ಎಣ್ಣೆ ಬಂದಾಗ ಕಣ್ಣುಮುಚ್ಚಿಕೊಂಡಂತೆ

ಎಣ್ಣೆ ಬಂದಾಗ ಕಣ್ಣುಮುಚ್ಚಿಕೊಂಡಂತೆ

ಹಂ. ಕ. ರಾಮಪ್ರಿಯನ್‌, ಕ್ಲಾರ್ಕ್ಸ್‌ವಿಲ್‌, ಮೇರಿಲೆಂಡ್‌ [email protected] ಗಾಣಕೆ ಕಡಲೇಕಾಯಿಯ ಹಾಕುತ ಗಂಟೆಗಳಾಗಿರೆ ತಿರುಗಿಸುತ ಎಣ್ಣೆಯು ಬರುತಿರೆ ಕಣ್ಣನು ಮುಚ್ಚುವುದೆಂಥ ಮೂರ್ಖತನ ಹೇಳುವಿರಾ? ಪರೀಕ್ಷೆ ಬರಲಿದೆ ಎನ್ನುವ ಭಯದಿಂ ಹಗಲಿರುಳೋದಿದ ವಿದ್ಯಾರ್ಥಿ ಪ್ರಶ್ನೆಪತ್ರಿಕೆಯ ಮೇಗಡೆ ತಲೆಯನ್ನಿಟ್ಟು ನಿದ್ರಿಪುದ ನೋಡಿದಿರಾ? TVಯ ಮೊಗದಲಿ ಪತ್ತೇದಾರಿಯ ಚಿತ್ರವ ನೋಡುತ ಕುಳಿತವನು ಕೊನೆಯ ದೃಶ್ಯಗಳ ನೋಡುವ ಮೊದಲೇ ನಿದ್ರೆ ಮಾಡಿದುದ ನೋಡಿದಿರಾ? ದಿನವಿಡಿ carಅನ್ನಾರ್ನೂರ್ಮೈಲಿಗಳೋಡಿಸಿ ಬಂದಿಹ ಚಾಲಕನು ಮುಳುಗುತ ಹರಟೆಯಾಳ್‌ exitಅನ್ನೇ ಮರೆತು ಮೀರಿದುದ ನೋಡಿದಿರಾ? ಹಠದಿಂ ಕಿಟಕಿಯ ಪಕ್ಕದಾಸನವ ಪಡೆದು ವಿಮಾನದಿ ಕುಳಿತವನು Grand Canyonಇನ ಮೇಗಡೆ ಹಾರುತ ಗೊರಕೆ ಹೊಡೆಯುವುದ ನೋಡಿದಿರಾ? ಹಾಡಲು ಕಲಿಯುತ ವರುಷ ವರುಷಗಳು ಪರಿಣತಿ ಪಡೆದಿಹ ಪಂಡಿತನು ಮೊದಲ ಕಛೇರಿಗೆ ಮುನ್ನ ಹೆಂಡವನು ಕುಡಿದು ತೊದಲಿದುದ ಕೇಳಿದಿರಾ? ಬೆಂಗಳೂರಿನಲ್ಲಿ ಕರಗವ ನೋಡಲು ಕಾದವ ಕಳೆಯುತ ಗಂಟೆಗಳ ಕರಗವು ಬರುತಿರೆ, ಶೌಚಾಲಯದಲ್ಲಿ ಕುಳಿತಂತಹ ಕಥೆ ಕೇಳಿದಿರಾ? ವರುಷ ವರುಷಗಳು ಕಣ್ಗಳ ಮುಚ್ಚಿಯೆ ತಪವನು ಮಾಡಿದ ಋಷಿಯಾಬ್ಬ ನರ್ತಕಿ ಝಣಝಣ ಶಬ್ದವ ಮಾಡಿರೆ ಕಣ್ಗಳ ತೆಗೆದುದ ಕೇಳಿದಿರಾ? ವೆಂಕಟರಮಣನ ಸೇವೆಗೆ ತಿರುಪತಿಬೆಟ್ಟವ ಕಷ್ಟದಿ ಹತ್ತಿದವ ಹೋಟಲ ಕೋಣೆಯಾಳ್‌ ಇಸ್ಪೀಟಾಟವನಾಡುತ ಕುಳಿತುದ ನೋಡಿದಿರಾ? ನಾನು ಬರೆಯುವ ಕವನಗಳ ಬಗ್ಗೆ ಕೆಲವರು ಹಳೆಗನ್ನಡದಲ್ಲಿ (ಅಥವಾ ಹಳೆಗನ್ನಡವನ್ನು ಕೂಡಿಸಿ) ಬರೆಯುವುದರಿಂದ ಸ್ವಲ್ಪ ಅರ್ಥವಾಗುವುದು ಕಷ್ಟ ಎಂದು ಟೀಕಿಸಿದ್ದರು. ಅಂಥವರಿಗೋಸ್ಕರ, ಮಾತಾಡೋ modern ಕನ್ನಡದಲ್ಲಿ, ಮೇಲೆ ಬರೆದಿರೋ ಕವನ ಹೀಗಾಗಬಹುದು. ಇದನ್ನು ಅಮೆರಿಕನ್ನಡಿಗರಿಗೆ ಬಹಳ ಪರಿಚಿತವಾದ Yankee Doodle Dandy ಎಂಬ ಹಾಡಿನ ಶೈಲಿಯಲ್ಲಿ ಕೆಳಕಂಡಂತೆ ಓದಬಹುದು : ಗಾಣಕ್ಕ ಡ್ಲೇಕಾಯನ್‌ ಹಾಕ್ತಾ ತಿರ್ಗಿಸ್ತಿದ್ದೋನೊಬ್ಬ ಎಣ್ಣೇ ಬರೋ time ಇಗ್‌ ಸರ್ಯಾಗ್‌ ಕಣ್ಮುಚ್ಕೊಂಡ್ಬಿಟ್ನಪ್ಪ Examಹತ್ರಾ ಆಯ್ತೂಂತ್‌ ಭಯಪಟ್ಟ್‌ ಓದ್ಕೊಂಡಿದ್ದೋನೊಬ್ಬ Question paper ಮೇಲೇ ತಲೆಯಿಟ್ಟ್‌ ನಿದ್ದೆಮಾಡಿದ್ನಪ್ಪ TVಲ್‌ mystery movieನ್‌ ನೋಡ್ತಾ ಕೂತ್ಕೊಂಡಿದ್ದೋನೊಬ್ಬ Final scene ಅನ್‌ ನೋಡೋಕ್ಮುಂಚೇ ನಿದ್ದೆಮಾಡಿದ್ನಪ್ಪ ದಿವ್ಸಾ ಪೂರ್ತೀ ಆರ್ನೂರ್‌ ಮೈಲಿ car drive ಮಾಡ್ದೋನೊಬ್ಬ ಹರ್ಟೇ ಕೊಚ್ಕೊಂಡ್‌ exitಬಂದಾಗ್‌ missಮಾಡ್‌ ಮುಂದ್‌ಹೋದ್ನಪ್ಪ Plane window seat ಬೇಕೂಂತ್‌ insist ಮಾಡ್ದೋನೊಬ್ಬ Grand canyonಇನ ಮೇಲ್‌ ಹಾರ್ತಿರೋವಾಗ್‌ ಗೊರ್ಕೆ ಹೊಡ್ದ್ಬಿಟ್ನಪ್ಪ ಭಾಳಾ ವರ್ಷ ಹಾಡೋಕ್ಕಲ್ತ್ಬಿಟ್ಟ್‌ ವಿದ್ವಾಂಸ್ನಾದೋನೊಬ್ಬ Stageಮೇಲ್‌ ಹತ್ತೋಕ್‌ ಮುಂಚೆ ಹೆಂಡ ಕುಡ್ದ್ಬಿಟ್ಟ್‌ ತೊದ್ಲಿದ್ನಪ್ಪ ಬೆಂಗ್ಳೂರ್‌ ಕರಗಾನ್‌ ನೋಡೋಕ್‌ ಭಾಳಾ ಗಂಟೆ ನಿಂತೋನೊಬ್ಬ ಕೊನೆಗೂ ಕರಗ ಬಂದಾಗ್‌ toilet ಮೇಲ್ಹೋಗ್‌ ಕೂತ್ಕೊಂಡ್ನಪ್ಪ ಭಾಳಾ ವರ್ಷ ಕಣ್ಮುಚ್ಕೊಂಡಿದ್‌ ತಪಸ್‌ ಮಾಡ್ದೋನೊಬ್ಬ ಕುಣ್ಯೋಳ್‌ ಗೆಜ್ಜೆ ಶಬ್ದ ಕೇಳ್ಬಿಟ್‌ ಕಣ್ಣನ್‌ ತೆಗ್ದ್ಬಿಟ್ನಪ್ಪ ತಿರ್ಪತಿ ವೆಂಕಟ್ರಮಣನ್‌ ಸೇವೇಗ್‌ ಬೆಟ್ಟ ಹತ್ದೋನೊಬ್ಬ Hotel roomನಲ್‌ ಸೇರ್ಕೊಂಡಿಸ್ಪೀಟ್‌ ಆಡ್ತಾ ಕೂತಿದ್ನಪ್ಪ (ಈ ಕವನದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಲು ಸಲಹೆಕೊಟ್ಟ ನನ್ನ ತಮ್ಮ ಕೃಷ್ಣಪ್ರಿಯ(ಕಪ್ಪಿನಿಯ)ನಿಗೆ ಹೃತ್ಪೂರ್ವಕ ಧನ್ಯವಾದಗಳು.) Post your views

ಮುಖಪುಟ / ಎನ್‌ಆರ್‌ಐ