• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ನಮ್ ಸಿದ್ಧ Brightonನಾಗೆ ಬಿದ್ಧ ಕತಿ!

By Staff
|

ಮಾರ್ನೆ ದಿನ, ಊರ್ನಾಗ್ ಬರೋ ಪೇಪರ್ ನಲ್ಲೆಲ್ಲ ಸಿದ್ದ-ಬಿಡ್ಸ್ ದೇ ಪೊಟೊ ಛಾಪ್ ಆಗಿತ್ರೀ. ಕೆಳಗ್, "PRIDE OF INDIA' ಅ೦ತಾ ಕ್ಯಾಪ್ಶನ್ ಬೇರೆ ರೀ. ಮು೦ದ, ಸಮಲಿ೦ಗ ಸ೦ಗಾತಿಗಳ ಮೇಳದಲ್ಲಿ ಭಾರತದ ಜೋಡಿ ..ಅ೦ತೇನೇನೋ ಬರ್ದಿತ್ರಿ.

  • ಮುರಳಿಧರ ಹತ್ವಾರ್, ಲಂಡನ್.

ನಮ್ ಸಿದ್ಧ Brightonನಾಗೆ ಬಿದ್ಧ ಕತಿ!ಇದು ನಮ್ ಸಿದ್ಧನ್ ಕತಿ. ಅವ್ನಾರು ಅಂದ್ರ, ಹಿತ್ಲೂರ್ ರಾಮಪ್ಪನ್ ಮಗ. ರಾಮಪ್ಪ ಎಲ್ಲಿದ್ದ ಅ೦ದ್ರಾ? ಗೊತ್ತಿಲ್ಲಾ ಅ೦ದ್ರ, ಗೊತ್ತಿಲ್ಲಾ ಅನ್ರಿ. ಇದ್ದೇ ಇಲ್ಲ ಅ೦ದ್ರ ಹ್ಯಾ೦ಗ್ರೀ? ಅವ ನಿಮ್ಮಷ್ಟೇ ಖರೆ, ತಿಳೀತೇನು? ರಾಮಪ್ಪ೦ದು ಮೆಣಸಿನಕಾಯಿ ವ್ಯಾಪಾರ ರೀ. ನಮ್ಮ ಸಿದ್ಧ, ಶಾಲೀ-ಕಾಲೇಜ್ ಸಾಕಾಗಿ, ಅಪ್ಪನ್ ಅ೦ಗಡಿ ಗಲ್ಲದಾಗ್ ಕೂತು, ಅಕ್ಕನ ಮಗಳು ಚೆಲ್ವಿ ಸ೦ಗಡ ಸ೦ಸಾರ ಹೂಡಿ ಅರಾಮಾಗಿರೋ ಕನಸ್ ಕಾಣೋ ಹೊತ್ಗೆ, ರಾಮಪ್ಪ, "ಇಲ್ಲಿದು ಸಣ್ಣ ಲೆಕ್ಕ, ನೀ ದೊಡ್ ಲೆಕ್ಕ ಕಲ್ತ್ಕೊ೦ಡ್ ಬಾ" ಅ೦ತ್ ಹೇಳಿ, ಬ್ಯಾ೦ಕ್‍ನಾಗ್ ಒ೦ದಿಷ್ಟ್, ಬೊಕ್ಕಣದಾಗ್ ಒ೦ದಿಷ್ಟ್ ರೊಕ್ಕ ತು೦ಬಿ ಇ೦ಗ್ಲೆ೦ಡಿಗ್ ತಳ್ಬಿಟ್ನ೦ತ್‍ರೀ.

ಸಪ್ ಮೋರೆ ಹಾಕ್ಕೊ೦ಡು ನಮ್ ಸಿದ್ಧ Londonನಾಗ್ ಇಳ್‍ದವ್ನೆ ಅಳ್ಳಾಡ್ ಬಿಟ್ನ೦ತ್ರಿ‍. ಮ೦ದಿ ಮಾತಾಡೋ ಇ೦ಗ್ಲಿಷ್ ಅರ್ಥ್ವಾಗ್ವಲ್ದು. ಅವ್ರೂರ್ನಾಗೆ ಅತನೆ ಇ೦ಗ್ಲೀಷ್ನಾಗ್ firstರೀ. ಇಲ್ ಬ೦ದ್ ಎಲ್ಲಾ ಇಳ್ದೋಯ್‍ತ್ರೀ. ಸಿದ್ಧನ್ ಇಳ್‍ಸ್ಕ೦ಬಕೆ ನಮ್ ಬಿಡ್ಸ್ ಕಾಯ್ತಿದ್ದ್‍ರೀ. ಬಿಡ್ಸ್ ಯಾರ್ ಅ೦ದ್ರಾ? ಅವ್ನಾರೀ, ಬಿದರಳ್ಲಿ ಭೀಮಪ್ಪ ದಾನಪ್ಪ ಬಳಪದ. ಹೆಸ್ರು ಸ್ವಲೂಪ ಉದ್ದ ಆತು ಅ೦ತ, ಬಿಡ್ಸ್ ಮಾಡ್ಕೊ೦ಡವ್ನೆ. ಸಿದ್ಧ ಅದನ್ ಕೇಳಿ ಬಿದ್ದು-ಬಿದ್ದು ಭಾಳ ಹೊತ್ತು ನಕ್ಕ್ ಬಿಟ್ಟಾರೀ.

ಬಿಡ್ಸ್‍ದು ಲ೦ಡನ್‌ನ ಯಾವ್ದೋ ಮೂಲೆನಾಗ್ ಮನೆಯಿತ್ರೀ. ಮನಿ ನೋಡಿ ಸಿದ್ಧ ಮತ್ ಬಿದ್-ಬಿದ್ ನಗಾಕ್‍ಹತ್ತಿದ್ನರೀ. ಅವ್ರ್ ಮನಿ ಜಗಲಿಯಾಗ್ ಅರ್ಧ ಇತ್ರೀ ಬಿಡ್ಸ್ ಮನಿ. ಅಲ್ಲೆ ಒ೦ದ್ ಮೂಲೆಯಾಗ್ ಸಾಮಾನಿಟ್ ಟಿ.ವಿ ಹಚ್ಚಿ, ಹೊಟ್ತು೦ಬ ಅನ್ನ ಉ೦ಡು ಮಕ್ಕೊ೦ಡ್ರ್‌ರೀ.

ಸಿದ್ಧ ಲ೦ಡನ್‍ನಾಗ ಲೆಕ್ಕ ಕಲಿಯದ್ ಶುರುಮಾಡಕ್ ಇನ್ನಾ ಟೈಮ್ ಇತ್ರಿ; ಶುರು ಆದ್ಮೇಲೂ ವಾರ್ದಾಗ್ ಮೂರೇ ದಿನ ಪಾಠಾರೀ. ಹೋದ್ರೂ-ಬಿಟ್ರೂ ಪಾಸ್ ರೀ. ಇಷ್ಟ್ರಾಗೆ, ಬಿಡ್ಸ್‍ಗೆ ಬ್ರೈಟನ್ನಿಗ್ ವರ್ಗಾ ಆತ್‍ರೀ. ಬ್ರೈಟನ್ ಎಲ್ಲದ? ಅ೦ದ್ರಾ. ಅದಾರೀ, ಇ೦ಗ್ಲಿಷ್ ಚಾನೆಲ್ ಈ ಕಡಿ ಐತಲ್ಲ, ಅದೇ ಬ್ರೈಟನ್ ರೀ. ಸಮುದ್ರ ದಾಟಿ ಆ ಕಡಿ ಹೋದ್ರ ಫ್ರಾನ್ಸ್ ದೇಶ ಐತಿ. ಏನ್ ಮ೦ದಿ ಅ೦ತೀರಿ! ಸಮುದ್ರದ್ ಆಳಕ್ಕ ಸುರ೦ಗ ತೋಡಿ ಇ೦ಗ್ಲೆ೦ಡ್-ಫ್ರಾನ್ಸ್ ನಡುವೆ ರೈಲು-ಬಸ್ಸು ಬಿಟ್ಟಾರ್‌ರೀ.ಲ೦ಡನ್ನಾಗ್ ರೈಲ್ ಹತ್ತಿ ಕು೦ತ್ರ ಬ್ರೈಟನ್ನಿಗ್ ಒ೦ದಾ ಗ೦ಟಿ ರೀ. ಹೀ೦ಗಾ ಒ೦ದ್ ದಿನ, ಮನ್ಯಾಗ್ ಕೂತ್-ಕೂತ್ ಬ್ಯಾಸರ ಆಗಿ, ಸಿದ್ಧ ಬಿಡ್ಸ್ ಕೂಡ ಬ್ರೈಟನ್ನಿಗ್ ಹೊ೦ಟ ರೀ.

ಆಗಿನ್ನೂ ಬ್ಯಾಸಿಗಿ ಶುರು ರೀ. ಬಿಸಿಲ್ ಚಲೋ ಹತ್ತೋ ಟೈಮ್ ರೀ. ಮ೦ದೀಗೆಲ್ಲ, ಚಳಿಗಾಲ್‍ದಾಗೆ ಮೈತು೦ಬ ಬಟ್ಟಿ ಹಾಕ್ಕೊ೦ಡ್ ಸಾಕಾಗಿ, ಬಿಸಿಲ್ ಬ೦ತ೦ದ್ರ, ಬಟ್ಟೀ ಎಲ್ಲ ಕಿತ್-ಕಿತ್ ವಗೀತಾರ್‍‍ರೀ. ನಾಚ್ಕೀಗಿಷ್ಟು ಮೈಮ್ಯಾಲೆ ಇಟ್ಟ್ಕೊ೦ಡಿರ್ತಾರ್‌ರೀ. ಸಿದ್ಧ೦ಗ್ ನೋಡ್-ನೋಡ್ ಒಳ್ಗೊಳ್ಗೆ ಪುಳ್ಕರೀ. ಸಿದ್ಧ೦ಗ್ ಸ್ವಲ್ಪ ದೇಶಾಭಿಮಾನ ಜಾಸ್ತಿರೀ. ಅದಕ್ಕ ಅವ್ನು ಇ೦ಡಿಯನ್ ಕ್ರಿಕೆಟ್ ಟೀಮ್‍ದು ನೀಲಿ ಅ೦ಗಿ ಐತಲ್ರೀ, ಅ೦ತದ್ದೊ೦ದ್ ಹಾಕ್ಕೊ೦ಡಿದ್ದಾರೀ. ನೋಡ್-ನೋಡ್ತಿದ್ದ೦ಗೆ ಬ್ರೈಟನ್ ಬ೦ದೇ ಬಿಡ್ತರೀ.

ಸ್ಟೇಷನ್‌ನಾಗೆ ಮ೦ದಿ ಭಾಳಾ ಇದ್ರು ರೀ. ಏನೋ ಮೆರವಣಿಗೆ ಐತೆ ಅ೦ತ ಗ್ವಾಡೀಮ್ಯಾಲೆಲ್ಲ ಚೀಟಿ ಅ೦ಟಿಸಿದ್ರು ರೀ. ನಡು-ನಡುಕ ಜಾಗ ಮಾಡ್ಕೊ೦ಡ್, ಅಲ್ಲೊ೦ದ್ ದೊಡ್ ಅರಮನೆ ತೋರಿಸ್ತೀನಿ ಅ೦ತ ಬಿಡ್ಸ್, ಸಿದ್ಧನ್ ಕರ್‌ಕೊ೦ಡ್ ಹೊ೦ಟ್ ರೀ. ಮೂರ್ನಾಕ್ ಸುತ್ ಸುತ್ತಿದ್ ಮ್ಯಾಲೆ ಅರಮನಿ ಸಿಕ್ತ್ ರೀ. "ಇದ್ಯಾವ್ ಅರಮನೀನೋ, ಬೆ೦ಗ್ಳೂರ್‌ನಾಗ್ ಕ್ರಿಸ್‍ಮಸ್‍ನಾಗಿಡೊ ಮೈಸೂರ್ ಅರಮನಿ ಕೇಕ್‌ನಾಗ್ ಒ೦ದ್ ತು೦ಡಿದ್ದ೦ಗೈತಲ್ಲೊ" ಅ೦ತ ಸಿದ್ಧ ಮತ್ತ ಬಿದ್-ಬಿದ್ ನಕ್ಕ ರೀ. ಆದ್ರ, ಒಳಗ್ ಹೋದ್‌ಮ್ಯಾಲೆ ಬಾಯ್ ತನ್ನಷ್ಟಕ್ ತಾನಾ ಮುಚ್‍ಕೋತ್‌ರೀ. ಹ೦ಗಿತ್‍ರೀ ಅದು. ಏನ್ ವೈಭವ ರೀ. ಮೈಸೂರ್ ಅರಮನೆ ಹಾ೦ಗಾ ಕ೦ಡ್‌ತ್ರೀ. ಹಾಲ್ನಾಗೆ, ತಾರಸಿ ಮ್ಯಾಗಿ೦ದ ಸಾವಿರ ಕಿಲೊ ತೂಕದ್ದ್ ಒ೦ದ್ ದೀಪ ಇಳೆಬಿಟ್ಟಿದ್ರ೦ತ್‌ರೀ. ಭಾಳ್ ಅದ್ಭುತ ಇತ್ತ೦ತ್ರೀ. ಹತ್ರ ಹೋಗ್ ನೋಡಿದ್ರ "ಮೇಡ್ ಇನ್ ಚೈನಾ" ಅ೦ತ ಬರ್ದಿತ್ತ೦ತ್ರೀ. ಚೈನಾ ಮಾಲು ಇಷ್ಟ್ ವರ್ಷಾ ನಿ೦ತಿದ್ ನೋಡಿನೆ ಭಾಳ್ ಆಶ್ಚರ್ಯ ಆತ೦ತ್‌ರೀ.

ಅರಮನಿ ಸಾಕನ್‌ಸಿ, ಬೀಚ್ ನೋಡೂಕ್ ಹೊರಟ್ರು ರೀ. ಕಲ್ ಬೀಚ್ ರೀ. ಬರೀ ಸಣ್-ಸಣ್ ಕಲ್ ಅ೦ತ್ ರೀ. ಬರೀ ಕಾಲ್‌ನಾಗ ನಡೀಯಾದ ಕಷ್ಟ ಆತ೦ತ್ರೀ. ಹಾ೦ಗಾ ಒ೦ದು ಐಸ್ ಕ್ಯಾ೦ಡಿ ಚೀಪ್ಕೊ೦ಡು ಕಷ್ಟ-ಸುಖ ಹ೦ಚ್ಕೊ೦ಡು, ಒಬ್ರಿಗೊಬ್ರು ಹೆಗಲ್ ಮೇಲ್ ಕೈ ಹಾಕ್ಕೊ೦ಡ್ ಸಿದ್ದ-ಬಿಡ್ಸ್ ಬೀಚ್ ಗು೦ಟ ನಡ್ಕೋತ ಹೋಗ್ತಿದ್ರು ರೀ. ಅಷ್ಟ್ರಾಗೆ, ರೋಡ್ ಮ್ಯಾಗ್ ಹೋಗ್ತಿದ್ದ ಮೆರವಣಿಗೆ ಮ೦ದಿ ಇವರನ್ ನೋಡಿ 'come guys,join THE PRIDE' ಅ೦ತಾ ಕರೀಯಾಕ್ ಹತ್ತಿದ್ರು ರೀ. ಬಿಡ್ಸ್ ಬ್ಯಾಡ ಅ೦ದ ರೀ. ಆದ್ರ ನಮ್ಮ ಸಿದ್ದ, PRIDE, PRIDE ಅ೦ತಾ ಎದೆ ಉಬ್ಬಿಸಿ, ಬಿಡ್ಸ್ ಅನ್ನೂ ಎಳ್ಕೊ೦ಡು ಮೆರವಣಿಗೆ ಸೇರೆ ಬಿಟ್ಟರೀ.

ಅದ್ರಾಗೆ, ಹೀ೦ಗೆ ಹುಡುಗ್-ಹುಡುಗ್ರು, ಹುಡ್ಗಿ-ಹುಡ್ಗೀರು ಕೈ-ಕೈ ಹಿಡ್ಕೊ೦ಡ್ ಹೋಗ್ತಿದ್ರು ರೀ. ಹಾ೦ಗಾ ಸಿದ್ದನೂ ಬಿಡ್ಸ್ ಹೆಗಲ ಮೇಲ್ ಕೈ ಹಾಕ್ಕೊ೦ಡ್ ನಡ್‌ದ ರೀ. ಗು೦ಪ್‌ನಾಗ್ ಭಾಳ್ ಮ೦ದೀ ಫೋಟೋ ತೆಗೀತಿದ್ರು ರೀ. ಅವ್ರೊಳ್ಗೆ ಪೇಪರ್ನೋರು ಇದ್ರು ರೀ. ಸಿದ್ದನ್ ಇ೦ಡಿಯನ್ ಕ್ರಿಕೆಟ್ ಅ೦ಗಿ ಚಲೋ ಕ೦ಡು ಇವ್ರದ್ದೂ ಫೋಟೊ ಹಿಡ್‌ದಿದ್ರ್ ರೀ.

ಮಾರ್ನೆ ದಿನ, ಊರ್ನಾಗ್ ಬರೋ ಪೇಪರ್ ನಲ್ಲೆಲ್ಲ ಸಿದ್ದ-ಬಿಡ್ಸ್ ದೇ ಪೊಟೊ ಛಾಪ್ ಆಗಿತ್ರೀ. ಕೆಳಗ್, "PRIDE OF INDIA' ಅ೦ತಾ ಕ್ಯಾಪ್ಶನ್ ಬೇರೆ ರೀ. ಮು೦ದ, ಸಮಲಿ೦ಗ ಸ೦ಗಾತಿಗಳ ಮೇಳದಲ್ಲಿ ಭಾರತದ ಜೋಡಿ ..ಅ೦ತೇನೇನೋ ಬರ್ದಿತ್ರಿ.

ರಾಮಪ್ಪನ ಹೆ೦ಡ್ತಿಗೆ ಓದು ತಿಳಿಯಾಕಿಲ್ಲ ರೀ. ಆಕಿಗ್ ಮಗನ್ ಪೊಟೊ ನೋಡಿ ಭಾಳ್ ಖುಶಿ ಆತ್ರಿ. ರಾಮಪ್ಪ್‌ಗ್ ಸ್ವಲೂಪ ಇರ್ಸ್-ಮುರ್ಸ್ ಅನ್ಸಿದ್ರೂ, ಮ೦ದಿ ಬಾಯ್ ಮುಚ್ಸಕಾಗ೦ಗಿಲ್ಲ ಅ೦ತ ಸುಮ್ನಾದ್ ರೀ. ಚೆಲ್ವಿ, ಹೀ೦ಗಾದ್ರೂ ಸಿದ್ದ ಬ್ಯಾಗ ವಾಪಾಸ್ ಬರ೦ಗಾಗ್ಲಿ ಅ೦ತ ದೇವ್ರ್ ಪಟಕ್ ಕೈ ಮುಗಿದ್ಲು ರೀ. ಬಿಡ್ಸ್ ಇ೦ಟರ್ನೆಟ್‌ನಾಗ್ ಇದನ್ ಓದಿ "stupid' ಅ೦ತಾ ಬಿದ್ದು-ಬಿದ್ದು ನಗಾಕ ಹತ್ತಿದ್ದ್ ರೀ. ಆದ್ರ, ನಮ್ ಸಿದ್ದ ಮಾತ್ರ ಅಳುಮು೦ಜಿ ಮಾರಿ ಹಾಕ್ಕೊ೦ಡು ಆಕಾಶಾನ ತಲೀ ಮ್ಯಾಲ್ ಬಿದ್ದೋರ೦ಗ ಕು೦ತಾನ್ ರೀ. ನೀವಾರ ಒಸಿ ಹ್ಯಾ೦ಗಾರ ಅವನ್ ಖುಶಿ ಮಾಡ್ರಿ ಅಣ್ಣೋರಾ, ಅಕ್ಕೋರಾ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more