ದ.ಕನ್ನಡ ಜಿಲ್ಲೆ ಅಭ್ಯರ್ಥಿಗಳ ಪಟ್ಟಿ:ಗೆಲ್ಲೋ ಕುದ್ರೆ ಯಾವ್ದು?

Updated: Tuesday, May 7, 2013, 18:22 [IST]

ಒಂದು ಕಾಲದಲ್ಲಿ ಕಾಂಗ್ರೆಸ್ಸಿನ ಭದ್ರಕೋಟೆ, ಕಾಲ ಬದಲಾದಂತೆ ಕರಾವಳಿಯ ಜನತೆ ಕಮಲದ ಹೂವನ್ನು ಮುಡಿಗೇರಿಸಲು ಆರಂಭಿಸಿಕೊಂಡರು. ಆದರೆ ಈಗಿನ ವಾಸ್ತವ ಪರಿಸ್ಥಿತಿಯೇ ಬೇರೆ. ಬಿಜೆಪಿ ಭದ್ರನೆಲೆ ಎಂದು ಕರೆಯಿಸಿಕೊಳ್ಳುತ್ತಿರುವ ದಕ್ಷಿಣಕನ್ನಡ ಜಿಲ್ಲೆಯಲ್ಲಿ ಈ ಬಾರಿ ಪರಿಸ್ಥಿತಿ ಬಿಜೆಪಿಗೆ ಪೂರಕವಾಗಿಲ್ಲ.

ಕರ್ನಾಟಕ ಕರಾವಳಿಯ ಹೆಬ್ಟಾಗಿಲು, ಎಂಆರ್ಪಿಎಲ್, ನವಮಂಗಳೂರು ಬಂದರು, ಎಂಸಿಎಫ್‌, ಮುಂತಾದ ಉದ್ಯಮ ಸಂಸ್ಥೆಗಳು ಜಿಲ್ಲಾ ವ್ಯಾಪ್ತಿಗೆ ಬರುತ್ತದೆ. ಮುಸ್ಲಿಂ, ಕ್ರಿಸ್ಚಿಯನ್ ಸೇರಿದಂತೆ ಬ್ರಾಹ್ಮಣರು (ಶಿವಳ್ಳಿ, ಹವ್ಯಕ, ಕೋಟ), ಮೊಗವೀರ, ಕೊಂಕಣಿ, ಬಂಟ್ಸ್, ಬಿಲ್ಲವ ಪಂಗಡದವರು ಈ ಪ್ರದೇಶದಲ್ಲಿ ಹೆಚ್ಚಾಗಿ ನೆಲೆಸಿದ್ದಾರೆ. [ 2013 ಫಲಿತಾಂಶ: ಗೆದ್ದವರು, ಸೋತವರ ವಿವರ]

ಸದಾ ಒಂದಲ್ಲೊಂದು ಸುದ್ದಿಯಲ್ಲಿರುವ ಈ ಜಿಲ್ಲೆಯ ಹೆಚ್ಚಿನ ಕ್ಷೇತ್ರಗಳಲ್ಲಿ ಮೇಲ್ನೋಟಕ್ಕೆ ಕಾಂಗ್ರೆಸ್ ಮತ್ತು ಬಿಜೆಪಿ ನಡುವೆ ನೇರ ಹಣಾಹಣಿ. ಮೂಡಬಿದರೆ ಕ್ಷೇತ್ರದಲ್ಲಿ ಮಾತ್ರ ತ್ರಿಕೋಣ ಸ್ಪರ್ಧೆಯಿದೆ. ತುಳು ಭಾಷಿಗರು ಹೆಚ್ಚಾಗಿರುವ ದಕ್ಷಿಣಕನ್ನಡ ಜಿಲ್ಲಾ ವ್ಯಾಪ್ತಿಯಲ್ಲಿ ಮಂಗಳೂರು, ಬಂಟ್ವಾಳ, ಬೆಳ್ತಂಗಡಿ, ಸುಳ್ಯ, ಪುತ್ತೂರು ಹೀಗೆ ಐದು ತಾಲೂಕುಗಳಿವೆ.

2008ರಲ್ಲಿ ಗೆದ್ದವರು ಇವರು
ಬೆಳ್ತಂಗಡಿ: ವಸಂತ ಬಂಗೇರಾ, ಕಾಂಗ್ರೆಸ್, ಗೆದ್ದ ಮತದ ಅಂತರ 16,103.
ಮೂಡಬಿದಿರೆ: ಕೆ ಅಭಯ ಚಂದ್ರ ಜೈನ್, ಕಾಂಗ್ರೆಸ್, ಗೆದ್ದ ಮತದ ಅಂತರ 9,903.
ಮಂಗಳೂರು ಉತ್ತರ : ಜೆ ಕೃಷ್ಣ ಪಾಲೇಮಾರ್, ಬಿಜೆಪಿ, ಗೆದ್ದ ಮತದ ಅಂತರ 14,426.
ಮಂಗಳೂರು ದಕ್ಷಿಣ : ಎನ್ ಯೋಗೀಶ್ ಭಟ್, ಬಿಜೆಪಿ, ಗೆದ್ದ ಮತದ ಅಂತರ 8,760.
ಮಂಗಳೂರು (ಉಳ್ಳಾಲ) : ಯು ಟಿ ಖಾದರ್, ಕಾಂಗ್ರೆಸ್, ಗೆದ್ದ ಮತದ ಅಂತರ 7,049.
ಬಂಟ್ವಾಳ : ಬಿ ರಮಾನಾಥ ರೈ, ಕಾಂಗ್ರೆಸ್, ಗೆದ್ದ ಮತದ ಅಂತರ 1,251.
ಪುತ್ತೂರು : ಮಲ್ಲಿಕಾ ಪ್ರಸಾದ್, ಬಿಜೆಪಿ,ಗೆದ್ದ ಮತದ ಅಂತರ 1,425.
ಸುಳ್ಯ : ಅಂಗಾರ ಎಸ್, ಬಿಜೆಪಿ, ಗೆದ್ದ ಮತದ ಅಂತರ 4,322.

2013 ಕರ್ನಾಟಕ ವಿಧಾನಸಭೆ ಚುನಾವಣೆ ದಕ್ಷಿಣಕನ್ನಡ ಜಿಲ್ಲೆ ಅಭ್ಯರ್ಥಿಗಳು:

ಕ್ಷೇತ್ರ ಸಂಖ್ಯೆ	ಕ್ಷೇತ್ರದ ಹೆಸರು	ಕಾಂಗ್ರೆಸ್	ಬಿಜೆಪಿ	ಜೆಡಿಎಸ್	ಕೆಜೆಪಿ	ಬಿಎಸ್ಆರ್ / ಸಿಪಿ / ಪಕ್ಷೇತರರು /ಇತರರು
200	ಬೆಳ್ತಂಗಡಿ	ಕೆ ವಸಂತ ಬಂಗೇರ	ರಂಜನ್ ಜಿ ಗೌಡ	ರಾಜಶ್ರೀ ಹೆಗಡೆ	ಸುಕೇಶ್ ಕುಮಾರ್ ಜೈನ್	ಒಟ್ಟು ಏಳು ಮಂದಿ ಕಣದಲ್ಲಿ
201	ಮೂಡಬಿದರೆ	ಕೆ ಅಭಯಚಂದ್ರ ಜೈನ್	ಉಮಾನಾಥ್ ಕೋಟ್ಯಾನ್	ಅಮರನಾಥ್ ಶೆಟ್ಟಿ	ಮೈಕಲ್ ಲೋಬೋ	ಒಟ್ಟು ಆರು ಮಂದಿ ಕಣದಲ್ಲಿ
202	ಮಂಗಳೂರು ನಗರ ಉತ್ತರ	ಮೊಯುದ್ದೀನ್ ಬಾವ	ಕೃಷ್ಣ ಜೆ ಪಾಲೇಮರ್	ಗುಲಾಂ ಮಹಮ್ಮದ್	ರಾಮಚಂದ್ರ ಬೈಕಂಪಾಡಿ	ಒಟ್ಟು ಒಂಬತ್ತು ಮಂದಿ ಕಣದಲ್ಲಿ
203	ಮಂಗಳೂರು ನಗರ ದಕ್ಷಿಣ	ಜಾನ್ ರಿಚರ್ಡ್ ಲೋಬೋ	ಎನ್ ಯೋಗೀಶ್ ಭಟ್	ಚೆಂಗಪ್ಪ	ದಯಾನಂದ ಶೆಟ್ಟಿ	ಒಟ್ಟು 13 ಮಂದಿ ಕಣದಲ್ಲಿ
204	ಮಂಗಳೂರು (ಉಲ್ಲಾಳ)	ಯು ಟಿ ಖಾದರ್	ಚಂದ್ರಹಾಸ್ ಉಲ್ಲಾಳ್	ಅಬ್ದುಲ್ ಅಜೀಜ್ ಮಲಾರ್	ರವೀಂದ್ರ ಶೆಟ್ಟಿ	ಒಟ್ಟು 15 ಮಂದಿ ಕಣದಲ್ಲಿ
205	ಬಂಟ್ವಾಳ	ಬಿ ರಮಾನಾಥ ರೈ	ರಾಜೇಶ್ ನಾಯಕ್	ಕೃಷ್ಣಪ್ಪ ಪೂಜಾರಿ	ಇಬ್ರಾಹಿಂ	ಒಟ್ಟು ಆರು ಮಂದಿ ಕಣದಲ್ಲಿ
206	ಪುತ್ತೂರು	ಶಕುಂತಲಾ ಶೆಟ್ಟಿ	ಸಂಜೀವ್ ಮಠಂದೂರು	ಬಿ ಎನ್ ದಿನೇಶ್	ಜಯರಾಂ ಭಟ್	ಒಟ್ಟು ಆರು ಮಂದಿ ಕಣದಲ್ಲಿ
207	ಸುಳ್ಯ (ಮೀಸಲು)	ಡಾ. ಬಿ ರಘು	ಎಸ್ ಅಂಗಾರ	ನಂದರಾಜು ಸಂಕೇಶ್	ಚಂದ್ರಾವತಿ	ಒಟ್ಟು 9 ಮಂದಿ ಕಣದಲ್ಲಿ