ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

Surya Gochar 2022: ವೃಶ್ಚಿಕ ರಾಶಿಯಲ್ಲಿ ಸೂರ್ಯ ಸಂಚಾರ: ಯಾವ ರಾಶಿಯವರಿಗೆ ಲಾಭ? ಯಾರಿಗೆ ನಷ್ಟ..?

|
Google Oneindia Kannada News

ವೃಶ್ಚಿಕ ರಾಶಿಯಲ್ಲಿ ಸೂರ್ಯ ಸಂಚಾರ ನವೆಂಬರ್ 16 ರಂದು ಸಂಭವಿಸಲಿದೆ. ಈ ಸಂಚಾರ 12 ದ್ವಾದಶಿ ರಾಶಿಗಳ ಮೇಲೆ ಪರಿಣಾಮ ಬೀರಲಿದೆ. ವೃಶ್ಚಿಕ ರಾಶಿಯಲ್ಲಿ ಸೂರ್ಯನ ಸಂಚಾರದಿಂದ ಹನ್ನೆರೆಡು ರಾಶಿಗಳ ಮೇಲೆ ಯಾವ ರೀತಿ ಪರಿಣಾಮ ಬೀರಲಿದೆ ಎಂಬುದನ್ನು ತಿಳಿಯುವ ಮುನ್ನ ಸೂರ್ಯ ಗ್ರಹದ ಬಗ್ಗೆ ಕೊಂಚ ಮಾಹಿತಿ ಪಡೆದುಕೊಳ್ಳೋಣ.

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಸೂರ್ಯ ಗ್ರಹ ಆತ್ಮವನ್ನು ಪ್ರತಿನಿಧಿಸುತ್ತದೆ. ಇದು ಘನತೆ, ಸ್ವಾಭಿಮಾನ ಮತ್ತು ಅಹಂಕಾರವನ್ನು ಸೂಚಿಸುವ ಗ್ರಹವಾಗಿದೆ. ಮಾತ್ರವಲ್ಲದೆ ಇದು ಚೈತನ್ಯ, ಇಚ್ಛಾ ಶಕ್ತಿ ಮತ್ತು ನಾಯಕತ್ವದ ಗುಣಮಟ್ಟವನ್ನು ನಿಯಂತ್ರಿಸುತ್ತದೆ. ಸೂರ್ಯ ದೇಹದ ಹೃದಯ ಮತ್ತು ಮೂಳೆಗಳ ಮೇಲೆ ನಿಯಂತ್ರಣ ಸಾಧಿಸುತ್ತದೆ ಎಂದು ಹೇಳಲಾಗುತ್ತದೆ.

Budh Gochar 2022: ವೃಶ್ಚಿಕ ರಾಶಿಗೆ ಚಲಿಸುವ ಬುಧನು ಹನ್ನೆರಡು ರಾಶಿಗಳಿಗೆ ನೀಡುವ ಫಲಗಳೇನು? Budh Gochar 2022: ವೃಶ್ಚಿಕ ರಾಶಿಗೆ ಚಲಿಸುವ ಬುಧನು ಹನ್ನೆರಡು ರಾಶಿಗಳಿಗೆ ನೀಡುವ ಫಲಗಳೇನು?

ಈ ಸಾಗಣೆಯು ಎಲ್ಲಾ ಹನ್ನೆರಡು ರಾಶಿಗಳ ಮೇಲೆ ವಿಭಿನ್ನವಾದ ಪರಿಣಾಮಗಳನ್ನು ಬೀರುತ್ತದೆ. ಈ ಸಂಚಾರ ಕೆಲವರಿಗೆ ಲಾಭದಾಯಕವಾಗಿದ್ದರೆ ಇನ್ನು ಕೆಲವರಿಗೆ ತೊಂದರೆಯನ್ನುಂಟುಮಾಡಬಹುದು. ಸೂರ್ಯ ಬೆಳಕಿನ ಗ್ರಹವಾಗಿದೆ. 16 ನವೆಂಬರ್ 2022 ರಂದು ಬುಧವಾರ ಸಂಜೆ 6:58ಕ್ಕೆ ತುಲಾ ರಾಶಿಯಿಂದ ವೃಶ್ಚಿಕ ರಾಶಿಗೆ ಸೂರ್ಯ ಸಂಚರಿಸಲಿದೆ. ರಾಶಿಗಳ ಮೇಲೆ ಈ ಸಾಗಣೆಯ ಪರಿಣಾಮವೇನು ಎನ್ನುವುದನ್ನು ನೋಡೋಣ.

ಮೇಷ: ಬಿಲ್ಡರ್‌ಗಳಿಗೆ ಲಾಭದಾಯಕ ದಿನ

ಮೇಷ: ಬಿಲ್ಡರ್‌ಗಳಿಗೆ ಲಾಭದಾಯಕ ದಿನ

ಈ ದಿನ ನಿಮಗೆ ಅನುಕೂಲಕರವಾಗಿರುತ್ತದೆ. ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿರುವವರಿಗೆ ಇದು ಮಂಗಳಕರ ಸಮಯವಾಗಿದೆ. ವಿದ್ಯಾರ್ಥಿಗಳು ತಮ್ಮ ಗುರಿಗಳನ್ನು ತಲುಪಲು ಕೊಂಚ ಶ್ರಮಿಸಬೇಕು. ಉದ್ಯೋಗಸ್ಥರು ಕೆಲಸದ ನಿಮಿತ್ಯ ಪ್ರಯಾಣ ಮಾಡುವ ಸಾಧ್ಯತೆಗಳಿವೆ. ಬಿಲ್ಡರ್‌ಗಳಿಗೆ ಇಂದು ಲಾಭದಾಯಕ ದಿನವಾಗಿರುತ್ತದೆ. ಹೊಸ ಹೊಸ ಯೋಜನೆಗಳೊಂದಿಗೆ ಹೆಚ್ಚು ಲಾಭ ಪಡೆಯುವ ಸಾಧ್ಯತೆಗಳು ಹೆಚ್ಚಾಗಿವೆ. ನಿಮ್ಮ ವ್ಯವಹಾರದಲ್ಲಿ ತಿರುವುಗಳಿರುತ್ತವೆ. ಅದು ನಿಮ್ಮ ಭವಿಷ್ಯದಲ್ಲಿ ಪ್ರಯೋಜನವನ್ನು ನೀಡಬಹುದು.

ಕೆಲ ಹಠಾತ್‌ ಘಟನೆಗಳು ನಿಮ್ಮ ಕೆಲಸ ಕಾರ್ಯಗಳಿಗೆ ಅಡ್ಡಿಯನ್ನುಂಟು ಮಾಡಬಹುದು. ನಿಗೂಢ ಅಧ್ಯಯನಗಳತ್ತ ಆಸಕ್ತಿ ಹೆಚ್ಚಾಗುವ ಸಾಧ್ಯತೆಗಳು ಇವೆ. ಅಗೋಚರ ಶಕ್ತಿಯ ಬಗ್ಗೆ ಅಧ್ಯಯನ ಮಾಡಲು ನಿಮ್ಮ ಮನಸ್ಸು ಯೋಚಿಸಬಹುದು. ಆದರೆ ಅದರತ್ತ ಆಸಕ್ತಿ ತೋರದಿರುವುದು ಉತ್ತಮ.

ಸಂಶೋಧನಾ ಕ್ಷೇತ್ರದಲ್ಲಿ ಕೆಲಸ ಮಾಡುವವರಿಗೆ ಅವರ ಕಠಿಣ ಶ್ರಮ ಕೈ ಹಿಡಿಯಲಿದೆ. ಇದು ನಿಮ್ಮ ಶಕ್ತಿಯನ್ನು ಜಗತ್ತಿಗೆ ತೋರಿಸುವ ಸಮಯ. ಆರೋಗ್ಯದ ವಿಚಾರದಲ್ಲಿ ಮೇಷ ರಾಶಿಯವರಿಗೆ ಕೊಂಚ ನಿರ್ಣಾಯಕ ಸಮಯ. ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ವಹಿಸುವುದು ಉತ್ತಮ. ಈ ಸಂಚಾರದ ಸಮಯದಲ್ಲಿ ಮೂಳೆ ಹಾಗೂ ಹೃದಯದ ಬಗ್ಗೆ ಹೆಚ್ಚು ಕಾಳಜಿ ವಹಿಸಬೇಕು. ಆರೋಗ್ಯದ ಬಗ್ಗೆ ಗಂಭೀರವಾಗಿ ಕಾಳಜಿ ವಹಿಸುವುದು ಉತ್ತಮ. ಒಟ್ಟಾರೆಯಾಗಿ ಈ ಸಾಗಾಣೆಯ ಫಲಿತಾಂಶ ನಿಮಗೆ ಮಿಶ್ರ ಫಲವನ್ನು ನೀಡುತ್ತದೆ.

ವೃಷಭ: ಸಂಬಂಧದಲ್ಲಿ ಬಲ

ವೃಷಭ: ಸಂಬಂಧದಲ್ಲಿ ಬಲ

ಈ ದಿನ ನಿಮಗೆ ಸಾಮಾನ್ಯವಾಗಿರುತ್ತದೆ. ವೃತ್ತಿಪರರು ಯಾವುದೇ ಕೆಲಸವನ್ನು ಪೂರ್ವ ಯೋಜನೆಯಿಂದ ಮಾಡುವುದು ಉತ್ತಮ. ಆಗ ಮಾತ್ರ ಆ ಕೆಲಸ ಸುಲಭವಾಗಿ ಪೂರ್ಣಗೊಳ್ಳುತ್ತದೆ. ಮನೆಯಲ್ಲಿ ಶಾಂತಿ ನೆಲೆಸಲು ತಾಳ್ಮೆಯಿಂದ ವರ್ತಿಸುವುದು ಒಳ್ಳೆಯದು. ಜೊತೆಗೆ ಕೋಪ ನಿಮ್ಮನ್ನು ಆಳಬಹುದು. ಹೀಗಾಗಿ ಜಾಗರೂಕರಾಗಿರಿ.

ವಿವಾಹಿತರು ಸಂಗಾತಿಯನ್ನು ಸಂಪೂರ್ಣವಾಗಿ ಅರ್ಥ ಮಾಡಿಕೊಳ್ಳು ಜಾಣ್ಮೆಯನ್ನು ಹೊಂದಿರುತ್ತಾರೆ. ಇದರಿಂದ ಸಂಸಾರದಲ್ಲಿ ಬಾಂಧವ್ಯ ಹೆಚ್ಚಾಗಲಿದೆ. ಸಂಬಂಧಗಳಲ್ಲಿ ಬಲ ಹೆಚ್ಚಾಗಲಿದೆ. ವೈಯಕ್ತಿಕ ಕಾರಣಗಳಿಗಾಗಿ ಹಣ ಹೆಚ್ಚು ಖರ್ಚಾಗಬಹುದು.

ಕೆಲಸದಲ್ಲಿ ಒತ್ತಡ ಹೆಚ್ಚಾಗಿರುವುದರಿಂದ ಕೊಂಚ ಕಿರಿಕಿರಿಯನ್ನು ಅನುಭವಿಸಬಹುದು. ಇದರಿಂದ ಕೌಟುಂಬಿಕ ವಿಚಾರದಲ್ಲಿ ಹೆಚ್ಚು ಗಮನ ಕಡಿಮೆಯಾಗಬಹುದು. ಒಳ್ಳೆಯದನ್ನೇ ಯೋಚಿಸಿ ಒಳ್ಳೆಯದನ್ನೇ ಮಾಡಿ. ಇದರಿಂದ ಯಾವ ದುಷ್ಟಶಕ್ತಿಯನ್ನು ನೀವು ಎದುರಿಸಲು ಶಕ್ತರಾಗಿರುವಿರಿ.

ಆಧ್ಯಾತ್ಮಕತೆಯ ಕಡೆಗೆ ಹೆಚ್ಚು ಒಳವು ಹೊಂದಬಹುದು. ನಿತ್ಯ ದೇವಸ್ಥಾನಕ್ಕೆ ಭೇಟಿ ನೀಡುವ ಮೂಲಕ ಮನಶಾಂತಿಯನ್ನು ಕಾಣಬಹುದು. ವ್ಯಾಪಾರದಲ್ಲಿ ಅವಕಾಶಗಳು ನಿಮ್ಮ ಮನೆ ಬಾಗಿಲನ್ನು ತಟ್ಟುತ್ತವೆ. ಆದರೆ ಸೂರ್ಯನು ಅಹಂಕಾರದ ಗ್ರಹನಾಗಿರುವುದರಿಂದ ಅನಗತ್ಯ ಘರ್ಷಣೆ ಮತ್ತು ವಾದಗಳು ಉಂಟಾಗಬಹುದು. ಇದರಿಂದ ಸಂಗಾತಿಯೊಂದಿಗಿನ ಸಂಬಂಧ ಏರಿಳಿತಗಳಿಂದ ಕೂಡಿರುತ್ತದೆ. ಹೀಗಾಗಿ ವೈವಾಹಿಕ ಜೀವನದ ಕಡೆಗೆ ಹೆಚ್ಚು ಗಮನ ಕೊಡುವುದು ಒಳಿತು. ಈ ಸಂಚಾರ ವೃಷಭ ರಾಶಿಯವರ ಮೇಲೆ ಯಾವುದೇ ಪರಿಣಾಮವನ್ನು ಬೀರುವುದಿಲ್ಲ. ವೃಷಭ ರಾಶಿಯವರು ಆರೋಗ್ಯವಾಗಿ ಮತ್ತು ಫಿಟ್‌ ಆಗಿ ಇರುತ್ತಾರೆ. ಉತ್ತಮ ಜೀವನ ಶೈಲಿಯನ್ನು ರೂಢಿಸಿಕೊಳ್ಳಲು ಸಲಹೆ ನೀಡಲಾಗುತ್ತದೆ.

ಮಿಥುನ: ಧಾರ್ಮಿಕ ಸ್ಥಳಗಳಿಗೆ ಭೇಟಿ

ಮಿಥುನ: ಧಾರ್ಮಿಕ ಸ್ಥಳಗಳಿಗೆ ಭೇಟಿ

ಮಿಥುನ ರಾಶಿಯವರಿಗೆ ಈ ದಿನ ಮಂಗಳಕರವಾಗಿರುತ್ತದೆ. ಕುಟುಂಬ ಸಮೇತ ಧಾರ್ಮಿಕ ಸ್ಥಳಗಳಿಗೆ ಹೋಗುವ ಸಾಧ್ಯತೆ ಇದೆ. ಇದರಿಂದ ಕುಟುಂಬದಲ್ಲಿ ಪ್ರೀತಿ ಹೆಚ್ಚಾಗಲಿದೆ. ಮನೆಯಲ್ಲಿ ಹಬ್ಬದ ವಾತಾವರಣವಿರಲಿದೆ. ಸಂಬಂಧಿಕರು ಮನೆಗೆ ಆಗಮಿಸುವುದರಿಂದ ಮನೆಯಲ್ಲಿ ಸಂತೋಷದ ಕಳೆ ಇರುತ್ತದೆ. ಯಾವುದೇ ಕೆಲಸ ಶಾಂತ ಮನಸ್ಸಿನಿಂದ ಮಾಡಿದರೆ ಅದು ಬೇಗ ಮುಗಿಯುತ್ತದೆ. ಕುಟುಂಬದಲ್ಲಿ ಕೆಲ ಗಂಭೀರ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಮಯ ಬರಬಹುದು. ಇದು ಕಷ್ಟಕರವೆನಿಸಿದರೆ ಹಿರಿಯರ ಸಹಾಯವನ್ನು ಪಡೆಯಿರಿ.

ವಿದ್ಯಾರ್ಥಿಗಳು ಸಮಾಜದಲ್ಲಿ ಪೋಷಕರ ಗೌರವ ಹೆಚ್ಚಿಸಲಿದ್ದಾರೆ. ನಿರೀಕ್ಷೆಯಂತೆ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಉತ್ತಮ ಫಲಿತಾಂಶಗಳನ್ನು ಪಡೆಯುತ್ತಾರೆ. ಮಕ್ಕಳ ಆಶಕ್ತಿಗನುಸಾರ ಕೋರ್ಸ್‌ಗಳನ್ನು ಮಾಡಲು ಬಿಡಿ. ಮಕ್ಕಳ ಮೇಲೆ ಒತ್ತಡ ಹೇರುವುದು ಉತ್ತಮ ಮಾರ್ಗವಲ್ಲ.

ವೃಶ್ಚಿಕ ರಾಶಿಯಲ್ಲಿ ಸೂರ್ಯ ಸಂಚಾರದಿಂದ ಶತ್ರುಗಳು ನಾಶವಾಗುತ್ತಾರೆ. ಅವರು ಮಾಡುವ ಯಾವುದೇ ಪ್ರಯತ್ನ ವಿಫಲವಾಗುತ್ತವೆ. ಹೀಗಾಗಿ ಈ ಸಮಯದಲ್ಲಿ ಅದೃಷ್ಟ ನಿಮ್ಮ ಕೈಹಿಡಿಯಲಿದೆ. ಸರ್ಕಾರಿ ಹುದ್ದೆಯಲ್ಲಿ ಕೆಲಸ ಮಾಡುತ್ತಿದ್ದರೆ ನೀವು ಯಶಸ್ವಿಯಾಗುತ್ತೀರಿ. ನಿಮ್ಮ ಮಾತು ಮತ್ತು ಕೆಲಸ ಮೆಚ್ಚುಗೆಯನ್ನು ಪಡೆಯುತ್ತದೆ. ಜನರನ್ನು ಅರ್ಥಮಾಡಿಕೊಳ್ಳುವ ಬುದ್ಧಿಶಕ್ತಿಯನ್ನು ನೀವು ಹೊಂದಿರುತ್ತೀರಿ. ಎಮ್‌ಎನ್‌ಸಿ ಕಂಪನಿಗಳಲ್ಲಿ ಕೆಲಸ ಮಾಡುತ್ತಿದ್ದರೆ ಈ ಸಮಯವು ನಿಮಗೆ ಪ್ರಯೋಜನಕಾರಿಯಾಗಿದೆ.

ಕರ್ಕಾಟಕ: ಮನೆ ಬಾಗಿಲಿಗೆ ಅದೃಷ್ಟ

ಕರ್ಕಾಟಕ: ಮನೆ ಬಾಗಿಲಿಗೆ ಅದೃಷ್ಟ

ವೃಶ್ಚಿಕ ರಾಶಿಯಲ್ಲಿ ಸೂರ್ಯನ ಸಂಚಾರ ಕರ್ಕಾಟಕ ರಾಶಿಯವರಿಗೆ ಮಂಗಳಕರ ಸಮಯವಾಗಿದೆ. ಅಂದುಕೊಂಡ ಕಾರ್ಯಗಳು ನೆರವೇರುತ್ತವೆ. ಮನೆಯಲ್ಲಿ ಸಂತೋಷ, ವ್ಯವಹಾರದಲ್ಲಿ ಲಾಭ ಪ್ರಾಪ್ತಿಯಾಗಲಿದೆ. ನಿಮಗಿದು ಮೌಲ್ಯಯುತ ಸಮಯವಾಗಿದೆ. ಪಾಲುದಾರರೊಂದಿಗೆ ಪ್ರವಾಸ ಕೈಗೊಳ್ಳಬಹುದು. ಒತ್ತಡವಿಲ್ಲದ ಕೆಲಸವನ್ನು ನೀವು ಆನಂದಿಸುವಿರಿ. ಸಹಾಯ ಮಾಡುವ ನಿಮ್ಮ ಗುಣ ಪ್ರಶಂಸಿಸಲ್ಪಡುತ್ತದೆ. ಸಮಾಜದಲ್ಲಿ ಗೌರವ ಹೆಚ್ಚಾಗಲಿದೆ. ಸಹೋದ್ಯೋಗಿಗಳಿಂದ ಸಹಕಾರ, ಮನೆಯಲ್ಲಿ ನೆಮ್ಮದಿ ನಿಮ್ಮ ಯಶಸ್ಸಿನ ಗುಟ್ಟಾಗಿರುವುದರಿಂದ ಇದನ್ನು ಜಾಗರೂಕತೆಯಿಂದ ನಿಭಾಸುವ ಬುದ್ಧಿಶಕ್ತಿ ನಿಮಗಿದೆ. ವ್ಯಾಪಾರ ಪ್ರಗತಿಯಲ್ಲಿರುತ್ತದೆ. ಕೆಲಸ ಮಾಡುವಲ್ಲಿನ ನಿಮ್ಮ ಉತ್ಸಾಹ ಮೇಲಾಧಿಕಾರಿಗಳನ್ನು ಮೆಚ್ಚಿಸಲಿದೆ. ಸಂಗಾತಿಯೊಂದಿಗಿನ ಸಂಬಂಧ ಬಲಗೊಳ್ಳಲಿದೆ. ನಿಮ್ಮ ಸಕಾರಾತ್ಮಕ ಚಿಂತನೆ ನಿಮ್ಮ ಕೈಹಿಡಿಯಲಿದೆ.

ಈ ಸಂದರ್ಭದಲ್ಲಿ ವಿಧ್ಯಾರ್ಥಿಗಳ ಅಧ್ಯಾಯನದಲ್ಲಿ ಸುಧಾರಣೆ ಕಾಣಲಿದೆ. ಮಕ್ಕಳಿಗೆ ಉತ್ತಮ ಶಿಕ್ಷಣ ಸಿಗಲಿದೆ. ಮಕ್ಕಳೊಂದಿಗೆ ಒಡನಾಟ ಹೆಚ್ಚಾಗಿರುವುದು ಒಳ್ಳೆಯದು. ಅವರೊಂದಿಗೆ ಗುಣಮಟ್ಟದ ಸಮಯ ಕಳೆಯುವ ಸಮಯವಿದು.

ಪ್ರೀತಿಯಲ್ಲಿರುವವರು ತಮ್ಮ ಪ್ರೇಮ ವಿಚಾರವನ್ನು ಮನೆಯಲ್ಲಿ ಪ್ರಶ್ತಾಪ ಮಾಡಬಹುದು. ಪ್ರೇಮಿಗಳು ವಾದ ಮತ್ತು ಘರ್ಷಣೆಯನ್ನು ತಪ್ಪಿಸುವುದು ಉತ್ತಮ. ಅವಿವಾಹಿತರಿಗೆ ಕಂಕಣ ಭಾಗ್ಯ ಕೂಡಿ ಬರಲಿದೆ. ಇದು ನಿಮ್ಮ ಜೀವನದ ಮೇಲೆ ಪರಿಣಾಮ ಬೀರಬಹುದು. ನಿಮ್ಮ ಶ್ರಮದ ಪ್ರಯೋಜನವನ್ನು ನೀವು ಪಡೆಯುತ್ತೀರಿ. ಈ ಅವಧಿ ಹಣಕಾಸಿನ ವಿಷಯದಲ್ಲೂ ಉತ್ತಮವಾಗಿರುತ್ತದೆ.

ಸಿಂಹ: ಅಗಾಧ ಶಕ್ತಿ, ಗ್ರಹಿಕೆ, ತಿಳುವಳಿಕಾ ಸಾಮಾರ್ಥ್ಯ ವೃದ್ಧಿ

ಸಿಂಹ: ಅಗಾಧ ಶಕ್ತಿ, ಗ್ರಹಿಕೆ, ತಿಳುವಳಿಕಾ ಸಾಮಾರ್ಥ್ಯ ವೃದ್ಧಿ

ಸಿಂಹ ರಾಶಿಯವರಿಗೆ ಇದು ಅದೃಷ್ಟದ ದಿನ. ಕಚೇರಿಯಲ್ಲಿ ಕೆಲ ಹೊಸ ಕೆಲಸಗಳನ್ನು ಮಾಡಬೇಕಾಗಬಹುದು. ಇದರಿಂದ ಲಾಭ ಅಥವಾ ಬಡ್ತಿ ಸಿಗಬಹುದು. ವಾಸ್ತುಶಿಲ್ಪ, ಎಂಜಿನಿಯರ್‌, ಚಿಲ್ಲರೆ ವ್ಯಾಪಾರಿಗಳಿಗೆ ಇಂದು ಯಶಸ್ಸಿನ ದಿನವಾಗಿದೆ. ನಿಮ್ಮ ಶ್ರಮದ ಫಲ ಈ ದಿನ ನೀವು ಪಡೆಯುತ್ತೀರಿ.

ಮನೆಯಿಂದ ಹೊರಹೋಗುವಾಗ ಅಥವ ಪ್ರಯಾಣದ ವೇಳೆ ಹೆಚ್ಚು ಜಾಗರೂಕರಾಗಿರಿ. ಕೆಲ ಸಣ್ಣಪುಟ್ಟ ಸಮಸ್ಯೆಗಳು ತೊಂದರೆಯನ್ನುಂಟು ಮಾಡಬಹುದು. ಕೆಟ್ಟ ಕೆಲಸಗಳನ್ನು ಮಾಡಲು ನಿಮ್ಮ ಸುತ್ತಲು ಇರುವ ಜನ ನಿಮ್ಮ ಮೇಲೆ ಒತ್ತಡ ಹೇರಬಹುದು. ಇದರಿಂದ ಜಾಗರೂಕರಾಗಿರಿ.

ಮನೆಯಲ್ಲಿ ಶಾಂತಿ, ಕೆಲಸದಲ್ಲಿ ಸಂತಸದ ವಾತಾವರಣ ನೆಲೆಯೂರುತ್ತದೆ. ಈ ಸಾಗಣೆ ಭೌತಿಕ ಸೌಕರ್ಯ ಮತ್ತು ಸಂತೋಷ ನೀಡುತ್ತದೆ. ಈ ಸಂಚಾರ ನಟರು ಮತ್ತು ರಾಜಕಾರಣಿಗಳಿಗೆ ಉತ್ತಮ ಸಮಯ. ಸೂರ್ಯ ಅಹಂಕಾರವನ್ನು ಪ್ರತಿನಿಧಿಸುತ್ತಾನೆ. ಹೀಗಾಗಿ ಅನಗತ್ಯ ಘರ್ಷಣೆಯಿಂದ ದೂರವಿರಿ. ಇದರಿಂದ ನಿಮ್ಮ ಮನೆಯ ಅಥವಾ ಕಚೇರಿತ ವಾತಾವರಣ ಹಾಳಾಗಬಹುದು. ಸಾಧ್ಯವಿರುವಷ್ಟು ಶಾಂತವಾಗಿರಿ. ಕುಟುಂಬ ಸದಸ್ಯರ ಆರೋಗ್ಯದ ಕಡೆ ನೀವು ಹೆಚ್ಚು ಕಾಳಜಿ ವಹಿಸುವಿರಿ. ಇದರಿಂದ ಹಿರಿಯ ಪ್ರೀತಿ ನಿಮ್ಮ ಮೇಲೆ ಸದಾ ಹೆಚ್ಚಾಗಿರುತ್ತದೆ. ಅವರ ಆಶೀರ್ವಾದ ನಿಮ್ಮನ್ನು ಸದಾ ಕಾಪಾಡಲಿದೆ.

ನಿಮ್ಮಲ್ಲಿರುವ ಅಗಾಧ ಶಕ್ತಿ, ಗ್ರಹಿಕೆ, ತಿಳುವಳಿಕಾ ಸಾಮಾರ್ಥ್ಯದಿಂದ ನೀವು ಅಭಿವೃದ್ಧಿ ಹೊಂದುವಿರಿ. ನಿಮ್ಮಲ್ಲಿರುವ ಆತ್ಮವಿಶ್ವಾಸ ನಿಮ್ಮನ್ನು ಬಲಗೊಳಿಸುತ್ತದೆ. ಸದಾ ನಿಮ್ಮನ್ನು ಅವಲೋಕನೆ ಮಾಡುವ ನಿಮ್ಮ ಯೋಜನೆಗಳು ಶುದ್ಧವಾಗಿರುತ್ತದೆ. ಕಲ್ಮಶವಿರದ ಹೃದಯ ನಿಮ್ಮ ಸುತ್ತಲ ಜನರನ್ನು ಆಕರ್ಷಿಸುತ್ತದೆ. ನಿಮ್ಮ ಮಾತುಗಳನ್ನು ಕೇಳುತ್ಥಾರೆ. ನಿಮ್ಮ ಮೇಲೆ ಅಚಲ ನಂಬಿಕೆ ಇರುತ್ತದೆ.

ಕನ್ಯಾ: ಮಹಿಳೆಯರಿಗೆ ಮಂಗಳಕರ ದಿನ

ಕನ್ಯಾ: ಮಹಿಳೆಯರಿಗೆ ಮಂಗಳಕರ ದಿನ

ಈ ದಿನ ಕನ್ಯಾರಾಶಿಯವರಿಗೆ ಸಂತೋಷದಿಂದ ಕೂಡಿರುತ್ತದೆ. ಕಠಿಣ ಕೆಲಸಗಳನ್ನು ಸುಲಭವಾಗಿ ಮಾಡುವಿರಿ. ಇದರಿಂದ ಹೊಸ ಕೆಲಸಗಳ ಹೊರೆ ನಿಮ್ಮ ಮೇಲೆ ಬೀಳಲಿದೆ. ಕೆಲಸದ ಜವಬ್ದಾರಿ ಹೆಚ್ಚಾಗಲಿದೆ. ಮಹಿಳೆಯರಿಗೆ ಇಂದು ಅತ್ಯುತ್ತಮ ದಿನ. ಉದ್ಯೋಗಸ್ಥ ಮಹಿಳೆಯರು ಮನೆ ಹಾಗೂ ಕಚೇರಿ ಕೆಲಸವನ್ನು ಅತ್ಯಂತ ಸುಲಭ ಹಾಗೂ ಸರಳವಾಗಿ ನಿಭಾಸುವ ಶಕ್ತಿಯನ್ನು ಹೊಂದಿರುತ್ತಾರೆ. ಇದರಿಂದ ಕನ್ಯಾ ರಾಶಿಯ ಮಹಿಳೆಯರು ಅವಲಂಬಿತ ಜೀವನದಿಂದ ದೂರ ಉಳಿಯುತ್ತಾರೆ. ಕನ್ಯಾ ರಾಶಿಯ ಮಹಿಳೆಯರ ನಡೆ ನುಡಿಯನ್ನು ಹೆಚ್ಚು ಜನ ಅನುಸರಿಸುತ್ತಾರೆ. ಅವರ ಆಲೋಚನ ಶಕ್ತಿ ಉತ್ತಮವಾಗಿರುತ್ತದೆ. ಮತ್ತೊಬ್ಬರಿಗೆ ಮಾದರಿಯಾಗಿರುತ್ತಾರೆ. ಇದರಿಂದ ಸಮಾಜದಲ್ಲಿ ಗೌರವವೂ ಹೆಚ್ಚಾಗಲಿದೆ.

ವಿದ್ಯಾರ್ಥಿಗಳಿಗೆ ಇಂದು ಅನುಕೂಲಕರ ದಿನವಾಗಿರುತ್ತದೆ. ಕನ್ಯಾರಾಶಿಯ ವಿದ್ಯಾರ್ಥಿಗಳು ಅಭ್ಯಾಸದಲ್ಲಿ ಚುರುಕಾಗಿರುತ್ತಾರೆ. ಅವರ ಗ್ರಹಿಕೆ ಉತ್ತಮವಾಗಿರುತ್ತದೆ. ಸಂಗೀತಕ್ಕೆ ಹಾಗೂ ಕ್ರೀಡೆಗೆ ಸಂಬಂಧಿಸಿದ ಅಭ್ಯಾಸದಲ್ಲಿ ತೊಡಿರುವ ವಿದ್ಯಾರ್ಥಿಗಳಿಗೆ ಇದು ಶುಭ ದಿನವಾಗಿದೆ.

ಕುಟುಂಬಸ್ಥರೊಂದಿಗೆ ಗುಣಮಟ್ಟದ ಸಮಯವನ್ನು ಕಳೆಯಲು ಸಣ್ಣ ಪ್ರವಾಸವನ್ನು ಕೈಗೊಳ್ಳಬಹುದು. ದೂರದ ಪ್ರಯಾಣ ಬೆಳೆಸುವ ಸಾಧ್ಯತೆಗಳು ಇವೆ. ವೃಶ್ಚಿಕ ರಾಶಿಯಲ್ಲಿ ಸೂರ್ಯನ ಸಂಚಾರದಿಂದ ಮಾರ್ಕೆಟಿಂಗ್, ಸಮಾಜಿಕ ಮಾರ್ಧಯಮ ಅಥವಾ ಸಂವಹನ ಕ್ಷೇತ್ರದಲ್ಲಿ ಉದ್ಯೋಗದಲ್ಲಿರುವವರಿಗೆ ಈ ದಿನ ಫಲಪ್ರದವಾಗಿದೆ. ನೀವು ನಿಮ್ಮ ಸಂವಹನದಲ್ಲಿ ತುಂಬಾ ಆತ್ಮವಿಶ್ವಾಸವನ್ನು ಹೊಂದಿರುತ್ತೀರಿ ಮತ್ತು ಪ್ರಭಾವಶಾಲಿಯಾಗಿರುತ್ತೀರಿ. ರಫ್ತು, ಆಮದು ವ್ಯವಹಾರದಲ್ಲಿರುವವರು ಅಥವಾ ಎಮ್‌ಎನ್‌ಸಿ ಕಂಪನಿಗಳಲ್ಲಿ ಕೆಲಸ ಮಾಡುವವರಿಗೆ ಇದು ಲಾಭದಾಯಕ ದಿನವಾಗಿದೆ. ನೀವು ಖ್ಯಾತಿಯನ್ನು ಗಳಿಸಲು ಅನುಕೂಲಕರ ದಿನವಾಗಿದೆ. ಕುಟುಂಬಸ್ಥರು ನಿಮ್ಮ ಕೆಲಸವನ್ನು ಮೆಚ್ಚುತ್ತಾರೆ.

ತುಲಾ: ಶಿಕ್ಷಕರ ಅಚ್ಚುಮೆಚ್ಚಿನ ವಿದ್ಯಾರ್ಥಿ

ತುಲಾ: ಶಿಕ್ಷಕರ ಅಚ್ಚುಮೆಚ್ಚಿನ ವಿದ್ಯಾರ್ಥಿ

ವಿದ್ಯಾರ್ಥಿಗಳಿಗೆ ಇಂದು ಶುಭ ದಿನ. ಕಾಲೇಜಿನಲ್ಲಿ ಪ್ರತಿಭಾವಂತ ವಿದ್ಯಾರ್ಥಿಯಾಗಿರುವಿರಿ. ಶಿಕ್ಷಕರ ಅಚ್ಚುಮೆಚ್ಚಿನ ವಿದ್ಯಾರ್ಥಿಯಾಗಿರುತ್ತೀರಿ. ಹೊಸ ವಿಚಾರಗಳನ್ನು ಕಲಿಯುವ ನಿಮ್ಮ ಆಸಕ್ತಿಯನ್ನು ಎಲ್ಲರು ಮೆಚ್ಚುತ್ತಾರೆ. ಶತ್ರುಗಳಿಂದ ದೂರವಿರಿ. ನಿಮ್ಮ ಬೆಳವಣಿಗೆ ಸಹಪಾಠಿಗಳ ಕೆಂಗಣ್ಣಿಗೆ ಗುರಿಯಾಗಬಹುದು.

ಉದ್ಯೋಗಿಗಳು ಕೆಲಸದ ಕಡೆಗೆ ಹೆಚ್ಚು ಗಮನ ಕೊಡಬೇಕು. ಮೇಲಾಧಿಕಾರಿಗಳು ನಿಮ್ಮ ಮೇಲಿಟ್ಟ ನಂಬಿಕೆಯನ್ನು ಕಳೆದುಕೊಳ್ಳದಂತೆ ನೋಡಿಕೊಳ್ಳಿ. ಸಂಸಾರಿಕ ವಿವಾದಗಳು ಕೆಲಸದ ಮೇಲೆ ಪರಿಣಾಮ ಬೀರದಂತೆ ನೋಡಿಕೊಳ್ಳಿ. ಈ ದಿನ ಸಣ್ಣ ವ್ಯಾಪಾರಿಗಳು, ಚಿಲ್ಲರೆ ಅಂಗಡಿ ಹಾಗೂ ತರಕಾರಿ ಮಾರಾಟಗಾರರಿಗೆ ಲಾಭದಾಯಕವಾಗಿರುತ್ತದೆ. ಆರೋಗ್ಯ ಮೊದಲಿಗಿಂತಲೂ ಉತ್ತಮವಾಗಿರಲಿದೆ. ಕೆಲಸದಲ್ಲಿ ಆತ್ಮವಿಶ್ವಾಸ ಹೆಚ್ಚುತ್ತದೆ. ಹಣಕಾಸು ಕ್ಷೇತ್ರದಲ್ಲಿ ಕೆಲಸ ಮಾಡುವ ಜನರಿಗೆ ಉತ್ತಮ ಸಮಯವಾಗಿದೆ. ಅನೇಕ ನವೀನ ಆಲೋಚನೆಗಳೊಂದಿಗೆ ಬರಬಹುದು ಮತ್ತು ನಿಮ್ಮ ಕುಟುಂಬದಿಂದ ಬೆಂಬಲವನ್ನು ಸಹ ಪಡೆಯುತ್ತೀರಿ.

ಇನ್ನೂ ಹಣದ ವಿಚಾರವಾಗಿ ಬುದ್ಧಿವಂತಿಕೆಯ ನಿರ್ಧಾರಗಳನ್ನು ತೆಗೆದುಕೊಳ್ಳಿ. ಹೆಚ್ಚು ಹಣ ಖರ್ಚು ಮಾಡುವುದು ಈ ಸಮಯಕ್ಕೆ ಸೂಕ್ತವಲ್ಲ. ಮನೆ, ಭೂಮಿ, ವಾಹನ ಖರೀದಿ ಮಾಡಲು ಈ ಸಮಯ ಉತ್ತಮವಾಗಿದೆ. ಯಾವುದಕ್ಕೂ ಕುಟುಂಬದ ನಿರ್ಧಾರಗಳಿಗೆ ಬದ್ಧರಾಗಿರಿ.

ವೃಶ್ಚಿಕ: ಹಠಾತ್ ವಾದ, ಅನಗತ್ಯ ಘರ್ಷಣೆ

ವೃಶ್ಚಿಕ: ಹಠಾತ್ ವಾದ, ಅನಗತ್ಯ ಘರ್ಷಣೆ

ಇಂದು ನಿಮಗೆ ಅನುಕೂಲಕರ ದಿನವಾಗಿರುತ್ತದೆ. ಸಮಯ ನಿಮ್ಮ ಪರವಾಗಿರುವುದರಿಂದ ಮನಸ್ಸು ಸಂತೋಷದಿಂದ ಕೂಡಿರುತ್ತದೆ. ಉದ್ಯೋಗ ಅಥವಾ ವ್ಯವಹಾರದಲ್ಲಿ ಲಾಭಕ್ಕಾಗಿ ಒಂದಕ್ಕಿಂತ ಹೆಚ್ಚು ಅವಕಾಶವಿರುತ್ತದೆ. ಕಾಮಗಾರಿಗೆ ವೇಗ ದೊರೆಯಲಿದೆ. ನೀವು ಬೇರೆ ರಾಜ್ಯದಲ್ಲಿ ವ್ಯಾಪಾರ ಮಾಡಲು ಪ್ರಯಾಣಿಸುವ ಸಾಧ್ಯತೆಗಳಿವೆ. ಇಂದು ವಿದ್ಯಾರ್ಥಿಗಳಿಗೆ ತುಂಬಾ ಒಳ್ಳೆಯ ದಿನವಾಗಿದ್ದು, ಪರೀಕ್ಷೆಯಲ್ಲಿ ಯಶಸ್ಸು ಕಾಣಲಿದ್ದಾರೆ.

ಈ ಸಾಗಣೆಯು ನಿಮ್ಮ ಕೆಲಸ ಮತ್ತು ಉದ್ಯೋಗದ ಮೂಲಕ ನಿಮಗೆ ಉತ್ತಮ ಯಶಸ್ಸು ಮತ್ತು ಜನಪ್ರಿಯತೆಯನ್ನು ನೀಡುತ್ತದೆ. ಗೌರವ ಮತ್ತು ಸ್ಥಾನಮಾನ ಹೆಚ್ಚಾಗುತ್ತದೆ. ನಿಮ್ಮ ನಾಯಕತ್ವ ಮತ್ತು ನಿರ್ಧಾರ ತೆಗೆದುಕೊಳ್ಳುವ ಸಾಮರ್ಥ್ಯ ಎಲ್ಲರನ್ನೂ ಮೆಚ್ಚಿಸುತ್ತದೆ. ಕೆಲವು ಹಠಾತ್ ವಾದ ಅಥವಾ ಜಗಳಗಳಿಂದಾಗಿ ನೀವು ಕೆಲವು ಅನಗತ್ಯ ಘರ್ಷಣೆಗಳನ್ನು ಎದುರಿಸಬಹುದು. ಹೀಗಾಗಿ ಜಾಗರೂಕತೆಯಿಂದ ವರ್ತಿಸಿ.

ಮನೆಯಲ್ಲಿ ಹಬ್ಬದ ವಾತಾವರಣವಿರುತ್ತದೆ. ಈ ಸಮಯದಲ್ಲಿ ಶುಭ ಕಾರ್ಯಗಳು ನಡೆಯಲಿವೆ. ಶುಭ ಕಾರ್ಯಗಳಿಗೆ ಸಂಬಂಧಿಕರು ಸಂತೋಷದಿಂದ ಒಗ್ಗೂಡುತ್ತಾರೆ. ನಿಮ್ಮ ವೈವಾಹಿಕ ಜೀವನ ಉತ್ತಮವಾಗಿರುತ್ತದೆ. ಅವಿವಾಹಿತರಿಗೆ ಕಂಕಣ ಭಾಗ್ಯ ಕೂಡಿ ಬರಲಿದೆ. ಮಕ್ಕಳ ನಿರೀಕ್ಷೆಯಲ್ಲಿರುವವರಿಗೆ ಶುಭ ಸುದ್ದಿ ಸಿಗಲಿದೆ.

ಧನು: ನಿಸ್ವಾರ್ಥ ಸೇವೆಗೆ ಮೆಚ್ಚುಗೆ

ಧನು: ನಿಸ್ವಾರ್ಥ ಸೇವೆಗೆ ಮೆಚ್ಚುಗೆ

ಈ ಸಮಯದಲ್ಲಿ ನಿಮ್ಮ ಆತ್ಮವಿಶ್ವಾಸ ಹೆಚ್ಚಾಗಲಿದೆ. ಹೂಡಿಕೆ ಮಾಡಲು ಇದು ಉತ್ತಮ ಸಮಯ. ಮನೆ, ಕಾರು ಖರೀದಿಗೆ ಇದು ಮಂಗಳಕರ ಸಮಯವಾಗಿದೆ. ಸೂರ್ಯನು ಧನು ರಾಶಿಯವರಿಗೆ ಉತ್ತಮ ಫಲ ನೀಡುತ್ತಾನೆ. ಹೀಗಾಗಿ ಎದುರಾಗುವ ಕಂಟಕಗಳನ್ನು ಎದುರಿಸುವ ಶಕ್ತಿಯನ್ನು ನೀವು ಹೊಂದಿರುತ್ತೀರಿ.

ಇತರರಿಗೆ ಸಹಾಯ ಮಾಡುವ ಗುಣ ನಿಮ್ಮದು. ನಿಮ್ಮ ಮಾತುಗಳನ್ನು ಹೆಚ್ಚು ಜನ ಕೇಳಲು ಅನುಸರಿಸಲು ಬಯಸುತ್ತಾರೆ. ನಿಮ್ಮ ಪ್ರೀತಿಯ ಮಾತು ಶತ್ರುಗಳನ್ನು ಸ್ನೇಹಿತರನ್ನಾಗಿಸುತ್ತದೆ. ಇದರಿಂದ ನೀವು ಸಮಾಜದಲ್ಲಿ ನೆಚ್ಚಿನ ವ್ಯಕ್ತಿಯಾಗಿರುತ್ತೀರಿ. ನಿಮ್ಮ ಮಾತು ಮಧುರವಾಗಿರುತ್ತದೆ.

ಉದ್ಯೋಗಸ್ಥರು ಕೆಲಸದ ಹೆಚ್ಚು ಒತ್ತಡವನ್ನು ಹೊಂದಿರಬಹುದು. ಇದರ ಪರಿಣಾಮ ವೈವಾಹಿಕ ಜೀವನದ ಮೇಲಾಗುವುದನ್ನು ತಪ್ಪಿಸಿ. ಆಸ್ಪತ್ರೆಯಲ್ಲಿ ಕೆಲಸ ಮಾಡುವವರು ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ವಹಿಸಬೇಕು. ನಿಮ್ಮ ನಿಸ್ವಾರ್ಥ ಸೇವೆಯ ಲಾಭವನ್ನು ಮತ್ತೊಬ್ಬರು ಪಡೆಯಲು ಬಿಡಬೇಡಿ. ದೂರದ ಸ್ಥಳಗಳಲ್ಲಿ ಉದ್ಯೋಗ ಪಡೆಯುವ ಸಾಧ್ಯತೆ ಇದೆ.

ಉದ್ಯೋಗ ನಿರೀಕ್ಷೆಯಲ್ಲಿರುವವರಿಗೆ ಈ ದಸಮಯ ಉತ್ತಮವಾಗಿದೆ. ನಿರುದ್ಯೋಗಿಗಳು ಅಂದುಕೊಂಡ ಕೆಲಸವನ್ನು ಪಡೆಯುತ್ತಾರೆ. ಅದೃಷ್ಟ ನಿಮ್ಮ ಕೈ ಹಿಡಿಯಲಿದೆ. ಹೀಗಾಗಿ ಕೆಟ್ಟದರ ಹಿಂದೆ ಬೀಳಬೆಡಿ. ಶ್ರಮ ವಹಿಸಿ ಕೆಲಸ ಮಾಡುವ ನಿಮ್ಮ ಮನೋಭಾವ ಮೆಚ್ಚುಗೆ ಪಡೆಯಲಿದೆ. ಆರೋಗ್ಯದ ಬಗ್ಗೆ ಅನಗತ್ಯ ಗಮನ ಕೊಡುವುದಕ್ಕಿಂತ ದಿನನಿತ್ಯ ವ್ಯಾಯಾಮ, ಉತ್ತಮ ಆಹಾರ ಪದ್ಧತಿಯನ್ನು ರೂಢಿಸಿಕೊಳ್ಳಿ.

ಮಕರ: ಹಠಾತ್ ಲಾಭ

ಮಕರ: ಹಠಾತ್ ಲಾಭ

ಈ ಸಮಯ ಸಂತೋಷದಿಂದ ಕೂಡಿರುತ್ತದೆ. ಕೆಲಸದಲ್ಲಿ ಅಡೆತಡೆಗಳು ಬಂದರೂ ವಿನೋದವಾಗಿ ಸ್ವೀಕರಿಸುವ ಗುಣ ನಿಮ್ಮದು. ಕೆಲಸದಲ್ಲಿ ಹೊಸ ಅವಕಾಶಗಳು ಸಿಗುತ್ತವೆ. ವ್ಯಾಪಾರದಲ್ಲಿನ ಉತ್ತಮ ಕೆಲಸಗಳಿಗೆ ಲಾಭ ಪಡೆಯುತ್ತೀರಿ. ಕ್ರೀಡಾ ಕ್ಷೇತ್ರಕ್ಕೆ ಸಂಬಂಧ ಉದ್ಯೋಗಿಗಳಿಗೆ ಈ ದಿನ ಮಂಗಳಕರವಾಗಿರುತ್ತದೆ. ಕ್ರೀಡಾ ಕ್ಷೇತ್ರಕ್ಕೆ ಸಂಬಂಧಿಸಿದ ಮಹಿಳೆಯರು ಇಂದು ಅಭ್ಯಾಸದಲ್ಲಿ ಅದ್ಭುತ ಪ್ರದರ್ಶನ ನೀಡುತ್ತಾರೆ.

ವ್ಯಾಪಾರದಲ್ಲಿ ಹೊಸದನ್ನು ಮಾಡಲು ನಡೆಯುತ್ತಿರುವ ಪ್ರಯತ್ನಗಳು ಯಶಸ್ವಿಯಾಗುತ್ತವೆ. ಇತರರಿಗೆ ಸಹಾಯ ಮಾಡುವುದರಿಂದ ನಿಮಗೆ ಲಾಭವಾಗುತ್ತದೆ. ಭೂಮಿ, ಆಸ್ತಿ ವಿಚಾರದಲ್ಲಿ ಲಾಭವಿರುತ್ತದೆ.

ನೀವು ಹಠಾತ್ ಹಣದ ಲಾಭವನ್ನು ಪಡೆಯಬಹುದು. ವೃಶ್ಚಿಕ ರಾಶಿಯಲ್ಲಿ ಸೂರ್ಯನ ಸಂಚಾರದ ಸಮಯದಲ್ಲಿ ವೃತ್ತಿ ಮತ್ತು ವ್ಯಾಪಾರಕ್ಕಾಗಿ ಕಳೆದ ಒಂದು ವರ್ಷದಲ್ಲಿ ಮಾಡಿದ ಎಲ್ಲಾ ಶ್ರಮದ ಫಲ ಮತ್ತು ಸವಲತ್ತುಗಳು ಈಗ ಆನಂದಿಸಲ್ಪಡುತ್ತವೆ. ನೀವು ವಿವಾಹಿತರಾಗಿದ್ದರೆ, ಮಕ್ಕಳ ನಿರೀಕ್ಷೆಯಲ್ಲಿದ್ದರೆ ಈ ಸಮಯ ಉತ್ತಮವಾಗಿರುತ್ತದೆ. ಇನ್ನೂ ಪೋಷಕರು ಮಕ್ಕಳ ಯಶಸ್ಸಿನ ಬಗ್ಗೆ ಹೆಮ್ಮೆಪಡುತ್ತಾರೆ.

ಕಾನೂನು ವಿವಾದಗಳಲ್ಲಿ ಸಿಲುಕಿರುವವರ ಪರವಾಗಿ ಈ ಸಮಯವಿರುತ್ತದೆ. ಆಸ್ತಿ ವಿವಾದಗಳು ಪೂರ್ಣಗೊಳ್ಳಲಿವೆ. ಅಂದುಕೊಂಡ ಕಾರ್ಯಗಳು ತಡವಾದರೂ ನೆರವೇರಲಿವೆ. ಹೊಸದನ್ನು ಕಲಿಯುವ ನಿಮ್ಮ ಆಸಕ್ತಿ ಮತ್ತು ಶ್ರಮ ನಿಮ್ಮ ಕೈ ಹಿಡಿಯಲಿದೆ.

ಕುಂಭ: ವ್ಯವಹಾರದಲ್ಲಿ ಲಾಭ

ಕುಂಭ: ವ್ಯವಹಾರದಲ್ಲಿ ಲಾಭ

ಇಂದು ನೀವು ಉತ್ತಮ ದಿನವನ್ನು ಹೊಂದಿರುತ್ತೀರಿ. ಯಾವುದೇ ಕೆಲಸವನ್ನು ಪೂರ್ಣಗೊಳಿಸಲು ಶಾರ್ಟ್‌ಕಟ್ ವಿಧಾನಗಳನ್ನು ಅಳವಡಿಸಿಕೊಳ್ಳುವುದನ್ನು ತಪ್ಪಿಸಿ. ವ್ಯವಹಾರದಲ್ಲಿ ಲಾಭವಿರುತ್ತದೆ. ನೀವು ಸೃಜನಾತ್ಮಕ ಕೆಲಸಗಳಲ್ಲಿ ತೊಡಗಿಸಿಕೊಳ್ಳುವಿರಿ. ಕೆಲವು ಸೃಜನಶೀಲ ಕೆಲಸಗಳನ್ನು ಮಾಡಲು ಪ್ರಯತ್ನಿಸುವಿರಿ. ಅವಿವಾಹಿತರಿಗೆ ಇಂದು ಶುಭ ದಿನ.

ತಾಯಂದಿರು ಮಕ್ಕಳಿಗೆ ಉತ್ತಮ ಗುಣಗಳನ್ನು ಕಲಿಸುವ ಮೂಲಕ ದೇಶದ ಉತ್ತಮ ಪ್ರಜೆಯನ್ನಾಗಿ ಮಾಡುತ್ತಾರೆ. ನಿಮ್ಮ ಮಕ್ಕಳಿಗೆ ಉತ್ತಮ ಕೆಲಸ ಸಿಗಲಿದೆ. ಸಂಬಂಧದಲ್ಲಿ ಬಲ ಹೆಚ್ಚಾಗಲಿದೆ. ಉದ್ಯೋಗದಲ್ಲಿ ಕೆಲವು ಬೆಳವಣಿಗೆ ಬಡ್ತಿ ಸಿಗಬಹುದು. ಕೆಲಸದಲ್ಲಿ ಹೊಸ ಶಕ್ತಿಯನ್ನು ಹೊಂದಿರುತ್ತೀರಿ. ನಿಮ್ಮ ನಾಯಕತ್ವದ ಗುಣಮಟ್ಟವನ್ನು ಪ್ರಶಂಸಿಸಲಾಗುತ್ತದೆ. ನೀವು ಹೆಚ್ಚಿನ ಸ್ವಾಭಿಮಾನವನ್ನು ಹೊಂದಿರುತ್ತೀರಿ ಅದು ಕೆಲವೊಮ್ಮೆ ಅಹಂಕಾರ ಮತ್ತು ದುರಹಂಕಾರವಾಗಿ ಬದಲಾಗಬಹುದು. ನೀವು ಅದರ ಬಗ್ಗೆ ಜಾಗರೂಕರಾಗಿರಬೇಕು ಮತ್ತು ಟೀಕೆಗಳನ್ನು ಧನಾತ್ಮಕವಾಗಿ ತೆಗೆದುಕೊಳ್ಳಬೇಕು. ಇಲ್ಲದಿದ್ದರೆ ನಿಮ್ಮ ಅಹಂಕಾರವು ಹೆಚ್ಚಾಗುತ್ತದೆ. ಇದು ಭವಿಷ್ಯದಲ್ಲಿ ಸಮಸ್ಯೆಗಳನ್ನು ಉಂಟುಮಾಡಬಹುದು.

ಕುಟುಂಬಸ್ಥರ ಆರೋಗ್ಯದ ಬಗ್ಗೆ ಹೆಚ್ಚು ಗಮನಹರಿಸಿ. ಇದರಿಂದ ಭವಿಷ್ಯದಲ್ಲಿನ ಆರೋಗ್ಯ ಸಮಸ್ಯೆಗಳಿಂದ ದೂರವಿರಬಹುದು. ಮನೆಯಲ್ಲಿ ಸಮತೋಷ ನೆಲೆಸಲಿದೆ. ಅಂದುಕೊಂಡ ಕಾರ್ಯಗಳು ಸುಲಭವಾಗಿ ನಡೆಯಲು ಶತ್ರುಗಳಿಂದ ದೂರವಿರಿ. ನಿಮ್ಮನ್ನು ಆದಷ್ಟು ಶಾಂತವಾಗಿಡಿ. ಜೀವನದಲ್ಲಿ ಘರ್ಷಗಳನ್ನು ತಪ್ಪಿಸಿ.

ಮೀನ: ಪ್ರೇಮಿಗಳಿಗೆ ಅದ್ಬುತ ಕ್ಷಣ

ಮೀನ: ಪ್ರೇಮಿಗಳಿಗೆ ಅದ್ಬುತ ಕ್ಷಣ

ಇದು ನಿಮಗೆ ಅನುಕೂಲಕರ ಸಮಯವಾಗಿರುತ್ತದೆ. ಕಚೇರಿಯಲ್ಲಿ ನೆಮ್ಮದಿಯ ವಾತಾವರಣವಿರಲಿದೆ. ಸಹೋದ್ಯೋಗಿಗಳು ಕೆಲಸದಲ್ಲಿ ಸಹಾಯ ಮಾಡಲಿದ್ದಾರೆ. ನಿಮ್ಮ ಕೆಲಸದ ಬಗ್ಗೆ ಹೆಚ್ಚು ಜಾಗರೂಕರಾಗಿರಿ. ಯಾರಾದರೂ ನಿಮ್ಮ ದಾರಿ ತಪ್ಪಿಸಬಹುದು. ಇಂತಹ ವಿಚಾರಗಳಿಂದ ದೂರವಿರಿ. ಮನೆಯ ಹಿರಿಯ ಸಲಹೆಯನ್ನು ಪಡೆಯಿರಿ.

ನಿಮ್ಮ ಕುಟುಂಬದಲ್ಲಿ ಸಂತೋಷದ ವಾತಾವರಣ ಇರುತ್ತದೆ. ವೃಶ್ಚಿಕ ರಾಶಿಯಲ್ಲಿ ಸೂರ್ಯನ ಸಂಚಾರ ತುಂಬಾ ಅನುಕೂಲಕರ ಸಮಯವಾಗಿದೆ. ನಿಮ್ಮ ಆರ್ಥಿಕ ಜೀವನ ಸುಧಾರಣೆಯಾಗಲಿದೆ. ಹಿರಿಯರ ಮಾರ್ಗದರ್ಶನ ಸಲಹೆ ಮೂಲಕ ನಡೆಯುವುದು ಉತ್ತಮ. ಆರೋಗ್ಯದ ಬಗ್ಗೆ ಜಾಗರೂಕರಾಗಿರಿ. ಈ ಸಮಯದಲ್ಲಿ ನೀವು ಧಾರ್ಮಿಕತೆಯ ಕಡೆಗೆ ಹೆಚ್ಚು ಒಳವು ಹೊಂದಿರುತ್ತೀರಿ.

ಪ್ರೇಮಿಗಳು ಅದ್ಬುತ ಕ್ಷಣಗಳನ್ನು ಕಳೆಯುತ್ತಾರೆ. ಕುಟುಂಬದಲ್ಲಿ ಪ್ರೇಮ ಪ್ರಾಸ್ತಾಪಕ್ಕೆ ಒಪ್ಪಿಗೆ ಸೂಚಿಸಬಹುದು. ಇದರಿಂದ ಪ್ರೇಮ ವಿವಾಹ ನಡೆಯುವ ಸಾಧ್ಯತೆ ಇದೆ. ವಿವಾಹಿತರು ಶುಭ ಸುದ್ದಿಯನ್ನು ಪಡೆಯುತ್ತಾರೆ. ಮಕ್ಕಳ ನಿರೀಕ್ಷೆಯಲ್ಲಿರುವವರು ಶುಭ ಸುದ್ದಿಯನ್ನು ಪಡೆಯುತ್ತಾರೆ.

English summary
Surya Rashi Parivartan 2022 In Vrushchika Rashi ; Sun Transit in Scorpio Impact on Zodiac Signs : The Sun Transit in Scorpio will take place on 16 November 2022. Learn about remedies to perform in Kannada.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X