ಬಾಲ್ಕನಿಗೆ ಯಾವ ಗಿಡಗಳು ಶುಭ? ವಾಸ್ತು ಪ್ರಕಾರ ಸಕಾರಾತ್ಮಕ ಶಕ್ತಿ ನೀಡುವ ಸಸ್ಯಗಳು

By Shiddalingesh S

Updated: Friday, June 5, 2026, 20:18 [IST]

ಮನೆಗೆ ಪ್ರವೇಶಿಸುವ ಸಕಾರಾತ್ಮಕ ಶಕ್ತಿ ಮತ್ತು ಶಾಂತಿಯನ್ನು ಹೆಚ್ಚಿಸುವಲ್ಲಿ ಬಾಲ್ಕನಿ ಮಹತ್ವದ ಪಾತ್ರ ವಹಿಸುತ್ತದೆ ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ. ಮನೆಯ ಒಳಭಾಗದಷ್ಟೇ ಅಲ್ಲ, ಬಾಲ್ಕನಿಯಲ್ಲಿರುವ ಸಸ್ಯಗಳೂ ಸಕಾರಾತ್ಮಕ ಶಕ್ತಿಯ ಹರಿವಿಗೆ ಪರಿಣಾಮ ಬೀರುತ್ತವೆ ಎಂದು ವಾಸ್ತು ತಜ್ಞರು ಅಭಿಪ್ರಾಯಪಡುತ್ತಾರೆ.

ಸರಿಯಾದ ಗಿಡಗಳನ್ನು ಆಯ್ಕೆ ಮಾಡಿದರೆ ಮನೆಯ ಸೌಂದರ್ಯ ಹೆಚ್ಚಿಸುವುದರ ಜೊತೆಗೆ ಸಕಾರಾತ್ಮಕ ಶಕ್ತಿ, ಸಮೃದ್ಧಿ, ಆರೋಗ್ಯ ಮತ್ತು ಸಂತೋಷವೂ ಹೆಚ್ಚುತ್ತದೆ ಎನ್ನಲಾಗುತ್ತದೆ. ಇಲ್ಲಿವೆ ವಾಸ್ತು ಪ್ರಕಾರ ಬಾಲ್ಕನಿಗೆ ಉತ್ತಮವೆಂದು ಪರಿಗಣಿಸಲಾದ ಕೆಲವು ಸಸ್ಯಗಳು.

ತುಳಸಿ

ತುಳಸಿಯನ್ನು ಭಾರತೀಯ ಮನೆಗಳಲ್ಲಿ ಅತ್ಯಂತ ಪವಿತ್ರವಾದ ಗಿಡವೆಂದು ಪರಿಗಣಿಸಲಾಗಿದೆ. ಇದು ಮನೆಯ ಸುತ್ತಮುತ್ತಲಿನ ವಾತಾವರಣವನ್ನು ಶುದ್ಧಗೊಳಿಸುವುದಲ್ಲದೆ, ಧನಾತ್ಮಕ ಹಾಗೂ ಆಧ್ಯಾತ್ಮಿಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಎಂಬ ಬಲವಾದ ನಂಬಿಕೆ ಇದೆ. ವಾಸ್ತು ಪ್ರಕಾರ ತುಳಸಿಯನ್ನು ಉತ್ತರ, ಪೂರ್ವ ಅಥವಾ ಈಶಾನ್ಯ ದಿಕ್ಕಿನಲ್ಲಿ ಇಡುವುದು ಉತ್ತಮ.

ಮನಿ ಪ್ಲಾಂಟ್

ಮನಿ ಪ್ಲಾಂಟ್ ಅನ್ನು ಕೇವಲ ಅಲಂಕಾರಿಕ ಗಿಡವಾಗಿ ಅಲ್ಲದೆ, ಮನೆಯಲ್ಲಿ ಸಮೃದ್ಧಿ, ಅದೃಷ್ಟ ಮತ್ತು ಆರ್ಥಿಕ ಬೆಳವಣಿಗೆಯನ್ನು ಹೆಚ್ಚಿಸುವ ವಿಶೇಷ ಸಸ್ಯವಾಗಿ ನೋಡಲಾಗುತ್ತದೆ. ಒಣಗಿದ ಅಥವಾ ಹಾಳಾದ ಎಲೆಗಳನ್ನು ತೆಗೆದುಹಾಕುವುದು ಒಳ್ಳೆಯದು.

ಲಕ್ಕಿ ಬಾಂಬೂ(ಸಕಾರಾತ್ಮಕತೆಯ ಸಂಕೇತ)

ಲಕ್ಕಿ ಬಾಂಬೂ ಗಿಡವನ್ನು ಕೇವಲ ಅಲಂಕಾರಿಕ ಸಸ್ಯವಲ್ಲದೆ, ಮನೆ ಮತ್ತು ಕಚೇರಿಗಳಲ್ಲಿ ಶಾಂತಿ, ಸೌಹಾರ್ದತೆ ಮತ್ತು ಅದೃಷ್ಟದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಪೂರ್ವ ಅಥವಾ ದಕ್ಷಿಣ-ಪೂರ್ವ ದಿಕ್ಕಿನಲ್ಲಿ ಇಟ್ಟರೆ ಸಕಾರಾತ್ಮಕ ಶಕ್ತಿ ಹೆಚ್ಚುತ್ತದೆ ಎಂದು ಹೇಳಲಾಗುತ್ತದೆ.

ಮಲ್ಲಿಗೆ (ಜಾಸ್ಮಿನ್)

ಮಲ್ಲಿಗೆ ಹೂವು ಕೇವಲ ತನ್ನ ಸೌಂದರ್ಯದಿಂದ ಮಾತ್ರವಲ್ಲ, ತನ್ನ ಅದ್ಭುತ ಸುಗಂಧದಿಂದ ಮನೆಯ ಇಡೀ ವಾತಾವರಣವನ್ನು ಆಹ್ಲಾದಕರ ಹಾಗೂ ಮನಮೋಹಕವಾಗಿಸುತ್ತದೆ ಎಂದು ವಾಸ್ತು ತಜ್ಞರು ಹೇಳುತ್ತಾರೆ.

ಅಲೋವೆರಾ

ಅಲೋವೆರಾ ಕೇವಲ ಆರೋಗ್ಯ ಮತ್ತು ಸೌಂದರ್ಯಕ್ಕೆ ಮಾತ್ರವಲ್ಲದೆ, ಮನೆಯಲ್ಲಿರುವ ನಕಾರಾತ್ಮಕ ಶಕ್ತಿಯನ್ನು (Negative Energy) ಹೀರಿಕೊಳ್ಳುತ್ತದೆ ಎಂಬ ಬಲವಾದ ನಂಬಿಕೆ ಇದೆ. ಇದು ಮನೆಗೆ ಸಕಾರಾತ್ಮಕ ವಾತಾವರಣವನ್ನು ತರುತ್ತದೆ.

Recommended For You

ಗಿಡ ತುಂಬಾ ಮಲ್ಲಿಗೆ ಅರಳಿ ನಿಲ್ಲಬೇಕಾದರೆ ಕಾಳಜಿ ಹೀಗಿರಬೇಕು: ಈ ಪಾಟ್‌ ಬಳಸಿದರೆ ಇನ್ನೂ ಒಳ್ಳೆಯದು

ಅರೆಕಾ ಪಾಮ್

ಈ ಗಿಡವನ್ನು ವಾಯು ಶುದ್ಧೀಕರಣಕ್ಕೆ ಅತ್ಯುತ್ತಮವೆಂದು ಪರಿಗಣಿಸಲಾಗುತ್ತದೆ. ಇದು ಮನೆಯಲ್ಲಿ ಶಾಂತಿ ಮತ್ತು ಸಕಾರಾತ್ಮಕ ವಾತಾವರಣವನ್ನು ನಿರ್ಮಿಸುತ್ತದೆ ಎಂದು ಹೇಳಲಾಗುತ್ತದೆ.

ಯಾವ ಗಿಡಗಳನ್ನು ತಪ್ಪಿಸಬೇಕು?

ವಾಸ್ತು ಶಾಸ್ತ್ರದ ಪ್ರಕಾರ, ಮನೆಯ ಒಳಗೆ ಮುಳ್ಳುಗಳಿರುವ ಗಿಡಗಳನ್ನು ಬೆಳೆಸಬಾರದು. ವಿಶೇಷವಾಗಿ ಕಳ್ಳಿ (Cactus) ಗಿಡಗಳನ್ನು ಮನೆಯಲ್ಲಿ ಇಡುವುದನ್ನು ತಪ್ಪಿಸುವುದು ಒಳ್ಳೆಯದು ಎಂದು ಹೇಳಲಾಗುತ್ತದೆ. ಇವು ಮನೆಯಲ್ಲಿ ನಕಾರಾತ್ಮಕ ಶಕ್ತಿಯನ್ನು ಉಂಟುಮಾಡಬಹುದು ಎಂಬ ನಂಬಿಕೆಯಿದೆ.

ಇನ್ನು ಸ್ವಚ್ಛತೆ, ಉತ್ತಮ ಬೆಳಕು ಇರುವ ಮತ್ತು ಹಸಿರು ಗಿಡಗಳಿಂದ ತುಂಬಿದ ಬಾಲ್ಕನಿ ಮನಸ್ಸಿಗೆ ಶಾಂತಿ ನೀಡುತ್ತದೆ ಎಂದು ವಾಸ್ತು ತಜ್ಞರು ಹೇಳುತ್ತಾರೆ. ವಾಸ್ತು ಒಂದು ನಂಬಿಕೆ ಆಧಾರಿತ ಶಾಸ್ತ್ರವಾದರೂ, ಹಸಿರು ಗಿಡಗಳು ಮನೆಯಲ್ಲಿ ಸಹಜವಾಗಿ ಶಾಂತಿ ಮತ್ತು ಸಕಾರಾತ್ಮಕತೆಯನ್ನು ಹೆಚ್ಚಿಸುತ್ತವೆ ಎಂಬುದು ಹಲವರ ಅನುಭವವಾಗಿದೆ.