Olympics 2024: ಲಕ್ಷ್ಯ ಸೇನ್ ಮೊದಲ ಗೆಲುವು ಲೆಕ್ಕಕ್ಕೆ ಇಲ್ಲ; ಹೀಗಾಗಿ ಈ ನಿರ್ಧಾರ
ಭಾರತದ ಸ್ಟಾರ್ ಆಟಗಾರ ಲಕ್ಷ್ಯ ಸೇನ್ ಅವರಿಗೆ ಹಿನ್ನಡೆ ಆಗಿದೆ. ಪ್ಯಾರೀಸ್ ಒಲಿಂಪಿಕ್ಸ್ನಲ್ಲಿ ಲಕ್ಷ್ಯ ಸೇನ್ ಮೊದಲ ಪಂದ್ಯದಲ್ಲಿ ಗೆಲುವು ದಾಖಲಿಸಿದ್ದರು. ಆದರೆ ಈಗ ಬಂದಿರುವ ಮಾಹಿತಿಯ ಪ್ರಕಾರ ಈ ಪಂದ್ಯವನ್ನು ರದ್ದುಗೊಳಿಸಲಾಗಿದೆ. ಇದು ಒಲಿಂಪಿಕ್ಸ್ ನಿಯಮಗಳ ಅಡಿಯಲ್ಲಿ ನಡೆದಿದೆ ಎಂದು ತಿಳಿಸಲಾಗಿದೆ.
ಒಲಿಂಪಿಕ್ಸ್ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಲಕ್ಷ್ಯ ಸೇನ್ ಗ್ವಾಟೆಮಾಲಾದ ಆಟಗಾರ ಕಾರ್ಡನ್ ಕೆವಿನ್ ಅವರನ್ನು ಮಣಿಸಿದ್ದರು. ಈ ಪಂದ್ಯದಲ್ಲಿ ಲಕ್ಷ್ಯ ಸೇನ್ 21-8 ರಿಂದ, 22-20 ರಿಂದ ಪಂದ್ಯವನ್ನು ಗೆದ್ದು ಬೀಗಿದ್ದರು. ಆದರೆ ಲಕ್ಷ್ಯ ಸೇನ್ ಗೆದ್ದ ಈ ಪಂದ್ಯವನ್ನು ಡಿಲೀಟ್ ಮಾಡಲಾಗಿದೆ.
ಡಿಲೀಟ್ ಮಾಡಲು ಕಾರಣವೇನು?
ಲಕ್ಷ್ಯ ಸೇನ್ ಆಡಿದ ಮೊದಲ ಪಂದ್ಯದಲ್ಲಿ ಕಾರ್ಡನ್ ಅವರನ್ನು ಮಣಿಸಿದ್ದರು. ಈ ಪ್ಲೇಯರ್ ಎಡ ಮೊಣಕೈ ಗಾಯದಿಂದಾಗಿ ಒಲಿಂಪಿಕ್ಸ್ನಿಂದ ಹಿಂದೆ ಸರಿದಿದ್ದಾರೆ. ನಿಯಮಗಳ ಅನುಸಾರವಾಗಿ ಇವರು ಆಡಿದ ಪಂದ್ಯವನ್ನು ಡಿಲೀಟ್ ಮಾಡಲಾಗುತ್ತದೆ.
ನಿಯಮಗಳ ಅನುಸಾರ ಆಟಗಾರ ಒಲಿಂಪಿಕ್ಸ್ ವೇಳೆ ಗಾಯಗೊಂಡು ಟೂರ್ನಿಯಿಂದ ಹೊರ ನಡೆದಿದ್ದೇ ಆದಲ್ಲಿ ಆ ಆಟಗಾರ ಆಡಿದ ಹಾಗೂ ಮುಂದೆ ಆಡುವ ಪಂದ್ಯಗಳನ್ನು ಡಿಲೀಟ್ ಮಾಡಲಾಗುತ್ತದೆ.
ಇಂಡೋನೇಷ್ಯಾದ ಜೊನಾಥನ್ ಕ್ರಿಸ್ಟಿ ಮತ್ತು ಬೆಲ್ಜಿಯಂನ ಜೂಲಿಯನ್ ಕ್ಯಾರಾಗಿ ವಿರುದ್ಧ ಅವರ ಉಳಿದಿರುವ ಎಲ್ ಗುಂಪಿನ ಪಂದ್ಯಗಳನ್ನು ಆಡಲಾಗುವುದಿಲ್ಲ ಎಂದು ಅದು ಹೇಳಿದೆ. ಈ ಗುಂಪಿನ ಪಂದ್ಯಗಳ ವೇಳಾಪಟ್ಟಿ ಮತ್ತೊಮ್ಮೆ ಏರು ಪೇರು ಮಾಡಲಾಗುತ್ತದೆ. ಗುಂಪು ಹಂತಕ್ಕಾಗಿ BWF ನ ಸ್ಪರ್ಧೆಯ ನಿಯಮಗಳಿಗೆ ಅನುಸಾರವಾಗಿ ಎಲ್ ಗುಂಪಿನ ಪಂದ್ಯಗಳನ್ನು ಕಾರ್ಡನ್ಗಳೊಂದಿಗೆ ಆಡಲಾಯಿತು ಎಂದು ಬ್ಯಾಡ್ಮಿಂಟನ್ ವಿಶ್ವ ಸಂಸ್ಥೆ ಹೇಳಿದೆ.
ಟೋಕಿಯೊ ಒಲಿಂಪಿಕ್ಸ್ನ ಸೆಮಿ-ಫೈನಲಿಸ್ಟ್ ಕಾರ್ಡೆನ್ನ ಗಾಯದ ಸಮಸ್ಯೆಯಿಂದ ಹಿಂದೆ ಸರಿದಿದ್ದರಿಂದ L ಗುಂಪಿನಲ್ಲಿ ಕೇವಲ ಮೂರು ಆಟಗಾರರು ಇದ್ದಾರೆ. ಇದರಲ್ಲಿ ಲಕ್ಷ್ಯ ಸೇನ್ ಜೊತೆಗೆ ಕ್ರಿಸ್ಟಿ ಮತ್ತು ಕ್ಯಾರಗಿ ಸೇರಿದ್ದಾರೆ. ಈ ಮೂಲಕ ಈ ಗುಂಪಿನಲ್ಲಿ ಮೂರು ಪಂದ್ಯಗಳನ್ನು ಆಡಲಿರುವ ಏಕೈಕ ಆಟಗಾರ ಲಕ್ಷ್ಯ ಆಗಲಿದ್ದಾರೆ. ಲಕ್ಷ್ಯ ಸೇನ್ ಈಗ ಸೋಮವಾರ ಕಾರಗಿ ಮತ್ತು ಬುಧವಾರದ ಅಂತಿಮ ಗುಂಪಿನ ಪಂದ್ಯದಲ್ಲಿ ಕ್ರಿಸ್ಟಿ ಅವರನ್ನು ಎದುರಿಸಲಿದ್ದಾರೆ.
ಪುರುಷರ ಡಬಲ್ಸ್ ಪಂದ್ಯ ರದ್ದು
ಜರ್ಮನಿಯ ಆಟಗಾರ ಮಾರ್ಕ್ ಲ್ಯಾಮ್ಸ್ಫಸ್ ಗಾಯದಿಂದ ಹಿಂದೆ ಸರಿದ ನಂತರ ಸಾತ್ವಿಕ್ಸಾಯಿರಾಜ್ ರಾಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಅವರ ಪುರುಷರ ಡಬಲ್ಸ್ ಸಿ ಗುಂಪಿನ ಪಂದ್ಯವನ್ನು ರದ್ದುಗೊಳಿಸಲಾಗಿದೆ. ಸೋಮವಾರ ಜರ್ಮನಿಯ ಲ್ಯಾಮ್ಸ್ಫಸ್ ಮತ್ತು ಮಾರ್ವಿನ್ ಸೀಡೆಲ್ ವಿರುದ್ಧದ ಪಂದ್ಯದಲ್ಲಿ ಭಾರತದ ಜೋಡಿ ಆಡಬೇಕಿತ್ತು. ಜರ್ಮನಿಯ ಪುರುಷರ ಡಬಲ್ಸ್ ಆಟಗಾರ ಮಾರ್ಕ್ ಲ್ಯಾಮ್ಸ್ಫಸ್ ಮೊಣಕಾಲಿನ ಗಾಯದಿಂದಾಗಿ ಪ್ಯಾರಿಸ್ ಒಲಿಂಪಿಕ್ ಕ್ರೀಡಾಕೂಟದ ಬ್ಯಾಡ್ಮಿಂಟನ್ ಸ್ಪರ್ಧೆಯಿಂದ ಹಿಂದೆ ಸರಿದಿದ್ದಾರೆ ಎಂದು ಬಿಡಬ್ಲ್ಯೂಎಫ್ ತಿಳಿಸಿದೆ.
ಶನಿವಾರ ನಡೆದ ಪಂದ್ಯದಲ್ಲಿ ಸಾತ್ವಿಕ್ ಮತ್ತು ಚಿರಾಗ್ 21-17, 21-14 ಅಂತರದಲ್ಲಿ ಫ್ರೆಂಚ್ ಜೋಡಿ ಲುಕಾಸ್ ಕೊರ್ವಿ ಮತ್ತು ರೊನಾನ್ ಲಾಬರ್ ವಿರುದ್ಧ ಜಯಗಳಿಸಿ ಅಭಿಯಾನ ಆರಂಭಿಸಿದರು. ಮಂಗಳವಾರ ನಡೆಯಲಿರುವ ಗುಂಪಿನ ಅಂತಿಮ ಪಂದ್ಯದಲ್ಲಿ ಭಾರತದ ಜೋಡಿ ಇಂಡೋನೇಷ್ಯಾದ ಫಜರ್ ಅಲ್ಫಿಯಾನ್ ಮತ್ತು ಮುಹಮ್ಮದ್ ರಿಯಾನ್ ಅರ್ಡಿಯಾಂಟೊ ಅವರನ್ನು ಎದುರಿಸಲಿದೆ.
ಇದುವರೆಗೆ ಭಾರತದ ಮನು ಭಾಕರ್ ಕಂಚಿನ ಪದಕವನ್ನು ಗೆಲ್ಲುವ ಮೂಲಕ ಪ್ರವಾಹವನ್ನು ತೆರೆದಿದ್ದಾರೆ. ಇಂದು ಭಾರತಕ್ಕೆ ಇನ್ನೂ ಕೆಲವು ಪದಕಗಳು ಬರುವ ನಿರೀಕ್ಷೆಯಿದೆ.
Click it and Unblock the Notifications
Sign in with Google