ರಾಯಚೂರು ಜಿಲ್ಲೆಯಲ್ಲಿ ಸೋತವರು, ಗೆದ್ದವರು

ರಾಯಚೂರು, ಮೇ 18 : ಕರ್ನಾಟಕ ವಿಧಾನಸಭೆ ಚುನಾವಣಾ ಫಲಿತಾಂಶ ಪ್ರಕಟವಾಗಿದೆ. ರಾಯಚೂರು ಜಿಲ್ಲೆಯಲ್ಲಿ ಕಾಂಗ್ರೆಸ್ 3 ಕ್ಷೇತ್ರಗಳಲ್ಲಿ ಜಯಗಳಿಸಿದೆ. ಬಿಜೆಪಿ ಮತ್ತು ಜೆಡಿಎಸ್ 2 ಕ್ಷೇತ್ರಗಳಲ್ಲಿ ಜಯಗಳಿಸಿವೆ.

2013ರ ಚುನಾವಣೆಯಲ್ಲಿ ಕಾಂಗ್ರೆಸ್ 4, ಬಿಜೆಪಿ 1, ಜೆಡಿಎಸ್ ಎರಡು ಕ್ಷೇತ್ರಗಳಲ್ಲಿ ಜಯಗಳಿಸಿತ್ತು. ಈ ಬಾರಿ ಬಿಜೆಪಿ 1 ಸ್ಥಾನವನ್ನು ಹೆಚ್ಚಿಗೆ ಪಡೆದಿದೆ. ಚುನಾವಣೆ ಬಳಿಕ ರಾಯಚೂರು ಜಿಲ್ಲೆ ಕಾಂಗ್ರೆಸ್ ಭದ್ರಕೋಟೆಯಾಗಿದೆ.

ಕೃಷ್ಣಾ-ತುಂಗಭದ್ರಾ ನದಿಗಳ ನಡುವಣ ಎಡದೊರೆ ನಾಡೆಂದು ರಾಯಚೂರು ಪ್ರಸಿದ್ಧಿ ಪಡೆದಿದೆ. ಜಿಲ್ಲೆಯ ಲಿಂಗಸುಗೂರು ತಾಲೂಕು ಹಟ್ಟಿ ಚಿನ್ನದ ಗಣಿ ಹೊಂದಿದೆ. ಹಟ್ಟಿ ಒಂದು ಪಟ್ಟಣವೇ ಆಗಿ ಹೋಗಿದೆ. ದೇವದುರ್ಗ ತಾಲೂಕು ಕೃಷ್ಣಾ ನದಿಯನ್ನು ಗಡಿಯಾಗಿ ಹೊಂದಿದೆ.

2013ರ ಚುನಾವಣೆಯಲ್ಲಿ ಲಿಂಗಸಗೂರು ಕ್ಷೇತ್ರದಲ್ಲಿ ಜೆಡಿಎಸ್ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ಮಾನಪ್ಪ ವಜ್ಜಲ್ ಈ ಬಾರಿ ಬಿಜೆಪಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದರು. ಆದರೆ, ಚುನಾವಣೆಯಲ್ಲಿ 47,385 ಮತಗಳನ್ನು ಪಡೆದು ಸೋಲು ಕಂಡಿದ್ದಾರೆ.

ರಾಯಚೂರು ನಗರ ಕ್ಷೇತ್ರದಿಂದ 2013ರ ಚುನಾವಣೆಯಲ್ಲಿ ಜೆಡಿಎಸ್ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ಡಾ.ಶಿವರಾಜ್ ಪಾಟೀಲ್ ಅವರು ಬಿಜೆಪಿ ಸೇರಿದ್ದರು. ಈ ಬಾರಿಯ ಚುನಾವಣೆಯಲ್ಲಿ ಅವರು 56,511 ಮತಗಳನ್ನು ಪಡೆದು ಜಯಗಳಿಸಿದ್ದಾರೆ.

ರಾಯಚೂರು ಜಿಲ್ಲೆ ವಿಧಾನಸಭಾ ಕ್ಷೇತ್ರಗಳಲ್ಲಿ : ಗೆದ್ದವರು, ಸೋತವರ ವಿವರ ಹೀಗಿದೆ:

ಕ್ಷೇತ್ರ	ಗೆದ್ದವರು	ಪಕ್ಷ	ಪಡೆದ ಮತಗಳು	ಸೋತವರು	ಪಕ್ಷ	ಪಡೆದ ಮತಗಳು
ರಾಯಚೂರು ಗ್ರಾಮೀಣ	ಬಸನಗೌಡ ದದ್ದಲ	ಕಾಂಗ್ರೆಸ್	66,656	ತಿಪ್ಪರಾಜು ಹವಾಲ್ದಾರ್	ಬಿಜೆಪಿ	56,692
ರಾಯಚೂರು	ಡಾ.ಶಿವರಾಜ್ ಪಾಟೀಲ್	ಬಿಜೆಪಿ	56,511	ಸೈಯದ್ ಯಾಸೀನ್	ಕಾಂಗ್ರೆಸ್	45,520
ಮಾನ್ವಿ	ರಾಜಾ ವೆಂಕಟಪ್ಪ ನಾಯಕ	ಜೆಡಿಎಸ್	53,548	ಡಾ.ತನುಶ್ರೀ (ಪ್ರೀತಿ)	ಪಕ್ಷೇತರ	37,733
ದೇವದುರ್ಗ	ಕೆ.ಶಿವನಗೌಡ ನಾಯಕ	ಬಿಜೆಪಿ	67,033	ಎ.ರಾಜಶೇಖರ ನಾಯಕ	ಕಾಂಗ್ರೆಸ್	45,958
ಲಿಂಗಸುಗೂರು	ಡಿ.ಎಸ್.ಹೂಲಗೇರಿ	ಕಾಂಗ್ರೆಸ್	54,230	ಸಿದ್ದು ಬಂಡಿ	ಕಾಂಗ್ರೆಸ್	49,284
ಮಸ್ಕಿ	ಪ್ರತಾಪ್ ಗೌಡ ಪಾಟೀಲ್	ಕಾಂಗ್ರೆಸ್	60,387	ಬಸನಗೌಡ ತುರ್ವಿಹಾಳ	ಬಿಜೆಪಿ	60,174
ಸಿಂಧನೂರು	ವೆಂಕಟರಾವ್ ನಾಡಗೌಡ	ಜೆಡಿಎಸ್	71,514	ಬಾದರ್ಲಿ ಹಂಪನಗೌಡ	ಕಾಂಗ್ರೆಸ್	69,917

English summary

Karnataka Election Results 2018 Updates. Here is a list of candidates who won in Karnataka assembly elections 2018 in Raichur district.