Fact check: ಸರಕು ಸಾಗಣೆ ರೈಲು ನಾಪತ್ತೆ: ಈ ವೈರಲ್ ಸಂದೇಶದ ಹಿಂದಿರುವ ಸತ್ಯವೇನು?

ಸಾಮಾಜಿಕ ಜಾಲತಾಣದಲ್ಲಿ ಯಾವ ಸಂದೇಶಗಳು ಯಾವಾಗ ವೈರಲ್ ಆಗುತ್ತವೆ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ಕೆಲ ಸಂದೇಶಗಳು ತಪ್ಪಾಗಿಯೂ ಹಂಚಿಕೊಳ್ಳಲಾಗುತ್ತದೆ. ಹೀಗೊಂದು ಸಂದೇಶದಲ್ಲಿ 'ಸರಕು ಸಾಗಣೆ ರೈಲು ನಾಪತ್ತೆಯಾಗಿದೆ' ಎಂದು ವೈರಲ್ ಮಾಡಲಾಗಿದೆ. ಈ ಸಂದೇಶ ಕಂಡು ಜನ ಬೆಚ್ಚಿ ಬಿದ್ದಿದ್ದಾರೆ. ಯಾಕೆಂದರೆ ಕಾಣೆಯಾಗಿದೆ ಎಂದು ಹೇಳಲಾಗಿದ್ದು ಬಂಗಾರವಲ್ಲ, ಹಣವಲ್ಲ. ಬದಲಿಗೆ ರೈಲು.

ಫೆಬ್ರವರಿ 1 ರಂದು ಮಹಾರಾಷ್ಟ್ರದ ನಾಗ್ಪುರದ ಮಿಹಾನ್‌ನಿಂದ ಕೋಟ್ಯಂತರ ರೂಪಾಯಿ ಮೌಲ್ಯದ ಸರಕುಗಳೊಂದಿಗೆ ಕಾರ್ಗೋ ರೈಲು ಹೊರಟಿದೆ. 90 ಕಂಟೈನರ್‌ಗಳೊಂದಿಗೆ ಹೊರಟಿರುವ ರೈಲು ನಾಲ್ಕೈದು ದಿನಗಳಲ್ಲಿ ಮುಂಬೈನ ಜವಾಹರಲಾಲ್ ನೆಹರೂ ಬಂದರನ್ನು ತಲುಪಬೇಕು. ರೈಲು ಹೊರಟು 13 ದಿನಗಳ ನಂತರ ನಾಪತ್ತೆಯಾಗಿದ್ದು, ಮುಂಬೈನ ಜವಾಹರಲಾಲ್ ನೆಹರೂ ಬಂದರನ್ನು ತಲುಪಿಲ್ಲ ಎಂದು ವರದಿಯಾಗಿದೆ.

ಮತ್ತೊಂದು ಸಂದೇಶದಲ್ಲಿ 'ಫೆಬ್ರವರಿ 1 ರಂದು ಸರಕು ಸಾಗಣೆ ರೈಲು ನಾಸಿಕ್ ಮತ್ತು ಕಲ್ಯಾಣ್ ನಡುವಿನ ಉಂಬರ್ಮಲಿ ರೈಲು ನಿಲ್ದಾಣಕ್ಕೆ ತಲುಪಿದೆ. ಆದರೆ ಅದರ ನಂತರ ರೈಲು ಇರುವ ಸ್ಥಳದ ಬಗ್ಗೆ ಯಾವುದೇ ಮಾಹಿತಿ ತಿಳಿದಿಲ್ಲ' ಎಂದಿದೆ. ಈ ಕುರಿತು ವೆಬ್‌ಸೈಟ್‌ನಲ್ಲಿ ಸುದ್ದಿ ಪ್ರಕಟವಾದಾಗ ಅನೇಕರು ಆಶ್ಚರ್ಯಚಕಿತಾಗಿದ್ದಾರೆ. ಈ ಬಗ್ಗೆ ಹಲವಾರಿಗೆ ಹಲವಾರು ಪ್ರಶ್ನೆಗಳು ಉದ್ಬವಿಸಿವೆ.

𝗙𝗔𝗖𝗧 𝗖𝗛𝗘𝗖𝗞
The news in circulation about the missing of rake carrying containers from Nagpur to Mumbai is 𝗳𝗮𝗰𝘁𝘂𝗮𝗹𝗹𝘆 𝗶𝗻𝗰𝗼𝗿𝗿𝗲𝗰𝘁. The clarification issued may please be carried for the correct information of readers. @RailMinIndia pic.twitter.com/nVIY1proWV

— Central Railway (@Central_Railway) February 14, 2023

ಇನ್ನೂ ಕೆಲವು ಸಂದೇಶಗಳ ಪ್ರಕಾರ, 'ಕೆಲವು ವಾರಗಳ ಹಿಂದೆ ಬಿಹಾರದಲ್ಲಿ ರೈಲಿನ ಇಂಜಿನ್‌ಗಳು ಕಳ್ಳತನವಾಗಿದ್ದರೆ, ಮಹಾರಾಷ್ಟ್ರದಲ್ಲಿ ರೈಲು ನಾಪತ್ತೆಯಾಗಿದೆ' ಎಂದಿದೆ. ಈ ಸುದ್ದಿ ಅನೇಕರನ್ನು ಗೊಂದಲಕ್ಕೀಡು ಮಾಡಿದೆ.

ಈ ಬಗ್ಗೆ ವಿವರಣೆ ನೀಡಿರುವ ರೈಲ್ವೇ ಆಡಳಿತ, ಕಂಟೈನರ್ ಕಾರ್ಪೊರೇಷನ್ ರೈಲನ್ನು ಜವಾಹರಲಾಲ್ ನೆಹರು ಬಂದರಿಗೆ ಕೊಂಡೊಯ್ದಿದೆ ಎಂದು ಹೇಳಿದೆ. ಆದರೆ ರೈಲು ನಾಪತ್ತೆಯಾಗಿಲ್ಲ ಎಂದು ಸ್ಪಷ್ಟನೆ ನೀಡಿದೆ. ಜೊತೆಗೆ ಸುದ್ದಿಯ ಸತ್ಯಾಸತ್ಯತೆಯನ್ನು ಪರಿಶೀಲಿಸಿದ ನಂತರ ಸಂದೇಶಗಳನ್ನು ಪ್ರಕಟಿಸುವಂತೆ ಮನವಿ ಮಾಡಿದೆ.

ಹೀಗಾಗಿ ನಾಗ್ಪುರದಿಂದ ಮುಂಬೈಗೆ ಕುಂಟೆ ಹೊತ್ತೊಯ್ಯುವ ರೈಲು ನಾಪತ್ತೆಯಾಗಿರುವ ಸುದ್ದಿ ವಾಸ್ತವಿಕವಾಗಿ ತಪ್ಪಾಗಿದೆ.

English summary

A cargo train with goods worth crores of rupees went missing from Mihan in Nagpur, Maharashtra on February 1.