ತುಂಗಾ ನದಿ ಪಾಲಾಗುತ್ತಿದ್ದ ಪ್ರಯಾಣಿಕರನ್ನು ರಕ್ಷಿಸಿದ ಕಂಡಕ್ಟರ್!
ಶಿವಮೊಗ್ಗ, ಜೂನ್ 26 : ಕಂಡಕ್ಟರ್ ಸಮಯಪ್ರಜ್ಞೆಯಿಂದ ನೀರು ಪಾಲಾಗುತ್ತಿದ್ದ 25 ಮಂದಿ ಪ್ರಯಾಣಿಕರು ಮರುಜೀವ ಪಡೆದುಕೊಂಡ ಘಟನೆ ಶಿವಮೊಗ್ಗ-ತೀರ್ಥಹಳ್ಳಿ ರಸ್ತೆಯ ಮಂಡಗದ್ದೆಯಲ್ಲಿ ನಡೆದಿದೆ.
ಶಿವಮೊಗ್ಗದಿಂದ ಮಂಗಳೂರಿಗೆ ಹೊರಟಿದ್ದ ಕ್ರಿಸ್ತರಾಜ (ರೋಸಿ) ಬಸ್ನ ಪ್ರಯಾಣಿಕರು ಮಂಗಳವಾರ ತುಂಬಿ ನಿಂತಿದ್ದ ತುಂಗೆ ಪಾಲಾಗಬೇಕಿತ್ತು. ಆದರೆ, ಕಂಡಕ್ಟರ್ ಭಗವಾನ್ ಸಮಯ ಪ್ರಜ್ಞೆಯಿಂದಾಗಿ ಪ್ರಯಾಣಿಕರ ಜೀವ ಉಳಿದಿದೆ.
ಏನಿದು ಘಟನೆ ? : ಭಾರೀ ಮಳೆ ಹಿನ್ನಲೆಯಲ್ಲಿ ತೀರ್ಥಹಳ್ಳಿ ತಾಲೂಕಿನ ಮಂಡಗದ್ದೆ ಸಮೀಪ ರಸ್ತೆಯೆಲ್ಲಾ ಕೆಸರುಮಯವಾಗಿತ್ತು. ಬಸ್ ಮಂಡಗದ್ದೆ ಸಮೀಪದ 17ನೇ ಮೈಲುಗಲ್ಲು ಬಳಿ ಬಂದಾಗ ಕ್ರಿಸ್ತರಾಜ (ರೋಸಿ) ಬಸ್ನ ಚಾಲಕ ಅಪ್ಸರ್ ಗೆ ತಲೆಸುತ್ತು ಬಂದಿದ್ದು, ಬಸ್ ಸ್ಟೈರಿಂಗ್ ಕೈ ಬಿಟ್ಟಿದ್ದಾರೆ.
ಉಡುಪಿ-ಮಂಗಳೂರು ಬಸ್ ಆಗಿದ್ದರಿಂದ ಟಿಕೆಟ್ ಮಾಡಿ ಮುಗಿಸಿದ್ದ ಕಂಡಕ್ಟರ್ ಭಗವಾನ್, ಮುಂದಿನ ಸೀಟಿನಲ್ಲಿ ಕುಳಿತುಕೊಂಡಿದ್ದರು. ಡ್ರೈವರ್ ಪರಿಸ್ಥಿತಿ ನೋಡಿದ ತಕ್ಷಣ ಸ್ಟೈರಿಂಗ್ ತಿರುಗಿಸಿ ತುಂಗಾ ನದಿ ಕಡೆ ಹೋಗುತ್ತಿದ್ದ ಬಸ್ ತಿರುಗಿಸಿದ್ದಾರೆ.
ಇದರಿಂದಾಗಿ ಸುಮಾರು 25 ಜನರ ಜೀವ ಉಳಿದಿದೆ. ಈ ಅಘಘಾತದಿಂದಾಗಿ ಬಸ್ನಲ್ಲಿದ್ದ ಕೆಲವು ಪ್ರಯಾಣಿಕರು ಗಾಯಗೊಂಡಿದ್ದಾರೆ.
ಕಂಡಕ್ಟರ್ ಭಗವಾನ್ ತೀರ್ಥಹಳ್ಳಿಯ ಬದನೇಹಕ್ಲು ಗ್ರಾಮದವರಾಗಿದ್ದು, ಹೆಸರಿಗೆ ತಕ್ಕಂತೆ ಪ್ರಯಾಣಿಕರ ಪಾಲಿಗೆ 'ಭಗವಾನ್' ಆಗಿದ್ದಾರೆ. ಕಂಡಕ್ಟರ್ ಕಾರ್ಯವನ್ನು ಪ್ರಯಾಣಿಕರು ಶ್ಲಾಘಿಸಿದ್ದಾರೆ.
Click it and Unblock the Notifications
Sign in with Google