ಟೀಮ್ ಇಂಡಿಯಾದ ಮೊದಲ ಬ್ಯಾಚ್ ಮೇ 24 ರಂದು ಅಮೆರಿಕಕ್ಕೆ
ಭಾರತದಲ್ಲಿ ಸದ್ಯ ಐಪಿಎಲ್ ಹವಾ ಜೋರಾಗಿದೆ. ಸದ್ಯ ಅಭಿಮಾನಿಗಳು ಐಪಿಎಲ್ ಪ್ಲೇ ಆಫ್ ಲೆಕ್ಕಾಚಾರವನ್ನು ಆರಂಭಿಸಿವೆ. ಈ ಐಪಿಎಲ್ ಮುಗಿಯುತ್ತಿದ್ದಂತೆ ಟಿ20 ವಿಶ್ವಕಪ್ ಆರಂಭವಾಗಲಿದೆ. ಇದರ ತಯಾರಿ ಸಹ ಭರದಿಂದ ಸಾಗಿದೆ. ಈ ವಿಶ್ವಕಪ್ಗೆ ಸಂಬಂಧಿಸಿದಂತೆ ಒಂದು ಸುದ್ದಿ ಈಗ ಹೊರ ಬಿದ್ದಿದೆ.
ವೆಸ್ಟ್ ಇಂಡೀಸ್ ಹಾಗೂ ಅಮೆರಿಕದ ಆತಿಥ್ಯದಲ್ಲಿ ಟಿ20 ವಿಶ್ವಕಪ್ ಆಯೋಜಿಸಲಾಗುತ್ತಿದೆ. ಈ ಮೆಗಾ ಟೂರ್ನಿಯಲ್ಲಿ ಭಾರತ ಜೂನ್ 5 ರಿಂದ ತನ್ನ ಅಭಿಯಾನ ಆರಂಭಿಸಲಿದೆ. ಟೂರ್ನಿಗಾಗಿ ಭಾರತ ಪುರುಷರ ತಂಡ ಎರಡು ಹಂತಗಳಲ್ಲಿ ಆಯೋಜಿತ ದೇಶವನ್ನು ತಲುಪಲಿದೆ. ಮೊದಲ ಬ್ಯಾಚ್ನಲ್ಲಿ, ಕೋಚಿಂಗ್ ಸಿಬ್ಬಂದಿಯೊಂದಿಗೆ ಆ ಆಟಗಾರರು ಪ್ರಯಾಣ ಬೆಳೆಸಲಿದ್ದಾರೆ.
ಐಪಿಎಲ್ 2024 ರಲ್ಲಿ ಪ್ಲೇ ಆಫ್ಗೆ ಪ್ರವೇಶಿಸಲು ಸಾಧ್ಯವಾಗದ ತಂಡಗಳನ್ನು ಟಿ20 ವಿಶ್ವಕಪ್ಗೆ ಮುಂಚಿತವಾಗಿ ತಂಡವನ್ನು ತೊರೆಯಬಹುದು. ಉಳಿದ ಆಟಗಾರರು ಎರಡನೇ ಬ್ಯಾಚ್ನಲ್ಲಿ ನಿರ್ಗಮಿಸುತ್ತಾರೆ. ಇದನ್ನು ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ಖಚಿತಪಡಿಸಿದ್ದಾರೆ.
ಮೇ 24 ರಂದು ಮೊದಲ ಬ್ಯಾಚ್
ಟಿ20 ವಿಶ್ವಕಪ್ 2024ರ ಮೊದಲ ಬ್ಯಾಚ್ ಮೇ 24 ರಂದು ಅಮೆರಿಕಕ್ಕೆ ಹಾರಲಿದೆ. ಮುಂಬೈ ಇಂಡಿಯನ್ಸ್ ಮತ್ತು ಪಂಜಾಬ್ ಕಿಂಗ್ಸ್ ಐಪಿಎಲ್ 2024ರ ಪ್ಲೇ ಆಫ್ ರೇಸ್ನಿಂದ ಹೊರಬಿದ್ದಿವೆ. ಅಂತಹ ಪರಿಸ್ಥಿತಿಯಲ್ಲಿ, ಈ ತಂಡಗಳ ಆಟಗಾರರು ವಿಶ್ವಕಪ್ಗೆ ಮೊದಲು ಹೊರಡುತ್ತಾರೆ. ಮೇ 26 ರಂದು ನಡೆಯಲಿರುವ ಫೈನಲ್ ಪಂದ್ಯದ ನಂತರ ಕೊನೆಯ 4 ರೊಳಗೆ ಸ್ಥಾನ ಪಡೆದ ತಂಡಗಳ ಆಟಗಾರರು ಎರಡನೇ ಬ್ಯಾಚ್ನಲ್ಲಿ ಅಮೆರಿಕಕ್ಕೆ ತೆರಳಲಿದ್ದಾರೆ.
ಈ ಆಟಗಾರರಲ್ಲಿ ಭಾರತದ ನಾಯಕ ರೋಹಿತ್ ಶರ್ಮಾ, ಉಪನಾಯಕ ಹಾರ್ದಿಕ್ ಪಾಂಡ್ಯ, ಸೂರ್ಯಕುಮಾರ್ ಯಾದವ್, ಜಸ್ಪ್ರೀತ್ ಬುಮ್ರಾ ಮತ್ತು ಅರ್ಷದೀಪ್ ಸಿಂಗ್ ಸೇರಿದ್ದಾರೆ. ಇದಲ್ಲದೆ, ಪ್ಲೇಆಫ್ ರೇಸ್ನಿಂದ ಹೊರಗುಳಿಯುವ ಇತರ ತಂಡಗಳ ಆಟಗಾರರು ಸಹ ಮೊದಲ ಬ್ಯಾಚ್ಗೆ ಹೋಗುತ್ತಾರೆ.
ಮುಂಬೈ 8 ಅಂಕ
ಐಪಿಎಲ್ ಅಂಕಪಟ್ಟಿಯನ್ನು ಸದ್ಯ ಮುಂಬೈ ಇಂಡಿಯನ್ಸ್ ಕೊನೆಯಿಂದ ಮೂರನೇ ಸ್ಥಾನದಲ್ಲಿ. ಮುಂಬೈ ಆಡಿರುವ 12 ಪಂದ್ಯಗಳಲ್ಲಿ 4 ಜಯ, 8 ಸೋಲು ಕಂಡಿದ್ದು 8 ಅಂಕಗಳನ್ನು ಕಲೆ ಹಾಕಿದ್ದು ಪ್ಲೇ ಆಫ್ ರೇಸ್ನಿಂದ ದೂರವಿದೆ.
ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಟಿ20 ವಿಶ್ವಕಪ್ ತಂಡದಲ್ಲಿ ಸ್ಥಾನ ಪಡೆದ ಹಲವು ಆಟಗಾರರು ಇದ್ದಾರೆ. ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ, ಟೀಮ್ ಇಂಡಿಯಾ ಉಪನಾಯಕ ಹಾರ್ದಿಕ್ ಪಾಂಡ್ಯ, ಯಾರ್ಕರ್ ಸ್ಪೇಷಲಿಸ್ಟ್ ಜಸ್ಪ್ರಿತ್ ಬುಮ್ರಾ, ಮಿಡ್ಲ್ ಆರ್ಡರ್ ಬ್ಯಾಟರ್ ಸೂರ್ಯಕುಮಾರ್ ಮುಂಬೈ ತಂಡದ ಭಾಗವಾಗಿದ್ದಾರೆ. ಇನ್ನು ಪಂಜಾಬ್ ತಂಡದ ಯುವ ವೇಗದ ಬೌಲರ್ ಆರ್ಷದೀಪ್ ಸಿಂಗ್ ಸಹ ಫ್ಲೇಟ್ ಏರಲಿದ್ದಾರೆ.
Click it and Unblock the Notifications
Sign in with Google