ಕೊರೊನಾ ಸೋಂಕಿತರ ಮನೆ ಮುಂದೆ ಪೋಸ್ಟರ್ ಅಂಟಿಸಬೇಡಿ: ಸುಪ್ರೀಂ
ನವದೆಹಲಿ, ಡಿಸೆಂಬರ್ 09: ಕೊವಿಡ್ 19 ರೋಗಿಯ ಮನೆಯ ಎದುರು ಪೋಸ್ಟರ್ ಅಂಟಿಸುವುದು ಬೇಡ ಎಂದು ಸುಪ್ರೀಂಕೋರ್ಟ್ ಹೇಳಿದೆ.
ಕೊರೊನಾ ಸೋಂಕಿತರ ಮನೆ ಎದುರು ಈ ಮನೆಯಲ್ಲಿರುವವರಿಗೆ ಸೋಂಕು ತಗುಲಿದೆ, ಐಸೊಲೇಷನ್ನಲ್ಲಿರಿಸಲಾಗಿದೆ ಇಂತಹ ಯಾವುದೇ ಫಲಕಗಳನ್ನು ಅಳವಡಿಸುವಂತಿಲ್ಲ ಎಂದು ಸುಪ್ರೀಂಕೋರ್ಟ್ ಸ್ಪಷ್ಟಪಡಿಸಿದೆ.
ವಿಪತ್ತು ನಿರ್ವಹಣಾ ಕಾಯ್ದೆಯಡಿ ನಿರ್ದಿಷ್ಟ ನಿರ್ದೇಶನಗಳನ್ನು ನೀಡಿದಾಗ ಅಂತಹ ಸಂದರ್ಭಗಳಲ್ಲಿ ಮಾತ್ರ ಅಂತಹ ಪೋಸ್ಟರ್ಗಳನ್ನು ಅಳವಡಿಸಬಹುದಾಗಿದೆ. ಕೇಂದ್ರ ಸರ್ಕಾರವು ಈಗಾಗಲೇ ಮಾರ್ಗಸೂಚಿಯನ್ನು ಪ್ರಕಟಿಸಿದೆ ಹೀಗಾಗಿ ರಾಜ್ಯ ಸರ್ಕಾರವಾಗಲಿ, ಸ್ಥಳೀಯ ಆಡಳಿತವಾಗಲಿ ಯಾರೂ ಕೂಡ ಯಾವುದೇ ಕೊರೊನಾ ಸೋಂಕಿತರ ಮನೆ ಮುಂದೆ ಪೋಸ್ಟರ್ಗಳನ್ನು ಅಳವಡಿಸುವಂತಿಲ್ಲ ಎಂದಿದೆ.
ಕೊರೊನಾ ಸೋಂಕು ಆರಂಭದ ದಿನಗಳಲ್ಲಿ ಒಬ್ಬರಿಗೆ ಕೊರೊನಾ ಸೋಂಕು ತಗುಲಿದೆ ಎಂದರೆ ಆ ಬೀದಿಯನ್ನೇ ಬಂದ್ ಮಾಡಿಬಿಡುತ್ತಿದ್ದರು. ಕ್ರಮೇಣ ಕೊರೊನಾ ಸೋಂಕಿತರ ಅಕ್ಕಪಕ್ಕದಲ್ಲಿರುವ ಮನೆ, ಈಗ ಕೊರೊನಾ ಸೋಂಕಿತರ ಮನೆಯವರು ಮಾತ್ರ ಮನೆಯಿಂದ ಹೊರಬರುವಂತಿಲ್ಲ ಎಂದು ಹೇಳಿದ್ದಾರೆ.
ಕೊವಿಡ್ ರೋಗಿಗಳ ಮನೆ ಎದುರು ಪೋಸ್ಟರ್ ಅಳವಡಿಸುವಂತೆ ಯಾವುದೇ ಮಾರ್ಗಸೂಚಿಗಳಲ್ಲಿಲ್ಲ, ಮತ್ತು ಅದರ ಅಗತ್ಯವಿಲ್ಲ ಎಂದು ಸರ್ಕಾರ ಉನ್ನತ ನ್ಯಾಯಾಲಯಕ್ಕೆ ತಿಳಿಸಿತ್ತು.
Click it and Unblock the Notifications
Sign in with Google