ನಲವತ್ತನೇ ವರ್ಷಕ್ಕೆ ಕಾಲಿಟ್ಟ ಕೆಕೆಎನ್‌ಸಿ, ಕಂಗ್ರಾಟ್ಸ್

ಉತ್ತರ ಕ್ಯಾಲಿಫೋರ್ನಿಯಾ ಕನ್ನಡ ಕೂಟ, 2013ರಲ್ಲಿ ನಲವತ್ತನೇ ವರ್ಷಕ್ಕೆ ಕಾಲಿಟ್ಟಿದೆ. 2012ರಲ್ಲಿ ವಿಜಯ್ ಲಕ್ಷ್ಮಣ್ ಅವರ ಮುಂದಾಳತ್ವದಲ್ಲಿ ಕನ್ನಡ ಕೂಟವನ್ನು ಸಫಲವಾಗಿ ನಿರ್ವಹಿಸಿದ್ದರು. ವಿಜಯ್ ಲಕ್ಷ್ಮಣ್ ಅವರ ನಾಯಕತ್ವದಲ್ಲಿ, ಕನ್ನಡ ಕೂಟದ ಕಾರ್ಯಕ್ರಮಗಳು ಯಶಸ್ವಿಯಾಗಿ ಮೂಡಿ ಬಂದಿತ್ತು. ಡಿಸೆಂಬರ್ 14, 2012ರಂದು ಕನ್ನಡ ಕೂಟದ 2013ರ ಹೊಸ ತಂಡವನ್ನು ಪರಿಚಯಿಸಲು, ಫ್ರೀಮಾಂಟ್ ನಲ್ಲಿರುವ ಪೀಕಾಕ್ ಇಂಡಿಯನ್ ಕ್ಯುಸಿನ್ ನಲ್ಲಿ ಸಭೆ ಕರೆಯಲಾಗಿತ್ತು.

ಸಂಧ್ಯಾ ಸುಬ್ಬರಾಮು ಅವರ ಪ್ರಾರ್ಥನೆಯೊಂದಿಗೆ ಆರಂಭಗೊಂಡ ಈ ಸಭೆಯಲ್ಲಿ, 2013ರ ಅಧ್ಯಕ್ಷರಾಗಿರುವ ಶಾಂತಲಾ ಭಂಡಿಯವರು ತಮ್ಮ ಕಾರ್ಯಕಾರಿ ಸಮಿತಿಯನ್ನು ಕನ್ನಡ ಕೂಟದ ಸದಸ್ಯರಿಗೆ ಪರಿಚಯಿಸಿದರು.

ಕೆ.ಕೆ.ಎನ್.ಸಿ 2013ರ ಕಾರ್ಯಕಾರಿ ಸಮಿತಿ ಕೆಳಕಂಡಂತಿದೆ:

ಶಾಂತಲಾ ಭಂಡಿ - ಅಧ್ಯಕ್ಷೆ
ಧನಂಜಯ ಕೆಂಗಯ್ಯ - ಉಪಾಧ್ಯಕ್ಷರು
ವಸುಧಾ ಹೆಗಡೆ - ಉಪಾಧ್ಯಕ್ಷರು
ರವಿ ಕೃಷ್ಣಪ್ಪ - ಸದಸ್ಯತ್ವ - ಸದಸ್ಯತ್ವ ಮತ್ತು ಭಾಂದವ್ಯ/ಸದಸ್ಯತ್ವ ಮತ್ತು ಜನ ಸಂಪರ್ಕ ನಿರ್ವಹಣೆ
ಸಂತೋಷ್ ದೀಕ್ಷಿತ್ - ಕಾರ್ಯದರ್ಶಿ
ಸುದತ್ತ ಗೌತಮ್ - ಮನರಂಜನಾ ನಿರ್ವಹಣೆ
ಪ್ರಸಾದ್ ಐಯ್ಯಂಗಾರ್ - ಖಜಾಂಚಿ
ಸುರೇಶ್ ಬಾಬು - ಸಲಹೆಗಾರರು
ರಘು ಹಾಲೂರು - ಸಲಹೆಗಾರರು

ಈ ಸಭೆಯಲ್ಲಿ ರತ್ನ ಮಹೋತ್ಸವದ ಆಚರಣೆಯ ಬಗ್ಗೆ ಅಭಿಪ್ರಾಯಗಳನ್ನು ಸದಸ್ಯರ ಮುಂದಿಡಲಾಯಿತು. ಹೊಸ ಕಾರ್ಯಕಾರಿ ಸಮಿತಿ 2013ರಲ್ಲಿ ಕೆಲವು ಗುರಿಗಳನ್ನು ಇರಿಸಿಕೊಂಡು ಹೆಜ್ಜೆ ಇಡುತ್ತಿದೆ. ಅವುಗಳು:

- ಕನ್ನಡ ಕೂಟದ ಸದಸ್ಯರ ಸಂಖ್ಯೆಯನ್ನು ಹೆಚ್ಚುಗೊಳಿಸುವುದು.
- ಯುವಜನರನ್ನು ಹೆಚ್ಚಾಗಿ ತೊಡಗಿಸಿಕೊಳ್ಳುವ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವುದು.
- ಕೆ.ಕೆ.ಎನ್.ಸಿ ಸಂಸ್ಥೆಯನ್ನು, ಬೇ ಏರಿಯಾದಲ್ಲಿ ಪ್ರಮುಖ Non-Profit Organization ಆಗಿ ಗುರುತಿಸಿಕೊಳ್ಳುವುದು.

ಸಭೆಗೆ ಬಂದಿದ್ದ ಕೂಟದ ಸದಸ್ಯರು, ಸ್ವಪರಿಚಯ ಮಾಡಿಕೊಂಡು ಉತ್ತಮ ಕಾರ್ಯಕ್ರಮಗಳನ್ನು ನೀಡಲು ಸಹಾಯವಾಗುವಂತಹ ಸಲಹೆಗಳನ್ನು ನೀಡಿದರು. ಈ ಸಭೆಯಲ್ಲಿ ಶುಭ ಕುಲಕರ್ಣಿ ಮತ್ತು ಶ್ರೀನಿವಾಸ ಮೂರ್ತಿಯವರು ಜನಪ್ರಿಯ ಕನ್ನಡ ಚಲನಚಿತ್ರ ಗೀತೆಗಳನ್ನು ಹಾಡಿ ಸದಸ್ಯರಿಗೆ ಮನರಂಜನೆ ನೀಡಿದರು. ಮಧು ಕೃಷ್ಣಮೂರ್ತಿಯವರ ಹಾಸ್ಯ ಚಟಾಕಿಗಳು ಸಭಿಕರನ್ನು ನಗೆಗಡಲಲ್ಲಿ ತೇಲಿಸಿತು.

English summary

New officer bearers for Kannada Koota Northern California (KKNC) has been appointed. Shantala Bhandi, active member of the organization, has been elected as new president of KKNC, a non-profit organization.