Nava Graha Sanchara 2025: ನವಗ್ರಹಗಳ ರಾಶಿ, ನಕ್ಷತ್ರ ಸಂಚಾರ- ಈ ರಾಶಿಗೆ ಕುಬೇರನ ಕೃಪೆಯಿಂದ ಸಂಪತ್ತಿನ ಮಳೆ

2025ರ ವರ್ಷ ಬಹಳ ಮಹತ್ವದ್ದಾಗಿದೆ. ಈ ವರ್ಷದಲ್ಲಿ ಎಲ್ಲಾ 9 ಗ್ರಹಗಳು ಅಂದರೆ ಸೂರ್ಯ, ಚಂದ್ರ, ಮಂಗಳ, ಬುಧ, ಗುರು, ಶುಕ್ರ, ಶನಿ, ರಾಹು ಮತ್ತು ಕೇತುಗಳು ತಮ್ಮದೇ ಆದ ರಾಶಿಯಲ್ಲಿ ಸಾಗುತ್ತವೆ ಮತ್ತು ಹಲವಾರು ಬಾರಿ ಉತ್ತುಂಗದಲ್ಲಿರುತ್ತವೆ. ಈ ಗ್ರಹಗಳ ಸಂಚಾರದ ಪರಿಣಾಮ ಎಲ್ಲಾ ರಾಶಿಗಳ ಜನರ ಮೇಲೆ ವಿಭಿನ್ನ ರೀತಿಯಲ್ಲಿ ಕಂಡುಬರುತ್ತದೆ. ಇದರಿಂದ ಐದು ರಾಶಿಯವರಿಗೆ ಶ್ರೀಮಂತರಾಗುವ ಅವಕಾಶ ಸಿಗಲಿದೆ. ಕುಬೇರನ ಕೃಪೆಯಿಂದ ಸಂಪತ್ತಿನ ಮಳೆಯಾಗಲಿದೆ. ಹಾಗಾದರೆ ಯಾವ ಗ್ರಹಗಳು ಎಷ್ಟು ಬಾರಿ ರಾಶಿ ಹಾಗೂ ನಕ್ಷತ್ರಗಳನ್ನು ಬದಲಾಯಿಸುತ್ತವೆ. ಇದರ ಪರಿಣಾಮವೇನು ಎಂದು ಈಗ ತಿಳಿಯೋಣ.

ಮೊದಲನೆಯದಾಗಿ ಮನಸ್ಸು, ಆಲೋಚನೆಗಳು ಮತ್ತು ಭಾವನೆಗಳ ಅಧಿಪತಿ ಎಂದು ಕರೆಯುವ ಚಂದ್ರ ಗ್ರಹ ಒಟ್ಟು 81 ಬಾರಿ ರಾಶಿಯನ್ನು ಬದಲಾಯಿಸುತ್ತಾನೆ. ಜೊತೆಗೆ ನಕ್ಷತ್ರಗಳನ್ನು 181 ಬಾರಿ ಬದಲಾಯಿಸುತ್ತಾನೆ. ಹಾಗೆಯೇ ಮಾತು ಮತ್ತು ವ್ಯವಹಾರದ ಅಧಿಪತಿ ಎಂದು ಕರೆಯುವ ಬುಧನು 2025ರಲ್ಲಿ ರಾಶಿಗಳನ್ನು 15 ಬಾರಿ ಮತ್ತು ನಕ್ಷತ್ರಗಳನ್ನು 34 ಬಾರಿ ಬದಲಾಯಿಸುತ್ತಾನೆ. ಬುಧದಂತೆ ಶುಕ್ರ ಕೂಡ ಅತಿ ವೇಗವಾಗಿ ಚಲಿಸುತ್ತದೆ. ಶುಕ್ರನು ಈ ವರ್ಷ ರಾಶಿಯನ್ನು 10 ಬಾರಿ ಮತ್ತು ನಕ್ಷತ್ರವನ್ನು 26 ಬಾರಿ ಸಂಕ್ರಮಿಸುತ್ತದೆ.

ಜೊತೆಗೆ ಗ್ರಹಗಳ ಅಧಿಪತಿ ಸೂರ್ಯದೇವ 2025ರಲ್ಲಿ ರಾಶಿಯನ್ನು 12 ಬಾರಿ ಬದಲಾಯಿಸುತ್ತದೆ. ಇದರೊಂದಿಗೆ ನಕ್ಷತ್ರಗಳನ್ನು 27 ಬಾರಿ ಬದಲಾಯಿಸಲಿದೆ. ಇನ್ನೂ ದೊಡ್ಡ ಗ್ರಹಗಳಲ್ಲಿ ಒಂದಾದ ಮಂಗಳ ಗ್ರಹವು ರಾಶಿಯನ್ನು 7 ಬಾರಿ ಹಾಗೂ ನಕ್ಷತ್ರವನ್ನು 14 ಬಾರಿ ಬದಲಾಯಿಸಲಿದೆ.

ಅಲ್ಲದೆ ಗುರು ಗ್ರಹ ಈ ವರ್ಷ ತನ್ನ ರಾಶಿಯನ್ನು 3 ಬಾರಿ ಮತ್ತು ನಕ್ಷತ್ರವನ್ನು 3 ಬಾರಿ ಬದಲಾಯಿಸುತ್ತದೆ. ಕರ್ಮಫಲದ ಅಧಿಪತಿ ಶನಿದೇವನು 2025ರಲ್ಲಿ ರಾಶಿಯನ್ನು ಒಮ್ಮೆ ಮತ್ತು ನಕ್ಷತ್ರವನ್ನು ಎರಡು ಬಾರಿ ಬದಲಾಯಿಸಲಿದೆ. ನೆರಳು ಗ್ರಹಗಳಾದ ರಾಹು ಮತ್ತು ಕೇತು ಒಮ್ಮೆ ತಮ್ಮ ರಾಶಿಯನ್ನು ಬದಲಾಯಿಸುತ್ತವೆ. ರಾಹು ಒಮ್ಮೆ ನಕ್ಷತ್ರವನ್ನು ಬದಲಾಯಿಸುತ್ತದೆ. ಕೇತು ತಮ್ಮ ನಕ್ಷತ್ರವನ್ನು ಎರಡು ಬಾರಿ ಬದಲಾಯಿಸುತ್ತದೆ.

ರಾಶಿಗಳ ಮೇಲೆ ಹೊಸ ಗ್ರಹಗಳ ಸಾಗಣೆಯ ಪರಿಣಾಮ

2025ರಲ್ಲಿ ಗ್ರಹಗಳು ಅನೇಕ ರಾಶಿಗಳಿಗೆ ಬದಲಾಗುತ್ತವೆ. ಹೀಗಾಗಿ ಅವಕಾಶಗಳು ಸವಾಲುಗಳಿಂದ ಕೂಡಿರುತ್ತವೆ. ಆದರೆ 2025ರ ವರ್ಷ 5 ರಾಶಿಗಳಿಗೆ ಬಹಳ ಪ್ರಯೋಜನಕಾರಿಯಾಗಿದೆ. ಈ 5 ರಾಶಿಯ ಜನರು ಭಗವಾನ್ ಕುಬೇರನ ಆಶೀರ್ವಾದವನ್ನು ಪಡೆಯುತ್ತಾರೆ. ಇದರಿಂದ ಉತ್ತಮ ಯಶಸ್ಸು ಮತ್ತು ಅಪಾರ ಸಂಪತ್ತಿನ ಸಾಧ್ಯತೆಗಳಿವೆ. ಹಾಗಾದರೆ ಆ 5 ಅದೃಷ್ಟದ ರಾಶಿಗಳು ಯಾವುವು?

ವೃಷಭ ರಾಶಿ

2025ರಲ್ಲಿ ವೃಷಭ ರಾಶಿಯವರಿಗೆ ನವಗ್ರಹದಲ್ಲಿ ಶುಕ್ರನು ದಯೆ ತೋರುತ್ತಾನೆ. ವೃಷಭ ರಾಶಿಯವರಿಗೆ ಹೊಸ ವರ್ಷ ತುಂಬಾ ಅನುಕೂಲತೆಯಿಂದ ಕೂಡಿದೆ. ಯಶಸ್ಸು ಮತ್ತು ಆರ್ಥಿಕ ಲಾಭದ ಸಾಧ್ಯತೆಗಳಿವೆ. ವೃಷಭ ರಾಶಿಯ ಅಧಿಪತಿಯಾದ ಶುಕ್ರನು 2025 ರಲ್ಲಿ ತನ್ನದೇ ಆದ ರಾಶಿಯಲ್ಲಿ ಮತ್ತು ಉನ್ನತ ರಾಶಿಯಲ್ಲಿ ಸಾಗುತ್ತಾನೆ. ಈ ಕಾರಣದಿಂದಾಗ ವೃಷಭ ರಾಶಿಯ ಜನರು ಸಂಪತ್ತು ಮತ್ತು ಹೆಚ್ಚಿನ ಲಾಭವನ್ನು ಪಡೆಯುತ್ತಾರೆ.

ವ್ಯಾಪಾರ ಮತ್ತು ಉದ್ಯೋಗದಲ್ಲಿ ಪ್ರಗತಿಯ ಪ್ರಬಲ ಅವಕಾಶಗಳಿವೆ. ನೀವು ಹೂಡಿಕೆ ಮಾಡಲು ಯೋಚಿಸುತ್ತಿದ್ದರೆ, ಈ ವರ್ಷ ಆರ್ಥಿಕ ಸಮೃದ್ಧಿಯನ್ನು ತರಲಿದೆ. ವೃಷಭ ರಾಶಿಯವರಿಗೆ 2025ರಲ್ಲಿ ಮಾರ್ಚ್ ನಿಂದ ಜೂನ್ ಮತ್ತು ಸೆಪ್ಟೆಂಬರ್ ನಿಂದ ನವೆಂಬರ್ ಅವಧಿಯು ವಿಶೇಷವಾಗಿ ಪ್ರಯೋಜನಕಾರಿಯಾಗಿದೆ.

ಸಿಂಹ ರಾಶಿ

ಸಿಂಹ ರಾಶಿಯ ಜನರು 2025ರಲ್ಲಿ ತಮ್ಮ ವೃತ್ತಿಜೀವನದಲ್ಲಿ ಹೊಸ ಎತ್ತರವನ್ನು ತಲುಪಲಿದ್ದಾರೆ. 12 ಬಾರಿ ಸೂರ್ಯದೇವನ ರಾಶಿ ಬದಲಾವಣೆ ಮತ್ತು 27 ಬಾರಿ ನಕ್ಷತ್ರ ಬದಲಾವಣೆಯಾಗುವುದರಿಂದ ಸಿಂಹ ರಾಶಿಯವರಿಗೆ ನಾಯಕತ್ವದ ಹೊಸ ಅವಕಾಶಗಳು ಸಿಗುತ್ತವೆ. ಸೂರ್ಯ ದೇವರ ಆಶೀರ್ವಾದದಿಂದಾಗಿ ಅವರು ಪ್ರತಿ ಸಂದರ್ಭದಲ್ಲೂ ಅತ್ಯುತ್ತಮ ಫಲಿತಾಂಶಗಳನ್ನು ಪಡೆಯುವ ಸಾಧ್ಯತೆಯಿದೆ.

ಸರ್ಕಾರಿ ಕೆಲಸ ಮತ್ತು ರಾಜಕೀಯಕ್ಕೆ ಸಂಬಂಧಿಸಿದ ಜನರಿಗೆ ಈ ವರ್ಷ ತುಂಬಾ ಮಂಗಳಕರವಾಗಿರುತ್ತದೆ. ಹೂಡಿಕೆ ಮತ್ತು ವ್ಯವಹಾರದಲ್ಲಿ ಭಾರಿ ಲಾಭದ ಸಿಗಲಿದೆ. ಕುಟುಂಬದ ಸಮೃದ್ಧಿ ಮತ್ತು ಪ್ರತಿಷ್ಠೆ ಹೆಚ್ಚಾಗುತ್ತದೆ. ಸಿಂಹ ರಾಶಿಯ ಜನರಿಗೆ ಜನವರಿಯಿಂದ ಏಪ್ರಿಲ್ ವರೆಗೆ ಮತ್ತು ಆಗಸ್ಟ್ ನಿಂದ ಡಿಸೆಂಬರ್ ವರೆಗೆ ಸಮಯ ಅನುಕೂಲಕರವಾಗಿರುತ್ತದೆ.

ತುಲಾ ರಾಶಿ

2025ರ ವರ್ಷ ತುಲಾ ರಾಶಿಯವರಿಗೆ ಪ್ರೀತಿಯ ಜೀವನ ಮತ್ತು ಆರ್ಥಿಕ ಯಶಸ್ಸಿಗೆ ಪ್ರಮುಖವಾಗಿದೆ. ತುಲಾ ರಾಶಿಯವರಿಗೆ ಎರಡು ಗ್ರಹಗಳು ಅಂದರೆ ಶುಕ್ರ ಮತ್ತು ಶನಿ ಸ್ಥಾನವು ತುಂಬಾ ಅನುಕೂಲಕರವಾಗಿರುತ್ತದೆ. ವ್ಯಾಪಾರದಲ್ಲಿ ತೊಡಗಿರುವ ಜನರು ಅನಿರೀಕ್ಷಿತ ಲಾಭವನ್ನು ಪಡೆಯುತ್ತಾರೆ.

ವಿದೇಶಿ ಪ್ರಯಾಣ ಮತ್ತು ಹೊಸ ಅವಕಾಶಗಳ ಸಾಧ್ಯತೆ ಇರುತ್ತದೆ. ಮದುವೆ ಮತ್ತು ಪ್ರೇಮ ಜೀವನದಲ್ಲಿ ಶುಭ ಸಮಯ ಇದಾಗಿದೆ. ಏಕಾಂಗಿಯಾಗಿರುವ ಜನರು ಮದುವೆಯಾಗುತ್ತಾರೆ. 2025ರಲ್ಲಿ ಫೆಬ್ರವರಿಯಿಂದ ಮೇ ಮತ್ತು ಅಕ್ಟೋಬರ್‌ನಿಂದ ಡಿಸೆಂಬರ್‌ವರೆಗೆ ತುಲಾ ರಾಶಿಯವರಿಗೆ ಅನುಕೂಲಕರ ಸಮಯ.

ಧನು ರಾಶಿ

ಧನು ರಾಶಿಯ ಜನರಿಗೆ ಈ ವರ್ಷ ಧಾರ್ಮಿಕ ಪ್ರಗತಿ ಮತ್ತು ಆರ್ಥಿಕ ಪ್ರಗತಿಯ ವರ್ಷವಾಗಿದೆ. ಧರ್ಮ ಮತ್ತು ಆಧ್ಯಾತ್ಮಿಕತೆಯ ಬಗ್ಗೆ ಆಸಕ್ತಿ ಹೆಚ್ಚಾಗುತ್ತದೆ. ಅದಕ್ಕಾಗಿ ನೀವು ಆಳವಾಗಿ ಶ್ರಮಿಸುತ್ತೀರಿ. ಗುರುಗ್ರಹದ ಮಂಗಳಕರ ಪ್ರಭಾವದಿಂದಾಗಿ ಧನು ರಾಶಿಯ ಜನರು ಅಪಾರ ಆರ್ಥಿಕ ಲಾಭವನ್ನು ಪಡೆಯುತ್ತಾರೆ.

ನಿಮ್ಮ ಬಾಕಿಯಿರುವ ಕೆಲಸಗಳು ಪೂರ್ಣಗೊಳ್ಳುವುದು ಮಾತ್ರವಲ್ಲದೆ ನಿಮಗೆ ಹೊಸ ಆರಂಭದ ಸಾಧ್ಯತೆಗಳೂ ಇರುತ್ತವೆ. ವಿದ್ಯಾರ್ಥಿಗಳು ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಯಶಸ್ಸಿನ ನಂತರ ಸರ್ಕಾರಿ ಉದ್ಯೋಗವನ್ನು ಪಡೆಯುತ್ತಾರೆ. ಕುಟುಂಬದಲ್ಲಿ ಸಂತೋಷ ಮತ್ತು ಶಾಂತಿಯ ವಾತಾವರಣ ಇರುತ್ತದೆ. ಧನು ರಾಶಿ ಜನರಿಗೆ, ಮೇ ನಿಂದ ಆಗಸ್ಟ್ ಮತ್ತು ನವೆಂಬರ್ ಅವಧಿಯು ಅನುಕೂಲಕರವಾಗಿರುತ್ತದೆ.

ಮಕರ ರಾಶಿ

ಮಕರ ರಾಶಿಯವರಿಗೆ ಬಯಸಿದ ಕ್ಷೇತ್ರದಲ್ಲಿ ಯಶಸ್ಸನ್ನು ಪಡೆಯುವ ಅವಕಾಶಗಳಿವೆ. ಈ ಯಶಸ್ಸು ಅವರ ಕಠಿಣ ಪರಿಶ್ರಮದ ಫಲಿತಾಂಶವಾಗಿದೆ. ಮೀನ ರಾಶಿಯಲ್ಲಿ ಶನಿದೇವನ ಸಂಚಾರ ಮಕರ ರಾಶಿಯವರಿಗೆ ವಿಶೇಷವಾಗಿ ಪ್ರಯೋಜನಕಾರಿಯಾಗಿದೆ. ನಿಮ್ಮ ದೀರ್ಘಾವಧಿಯ ಯೋಜನೆಗಳು ಪೂರ್ಣಗೊಳ್ಳಲಿವೆ.

ಉದ್ಯೋಗದಲ್ಲಿ ಬಡ್ತಿ ಮತ್ತು ವ್ಯವಹಾರದಲ್ಲಿ ವಿಸ್ತರಣೆಯ ಅವಕಾಶಗಳಿವೆ. ಆಸ್ತಿ ಸಂಬಂಧಿತ ವಿಷಯಗಳಲ್ಲಿ ನೀವು ಯಶಸ್ಸನ್ನು ಪಡೆಯುತ್ತೀರಿ. ಹೊಸ ಮನೆ ಅಥವಾ ಕಾರು ಖರೀದಿಸಬಹುದು. ಫೆಬ್ರವರಿಯಿಂದ ಜೂನ್ ವರೆಗೆ ಮತ್ತು ಸೆಪ್ಟೆಂಬರ್ ನಿಂದ ನವೆಂಬರ್ ವರೆಗೆ ಅನುಕೂಲಕರ ಸಮಯ.

(ಗಮನಿಸಿ: ಮೇಲೆ ನೀಡಲಾದ ಮಾಹಿತಿ ಅಂತಾರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆದರಿಸಿದೆ. ಮಾಹಿತಿ ನೀಡುವುದು ನಮ್ಮ ಏಕೈಕ ಉದ್ದೇಶವಾಗಿದೆ. ಯಾವುದೇ ಮಾಹಿತಿ ಅನುಷ್ಠಾನಕ್ಕೆ ತರುವ ಮುನ್ನ ಸಂಬಂಧಪಟ್ಟ ವೃತ್ತಿಪರರನ್ನು ಸಂಪರ್ಕಿಸಿ)

English summary

astrology nine planets transit in Zodiac Signs and stars in 2025- this zodiac signs will get wealth.