ಪಾಕಿಸ್ತಾನದ ಮಗುವಿನ ಚಿಕಿತ್ಸೆಗೆ ವೀಸಾ ಕೊಡಿಸಿದ ಸಚಿವೆ ಸುಷ್ಮಾ

ನವದೆಹಲಿ, ಜೂನ್ 2: ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಮಾತು ಉಳಿಸಿಕೊಂಡಿದ್ದಾರೆ. ಪಾಕಿಸ್ತಾನದ ಎರಡೂವರೆ ತಿಂಗಳ ಮಗುವೊಂದರ ಚಿಕಿತ್ಸೆ ಸಲುವಾಗಿ ಭಾರತದ ವೈದ್ಯಕೀಯ ವೀಸಾ ಒದಗಿಸುವುದಾಗಿ ನೀಡಿದ್ದ ಮಾತಿನ ಪ್ರಕಾರ ಆ ಕುಟುಂಬಕ್ಕೆ ವೀಸಾ ದೊರಕಿಸಿ ಕೊಟ್ಟಿದ್ದಾರೆ.

ನನ್ನ ಮಗುವಿನ ಆರೋಗ್ಯ ಸ್ಥಿತಿ ಚೆನ್ನಾಗಿಲ್ಲ. ಅದರ ಚಿಕಿತ್ಸೆಗೆ ಭಾರತಕ್ಕೆ ಬರಬೇಕಿದೆ. ನಮಗೆ ವೀಸಾ ದೊರಕಿಸಿ ಕೊಡಿ ಎಂದು ಪಾಕಿಸ್ತಾನದ ವ್ಯಕ್ತಿಯೊಬ್ಬರು ಟ್ವಿಟ್ಟರ್ ಮೂಲಕ ಕೇಳಿಕೊಂಡಿದ್ದರು. ಇದೀಗ ಆ ಮಗುವಿನ ಕುಟುಂಬಕ್ಕೆ ನಾಲ್ಕು ತಿಂಗಳ ವೈದ್ಯಕೀಯ ವೀಸಾ ಕೊಡಲಾಗಿದೆ.[ಸುಷ್ಮಾ ಗೆ ಹೈದರಾಬಾದ್ ದಂಪತಿ ಮೊರೆ, ಇದು ಮತ್ತೊಂದು ಉಜ್ಮಾ ಪ್ರಕರಣ]

ಲಾಹೋರ್ ನಲ್ಲಿ ಎಂಜಿನಿಯರ್ ಅಗಿರುವ ಕನ್ವಲ್ ಸಿದ್ದಿಕ್ ಅವರು ಸಚಿವೆ ಸುಷ್ಮಾ ಸ್ವರಾಜ್ ಗೆ ಟ್ವೀಟ್ ಮಾಡಿದ್ದರು. ನನ್ನ ಎರಡೂವರೆ ತಿಂಗಳ ಮಗು ಹೃದಯ ಸಮಸ್ಯೆಯಿಂದ ಬಳಲುತ್ತಿದೆ. ಅದಕ್ಕೆ ವೈದ್ಯಕೀಯ ನೆರವಿನ ಅಗತ್ಯವಿದೆ ಎಂದು ಟ್ವೀಟ್ ಮಾಡಿದ್ದರು. ಎರಡೂ ದೇಶದ ಜನರೂ ಆ ಟ್ವೀಟ್ ವೈರಲ್ ಆಗುವಂತೆ ಮಾಡಿದ್ದರು.[ಪಾಕಿಸ್ತಾನಕ್ಕೆ ಹೋಗುವುದು ಸರಳ, ವಾಪಸ್ ಬರುವುದು ಕಷ್ಟ : ಉಜ್ಮಾ]

ಸನ್ನಿವೇಶದ ಗಾಂಬೀರ್ಯ ಅರ್ಥ ಮಾಡಿಕೊಂಡ ಸಚಿವೆ ಸುಷ್ಮಾ ಸ್ವರಾಜ್, ಆ ಮಗುವಿನ ತಂದೆಗೆ ವೈದ್ಯಕೀಯ ವೀಸಾ ದೊರಕಿಸುವ ಮಾತು ನೀಡಿದರು. ಆ ಮಗವಿಗೆ ವೈದ್ಯಕೀಯ ಚಿಕಿತ್ಸೆ ಸಿಗುವಂತೆ ಮಾಡುತ್ತೇನೆ ಎಂದಿದ್ದರು. ಆ ಮಗುವಿವ ತಂದೆಯ ನೆರವಿಗೆ ಬಂದ ಎಲ್ಲರಿಗೂ ಕೃತಜ್ಞತೆ ಹೇಳಿದ್ದಾರೆ.

ಮೇ ಮೂವತ್ತೊಂದರಂದು ಭಾರತೀಯ ಹೈ ಕಮಿಷನ್ ಗೆ ಭೇಟಿ ನೀಡಿ, ವೈದ್ಯಕೀಯ ವೀಸಾ ಕೊಡಲಾಗುವುದು ಎಂದು ಆ ಪಾಕಿಸ್ತಾನದ ವ್ಯಕ್ತಿಗೆ ಸುಷ್ಮಾ ಸ್ವರಾಜ್ ತಿಳಿಸಿದ್ದಾರೆ. ಅದರಂತೆ ಆ ಕುಟುಂಬಕ್ಕೆ ಭಾರತದ ವೀಸಾ ದೊರೆತಿದ್ದು, ಮಗುವಿಗೆ ಚಿಕಿತ್ಸೆ ಸಿಗಲಿದೆ.

English summary

A two and a half-month-old infant from Pakistan will get a chance at life thanks to Sushma Swaraj who kept up her promise of medical visa for the family. Following Sushma Swaraj's assurance on a tweet by a Pakistani man over his son's health condition, the external affairs ministry has granted four-month medical visa to the infant's family.