ಕುಂಭ ರಾಶಿ ಯುಗಾದಿ ವರ್ಷ ಭವಿಷ್ಯ ಮತ್ತು ಫಲಾಫಲ

ಕುಂಭ ರಾಶಿಯವರಿಗೆ ಈ ಯುಗಾದಿ ಸಮಯವು ಸಮವಾಗಿದೆ ಎಂದೇ ಹೇಳಬಹುದು. ಒಂಥರಾ ಜೀವನ ನಿಂತಲ್ಲೇ ನಿಂತಂಗಿರುತ್ತದೆ. ಏಳ್ಗೆಗೇನೂ ಇಲ್ಲಾ, ಇಳಿಕೇನೂ ಇಲ್ಲಾ. ಹೀಗಾಗಿ ಈ ವರ್ಷ ಅಂಥಾದ್ದೇನೂ ನಿರೀಕ್ಷೆ ಮಾಡದೇ ಇದ್ದುದರಲ್ಲಿಯೇ ಜಮ್ಮಂಗೆ ಇದ್ದರಾಯಿತು ಈ ರಾಶಿಯವರು. ಗಳಿಕೆ ಎಷ್ಟಿರುತ್ತದೆಯೋ ಅಷ್ಟೇ ಪ್ರಮಾಣದಲ್ಲಿ ಖರ್ಚು ಇರುತ್ತದೆ. ಹೀಗಾಗಿ ಗಳಿಕೆಗೂ ಹೆದರಬಾರದು ಖರ್ಚು ಮಾಡಲು ಹೆದರಬಾರದು.

ಈ ರಾಶಿಯ ಧನಿಷ್ಠಾ ನಕ್ಷತ್ರದ ಕೊನೆಯ ಎರಡು ಚರಣದವರಿಗೆ ವರ್ಷದ ಮೊದಲ ನಾಲ್ಕು ತಿಂಗಳು ಇದ್ದುದರಲ್ಲಿಯೇ ಸಮಾಧಾನ ಪಟ್ಟುಕೊಳ್ಳುವಂತಿರುತ್ತದೆ. ನಂತರದ 8 ತಿಂಗಳು ಹಾಗೂ ಹೀಗೂ ಜೀವನ ಸಾಗಿಸಲೇಬೇಕಲ್ಲ ಎಂದುಕೊಂಡು ಜೀವನದ ಬಂಡಿ ಸಾಗಿಸಬೇಕಾಗುತ್ತದೆ.

ಶತತಾರಾ ನಕ್ಷತ್ರದವರು ಮಾತ್ರ ವರ್ಷದ ಮೊದಲ ನಾಲ್ಕು ತಿಂಗಳು ಸುಖಕರವಾಗಿರುವ ಸಂತಸವಿರುತ್ತದೆ. ಆದರೆ ಕೊನೆಯ ಎಂಟು ತಿಂಗಳ ಮಾತ್ರ ಜೀವನವೇ ನಿಂತಂತಾಗುತ್ತದೆ. ಇನ್ನು ಪೂರ್ವಾಭಾದ್ರಪದ ನಕ್ಷತ್ರದವರು ಮೊದಲ ನಾಲ್ಕು ತಿಂಗಳು ಸೂಪರ್ ಎನಿಸುವಂತೆ ಜೀವನದಲ್ಲಿ ಯಶಸ್ಸು ಕಾಣಬಹುದು. [ಜನ್ಮನಕ್ಷತ್ರದಿಂದ ತಿಳಿಯಿರಿ ನಿಖರವಾದ ಭವಿಷ್ಯ]

ಹೀಗಾಗಿ ಈ ಸಮಯದಲ್ಲಿಯೇ ಮುಖ್ಯವಾದ ಕೆಲಸಗಳನ್ನು ಇಟ್ಟುಕೊಳ್ಳಬೇಕು. ಮೇಲಾಗಿ ಹೊಸ ಹೊಸ ಯೋಜನೆಗಳನ್ನೂ ಹಾಕಿಕೊಂಡು ಕಾರ್ಯರೂಪಕ್ಕೆ ತಂದುಕೊಂಡು ಸೆಟಲ್ ಆಗಿ ಬಿಡಬೇಕು. ಯಾಕೆಂದರೆ ನಂತರದ ನಾಲ್ಕು ತಿಂಗಳು ಸ್ವಲ್ಪ ಇಳಿಕೆ ಎನಿಸಿದರೂ ಕೊನೆಯ ನಾಲ್ಕು ತಿಂಗಳು ಮತ್ತೆ ಜೀವನ ಸರಿಹಾದಿಗೆ ಬರುತ್ತದೆ. ಒಟ್ಟಿನಲ್ಲಿ ಒಂದೇ ವರ್ಷದಲ್ಲಿ ಏರಿಳಿತಗಳನ್ನು ನೋಡಿಕೊಳ್ಳುವ ಸಮಯವಿದು. [ಅತಿಯಾದ ಸಿಹಿಯೂ ಬಾಳಲ್ಲಿ ಕಹಿಯಾಗಬಲ್ಲದು]

ಆಗಸ್ಟ್ ವರೆಗೂ ಗುರುಬಲ ಸಾಕಷ್ಟಿರುವುದರಿಂದ ಮನೆಯಲ್ಲಿ ಶುಭ ಕಾರ್ಯಗಳನ್ನು ಮಾಡಿಕೊಳ್ಳಬಹುದು. ಯಾಕೆಂದರೆ ಆಗಸ್ಟ್ ನಿಂದ ಗುರುಬಲ ಹೊರಟು ಹೋಗುವುದರಿಂದ ಉಳಿದ ಕೆಲವೇ ದಿನಗಳಲ್ಲಿ ಶುಭ ಕಾರ್ಯಕ್ಕೆ ಚಾಲನೆ ನೀಡಬಹುದು. ಆದರೆ ಜನವರಿಯಿಂದ ಶನಿಬಲ ಬರುವುದರಿಂದ ಆ ಸಮಯದಲ್ಲಿ ಉನ್ನತ ಮಟ್ಟದ ಕೆಲಸ ಕಾರ್ಯಗಳನ್ನು ಮಾಡಿಕೊಳ್ಳಬೇಕು. ಒಟ್ಟಿನಲ್ಲಿ ಶೇ.70ರಷ್ಟು ಶುಭಫಲವಿದೆ.

English summary

Ugadi predictions based on zodiac signs. Aquarius (Kumbha) rashi bhavishya. How is Durmukha nama samvatsara for Aquarius zodiac sign? What they need to do to overcome obstacles, if they are suffering from Sade Sati? Find out here from our astrologer.