• search
ರಾಂಚಿ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾಕ್ಕೆ ಜಾರ್ಖಂಡ್ ನಲ್ಲಿ ನಿಷೇಧ

|

ಜಾರ್ಖಂಡ್ ಸರಕಾರವು ಮಂಗಳವಾರದಂದು ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ (ಪಿಎಫ್ ಐ) ಮೇಲೆ ನಿಷೇಧ ಹೇರಿದೆ. ದೇಶವಿರೋಧಿ ಚಟುವಟಿಕೆಗಳನ್ನು ನಿಗ್ರಹಿಸಲು ಹಾಗೂ ಐಎಸ್ ಐಎಸ್ ನಂಥ ಸಂಘಟನೆ ಜತೆ ಪಿಎಫ್ ಐಗೆ ನಂಟಿರುವ ಕಾರಣಕ್ಕೆ ಈ ನಿರ್ಧಾರ ಮಾಡಲಾಗಿದೆ ಎಂದು ಸರಕಾರದ ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.

ಅಪರಾಧ ಕಾನೂನು (ತಿದ್ದುಪಡಿ) ಕಾಯ್ದೆ, 1908ರ ಅಡಿಯಲ್ಲಿ ತಕ್ಷಣದಿಂದಲೇ ಅನ್ವಯ ಆಗುವಂತೆ ಪಿಎಫ್ ಐ ಅನ್ನು ನಿಷೇಧಿಸಲಾಗಿದೆ. ಅಧಿಸೂಚನೆಯಲ್ಲಿ ಹೇಳಿರುವ ಪ್ರಕಾರ, ಪಿಎಫ್ ಐಗೆ ಸದಸ್ಯರಾಗುವುದು, ದೇಣಿಗೆ ನೀಡುವುದು ಅಥವಾ ಅದರ ಮೂಲಭೂತ ವಿಚಾರಗಳ ಸಾಹಿತ್ಯವನ್ನು ತಮ್ಮ ಬಳಿ ಇಟ್ಟುಕೊಳ್ಳುವುದು ಅಥವಾ ಅವುಗಳನ್ನು ಮುದ್ರಿಸುವುದು ಅಪರಾಧ ಎನ್ನಲಾಗಿದೆ.

ಪಿಎಫ್ ಐ ನಿಷೇಧಕ್ಕೆ ಬಿಜೆಪಿ ಆಗ್ರಹ, ಪೊಲೀಸರಿಂದ ಜಲ ಫಿರಂಗಿ

ಪಿಎಫ್ ಐನ ಚಟುವಟಿಕೆಗಳು ವಿಪರೀತ ಹೆಚ್ಚಾಗಿರುವುದನ್ನು ಪರಿಶೀಲಿಸಲಾಯಿತು ಮತ್ತು ಅವುಗಳು ರಾಜ್ಯ ಮತ್ತು ದೇಶಕ್ಕೆ ಅಪಾಯಕರವಾಗಿದ್ದವು. ಶಾಂತಿ ಕದಡುವ, ಕೋಮು ಸೌಹಾರ್ದ ಹಾಳು ಮಾಡುವ ಹಾಗೂ ಜಾತ್ಯತೀತ ತತ್ವಕ್ಕೆ ಧಕ್ಕೆ ತರುವ ಸಾಮರ್ಥ್ಯ ಈ ಸಂಘಟನೆಗೆ ಇರುವುದರಿಂದ ಇಂಥ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಸಾಮಾಜಿಕ ವಿಭಜನೆ, ಭಾರತ ವಿರೋಧಿ ಹಾಗೂ ಪಾಕಿಸ್ತಾನ ಪರ ಘೋಷಣೆಗಳನ್ನು ಹರಡುತ್ತಿದೆ. ಐಎಸ್ ಐಎಸ್ ಹಾಗೂ ಜೆಎಂಬಿ ಜತೆ ನಂಟು ಹೊಂದಿದೆ ಎಂದು ಅಧಿಸೂಚನೆಯಲ್ಲಿ ಹೇಳಲಾಗಿದೆ. ಜಾರ್ಖಂಡ್ ನ ವಿವಿಧೆಡೆ ಹಿಂಸಾ ಕೃತ್ಯಗಳಲ್ಲಿ ಭಾಗಿಯಾಸ ಹಾಗೂ ದೇಶವಿರೋಧಿ ಘೋಷಣೆಗಳನ್ನು ಕೂಗಿದ ಆರೋಪ ಪಿಎಫ್ ಐ ವಿರುದ್ಧ ಇದೆ.

ಫೆಬ್ರವರಿ 12, 2018ರಲ್ಲಿ ಜಾರ್ಖಂಡ್ ಸರಕಾರ ಇದಕ್ಕೂ ಮುನ್ನ ಪಿಎಫ್ ಐ ಮೇಲೆ ನಿಷೇಧ ಹೇರಿತ್ತು. ಆದರೆ ಆಗಸ್ಟ್ 28ರಂದು ಜಾರ್ಖಂಡ್ ಹೈ ಕೋರ್ಟ್ ಸರಕಾರದ ಅಧಿಸೂಚನೆಯನ್ನು ಪಕ್ಕಕ್ಕೆ ಸರಿಸಿತ್ತು. ಗೆಜೆಟ್ ನಲ್ಲಿ ಈ ಬಗ್ಗೆ ಸರಕಾರ ಅಧಿಸೂಚನೆ ಹೊರಡಿಸಿಲ್ಲ ಎಂಬುದನ್ನು ಪ್ರಶ್ನಿಸಿ, ಪಿಎಫ್ ಐ ಸಂಘಟನೆಯ ನಿಷೇಧವನ್ನು ಮಾಡಬಾರದೆಂದು ಸದಸ್ಯ ಅಬ್ದುಲ್ ಬದುದ್ ಕೋರ್ಟ್ ಮೆಟ್ಟಿಲೇರಿದ್ದರು.

ಕೇರಳದಿಂದ ಕರ್ನಾಟಕದವರೆಗೆ: ಪಿಎಫ್ಐ ಹುಟ್ಟು ಮತ್ತು ಬೆಳವಣಿಗೆ

ಕರ್ನಾಟಕದಲ್ಲಿ ಹಿಂದೂ ಸಂಘಟನೆಗಳ ಹತ್ಯೆಗೆ ಸಂಬಂಧಿಸಿದಂತೆ ಪಿಎಫ್ ಐ ಕೈವಾಡವಿದೆ. ಆ ಸಂಘಟನೆಯನ್ನು ರಾಜ್ಯದಲ್ಲಿ ನಿಷೇಧಿಸಬೇಕು ಎಂದು ಬಿಜೆಪಿಯು ಆಗ್ರಹಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ಇನ್ನಷ್ಟು ರಾಂಚಿ ಸುದ್ದಿಗಳುView All

English summary
The Jharkhand government on Tuesday banned the Popular Front of India (PFI) in the state to curb its anti-national activities and for keeping links with terror outfits like ISIS, a government notification said.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more