Shiva Rudrakshi: ಶಿವನ ಆಶೀರ್ವಾದ ಪಡೆಯಲು ರಾಶಿಗನುಸಾರ ರುದ್ರಾಕ್ಷಿ ಧರಿಸಿ

ಪ್ರತಿ ವರ್ಷ ಮಾರ್ಚ್ 8ರಂದು ಮಹಾ ಶಿವರಾತ್ರಿಯನ್ನು ಆಚರಿಸಲಾಗುತ್ತದೆ. ಮಹಾ ಶಿವರಾತ್ರಿಯ ಈ ದಿನದಂದು ಶಿವನ ಆಶೀರ್ವಾದ ಪಡೆಯಲು ಅನೇಕ ಶಿವ ಭಕ್ತರು ಉಪವಾಸ ಮಾಡುತ್ತಾರೆ ಮತ್ತು ಶಿವನನ್ನು ಪೂಜಿಸುತ್ತಾರೆ.

ರುದ್ರಾಕ್ಷ ಮಣಿಗಳು ಶಿವನ ದೈವಿಕ ಶಕ್ತಿಯನ್ನು ಸಾಕಾರಗೊಳಿಸುತ್ತವೆ ಎಂದು ನಂಬಲಾದ ಪವಿತ್ರ ಮಣಿಯಾಗಿದೆ. ಈ ಮಣಿಗಳು ಕೇವಲ ಅಲಂಕಾರಿಕ ವಸ್ತುಗಳಲ್ಲ. ಈ ಮಣಿಗಳು ಜೀವನದಲ್ಲಿ ಮಂಗಳಕರ ಎಂದು ಪರಿಗಣಿಸಲಾಗುತ್ತದೆ. ಇವು ರಕ್ಷಣೆ ನೀಡುವ ಆಧ್ಯಾತ್ಮಿಕ ಶಕ್ತಿಯನ್ನು ಹೊಂದಿವೆ ಎಂದು ನಂಬಲಾಗುತ್ತದೆ.

ಈ ರುದ್ರಾಕ್ಷ ಮಣಿಗಳು ಅನೇಕ ಮುಖಗಳನ್ನು ಹೊಂದಿವೆ. ಅನೇಕ ಶಿವ ಭಕ್ತರು ಶಿವನ ಆಶೀರ್ವಾದವನ್ನು ಪಡೆಯಲು ರುದ್ರಾಕ್ಷ ಮಣಿಗಳನ್ನು ಧರಿಸುತ್ತಾರೆ. ನೀವೂ ಸಹ ರುದ್ರಾಕ್ಷಿಯನ್ನು ಧರಿಸಬೇಕೆಂದಿದ್ದರೆ ಅದಕ್ಕೆ ಈ ಮಹಾ ಶಿವರಾತ್ರಿಯು ಅತ್ಯಂತ ಪ್ರಶಸ್ತ ದಿನ. ಹಾಗಾದರೆ ಮಹಾ ಶಿವರಾತ್ರಿಯ ಈ ದಿನ ರಾಶಿಚಕ್ರದ ಪ್ರಕಾರ ರುದ್ರಾಕ್ಷಿಯನ್ನು ಧರಿಸುವುದು ತುಂಬಾ ಒಳ್ಳೆಯದು. ಈಗ ಯಾವ ರಾಶಿಯವರು ಯಾವ ಮುಖದ ರುದ್ರಾಕ್ಷಿಯನ್ನು ಧರಿಸಬಹುದು ಎಂದು ನೋಡೋಣ.

ಮೇಷ ರಾಶಿ

ಮೇಷ ರಾಶಿಯ ಅಧಿಪತಿ ಮಂಗಳವಾಗಿರುವುದರಿಂದ ಈ ರಾಶಿಯವರಿಗೆ ಮಹಾ ಶಿವರಾತ್ರಿಯ ದಿನ ಮೂರು ಮುಖದ ರುದ್ರಾಕ್ಷಿ ಮಣಿಯನ್ನು ಧರಿಸುವುದರಿಂದ ಶಿವನ ಆಶೀರ್ವಾದ ಸಿಗುತ್ತದೆ. ಇದು ಧೈರ್ಯ, ಶಕ್ತಿ ಮತ್ತು ಸಮೃದ್ಧಿಯನ್ನು ತರುತ್ತದೆ.

ವೃಷಭ ರಾಶಿ

ವೃಷಭ ರಾಶಿಯ ಅಧಿಪತಿ ಶುಕ್ರನಾಗಿರುವುದರಿಂದ ಈ ರಾಶಿಯವರು ಮಹಾ ಶಿವರಾತ್ರಿಯಂದು 6 ಮುಖದ ರುದ್ರಾಕ್ಷ ಮಣಿಯನ್ನು ಧರಿಸುವುದು ಒಳ್ಳೆಯದು. ಈ 6 ಮುಖ ರುದ್ರಾಕ್ಷಿಯು ಪ್ರಯತ್ನಗಳಲ್ಲಿ ಅದೃಷ್ಟ, ಸಮೃದ್ಧಿ ಮತ್ತು ಸಾಮರಸ್ಯವನ್ನು ಉತ್ತೇಜಿಸುತ್ತದೆ.

ಮಿಥುನ ರಾಶಿ

ಮಿಥುನ ರಾಶಿಯ ಅಧಿಪತಿ ಬುಧನಾಗಿರುವುದರಿಂದ ಈ ಮಿಥುನ ರಾಶಿಯವರು ಮಹಾ ಶಿವರಾತ್ರಿಯ ದಿನ 4 ಮುಖದ ರುದ್ರಾಕ್ಷಿಯನ್ನು ಧರಿಸಿದರೆ ಶಿವನ ಆಶೀರ್ವಾದ ಸಿಗುತ್ತದೆ. ಈ ಮುಖದ ರುದ್ರಾಕ್ಷಿಯು ಯಶಸ್ಸು, ಬುದ್ಧಿವಂತಿಕೆ ಮತ್ತು ಸಂವಹನ ಕೌಶಲ್ಯಗಳನ್ನು ತರುತ್ತದೆ.

ಕರ್ಕಾಟಕ ರಾಶಿ

ಚಂದ್ರನು ಕರ್ಕ ರಾಶಿಯ ಅಧಿಪತಿ. ಈ ರಾಶಿಯವರಿಗೆ ಮಹಾ ಶಿವರಾತ್ರಿಯ ದಿನದಂದು 2 ಮುಖದ ರುದ್ರಾಕ್ಷಿಯನ್ನು ಧರಿಸುವುದರಿಂದ ಅವರಿಗೆ ಅದೃಷ್ಟ ಮತ್ತು ಶಿವನ ಪರಿಪೂರ್ಣ ಅನುಗ್ರಹ ಸಿಗುತ್ತದೆ. ಈ ಎರಡು ಮುಖದ ರುದ್ರಾಕ್ಷವು ಅಂತಃಪ್ರಜ್ಞೆ ಮತ್ತು ಆಂತರಿಕ ಶಾಂತಿಯನ್ನು ಬಲಪಡಿಸುತ್ತದೆ.

ಸಿಂಹ ರಾಶಿ

ಸಿಂಹ ರಾಶಿಯ ಅಧಿಪತಿ ಸೂರ್ಯ. ಆದ್ದರಿಂದ ಈ ಸಿಂಹ ರಾಶಿಯವರು ಮಹಾ ಶಿವರಾತ್ರಿಯ ದಿನ 12 ಮುಖದ ರುದ್ರಾಕ್ಷಿಯನ್ನು ಧರಿಸಬೇಕು. ಈ 12 ಮುಖ ರುದ್ರಾಕ್ಷಿಯು ನಾಯಕತ್ವ ಮತ್ತು ಸಮೃದ್ಧಿಯನ್ನು ಹೆಚ್ಚಿಸುತ್ತದೆ.

ಕನ್ಯಾ ರಾಶಿ

ಕನ್ಯಾ ರಾಶಿಯ ಅಧಿಪತಿ ಬುಧ. ಈ ರಾಶಿಯವರು ಮಹಾ ಶಿವರಾತ್ರಿಯ ದಿನ 4 ಮುಖದ ರುದ್ರಾಕ್ಷಿ ಮಣಿಯನ್ನು ಧರಿಸುವುದು ಒಳ್ಳೆಯದು. ಈ ರುದ್ರಾಕ್ಷಿಯು ಸ್ಪಷ್ಟವಾದ ಚಿಂತನೆಯನ್ನು ನೀಡುತ್ತದೆ ಮತ್ತು ಗುರಿಯನ್ನು ಸಾಧಿಸಲು ಅಗತ್ಯವಾದ ಮಾರ್ಗವನ್ನು ಸೂಚಿಸುತ್ತದೆ.

ತುಲಾ ರಾಶಿ

ತುಲಾ ರಾಶಿಯನ್ನು ಶುಕ್ರನು ಆಳುತ್ತಾನೆ. ಈ ತುಲಾ ರಾಶಿಯವರು ಮಹಾ ಶಿವರಾತ್ರಿಯ ದಿನ 6 ಮುಖದ ರುದ್ರಾಕ್ಷಿಯನ್ನು ಧರಿಸುವುದು ಒಳ್ಳೆಯದು. ಇದು ಸಂಬಂಧದಲ್ಲಿ ಪ್ರೀತಿ, ಸಾಮರಸ್ಯ ಮತ್ತು ಸಮತೋಲನವನ್ನು ಕಾಪಾಡಿಕೊಳ್ಳಲು ಉತ್ತೇಜಿಸುತ್ತದೆ.

ವೃಶ್ಚಿಕ ರಾಶಿ

ವೃಶ್ಚಿಕ ರಾಶಿಯ ಅಧಿಪತಿ ಮಂಗಳ. ಈ ರಾಶಿಯವರಿಗೆ ಮಹಾ ಶಿವರಾತ್ರಿಯ ದಿನದಂದು 3 ಮುಖದ ರುದ್ರಾಕ್ಷಿ ಮಾಲೆಯನ್ನು ಧರಿಸುವುದು ಒಳ್ಳೆಯದು. ಈ ಮುಖದ ರುದ್ರಾಕ್ಷವು ಧೈರ್ಯ, ರಕ್ಷಣೆ ಮತ್ತು ಜೀವನದಲ್ಲಿ ಸಮೃದ್ಧಿಯನ್ನು ತರುತ್ತದೆ.

ಧನು ರಾಶಿ

ಧನು ರಾಶಿಯ ಅಧಿಪತಿ ಗುರು ಆಗಿದೆ. ಈ ಧನು ರಾಶಿಯವರು ಮಹಾ ಶಿವರಾತ್ರಿಯಂದು 5 ಮುಖದ ರುದ್ರಾಕ್ಷಿಯನ್ನು ಧರಿಸಬಹುದು. ಈ ರುದ್ರಾಕ್ಷವು ಬುದ್ಧಿವಂತಿಕೆ, ಆಧ್ಯಾತ್ಮಿಕ ಬೆಳವಣಿಗೆ ಮತ್ತು ವ್ಯಾಪಾರ ಪ್ರಯತ್ನಗಳಲ್ಲಿ ಯಶಸ್ಸನ್ನು ತರುತ್ತದೆ.

ಮಕರ ರಾಶಿ

ಶನಿಯು ಮಕರ ರಾಶಿಯ ಅಧಿಪತಿಯಾಗಿದೆ. ಮಕರ ರಾಶಿಯ ಜನರು ಮಹಾ ಶಿವರಾತ್ರಿಯ ದಿನದಂದು 7 ಮುಖದ ರುದ್ರಾಕ್ಷಿಯನ್ನು ಧರಿಸಬೇಕು. ಈ ರುದ್ರಾಕ್ಷಿಯು ಜೀವನದಲ್ಲಿ ಅಡೆತಡೆಗಳನ್ನು ನಿವಾರಿಸುತ್ತದೆ. ಇದು ಯಶಸ್ಸನ್ನು ಉತ್ತೇಜಿಸುತ್ತದೆ ಮತ್ತು ಶಿಸ್ತಿನಿಂದ ಇರಲು ಸಹಾಯ ಮಾಡುತ್ತದೆ.

ಕುಂಭ ರಾಶಿ

ಶನಿಯು ಕುಂಭ ರಾಶಿಯ ಅಧಿಪತಿ ಆಗಿದೆ. ಈ ರಾಶಿಗೆ ಸೇರಿದವರು ಮಹಾ ಶಿವರಾತ್ರಿಯ ದಿನದಂದು 7 ಮುಖದ ರುದ್ರಾಕ್ಷಿಯನ್ನು ಧರಿಸಬೇಕು. ಹೀಗೆ ಧರಿಸಿದಾಗ ಈ ರುದ್ರಾಕ್ಷಿಯು ನಕಾರಾತ್ಮಕ ಶಕ್ತಿಗಳನ್ನು ಹೋಗಲಾಡಿಸುತ್ತದೆ. ಸ್ಥಿರತೆಯನ್ನು ಉತ್ತೇಜಿಸುತ್ತದೆ ಮತ್ತು ಆಧ್ಯಾತ್ಮಿಕ ಬೆಳವಣಿಗೆಯನ್ನು ಹೆಚ್ಚಿಸುತ್ತದೆ.

ಮೀನ ರಾಶಿ

ಗುರು ಭಗವಾನ್ ಮೀನ ರಾಶಿಯ ಅಧಿಪತಿ. ಈ ರಾಶಿಯವರು ಮಹಾ ಶಿವರಾತ್ರಿಯ ದಿನದಂದು 5 ಮುಖದ ರುದ್ರಾಕ್ಷ ಮಣಿಗಳನ್ನು ಧರಿಸಬೇಕು. ಈ ರೀತಿ ಧರಿಸುವುದರಿಂದ ಶಿವನ ಆಶೀರ್ವಾದ ಸಿಗುತ್ತದೆ. ಈ ರುದ್ರಾಕ್ಷವು ಅಂತಃಪ್ರಜ್ಞೆ ಮತ್ತು ಆಧ್ಯಾತ್ಮಿಕ ಜ್ಞಾನವನ್ನು ಹೆಚ್ಚಿಸುತ್ತದೆ.

(ಗಮನಿಸಿ: ಮೇಲೆ ನೀಡಲಾದ ಮಾಹಿತಿಯು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಮಾಹಿತಿಯನ್ನು ಒದಗಿಸುವುದು ನಮ್ಮ ಏಕೈಕ ಉದ್ದೇಶವಾಗಿದೆ. ಯಾವುದೇ ಮಾಹಿತಿ ಅನುಷ್ಠಾನಗೊಳಿಸುವ ಮೊದಲು ಸಂಬಂಧಿತ ವೃತ್ತಿಪರರನ್ನು ಸಂಪರ್ಕಿಸಿ.)

English summary

maha shivratri 2024 wear your zodiac wise rudraksha for shiva s blessings in kannada