ರಾತ್ರಿ ಕಳೆಯೋ ಹೊತ್ತಿಗೆ 80 ಅಡಿ ಉದ್ದದ ಸೇತುವೆ ಮಾಯ: ಒಂದು ತಿಂಗಳಲ್ಲಿ 3ನೇ ಘಟನೆ
ಬಿಹಾರ ಮೇ 4: ರಾತ್ರಿ ಕಳೆದು ಬೆಳಗಾಗುವ ಹೊತ್ತಿಗೆ ಬಿಹಾರದ 80 ಅಡಿ ಉದ್ದದ ಸೇತುವೆ ಮಾಯವಾಗಿದೆ. ಹಣಕ್ಕಾಗಿ ಕಳ್ಳರು ಈ ಸೇತುವೆಯನ್ನೇ ರಾತ್ರೋ ರಾತ್ರಿ ಕಳ್ಳತನ ಮಾಡಿದ್ದಾರೆ.
ಬಿಹಾರದ ರೋಹ್ತಾಸ್ ಮತ್ತು ಜಹಾನಾಬಾದ್ ಜಿಲ್ಲೆಗಳಲ್ಲಿ ಎರಡು ಸೇತುವೆಗಳನ್ನು ಕಳವು ಮಾಡಿದ ಸುಮಾರು ಒಂದು ತಿಂಗಳ ನಂತರ, ಕಳ್ಳರು ಸೋಮವಾರ ರಾಜ್ಯದಲ್ಲಿ ಮತ್ತೊಂದು ಸೇತುವೆಯನ್ನು ಕದ್ದಿದ್ದಾರೆ. ಈ ಘಟನೆ ರಾಜ್ಯದ ಬಂಕಾ ಜಿಲ್ಲೆಯಲ್ಲಿ ವರದಿಯಾಗಿದೆ. ಬಿಹಾರದ ಸುಲ್ತಂಗಂಜ್ನಿಂದ ಜಾರ್ಖಂಡ್ನ ದಿಯೋಘರ್ಗೆ ತೆರಳುವ ಕನ್ವಾರಿಯಾಗಳ ಸಂಚಾರಕ್ಕೆ ಅನುಕೂಲವಾಗುವಂತೆ 45 ಲಕ್ಷ ರೂಪಾಯಿ ವೆಚ್ಚದಲ್ಲಿ 80 ಅಡಿ ಉದ್ದ ಮತ್ತು 15 ಅಡಿ ಅಗಲದ ಸೇತುವೆಯನ್ನು ನಿರ್ಮಿಸಲಾಗಿತ್ತು. ಆದರೆ ಹಣಕ್ಕಾಗಿ ಕಳ್ಳರು ಈ ಸೇತುವೆಯನ್ನೇ ಕದ್ದಿದ್ದಾರೆ.
ಘಟನೆಯ ಕುರಿತು ಪ್ರತಿಕ್ರಿಯಿಸಿದ ಬಂಕಾ ಜಿಲ್ಲೆಯ ಚಂದನ್ ಬ್ಲಾಕ್ನ ಬಿಡಿಒ ರಾಕೇಶ್ ಕುಮಾರ್, 'ಬೈದ್ಯನಾಥ ಅಣೆಕಟ್ಟಿನ ದೇವಸ್ಥಾನಕ್ಕೆ ಕನ್ವಾರಿಯಾ ಯಾತ್ರಿಕರಿಗಾಗಿ 2004 ರಲ್ಲಿ ನಿರ್ಮಿಸಲಾದ ಕಬ್ಬಿಣ ಮತ್ತು ಉಕ್ಕಿನ ಸೇತುವೆಯ ಶೇಕಡಾ 70 ರಷ್ಟು ಭಾಗ ಕಾಣೆಯಾಗಿದೆ. ಸೇತುವೆಯನ್ನು ಕೆಡವಲು ಗ್ಯಾಸ್ ಕಟ್ಟರ್ಗಳನ್ನು ಬಳಸಲಾಗಿದೆ. ಎಂದಿದ್ದಾರೆ.
ಕೆಲವು ವಾರಗಳ ಹಿಂದೆ, ನಳಂದ ಜಿಲ್ಲೆಯ ಜಹಾನಾಬಾದ್ನಿಂದ ಬಿಹಾರ್ಷರೀಫ್ಗೆ ಸಂಪರ್ಕ ಕಲ್ಪಿಸುವ ದರ್ಧಾ ನದಿಯ ರಸ್ತೆ ಸೇತುವೆಯನ್ನು ಕಳವು ಮಾಡಲಾಗಿತ್ತು. ಈ ವರ್ಷದ ಎಪ್ರಿಲ್ನಲ್ಲಿ, ಬಿಹಾರದ ರೋಹ್ತಾಸ್ ಜಿಲ್ಲೆಯಲ್ಲಿ 60 ಅಡಿ ನಿಷ್ಕ್ರಿಯಗೊಂಡ ಕಬ್ಬಿಣದ ಸೇತುವೆಯನ್ನು ಹಗಲು ಹೊತ್ತಿನಲ್ಲಿ ಕಳ್ಳರ ತಂಡವು ಸ್ಥಳೀಯ ಅಧಿಕಾರಿಗಳು ಮತ್ತು ಗ್ರಾಮಸ್ಥರ ಸಹಾಯದಿಂದ ಕದಿಯುವಲ್ಲಿ ಯಶಸ್ವಿಯಾಗಿತ್ತು. ರಾಜ್ಯದ ನೀರಾವರಿ ಇಲಾಖೆಯ ಅಧಿಕಾರಿಗಳಂತೆ ಸೋಗು ಹಾಕಿಕೊಂಡ ಕಳ್ಳರು ಗ್ಯಾಸ್ ಕಟ್ಟರ್ ಹಾಗೂ ಮಣ್ಣು ತೆಗೆಯುವ ಯಂತ್ರಗಳನ್ನು ಬಳಸಿ ಸೇತುವೆಯನ್ನು ಕೆಡವಿ ಮೂರು ದಿನಗಳಲ್ಲಿ ಸೇತುವೆ ಭಾಗಗಳನ್ನು ತೆಗೆದುಕೊಂಡು ಹೋಗಿದ್ದಾರೆ.
ಸೇತುವೆ ಕದ್ದ 8 ಜನರ ತಂಡವನ್ನು ಪೊಲೀಸರು ಬಂಧಿಸಿದ್ದರು. ದರೋಡೆಯ ಮಾಸ್ಟರ್ ಮೈಂಡ್ ನೀರಾವರಿ ಅಧಿಕಾರಿಯನ್ನು ಪೊಲೀಸರು ಬಂಧಿಸಿದ್ದರು. ಅವರ ಮಾರ್ಗದರ್ಶನದಲ್ಲಿ ದರೋಡೆ ನಡೆಸಲಾಗುತ್ತಿದೆ ಎಂದು ರೋಡ್ಸ್ ಜಿಲ್ಲಾ ಎಸ್ಪಿ ತಿಳಿಸಿದ್ದು, ಕಳ್ಳತನ ಮಾಡಲು ಬಳಸುತ್ತಿದ್ದ ಜೆಸಿಪಿ ಮತ್ತು 247 ಕೆಜಿ ಲೂಟಿ ಮಾಡಿದ ಕಬ್ಬಿಣವನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಎಸ್ಪಿ ತಿಳಿಸಿದ್ದರು.
Click it and Unblock the Notifications
Sign in with Google