ಯೋತಿ ರಘುವಂಶಿ. ಆಕೆ ಯಾವುದೇ ಅಗೋಚರ ಸಾಮರ್ಥ್ಯಗಳನ್ನು ಹೊಂದಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಪೊಲೀಸರ ಪ್ರಕಾರ, ಮಹಿಳೆ 10 ತಿಂಗಳ ಹಿಂದೆ ಮನೆ ತೊರೆದಿದ್ದಳು. ಈಕೆ ನದಿ ನೀರಿನಲ್ಲಿ ಭಕ್ತಿಯಿಂದ ಪ್ರದಕ್ಷಿಣೆ ಹಾಕಿದ್ದಾಳೆ. ವಿಚಾರಣೆಯಲ್ಲಿ ಜ್ಯೋತಿ ತಾನು ಎಂದಿಗೂ ನೀರಿನಲ್ಲಿ ನಡೆಯುತ್ತಿರಲಿಲ್ಲ ಎಂದು ಹೇಳಿದ್ದಾಳೆ. ನದಿಯ ನೀರಿನ ಮಟ್ಟವು ಅದರ ಉದ್ದದ ಮೇಲೆ ಹೇಗೆ ಬದಲಾಗುತ್ತದೆ ಎಂಬುದನ್ನು ಅವರು ವಿವರಿಸಿದರು.

ಜ್ಯೋತಿ ಅವರು ನದಿಯಲ್ಲಿ ನಡೆದಾಡುವ ವೇಳೆ ನೀರಿನ ಮಟ್ಟ ಕಡಿಮೆ ಇರುವ ಪ್ರದೇಶಗಳಿಗೆ ಹೋದರು. ಅಲ್ಲಿ ನೀರಿನ ಮೇಲೆ ನಡೆಯುತ್ತಿದ್ದರು ಎಂದು ಹೇಳಿದರು. ನದಿಯಲ್ಲಿ ನೀರು ಕಡಿಮೆ ಇರುವ ಪ್ರದೇಶದಲ್ಲಿ ಈಕೆ ನಡೆದಾಡಿದ್ದಾಳೆ.

ನದಿಯಲ್ಲಿನ ನೀರಿನ ಮಟ್ಟ ಹೆಚ್ಚಾಗಿದ್ದ ಸ್ಥಳದಲ್ಲಿ ತಾನೂ ಈಜುತ್ತಿದ್ದೆ ಎಂದು ಜ್ಯೋತಿ ಸ್ಪಷ್ಟಪಡಿಸಿದ್ದಾರೆ. ಪೊಲೀಸರು ಮಹಿಳೆಯನ್ನು ಸುರಕ್ಷಿತವಾಗಿ ನದಿಯ ದಡದಿಂದ ಕರೆತಂದಿದ್ದಾರೆ. ಆಕೆಯ ಕುಟುಂಬಕ್ಕೆ ಮಾಹಿತಿ ನೀಡಿದ್ದಾರೆ. 10 ತಿಂಗಳಿನಿಂದ ನಾಪತ್ತೆಯಾದ ನಂತರ ಮನೆಗೆ ಹೋಗಲು ಸಹ ವ್ಯವಸ್ಥೆ ಮಾಡಲಾಗಿದೆ. ಈ ವೇಳೆ ತೆಗೆದ ವಿಡಿಯೋವನ್ನು ತಪ್ಪಾದ ಶೀರ್ಷಿಕೆಯೊಂದಿಗೆ ಹಂಚಿಕೊಳ್ಳಲಾಗಿದೆ.

ಈ ವೈರಲ್ ವಿಡಿಯೊಗೆ ನೆಟ್ಟಿಗರಿಂದ ನೂರಾರು ಪ್ರತಿಕ್ರಿಯೆಗಳು ಬಂದಿವೆ. ವೈರಲ್ ಕ್ಲಿಪ್‌ಗೆ ಇಂಟರ್ನೆಟ್ ಹೇಗೆ ಪ್ರತಿಕ್ರಿಯಿಸಿತು ಎಂಬುದು ಇಲ್ಲಿದೆ:

#जबलपुर - नर्मदा नदी के पानी पर चलती हुई वृद्ध महिला का वीडियो सोशल मीडिया पर वायरल...
लोग वृद्ध महिला को नर्मदा देवी मानकर पूजने लगे आर लोगों का कहना था कि पानी में होने के बावजूद महिला के कपड़े गीले नहीं होते. #Jabalpur #viral #viralvideo #NarmadaRiver pic.twitter.com/3gBu6hrTzj

— लखनऊ की बात (@Lucknowkibaat32) April 10, 2023

"ಅವಳ ನೇರತೆ ಮತ್ತು ಪ್ರಾಮಾಣಿಕತೆಗಾಗಿ ನಾನು ಅವಳನ್ನು ಅಭಿನಂದಿಸುತ್ತೇನೆ"ಎಂದು ನೆಟ್ಟಿಗನೊಬ್ಬ ಪ್ರತಿಕ್ರಿಯೆ ನೀಡಿದ್ದಾನೆ.

'ಅದೊಂದು ವೈಜ್ಞಾನಿಕ ತಂತ್ರ' ಎಂದು ಮತ್ತೊಬ್ಬರು ಹೇಳಿದ್ದಾರೆ.

'ಇದು ಯಾರೂ ಮಾಡಿದ ಪವಾಡವಲ್ಲ. ಇದು ಕೈಗಳ ತಂತ್ರ ಅಥವಾ ವೈಜ್ಞಾನಿಕ ತಂತ್ರವಾಗಿದೆ' ಎಂದು ಮತ್ತೊಬ್ಬರು ಬರೆದಿದ್ದಾರೆ.

'ಯಾರಾದರೂ ಪವಾಡಗಳನ್ನು ಸಾಧಿಸುವುದಾಗಿ ಹೇಳಿಕೊಂಡರೆ, ಅವರು ಜನರನ್ನು ಮೂರ್ಖರನ್ನಾಗಿ ಮಾಡುತ್ತಾರೆ' ಎಂದು ಒಬ್ಬ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ.

"ನಾನು ಭಾವನೆಯನ್ನು ಗೌರವಿಸುತ್ತೇನೆ ಆದರೆ ಯಾವುದನ್ನೂ ಪರಿಶೀಲಿಸದೆ ತಪ್ಪು ಮಾಹಿತಿ ಹರಡುವುದಿಲ್ಲ ಎಂದಿದ್ದಾರೆ" ಎಂದು ಇನ್ನೊಬ್ಬ ಬಳಕೆದಾರರು ಹೇಳಿದರು.

ಹೀಗಾಗಿ ವೈರಲ್ ವಿಡಿಯೋದ ಸಂದೇಶ ತಪ್ಪಾಗಿದೆ. ನೀರಿನ ಮೇಲೆ ಮಹಿಳೆ ನಡೆದಾಡಿಲ್ಲ. ಆಕೆ ಆಳವಾದ ನೀರು ಇರುವ ಪ್ರದೇಶದಲ್ಲೇ ಆಳವಿಲ್ಲದ ಪ್ರದೇಶವನ್ನು ಹುಡುಕಿ ನಡೆದಾಡಿದ್ದಾಳೆ. ಇದರಿಂದ ದೂರದಲ್ಲಿ ಇರುವವರಿಗೆ ನೀರಿನ ಮೇಲೆ ಮಹಿಳೆ ನಡೆದಾಡಿದಂತೆ ಕಾಣಿಸಿದೆ. ಹೀಗಾಗಿ ವೈರಲ್ ವಿಡಿಯೋ ಸಂದೇಶ ತಪ್ಪಾಗಿದೆ.

English summary

A video of a woman walking on Narmada river water has gone viral on social media.