ನ್ಯೂಜೆರ್ಸಿ ಕನ್ನಡಿಗ ರಾಜ್ ಪಾಟೀಲ್ ಕೊರಳಿಗೆ ಅಕ್ಕದ ಚುಕ್ಕಾಣಿ
ಬೆಂಗಳೂರು, ಆಗಸ್ಟ್ 21 : ನ್ಯೂಜೆರ್ಸಿಯ ಉತ್ಸಾಹಿ ಕನ್ನಡಿಗ ರಾಜ್ ಪಾಟೀಲ್ ಅವರು ಉತ್ತರ ಅಮೆರಿಕಾ ಕನ್ನಡ ಕೂಟಗಳ ಆಗರ (ಅಕ್ಕ)ದ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಇವರ ಜತೆಗೆ, 2015-16ನೇ ಸಾಲಿನ ಆಡಳಿತ ಮಂಡಳಿಯ ವಿವಿಧ ಹುದ್ದೆಗಳಿಗೆ ಇತರ ಐದು ಮಂದಿ ಪದಾಧಿಕಾರಿಗಳು ಆಯ್ಕೆಗೊಂಡಿದ್ದಾರೆ. ಹೆಸರುಗಳು ಇಂತಿವೆ.
* ರಾಜ್ ಪಾಟೀಲ್ - ಅಧ್ಯಕ್ಷ (ನ್ಯೂಜೆರ್ಸಿ)
* ಡಾ. ನವೀನ್ ಕೃಷ್ಣ - ಉಪಾಧ್ಯಕ್ಷ (ಮಿಸ್ಸೌರಿ)
* ರವಿ ಬೋರೇಗೌಡ - ಉಪಾಧ್ಯಕ್ಷ (ವರ್ಜೀನಿಯ)
* ಶರತ್ ಭಂಡಾರಿ - ಉಪಾಧ್ಯಕ್ಷ (ನ್ಯೂಯಾರ್ಕ್)
* ಧನಂಜಯ ಕೆಂಗಯ್ಯ - ಕಾರ್ಯದರ್ಶಿ (ಕ್ಯಾಲಿಫೋರ್ನಿಯ)
* ಚಂದ್ರು ಆರಾಧ್ಯ - ಖಚಾಂಜಿ (ನ್ಯೂಜೆರ್ಸಿ)
* ರಘು ಶಿವರಾಮ್ - ಜಂಟಿ ಕಾರ್ಯದರ್ಶಿ (ಕ್ಯಾಲಿಫೋರ್ನಿಯ)
* ಯಮುನಾ ನಾಗರಾಜ್ - ಜಂಟಿ ಕಾರ್ಯದರ್ಶಿ (ಉತ್ತರ ಕೆರೋಲಿನ)
* ಜಂಟಿ ಖಚಾಂಜಿಯ ಎರಡು ಹುದ್ದೆಗಳು ತೆರವಾಗಿರುತ್ತವೆ. ಈ ಎರಡೂ ಸ್ಥಾನಗಳನ್ನು ತುಂಬುವುದು ಅಧ್ಯಕ್ಷರ ವಿವೇಚನೆಗೆ ಬಿಟ್ಟಿರುತ್ತದೆ. ನೂತನ ಕಾರ್ಯಕಾರಿ ಮಂಡಳಿಯ ಪದಾಧಿಕಾರಿಗಳ ಕಿರು ಪರಿಚಯ ಇಲ್ಲಿದೆ.
ಈ ಚುನಾವಣೆಯ ಫಲಿತಾಂಶವನ್ನು ಚುನಾವಣಾ ಸಮಿತಿ ಗುರುವಾರ ಅಮೆರಿಕಾದಲ್ಲಿ ಪ್ರಕಟಿಸಿತು. ಸಮಿತಿಯಲ್ಲಿ ಅಕ್ಕ ಸಂಸ್ಥೆಯಲ್ಲಿ ಈ ಹಿಂದೆ ನಾನಾ ಹುದ್ದೆಗಳನ್ನು ಅಲಂಕರಿಸಿದ ಮೂವರು ಅನುಭವಿಗಳಿದ್ದರು. ಅವರುಗಳೆಂದರೆ, ಪಂಪ ಕನ್ನಡ ಕೂಟದ ರಮೇಶ್ ಗೌಡ (ಮಿಷಿಗನ್), ಕಾವೇರಿ ಕನ್ನಡ ಸಂಘದ ನಾಗಶಂಕರ್ (ವರ್ಜೀನಿಯ) ಮತ್ತು ವರ್ಜೀನಿಯಾದವರೇ ಆದ ಶಾಂತರಾಜ್ ಕೆಂಪಯ್ಯ.
Click it and Unblock the Notifications
Sign in with Google