• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ನಿಮ್ಮ ಹೀರೋ ಯಾರು, ಯಾರವರು?

By * ಶಾಮ್
|
ಮಹಾತ್ಮಾ ಗಾಂಧೀಜಿ ನನ್ನ ನಿಜವಾದ ಹೀರೋ ಎಂದು ಅಮೆರಿಕಾ ಅಧ್ಯಕ್ಷ ಬರಾಕ್ ಒಬಾಮಾ ಹೇಳಿದ್ದು ಇವತ್ತು ಸುದ್ದಿಯಾಗಿದೆ. ಗಾಂಧೀಜಿಯೇ ತಮ್ಮ ನಿಜವಾದ ಹೀರೋ ಯಾಕಾದರು ಎನ್ನುವುದನ್ನೂ ಒಬಾಮಾ ಉದಾಹರಣೆ ಸಮೇತ ತೆರೆದಿಟ್ಟಿದ್ದಾರೆ. ಸರಿಯೇ.

ಒಬ್ಬೊಬ್ಬರಿಗೆ ಒಬ್ಬೊಬ್ಬರು ಹೀರೋ ಆಗಿರುತ್ತಾರೆ. ಮಾದರಿ ಎನಿಸಿರುತ್ತಾರೆ. ಬದುಕಿಗೆ ಪ್ರೇರಕ ಶಕ್ತಿಯಾಗಿರುತ್ತಾರೆ. ಒಬ್ಬ ವ್ಯಕ್ತಿಗೆ ಮಾದರಿಯಾಗುವ ಆ ವ್ಯಕ್ತಿ ಮನುಕುಲವನ್ನು ಪ್ರತಿನಿಧಿಸುವವರಾಗಿರಬಹುದು. ಹೆಸರಾಂತ ಸಾಧಕರಾಗಿರಬಹುದು. ಪ್ರಸಿದ್ಧ ರಾಜಕಾರಣಿ, ಗುರು, ತತ್ತ್ವಜ್ಞಾನಿ, ವಿಜ್ಞಾನಿ ಅಥವಾ ತಂತ್ರಜ್ಞರೇ ಆಗಿರಬಹುದು. ಒಂದು ಸಿನಿಮಾದಲ್ಲಿ ಬರುವ ಸನ್ನಿವೇಶ ಅಥವಾ ನಟನ ಅಭಿನಯವೇ ಎಂದೂ ಅಳಿಸಲಾಗದ ಪ್ರಭಾವ ಬೀರಿರಬಹುದು.

ನಿಮ್ಮ ಜೀವನದಲ್ಲೂ ಅಂಥವರೊಬ್ಬರಿರುತ್ತಾರೆ. ಅವರಿಂದ ನೀವು ಪಡೆದ ಪ್ರೇರಣೆ ಸದಾ ನಿಮ್ಮೊಡನೆ ಸ್ಥಾಯಿ ಭಾವದಲ್ಲಿ ಇರುತ್ತದೆ. ತಂದೆ, ತಾಯಿ, ಅಜ್ಜ, ಅಜ್ಜಿ, ಹೆಂಡತಿ, ಗಂಡ, ಉಪಾಧ್ಯಾಯರು, ಅಥವಾ ನೆರೆಮನೆಯ ಜಗಲಿಯ ಮೇಲೆ ಕುಳಿತಿರುವ ನೆರೆತ ಕೂದಲಿನ ಒಂಟಿ ಜೀವಿ ಆಗಿರಲಿಕ್ಕೂ ಸಾಕು. ಗಾಂಧಿಯಾಗಿರಬಹುದು, ಗೋಡ್ಸೆ ಆಗಿರಬಹುದು. ನಿಮ್ಮ ವ್ಯಕ್ತಿತ್ವವನ್ನು ಕಡೆದು ನಿಲ್ಲಿಸಿದ ಶಿಲ್ಪಿಯಾಗಿರಬಹುದು. ಸತತವಾಗಿ ಓದುವ ಅಭ್ಯಾಸ ರೂಢಿಸಿಕೊಂಡವರಿಗೆ ಒಬ್ಬ ಲೇಖಕ ಅಥವಾ ಒಂದು ಪುಸ್ತಕ ನಿಮ್ಮ ಜೀವನ ಧರ್ಮವನ್ನೇ ರೂಪಿಸಿರಬಹುದು, ನಿರೂಪಿಸುತ್ತಿರಬಹುದು. ಅವರು ಯಾರು? ಯಾರವರು?

ನಿಮ್ಮ ಜೀವನದ ಹೀರೋ ಯಾರೆಂಬುದನ್ನು ನಮಗೂ ತಿಳಿಸಿ. ನಮ್ಮ ಓದುಗರೊಂದಿಗೆ ಹಂಚಿಕೊಳ್ಳಿ. ನಿಮ್ಮ ನೆನಪಿನ ಭಿತ್ತಿಯಲ್ಲಿ ಸದಾ ಗುಪ್ತಗಾಮಿನಿಯಾಗಿ ಕುಳಿತು, ಪ್ರೇರಣೆಯ ಚಿಲುಮೆಯಾಗಿರುವ ಆ ವ್ಯಕ್ತಿ-ಶಕ್ತಿಯ ಹೆಸರು ಹೇಳಿ. ಹೆಸರಿನ ಜತೆಗೆ, ಅವರು ನಿಮಗೆ ಆದರ್ಶಪ್ರಾಯರಾದುದು ಹೇಗೆ? ಏಕೆ? ಎಂಬುದನ್ನು ಎರಡು, ಮೂರು ವಾಕ್ಯಗಳಲ್ಲಿ ಕಾಮೆಂಟ್ ವಿಭಾಗದಲ್ಲಿ ದಾಖಲಿಸಲು ಮರೆಯಬೇಡಿ. ವಿಸ್ತಾರವಾಗಿ ಚಿತ್ರಸಮೇತ ಬರೆಯಲಿಚ್ಛಿಸುವವರು ಬರಹ ಅಥವಾ ಯುನಿಕೋಡ್ ನಲ್ಲಿ ಬರೆದು shami.sk@greynium.com ವಿಳಾಸಕ್ಕೆ ಕಳಿಸಿರಿ. ವಂದನೆಗಳು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more