ಜನವರಿ 4 ರ ದಿನ ಭವಿಷ್ಯ: ಈ ರಾಶಿಯವರಿಗೆ ಇಂದು ನಾಯಕತ್ವ ಸಾಮರ್ಥ್ಯ ನಿರೂಪಿಸಲು ಅವಕಾಶ

ಜನವರಿ 4 ರ ದ್ವಾದಶ ರಾಶಿಗಳ ಗೋಚಾರ ಫಲ ಹೇಗಿದೆ ಎನ್ನುವ ವಿವರ ಇಲ್ಲಿದೆ. ಇದು ವೈದಿಕ ಜ್ಯೋತಿಷ್ಯ ಕ್ರಮದಲ್ಲಿ ಲೆಕ್ಕ ಹಾಕಿ ಬರೆದಿರುವ ದಿನ ಭವಿಷ್ಯ. ಇಂದಿನ ಪಂಚಾಂಗ ವಿವರ ಹೀಗಿದೆ: ಜನವರಿ 4 ರ ಭಾನುವಾರ ವಿಶ್ವಾವಸು ನಾಮ ಸಂವತ್ಸರದ ದಕ್ಷಿಣಾಯನ ಹೇಮಂತ ಋತು ಪುಷ್ಯ ಮಾಸ, ಕೃಷ್ಣ ಪಕ್ಷ, ಪಾಡ್ಯ ತಿಥಿ. ಇದು ಧನು ಮಾಸದ 19ನೇ ದಿನ. ರಾಹುಕಾಲ ಬೆಳಿಗ್ಗೆ 4:30 ರಿಂದ 6:00 ರ ವರೆಗೆ ಇರುತ್ತದೆ. (ಬರಹ: ಪಂಡಿತ್ ವಿಠ್ಠಲ್ ಭಟ್)

ಮೇಷ ರಾಶಿ: ಉತ್ಸಾಹ ಹೆಚ್ಚಿರುವ ದಿನ

ಇಂದು ಆತ್ಮವಿಶ್ವಾಸ ಮತ್ತು ಉತ್ಸಾಹ ಹೆಚ್ಚಿರುವ ದಿನ. ನೀವು ಕೈಗೊಂಡ ಕೆಲಸಗಳಲ್ಲಿ ನಾಯಕತ್ವ ತೋರುವ ಅವಕಾಶ ಸಿಗುತ್ತದೆ. ಸಾಮಾಜಿಕವಾಗಿ ಗೌರವ ಹೆಚ್ಚಾಗುವ ಸಾಧ್ಯತೆ ಇದೆ. ಆದರೆ ಅತಿಯಾದ ಆತ್ಮವಿಶ್ವಾಸ ಅಹಂಕಾರವಾಗಿ ಕಾಣಿಸದಂತೆ ಎಚ್ಚರ ವಹಿಸಬೇಕು. ಕುಟುಂಬದವರೊಂದಿಗೆ ಸಮಯ ಕಳೆಯುವುದರಿಂದ ಮನಸ್ಸಿಗೆ ಸಂತೋಷ ಸಿಗುತ್ತದೆ. ಹೊಸ ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ ಸ್ವಲ್ಪ ಆಲೋಚನೆ ಅಗತ್ಯ.

ಅದೃಷ್ಟ: 1 | ಬಣ್ಣ: ಕಿತ್ತಳೆ | ದಿಕ್ಕು: ಪೂರ್ವ | ದೇವರು: ಸೂರ್ಯ

ವೃಷಭ ರಾಶಿ: ಅತಿರೇಕದ ಖರ್ಚು ಬೇಡ

ಇಂದು ಸ್ಥಿರತೆ ಮತ್ತು ಸಹನೆಯ ದಿನ. ಕೆಲಸದಲ್ಲಿ ನಿಧಾನವಾದ ಪ್ರಗತಿ ಕಂಡರೂ ಅದು ಭದ್ರವಾಗಿರುತ್ತದೆ. ಹಣಕಾಸಿನಲ್ಲಿ ಅತಿರೇಕದ ಖರ್ಚು ತಪ್ಪಿಸಿದರೆ ಭವಿಷ್ಯಕ್ಕೆ ಒಳಿತು. ಕುಟುಂಬದ ಸದಸ್ಯರ ಸಹಕಾರದಿಂದ ಮನಸ್ಸಿಗೆ ನೆಮ್ಮದಿ ಸಿಗುತ್ತದೆ. ಮನೆಯ ವಿಚಾರಗಳಲ್ಲಿ ನಿಮ್ಮ ಮಾತಿಗೆ ಮೌಲ್ಯ ದೊರೆಯುತ್ತದೆ. ಆರೋಗ್ಯದಲ್ಲಿ ಸಾಮಾನ್ಯ ಸ್ಥಿತಿ ಇರುತ್ತದೆ.

ಅದೃಷ್ಟ: 6 | ಬಣ್ಣ: ಬಿಳಿ | ದಿಕ್ಕು: ದಕ್ಷಿಣ | ದೇವರು: ಲಕ್ಷ್ಮೀ

ಮಿಥುನ ರಾಶಿ: ಸೃಜನಶೀಲ ಚಿಂತನೆ

ಮನಸ್ಸು ಚುರುಕಾಗಿ ಕೆಲಸ ಮಾಡುವ ದಿನ. ಹೊಸ ಆಲೋಚನೆಗಳು ಮತ್ತು ಸೃಜನಶೀಲ ಚಿಂತನೆಗಳು ಮೂಡುತ್ತವೆ. ಮಾತಿನ ಮೂಲಕ ಕೆಲಸ ಸಾಧಿಸುವ ಅವಕಾಶ ಸಿಗುತ್ತದೆ. ಆದರೆ ಅತಿಯಾಗಿ ಮಾತನಾಡುವುದು ಅಥವಾ ತ್ವರಿತವಾಗಿ ಒಪ್ಪಿಕೊಳ್ಳುವುದು ಸಮಸ್ಯೆ ತರಬಹುದು. ಸ್ನೇಹಿತರೊಂದಿಗೆ ಚರ್ಚೆ ಉಪಯುಕ್ತವಾಗುತ್ತದೆ. ಓದು ಮತ್ತು ಸಂವಹನ ಸಂಬಂಧಿತ ಕಾರ್ಯಗಳಿಗೆ ಉತ್ತಮ ದಿನ.

ಅದೃಷ್ಟ: 5 | ಬಣ್ಣ: ಹಳದಿ | ದಿಕ್ಕು: ಉತ್ತರ | ದೇವರು: ವಿಷ್ಣು

ಕರ್ಕಾಟಕ ರಾಶಿ: ಶಾಂತ ಚಿಂತನೆಗೆ ಇರಲಿ ಗಮನ

ಇಂದು ಮನಸ್ಸು ಸ್ವಲ್ಪ ಭಾವನಾತ್ಮಕವಾಗಿರುತ್ತದೆ. ಹಳೆಯ ನೆನಪುಗಳು ಅಥವಾ ಕುಟುಂಬ ಸಂಬಂಧಿತ ವಿಚಾರಗಳು ಮನಸ್ಸನ್ನು ಸ್ಪರ್ಶಿಸಬಹುದು. ಆದರೆ ಮನೆಯವರ ಬೆಂಬಲದಿಂದ ಮಾನಸಿಕ ಸಮತೋಲನ ಸಿಗುತ್ತದೆ. ಹಣಕಾಸಿನಲ್ಲಿ ಎಚ್ಚರಿಕೆಯಿಂದ ನಡೆದುಕೊಳ್ಳಬೇಕು. ದೊಡ್ಡ ನಿರ್ಧಾರಗಳನ್ನು ಮುಂದೂಡುವುದು ಒಳಿತು. ಶಾಂತ ಚಿಂತನೆ ದಿನವನ್ನು ಸುಗಮಗೊಳಿಸುತ್ತದೆ.

ಅದೃಷ್ಟ: 2 | ಬಣ್ಣ: ಬೆಳ್ಳಿ | ದಿಕ್ಕು: ಪಶ್ಚಿಮ | ದೇವರು: ಚಂದ್ರ

ಸಿಂಹ ರಾಶಿ: ನಾಯಕತ್ವಕ್ಕೆ ಮನ್ನಣೆ

ಇಂದು ನಿಮ್ಮ ವ್ಯಕ್ತಿತ್ವ ಮತ್ತು ಕಾರ್ಯಶೈಲಿ ಇತರರ ಗಮನ ಸೆಳೆಯುತ್ತದೆ. ನಾಯಕತ್ವ ಗುಣಗಳು ಮೆರೆದ ದಿನ. ಅಧಿಕಾರಿಗಳು ಅಥವಾ ಹಿರಿಯರಿಂದ ಮೆಚ್ಚುಗೆ ದೊರೆಯುವ ಸಾಧ್ಯತೆ ಇದೆ. ಆದರೆ ಅಹಂಕಾರ ತಪ್ಪಿಸಿ ವಿನಮ್ರತೆ ಕಾಪಾಡಿಕೊಳ್ಳುವುದು ಮುಖ್ಯ. ಕುಟುಂಬದಲ್ಲಿ ಸಂತೋಷದ ವಾತಾವರಣ ಇರುತ್ತದೆ. ಹೊಸ ಜವಾಬ್ದಾರಿ ಸ್ವೀಕರಿಸಲು ದಿನ ಅನುಕೂಲಕರ.

ಅದೃಷ್ಟ: 1 | ಬಣ್ಣ: ಕಿತ್ತಳೆ | ದಿಕ್ಕು: ಪೂರ್ವ | ದೇವರು: ಸೂರ್ಯ

ಕನ್ಯಾ ರಾಶಿ: ನಿರ್ಲಕ್ಷ್ಯದಿಂದ ತೊಂದರೆ

ಕೆಲಸದ ವಿಷಯಗಳಲ್ಲಿ ಎಚ್ಚರ ಅಗತ್ಯ. ಸಣ್ಣ ತಪ್ಪು ಅಥವಾ ನಿರ್ಲಕ್ಷ್ಯದಿಂದ ತೊಂದರೆ ಉಂಟಾಗಬಹುದು. ಪ್ರತಿಯೊಂದು ವಿಷಯವನ್ನು ಪರಿಶೀಲನೆ ಮಾಡಿಕೊಂಡು ಮುಂದುವರಿಯಿರಿ. ಹಣಕಾಸಿನಲ್ಲಿ ಸ್ಥಿರತೆ ಇದ್ದರೂ ಅಪಾಯಕರ ನಿರ್ಧಾರ ತಪ್ಪಿಸಿ. ಆರೋಗ್ಯದ ಕಡೆ ಸ್ವಲ್ಪ ಗಮನ ಕೊಟ್ಟರೆ ಉತ್ತಮ. ಶಿಸ್ತು ಮತ್ತು ಕ್ರಮಬದ್ಧತೆ ಇಂದು ನಿಮ್ಮ ಬಲ.

ಅದೃಷ್ಟ: 4 | ಬಣ್ಣ: ಹಸಿರು | ದಿಕ್ಕು: ಉತ್ತರ | ದೇವರು: ದುರ್ಗಾ

ತುಲಾ ರಾಶಿ: ಹಣಕಾಸು ಸಾಧಾರಣ

ಸಂಬಂಧಗಳಲ್ಲಿ ಸಮತೋಲನ ಮತ್ತು ತಾಳ್ಮೆ ಅಗತ್ಯ. ಮಾತಿನಲ್ಲಿನ ಮೃದುತೆ ಮತ್ತು ಶಾಂತ ಸಂಭಾಷಣೆ ಸಮಸ್ಯೆ ಪರಿಹಾರಕ್ಕೆ ಸಹಾಯ ಮಾಡುತ್ತದೆ. ದಾಂಪತ್ಯ ಮತ್ತು ಸ್ನೇಹ ಸಂಬಂಧಗಳಲ್ಲಿ ಸ್ಪಷ್ಟತೆ ಬೇಕಾಗುತ್ತದೆ. ಹಣಕಾಸಿನಲ್ಲಿ ಸಾಧಾರಣ ಸ್ಥಿತಿ ಇರುತ್ತದೆ. ಇಂದು ಅನಗತ್ಯ ವಿವಾದಗಳಿಂದ ದೂರವಿರುವುದು ಒಳಿತು.

ಅದೃಷ್ಟ: 6 | ಬಣ್ಣ: ಗುಲಾಬಿ | ದಿಕ್ಕು: ಪಶ್ಚಿಮ | ದೇವರು: ಲಕ್ಷ್ಮೀ

ವೃಶ್ಚಿಕ ರಾಶಿ: ಅತಿ ನಂಬಿಕೆ ಸಲ್ಲದು

ಇಂದು ಎಚ್ಚರಿಕೆಯಿಂದ ನಡೆದುಕೊಳ್ಳಬೇಕಾದ ದಿನ. ಗುಪ್ತ ವಿರೋಧಿಗಳು ಅಥವಾ ಒಳಗೊಳ್ಳದ ವಿಚಾರಗಳು ನಿಮ್ಮ ಗಮನಕ್ಕೆ ಬರಬಹುದು. ಎಲ್ಲರನ್ನೂ ಅತಿಯಾಗಿ ನಂಬದೆ ನಿಮ್ಮ ಕಾರ್ಯದಲ್ಲಿ ಗಮನ ಹರಿಸಿ. ದೃಢ ನಿಲುವು ಮತ್ತು ಆತ್ಮವಿಶ್ವಾಸ ನಿಮ್ಮನ್ನು ರಕ್ಷಿಸುತ್ತದೆ. ಹಣಕಾಸಿನಲ್ಲಿ ಸಂಯಮ ಅಗತ್ಯ.

ಅದೃಷ್ಟ: 9 | ಬಣ್ಣ: ಕೆಂಪು | ದಿಕ್ಕು: ದಕ್ಷಿಣ | ದೇವರು: ಸುಬ್ರಹ್ಮಣ್ಯ

ಧನು: ಅಧ್ಯಾತ್ಮ ಚಿಂತನೆ

ಕಲಿಕೆ, ಅಧ್ಯಯನ ಮತ್ತು ಆಧ್ಯಾತ್ಮಿಕ ಚಿಂತನೆಗೆ ಉತ್ತಮ ದಿನ. ಹಿರಿಯರು ಅಥವಾ ಗುರುಗಳಿಂದ ಮಾರ್ಗದರ್ಶನ ಸಿಗುತ್ತದೆ. ನಿಮ್ಮ ಗುರಿಗಳ ಬಗ್ಗೆ ಸ್ಪಷ್ಟತೆ ಮೂಡುತ್ತದೆ. ಪ್ರಯಾಣ ಅಥವಾ ಚರ್ಚೆಗಳು ಲಾಭಕಾರಿಯಾಗಬಹುದು. ಮನಸ್ಸಿನಲ್ಲಿ ಧನಾತ್ಮಕ ಚಿಂತನೆ ಹೆಚ್ಚಾಗುತ್ತದೆ. ಹೊಸ ವಿಷಯ ಕಲಿಯುವ ಆಸಕ್ತಿ ಹೆಚ್ಚಾಗುತ್ತದೆ.

ಅದೃಷ್ಟ: 3 | ಬಣ್ಣ: ಹಳದಿ | ದಿಕ್ಕು: ಈಶಾನ್ಯ | ದೇವರು: ಗುರು

ಮಕರ: ಆರೋಗ್ಯದ ಕಡೆಗೆ ಇರಲಿ ಗಮನ

ಜವಾಬ್ದಾರಿಗಳು ಹೆಚ್ಚಾಗುವ ದಿನ. ಕೆಲಸದಲ್ಲಿ ಶ್ರಮ ಹೆಚ್ಚು ಬೇಕಾಗುತ್ತದೆ. ತಕ್ಷಣ ಫಲ ಸಿಗದಿದ್ದರೂ ನಿರಾಶರಾಗಬೇಡಿ. ನಿಮ್ಮ ಪ್ರಯತ್ನಗಳು ಮುಂದಿನ ದಿನಗಳಲ್ಲಿ ಉತ್ತಮ ಫಲ ನೀಡುತ್ತವೆ. ಹಿರಿಯರೊಂದಿಗೆ ಹೊಂದಾಣಿಕೆ ಅಗತ್ಯ. ಆರೋಗ್ಯದ ಕಡೆ ಸ್ವಲ್ಪ ಗಮನ ಕೊಡುವುದು ಒಳಿತು.

ಅದೃಷ್ಟ: 8 | ಬಣ್ಣ: ನೀಲಿ | ದಿಕ್ಕು: ಪಶ್ಚಿಮ | ದೇವರು: ಶನಿ

ಕುಂಭ ರಾಶಿ: ವಿಭಿನ್ನ ಯೋಜನೆ

ಇಂದು ಹೊಸ ಆಲೋಚನೆಗಳು ಮತ್ತು ವಿಭಿನ್ನ ಯೋಜನೆಗಳು ಮನಸ್ಸಿನಲ್ಲಿ ಮೂಡುತ್ತವೆ. ಆದರೆ ಎಲ್ಲವನ್ನೂ ತಕ್ಷಣ ಕಾರ್ಯರೂಪಕ್ಕೆ ತರುವ ಅಗತ್ಯವಿಲ್ಲ. ಯೋಚಿಸಿ, ಸಮಯ ನೋಡಿ ನಿರ್ಧಾರ ಕೈಗೊಳ್ಳಿ. ಸ್ನೇಹಿತರ ಸಹಕಾರ ದೊರೆಯುತ್ತದೆ. ಹಣಕಾಸಿನಲ್ಲಿ ಸ್ಥಿರತೆ ಇರುತ್ತದೆ. ಭವಿಷ್ಯದ ಯೋಜನೆಗೆ ಇಂದು ಅಡಿಪಾಯ ಹಾಕುವ ದಿನ.

ಅದೃಷ್ಟ: 7 | ಬಣ್ಣ: ನೀಲಿ | ದಿಕ್ಕು: ಉತ್ತರ | ದೇವರು: ಶಿವ

ಮೀನ ರಾಶಿ: ಭಾವುಕ ಪ್ರತಿಕ್ರಿಯೆ

ಮನಸ್ಸು ಇಂದು ಹೆಚ್ಚು ಸೂಕ್ಷ್ಮವಾಗಿರುತ್ತದೆ. ಸಣ್ಣ ವಿಷಯಗಳಿಗೂ ಭಾವನಾತ್ಮಕ ಪ್ರತಿಕ್ರಿಯೆ ಬರಬಹುದು. ಧ್ಯಾನ, ಪ್ರಾರ್ಥನೆ ಅಥವಾ ಶಾಂತ ಚಿಂತನೆ ಮನಸ್ಸಿಗೆ ನೆಮ್ಮದಿ ನೀಡುತ್ತದೆ. ಕುಟುಂಬದ ಸಹಕಾರದಿಂದ ಧೈರ್ಯ ಸಿಗುತ್ತದೆ. ಸೃಜನಶೀಲ ಕಾರ್ಯಗಳಲ್ಲಿ ತೊಡಗಿಸಿಕೊಂಡರೆ ಒಳಗಿನ ಒತ್ತಡ ಕಡಿಮೆಯಾಗುತ್ತದೆ.

ಅದೃಷ್ಟ: 2 | ಬಣ್ಣ: ಹಸಿರು | ದಿಕ್ಕು: ಈಶಾನ್ಯ | ದೇವರು: ವಿಷ್ಣು

English summary

Daily horoscope of all the 12 zodiac signs from aries to pisces.