ಪಬ್ಲಿಕ್ ಟಾಯ್ಲೆಟ್ ನಿರ್ಮಾಣದಲ್ಲಿ ಕರ್ನಾಟಕ ನಂ.5
ನವದೆಹಲಿ, ಜುಲೈ, 07 : ಕೇಂದ್ರ ಸರ್ಕಾರ ಸ್ವಚ್ಚಭಾರತ ಅಭಿಯಾನದ ಅಡಿಯಲ್ಲಿ ಸಮುದಾಯ ಮತ್ತು ಸಾರ್ವಜನಿಕ ಶೌಚಾಲಯಗಳನ್ನು ಹಲವು ರಾಜ್ಯಗಳಲ್ಲಿ ನಿರ್ಮಾಣ ಮಾಡಿತ್ತು. ರಾಜ್ಯಗಳ ಪೈಕಿ ದೆಹಲಿಗೆ 1 ನೇ ಸ್ಥಾನ ಮತ್ತು ಕರ್ನಾಟಕ 5ನೇ ಸ್ಥಾನ ಪಡೆದುಕೊಂಡಿದೆ. ಮನೆವಾರು ಶೌಚಾಲಯ ನಿರ್ಮಾಣದಲ್ಲಿ ಗುಜರಾತ್ ಗೆ 1 ನೇ ಸ್ಥಾನ ಲಭಿಸಿದೆ.
ಕೇಂದ್ರ ಸರ್ಕಾರ ಅಕ್ಟೋಬರ್ನಲ್ಲಿ ಈ ಯೋಜನೆ ಆರಂಭಿಸಿದ ನಂತರ ದೆಹಲಿಯಲ್ಲಿ ಒಟ್ಟು 5776 , ಕರ್ನಾಟಕದಲ್ಲಿ 1,680, 2ನೇ ಸ್ಥಾನದಲ್ಲಿರುವ ಛತ್ತೀಸ್ ಗಡ 3,570, ಮಹಾರಾಷ್ಟ್ರ 2,520, ಚಂಡೀಗಢ 2,424 ನಷ್ಟು ಸಮುದಾಯ ಹಾಗೂ ಸಾರ್ವಜನಿಕ ಶೌಚಾಲಯಗಳನ್ನು ನಿರ್ಮಿಸಲಾಗಿತ್ತು. ಇದುವರೆಗೆ ಈ ಐದು ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶ ಸೇರಿದಂತೆ 86% ನಷ್ಟು ಶೌಚಾಲಯಗಳು ನಿರ್ಮಾಣವಾಗಿದೆ.[ಗಾಂಧಿ ಹೇಳಿ ಕೊಟ್ಟ ಮಂತ್ರ ಬೋಧಿಸಿದ ಮೋದಿ]
ಮನೆವಾರು ಶೌಚಾಲಯ ನಿರ್ಮಾಣದಲ್ಲಿ ಗುಜರಾತ್ (2,64,331) ಆಂಧ್ರಪ್ರದೇಶ, ಕರ್ನಾಟಕ, ಪಂಜಾಬ್ ಮತ್ತು ಮಹಾರಾಷ್ಟ್ರ ರಾಜ್ಯಗಳು ಪಡೆದುಕೊಂಡಿದೆ. ಸರ್ಕಾರ ಸ್ವಚ್ಚಭಾರತ ಅಭಿಯಾನದಿಂದ 5 ಲಕ್ಷ ಟಾಯ್ಲೆಟ್ ನಿರ್ಮಾಣ ಮಾಡುವ ಯೋಜನೆ ರೂಪಿಸಿದ್ದು, ನಗರಾಭಿವೃದ್ಧಿ ಸಚಿವಾಲಯ 82,438 ಶೌಚಾಲಯಗಳ ನಿರ್ಮಾಣಕ್ಕೆ ಅನುಮೋದನೆ ನೀಡಿದೆ.