ಕೈ ಕೆಸರಾದರೆ ಬಾಯ್ಮಾಸರು

ಕೈ ಕೆಸರಾದರೆ ಬಾಯ್ಮಾಸರು

ಹಂ. ಕ. ರಾಮಪ್ರಿಯನ್‌, ಕ್ಲಾರ್ಕ್ಸ್‌ವಿಲ್‌, ಮೇರಿಲೆಂಡ್‌ [email protected] ಭೂಮಿಯನುತ್ತಿರೆ, ಬೀಜವ ಬಿತ್ತಿರೆ, ಕಳೆಯನು ಕಿತ್ತಿರೆ, ಪೈರುಗಳುಬೆಳೆಯುವುವಷ್ಟೇ; ಅಲ್ಲದೆ ಬೆಳೆಯವು, ಕೈ ಕೆಸರಾದರೆ ಬಾಯ್ಮಾಸರು. ಮಣ್ಣನು ಕೆತ್ತಿರೆ, ಸಸಿಗಳ ನೆಟ್ಟಿರೆ, ನೀರನು ಬಿಟ್ಟಿರೆ, ಹೂವುಗಳು ಅರಳುವುವಷ್ಟೇ; ಅಲ್ಲದೆ ಅರಳವು, ಕೈ ಕೆಸರಾದರೆ ಬಾಯ್ಮಾಸರು. ದನಗಳ ಸಾಕಿರೆ, ಹಾಲನು ಕರೆದಿರೆ, ಹೆಪ್ಪನು ಹಾಕಿರೆ, ಬಲು ಮೊಸರು ದೊರಕುವುದಷ್ಟೇ; ಅಲ್ಲದೆ ದೊರಕದು, ಕೈ ಕೆಸರಾದರೆ ಬಾಯ್ಮಾಸರು. ಶಾಲೆಗೆ ಹೋಗಿರೆ, ಪಾಠವ ಕೇಳಿರೆ, ಹಗಲಿರುಳೋದಿರೆ, ವಿದ್ಯೆಗಳು ತಲೆಗೇರುವುವೆಲೊ; ಅಲ್ಲದೆ ಏರವು, ಕೈ ಕೆಸರಾದರೆ ಬಾಯ್ಮಾಸರು. ಹಾಡಲು ಕಲಿತಿರೆ, ಬೆಳಗಾಗೆದ್ದಿರೆ, ಸಾಧನೆ ಮಾಡಿರೆ, ರಾಗಗಳು ಹೊರಹೊಮ್ಮುವುವೆಲೊ, ಅಲ್ಲದೆ ಹೊರಡವು, ಕೈ ಕೆಸರಾದರೆ ಬಾಯ್ಮಾಸರು. ಕಸುಬನು ಕಲಿತಿರೆ, ಕೆಲಸಕೆ ಹೋಗಿರೆ, ದಿನವಿಡಿ ದುಡಿದಿರೆ, ಸಂಬಳವು ಕೈಗೂಡುವುದೆಲೊ; ಅಲ್ಲದೆ ಕೂಡದು, ಕೈ ಕೆಸರಾದರೆ ಬಾಯ್ಮಾಸರು. ಶಿಸ್ತನು ಕಲಿತಿರೆ, ನಿಷ್ಠೆಯ ಪಡೆದಿರೆ, ಶಸ್ತ್ರವ ಪಿಡಿದಿರೆ, ಸೈನಿಕರು ಜಯವನು ಗಳಿಪರು; ಅಲ್ಲದೆ ಗಳಿಸರು, ಕೈ ಕೆಸರಾದರೆ ಬಾಯ್ಮಾಸರು. ವೈದ್ಯನ ಕಂಡಿರೆ, ಮಾತ್ರೆಯ ನುಂಗಿರೆ, ಪಥ್ಯದಿ ನಿಂತಿರೆ, ರೋಗಗಳು ಗುಣವಾಗುಗುವೆಲೊ; ಅಲ್ಲದೆ ಆಗವು, ಕೈ ಕೆಸರಾದರೆ ಬಾಯ್ಮಾಸರು. ಕೋಪವ ಶಮಿಸಿರೆ, ಕಾಮವ ದಮಿಸಿರೆ, ಭಕ್ತಿಯ ಬೆಳೆಸಿರೆ, ದೇವರೊಳು; ಮುಕ್ತಿಯ ಗಳಿಪನು; ಅಲ್ಲದೆ ಗಳಿಸನು, ಕೈ ಕೆಸರಾದರೆ ಬಾಯ್ಮಾಸರು. Post your views

ಮುಖಪುಟ / ಎನ್‌ಆರ್‌ಐ