'ಇನ್ಮುಂದೆ ಶತ್ರುಗಳಲ್ಲ': ತಾಲಿಬಾನ್ಗೆ ರಷ್ಯಾ ಬೆಂಬಲಿಸುವುದಾದರೂ ಏಕೆ?
ಮಾಸ್ಕೋ, ಆ.17: ಹಲವು ದೇಶಗಳು ತಮ್ಮ ರಾಯಭಾರ ಕಚೇರಿಯನ್ನು ಖಾಲಿ ಮಾಡಲು ಮತ್ತು ಅಫ್ಘಾನಿಸ್ತಾನದಿಂದ ತಮ್ಮ ಸಿಬ್ಬಂದಿಯನ್ನು ವಾಪಾಸ್ ಕರೆಸಿಕೊಳ್ಳು ಹರಸಾಹಸ ಪಡುತ್ತಿರುವಾಗ, ರಷ್ಯಾ ಮಾತ್ರ ಅಫ್ಘಾನಿಸ್ತಾನದಲ್ಲಿಯೇ ಉಳಿದಿದೆ. ಕಾಬೂಲ್ನಲ್ಲಿ ತಾಲಿಬಾನ್ಗಳ ಆಗಮನಕ್ಕೆ ಮುನ್ನವೇ ರಷ್ಯಾ ಇದಕ್ಕೆ ಬೇಕಾದ ಬಹಳ ಸಮಯದಿಂದ ಸಿದ್ಧತೆ ನಡೆಸಿದೆ.
ಕಠಿಣ ಇಸ್ಲಾಮಿಸ್ಟ್ ಗುಂಪು 1980 ರ ಸೋವಿಯತ್ ವಿರುದ್ಧದ ಯುದ್ಧಕ್ಕೆ ತನ್ನ ಮೂಲವನ್ನು ಪತ್ತೆಹಚ್ಚಿದರೂ, ಈ ಗುಂಪಿನ ಮೇಲೆ ರಷ್ಯಾದ ದೃಷ್ಟಿಕೋನವು ಈಗ ಪ್ರಾಯೋಗಿಕವಾಗಿದೆ. ವಿಶ್ಲೇಷಕರು ಹೇಳುವಂತೆ ರಷ್ಯಾ ಮಧ್ಯ ಏಷ್ಯಾದಲ್ಲಿ ತನ್ನ ಹಿತಾಸಕ್ತಿಗಳನ್ನು ಕಾಪಾಡಿಕೊಳ್ಳಲು ಬಯಸುತ್ತದೆ. ಅಲ್ಲಿ ಅದು ಹಲವಾರು ಮಿಲಿಟರಿ ನೆಲೆಗಳನ್ನು ಹೊಂದಿದೆ. ಹಾಗೆಯೇ ಅಸ್ಥಿರತೆಯನ್ನು ತಪ್ಪಿಸಲು ಉತ್ಸುಕವಾಗಿದೆ. ಸಂಭಾವ್ಯ ಭಯೋತ್ಪಾದನೆ ಅದರ ಮನೆಬಾಗಿಲಿನ ಮೇಲೆ ಒಂದು ಪ್ರದೇಶದ ಮೂಲಕ ಹರಡುವುದನ್ನು ತಪ್ಪಿಸಲು ಕೂಡಾ ಕಾರ್ಯ ತಂತ್ರ ರೂಪಿಸಿದೆ.
ರಷ್ಯಾದ ವಿದೇಶಾಂಗ ಸಚಿವಾಲಯವು ಹೇಳಿಕೆಯ ಮೂಲಕ ಸೋಮವಾರ ಕಾಬೂಲ್ನಲ್ಲಿ ಪರಿಸ್ಥಿತಿ ಸ್ಥಿರವಾಗುತ್ತಿದೆ ಎಂದು ಹೇಳಿದೆ ಮತ್ತು ತಾಲಿಬಾನ್ಗಳು "ಸಾರ್ವಜನಿಕ ಸುವ್ಯವಸ್ಥೆಯನ್ನು ಪುನಃಸ್ಥಾಪಿಸಲು" ಆರಂಭಿಸಿವೆ ಎಂದು ಕೂಡಾ ರಷ್ಯಾದ ವಿದೇಶಾಂಗ ಸಚಿವಾಲಯವು ಹೇಳಿದೆ. ರಾಯಭಾರಿ ಡಿಮಿಟ್ರಿ ಜಿರ್ನೋವ್ರನ್ನು ಮಂಗಳವಾರ ಭೇಟಿಯಾಗಬೇಕಿದ್ದ ತಾಲಿಬಾನ್, ''ಈಗಾಗಲೇ ತನ್ನ ರಾಯಭಾರ ಕಚೇರಿಯನ್ನು ಕಾವಲು ಕಾಯುತ್ತಿದ್ದಾರೆ'' ಎಂದು ಹೇಳಿದರು. ಹಾಗೆಯೇ ತಾಲಿಬಾನ್ ಕಾವಲಿನಲ್ಲಿ ಕಟ್ಟಡವು ಸುರಕ್ಷಿತವಾಗಿರುತ್ತದೆ ಎಂದು ಮಾಸ್ಕೋ ಗ್ಯಾರಂಟಿ ನೀಡಿದೆ ಎಂದು ಕೂಡಾ ತಿಳಿಸಿದ್ದಾರೆ.
ರಷ್ಯನ್ನರ ಒಂದೇ ಒಂದು ಕೂದಲು ಉದುರದು!
ಭಯೋತ್ಪಾದಕರು ರಷ್ಯನ್ನರಿಗೆ ತಮ್ಮ ರಾಜತಾಂತ್ರಿಕರ "ಒಂದೇ ಒಂದು ಕೂದಲು ಉದುರುವುದಿಲ್ಲ" ಎಂದು ಭರವಸೆ ನೀಡಿದ್ದಾರೆ ಎಂದು ರಷ್ಯಾ ರಾಯಭಾರಿ ಡಿಮಿಟ್ರಿ ಜಿರ್ನೋವ್ ಹೇಳಿದ್ದಾರೆ. 1992 ರಲ್ಲಿ ಅಫ್ಘಾನಿಸ್ತಾನದಲ್ಲಿ ಕೊನೆಯ ಬಾರಿಗೆ ಹಾರ್ಡ್ಲೈನರ್ಗಳು ಅಧಿಕಾರಕ್ಕೆ ಬಂದಿದ್ದ ಸಂದರ್ಭಕ್ಕಿಂತ ಇದು ಸಂಪೂರ್ಣ ಭಿನ್ನವಾಗಿದೆ. ಒಂದು ದಶಕದ ಸುದೀರ್ಘ ಯುದ್ಧದ ನಂತರ ಮಾಸ್ಕೋ ತನ್ನ ರಾಯಭಾರ ಕಚೇರಿಯನ್ನು ಬೆಂಕಿಯ ಅಡಿಯಿಂದ ಸ್ಥಳಾಂತರಿಸಲು ಹೆಣಗಿತ್ತು. ಆದರೆ ಮೂರು ದಶಕಗಳ ನಂತರ, ಕ್ರೆಮ್ಲಿನ್ ಮಾಸ್ಕೋದಲ್ಲಿ ಮಾತುಕತೆಗೆ ಹಲವು ಬಾರಿ ತಾಲಿಬಾನ್ಗೆ ಆತಿಥ್ಯ ನೀಡುವ ಮೂಲಕ ತಾಲಿಬಾನ್ನ ಅಂತಾರಾಷ್ಟ್ರೀಯ ವಿಶ್ವಾಸಾರ್ಹತೆಯನ್ನು ಹೆಚ್ಚಿಸಿದೆ. ತಾಲಿಬಾನ್ ರಷ್ಯಾದಲ್ಲಿ ನಿಷೇಧಿತ ಭಯೋತ್ಪಾದಕ ಸಂಘಟನೆಯಾಗಿದ್ದರೂ ಕೂಡಾ ರಷ್ಯಾದ ಈ ಮಾತುಕತೆಯ ಮೂಲಕ ವಿಶ್ವಾಸಾರ್ಹತೆಯನ್ನು ಹೆಚ್ಚಿಸಿದೆ. ಇನ್ನೊಂದೆಡೆ ತನ್ನ ಬೆಂಬಲಕ್ಕೆ ಬೇರೆ ದೇಶಗಳು ನಿಲ್ಲಬೇಕು ಎಂಬ ನಿಟ್ಟಿನಲ್ಲಿ ತಾಲಿಬಾನ್ ಈ ಹಿಂದೆಯೇ ಬೇಕಾದ ಎಲ್ಲಾ ತಯಾರಿಗಳನ್ನು ಮಾಡಿಕೊಂಡಿದೆ ಎಂದು ಕೂಡಾ ನಾವು ಹೇಳಬಹುದು.
ರಷ್ಯಾದ ತಾಲಿಬಾನ್ ಜೊತೆ ಮಾತುಕತೆ ನಡೆಸಿದ್ದು ಏಕೆ?
ರಷ್ಯಾದ ಈ ಮಾತುಕತೆಯ ಉದ್ದೇಶ, ಸಂಘರ್ಷಗಳು ನೆರೆಯ ರಾಷ್ಟ್ರಗಳಿಗೆ ಹರಡುವುದನ್ನು ನಿಲ್ಲಿಸುವುದು ಮತ್ತು ಅದರ ಮಧ್ಯ ಏಷ್ಯಾದ ನೆರೆ ರಾಷ್ಟ್ರಗಳಲ್ಲಿ ಭಯೋತ್ಪಾದನೆ ಹೆಚ್ಚಾಗುವುದನ್ನು ನಿಲ್ಲಿಸುವುದು ಆಗಿದೆ ಎಂದು ವಿಶ್ಲೇಷಕರು ಹೇಳುತ್ತಾರೆ. ಹಾಗೆಯೇ ಅಲ್ಲಿ ರಷ್ಯಾ ಸೇನಾ ನೆಲೆಗಳನ್ನು ನಿರ್ವಹಿಸುತ್ತಿದೆ ಎಂದು ವಿಶ್ಲೇಷಕರು ತಿಳಿಸಿದ್ದಾರೆ. "ನಾವು ಮಧ್ಯ ಏಷ್ಯಾದಲ್ಲಿ ಶಾಂತಿ ನೆಲೆಸಲು ಬಯಸಿದರೆ, ನಾವು ತಾಲಿಬಾನ್ ಜೊತೆ ಮಾತನಾಡಬೇಕು," ಎಂದು ಮಾಸ್ಕೋ (ರಷ್ಯಾ) ನೇತೃತ್ವದ ಸಾಮೂಹಿಕ ಭದ್ರತಾ ಒಪ್ಪಂದ ಸಂಸ್ಥೆಯ (ಸಿಎಸ್ಟಿಒ) ಮಾಜಿ ಪ್ರಧಾನ ಕಾರ್ಯದರ್ಶಿ ನಿಕೊಲಾಯ್ ಬೋರ್ಡಿಯುಜಾ ಈಗಾಗಲೇ ಹೇಳಿದ್ದಾರೆ. ಬೋರ್ಡಿಯುಜಾ ರಷ್ಯಾದ ರಾಯಭಾರ ಕಚೇರಿಯನ್ನು ಇನ್ನೂ ತೆರೆದಿರುವುದಕ್ಕೆ ಪ್ರಶಂಸಿಸಿದ್ದಾರೆ.
ರಷ್ಯಾ ವಿದೇಶಾಂಗ ಸಚಿವಾಲಯ ಮಾತ್ರ ಹೇಳುವುದೇ ಬೇರೆ
ವಾಷಿಂಗ್ಟನ್ನ ಯುದ್ಧದ ಪ್ರಯತ್ನಕ್ಕೆ ಮಧ್ಯ ಏಷ್ಯಾದ ಹಲವು ದೇಶಗಳು ಬೆಂಬಲವನ್ನು ನೀಡಿದ್ದರೂ, ತನ್ನ ಉತ್ತರ ನೆರೆಹೊರೆಯ ದೇಶಗಳಿಗೆ ಯಾವುದೇ ತೊಂದರೆ ನೀಡುವುದಿಲ್ಲ ಎಂದು ಭರವಸೆ ನೀಡಲು ತಾಲಿಬಾನ್ ಮುಂದಾಗಿದೆ. ರಷ್ಯಾ ರಾಯಭಾರಿ ಡಿಮಿಟ್ರಿ ಜಿರ್ನೋವ್, ''ತಾಲಿಬಾನ್ ಮಾಸ್ಕೋಗೂ ಆಶ್ವಾಸನೆಗಳನ್ನು ನೀಡಿದೆ," ಎಂದು ತಿಳಿಸಿದ್ದಾರೆ. ಅಫ್ಘಾನಿಸ್ತಾನವು "ಪ್ರಪಂಚದ ಎಲ್ಲಾ ದೇಶಗಳೊಂದಿಗೆ" ಶಾಂತಿಯುತ ಸಂಬಂಧವನ್ನು ಹೊಂದಬೇಕೆಂದು ರಷ್ಯಾ ಬಯಸುತ್ತದೆ ಮತ್ತು "ತಾಲಿಬಾನ್ ಈಗಾಗಲೇ ನಮಗೆ ಭರವಸೆ ನೀಡಿದೆ," ಎಂದು ಡಿಮಿಟ್ರಿ ಜಿರ್ನೋವ್ ಹೇಳಿದರು. ಆದರೆ ರಷ್ಯಾದ ವಿದೇಶಾಂಗ ಸಚಿವಾಲಯವು ತಾಲಿಬಾನ್ ಸರ್ಕಾರದೊಂದಿಗೆ ನಿಕಟ ಸಂಬಂಧಕ್ಕೆ ಧಾವಿಸುವುದಿಲ್ಲ ಎಂದು ಸೂಚಿಸಿದೆ, ಮನ್ನಣೆಯನ್ನು ನಿರ್ಧರಿಸುವ ಮೊದಲು ಗುಂಪಿನ ನಡವಳಿಕೆಯನ್ನು ಮೇಲ್ವಿಚಾರಣೆ ಮಾಡುವುದಾಗಿ ಹೇಳಿದೆ.
ಅಫ್ಘನ್-ರಷ್ಯಾ: ಸಾರ್ವಭೌಮತ್ವ vs ಭದ್ರತೆ
ಈ ಬೇಸಿಗೆಯಲ್ಲಿ ತಾಲಿಬಾನ್ನಿಂದ ಅಫ್ಘಾನಿಸ್ತಾನಕ್ಕೆ ದಾಳಿ ಮುಂದುವರಿದಾಗ, ರಷ್ಯಾ ತನ್ನ ಮಿತ್ರರಾಷ್ಟ್ರಗಳಾದ ಉಜ್ಬೇಕಿಸ್ತಾನ್ ಮತ್ತು ತಜಕಿಸ್ತಾನದೊಂದಿಗೆ ಅಫ್ಘಾನ್ ಗಡಿಯಲ್ಲಿ ಬಲದ ಪ್ರದರ್ಶನದಲ್ಲಿ ಯುದ್ಧ ಮಾಡಿಕೊಂಡಿದೆ. ಮಧ್ಯ ಏಷ್ಯಾ ತಜ್ಞ ಅರ್ಕಾಡಿ ಡಬ್ನೋವ್ "ಮಾಸ್ಕೋ ಈಗ ಈ ಪ್ರದೇಶದಲ್ಲಿ ತನ್ನ ಮಿಲಿಟರಿ ಉಪಸ್ಥಿತಿಯನ್ನು ಬಲಪಡಿಸಲು ನೋಡುತ್ತಿದೆ," ಎಂದು ಹೇಳಿದರು. "ಬೇರೆ ಬೇರೆ ಪ್ರದೇಶಗಳಿಗೆ, ಈ ದೇಶಗಳು ಮಾಸ್ಕೋದ ಸಹಾಯವನ್ನು ಸ್ವೀಕರಿಸಲು ನಿರ್ಬಂಧವನ್ನು ಹೊಂದಿರುತ್ತವೆ, ಆದರೆ ಯಾರೂ ತಮ್ಮ ಭದ್ರತೆಗಾಗಿ ತಮ್ಮ ಸಾರ್ವಭೌಮತ್ವವನ್ನು ವಿನಿಮಯ ಮಾಡಿಕೊಳ್ಳಲು ಬಯಸುವುದಿಲ್ಲ," ಎಂದು ಮಧ್ಯ ಏಷ್ಯಾ ತಜ್ಞ ಅರ್ಕಾಡಿ ಡಬ್ನೋವ್ ಹೇಳಿದರು. ಅಫ್ಘಾನಿಸ್ತಾನದ ಮೂರು ಮಧ್ಯ ಏಷ್ಯಾದ ನೆರೆಯ ದೇಶಗಳಾದ ಉಜ್ಬೇಕಿಸ್ತಾನ್, ತಜಕಿಸ್ತಾನ ಮತ್ತು ತುರ್ಕಮೆನಿಸ್ತಾನ್ ಸಂಘರ್ಷಕ್ಕೆ ವಿಭಿನ್ನ ವಿಧಾನಗಳನ್ನು ಹೊಂದಿವೆ ಎಂದು ಮಧ್ಯ ಏಷ್ಯಾ ತಜ್ಞ ಅರ್ಕಾಡಿ ಡಬ್ನೋವ್ ಒತ್ತಿ ಹೇಳಿದ್ದಾರೆ. ಉಜ್ಬೇಕಿಸ್ತಾನ್ ಮತ್ತು ತುರ್ಕಮೆನಿಸ್ತಾನ್ ತಾಲಿಬಾನ್ ಜೊತೆ ಉನ್ನತ ಮಟ್ಟದ ಮಾತುಕತೆ ನಡೆಸಿ ತಾಲಿಬಾನ್ ಆಡಳಿತವನ್ನು ಗುರುತಿಸುವ ಸಾಧ್ಯತೆಯಿದೆ, ಆದರೆ ತಜಾಕಿಸ್ತಾನ್ ಉಗ್ರಗಾಮಿಗಳೊಂದಿಗೆ ತೊಡಗಿಸಿಕೊಂಡಿಲ್ಲ ಎಂದು ವರದಿಯಾಗಿದೆ.
ಹಲವು ವರ್ಷದ ಮಾತುಕತೆಯ ಫಲ ರಷ್ಯಾ-ತಾಲಿಬಾನ್ ಬೆಂಬಲ
ತಾಲಿಬಾನ್ ಜೊತೆಗಿನ ರಷ್ಯಾದ ಮಾತುಕತೆಯು ಹಲವು ವರ್ಷಗಳನ್ನು ಹಿಡಿದಿದೆ. ಜುಲೈನಲ್ಲಿ ವಿದೇಶಾಂಗ ಸಚಿವ ಸೆರ್ಗೆಯ್ ಲಾವ್ರೊವ್ ತಾಲಿಬಾನ್ ಅನ್ನು "ಪ್ರಬಲ ಶಕ್ತಿ" ಎಂದು ವಿವರಿಸಿದರು ಮತ್ತು ಮಾತುಕತೆಯಲ್ಲಿ ಪ್ರಗತಿಯ ಕುಂಠಿತಕ್ಕೆ ಅಫ್ಘಾನ್ ಸರ್ಕಾರವನ್ನು ದೂಷಿಸಿದರು. "ನಾವು ಕಳೆದ ಏಳು ವರ್ಷಗಳಿಂದ ತಾಲಿಬಾನ್ ಸಂಘಟನೆಯೊಂದಿಗೆ ಸಂಪರ್ಕವನ್ನು ಸ್ಥಾಪಿಸುತ್ತಿರುವುದು ಏನೂ ಅಲ್ಲ," ಎಂದು ಕ್ರೆಮ್ಲಿನ್ ನ ಅಫ್ಘಾನಿಸ್ತಾನದ ಪ್ರತಿನಿಧಿ ಜಮೀರ್ ಕಾಬುಲೋವ್ ಸೋಮವಾರ ಎಖೋ ಮಾಸ್ಕ್ವಿ ರೇಡಿಯೋ ಕೇಂದ್ರಕ್ಕೆ ತಿಳಿಸಿದರು.
1980 ರ ದಶಕದಿಂದ ಸೋವಿಯತ್ ವಿರೋಧಿ ಮುಜಾಹಿದ್ದೀನ್ ಚಳುವಳಿಯಲ್ಲಿ ತಾಲಿಬಾನ್ ಬೇರುಗಳನ್ನು ಹೊಂದಿದ್ದರಿಂದ ಈ ಸಂಬಂಧವು ಅನೇಕ ಮಂದಿಯ ಹುಬ್ಬುಗಳು ಮೇಲೇರುವಂತೆ ಮಾಡಿದೆ. ಆದರೆ ಕಾರ್ನೆಗೀ ಮಾಸ್ಕೋ ಕೇಂದ್ರದ ಅಲೆಕ್ಸಾಂಡರ್ ಬೌನೊವ್ ರಷ್ಯಾ ಈಗ ತಾಲಿಬಾನ್ 1990 ರಲ್ಲಿ ಕೊನೆಯ ಬಾರಿಗೆ ಅಧಿಕಾರದಲ್ಲಿದ್ದಾಗ ಅಲ್-ಕೈದಾಕ್ಕೆ ಆಶ್ರಯ ನೀಡಿದ ನಂತರ ಬದಲಾಗಿದೆ ಎಂದು ನಂಬಿದೆ ಎಂದು ಕ್ರೆಮ್ಲಿನ್ನ ಅಫ್ಘಾನಿಸ್ತಾನದ ಪ್ರತಿನಿಧಿ ಜಮೀರ್ ಕಾಬುಲೋವ್ ಹೇಳಿದರು. "ಮುಜಾಹಿದ್ದೀನ್ನ ಈ ಆವೃತ್ತಿಯನ್ನು ಮಾಸ್ಕೋ ತನ್ನ ಶತ್ರುವಾಗಿ ನೋಡುವುದಿಲ್ಲ," ಎಂದು ಜಮೀರ್ ಹೇಳಿದರು.
(ಒನ್ಇಂಡಿಯಾ ಸುದ್ದಿ)
Click it and Unblock the Notifications
Sign in with Google